滷友記 (加路連山道)

《滷友記 (加路連山道)》今日去左皇室堡睇阿童木😍睇完就開openrice睇下附近有咩好野食，見到有間個名似曾相識係荃灣有食過嘅餐廳係銅鑼灣都開左間分店，有飯有麵有小食又係附近咁就去試試佢😋🐷糖心蛋肉燥飯$54個飯一上枱隻蛋就已經加哂分😝肉燥除左有免治肉碎之外仲有細條狀肥瘦相間嘅豬肉，食得出有煎香過先滷煮。另外肉燥味道恰到好處，無死咸或者太淡，飯粒都係屬於乾身，配埋個肉燥同新鮮到脆口嘅蔥花真係無得輸一啖接一啖。🍜滷水牛筋魚蛋金錢肚蕃茄麵$59下午茶時間雙餸湯麵49蚊，加10蚊多一個餸🤣車仔麵式嘅叫法好滿足到我呢個貪食嘅吃貨☺️ 先講牛筋大舊得嚟滷得夠冧，骨膠原滿滿。金錢肚煮到入哂味之餘爽口，食完都無牙較軟！要讚下佢地選用左我好鍾意食嘅陳皮魚蛋，有細細個聯歡會大食會啲口味(小朋友細個唔食得咖哩🤣) 蕃茄湯甜甜酸酸夠開胃，配埋彈牙爽口嘅台式牛肉麵一流🫶🏻我地仲叫左個滷水豆腐小食，豆腐本身的豆香濃，同滷水汁好夾。經過長時間的滷製，豆腐吸哂滷汁嘅味道，口感軟滑。紅日下午茶時間都有位，最爽係炎炎夏日入到嚟叫兩杯足料自家製特飲，檸檬薏米水同蘋果雪梨雪耳真係透心涼😝食物、飲品、環境都好滿意。食物質素 ⭐️⭐️⭐️⭐️⭐️/5用餐體驗 ⭐️⭐️⭐️⭐️⭐️/5性價比 ⭐️⭐️⭐️⭐️⭐️/5如果你都想試下港台式滷水野，記得bookmark定呢間餐廳，約埋三五知己一齊嚟試下👨‍👨‍👧‍👦 地址: 銅鑼灣加路連山道5號地舖#cantonese #taiwanese #asianfood #hkfoodie #hkfoodblogger #hkfood #foodblogger #hk #hkig #hkigers #hkfoodblog #hkfoodstagram…查看更多

有朋友介紹過我呢間滷友記，今日經過，3點鐘又唔太多人 不用等位，就試一試～我哋2個人叫咗一個麵食、三個小食、一杯嘢飲一齊share，分別有：🍜滷友三寶麵 $57有金錢𦟌、金錢肚、牛筋，麵可以揀米粉、上海粗麵幼麵、撈麵，湯底都可以揀！有蕃茄湯、酸辣湯、滷水、麻辣。我哋要咗滷水米粉，首先三個餸都好入味，金錢𦟌好淋，份量啱啱好，食得晒～🉐推介🉐🥢椒鹽炸貢丸 $24好好味！我本身好鐘意食貢丸，雪櫃必備嘅食物之一，一來冬菇味好香、貢丸口感好，但估唔到都冇諗過拿去炸都得嘅！今日一試，有啲椒鹽，貢丸質感好，好好味喎！下次試吓我整唔整到先～🉐推介🉐🥦炸秋葵 $27之前都有食秋葵，釀魚肉煎啊、烚熟啊，凍食啊，但又係冇諗過可以炸，今次一試，口感好特別，較易入口，佢仲加咗蒜蓉落去，有啲味道更加好食！意想不到呢～🉐推介🉐🥢滷水豆腐 $27諗住食咗咁多炸嘢，就要返個滷水，滷水汁好味，唔太咸，對比啲炸嘢呢碟就清啲，有麻油香～🍎蘋果雪梨雪耳 $24（跟餐+$12）好味，清甜！冇冰啱晒我人，保留返原本味道、唔會沖淡咗👍🏻其實全部嘢食都好好味，我哋係食晒所有嘢，冇食剩！本身想食溏心蛋滷肉飯，太搶手嘅關係已經賣晒😕下次再試過啦💰$147🚩滷友記 (加路連山道) (銅鑼灣)📍銅鑼灣加路連山道5號地舖…查看更多

🇭🇰滷友記🥡🥢新店裝修幾靚 有台式既感覺主打食台式滷味 味道冇咁濃偏甜一點有車仔麵同埋飯 小食飲品選擇都幾多✔️價錢合理唔算貴 黎到試佢滷水湯底既麵有好多款揀 米粉 幼麵 粗麵 撈面 等等🍲滷水金錢展麵(💰$61)先試一個滷水麵 揀左粗麵湯底都有得揀 決定試佢地滷水湯底滷水係台式 唔係平時味道勁濃既潮州滷水滷水湯底調味適中 麵湯底淡淡地都不錯牛展花紋幾靚 肉質帶點爽口食落OK軟嫩 吸附左滷水味 但唔會太濃🍲招牌大滷面(💰$54)一樣揀左滷水湯底貪心鬼👩🏻又想試多幾款就叫左呢款👅有齊牛展 牛筋 牛肚 另外再加左最鐘意既蘿蔔牛筋煙煙 好有質感 幾正🥰牛肚切細 份量都算多蘿蔔有好幾件 夠大夠多汁冇渣✔️揀左手造爽脆米粉麵底 米粉同平時食到既好唔同粗身一點帶透明 食落幾掛湯同做到爽口🧈滷水豆腐 (💰$27)佢同平時食既滷水豆腐唔同冇左硬邊 但仍然企身滷水汁都相對冇咁濃👍🏻比較岩怕鹹既朋友仔😆🐙鹽酥炸墨魚丸(💰$24)墨魚丸都有4-5粒墨魚丸口感正正常常 雖然唔算好彈但鹽炸墨魚丸就係食外層個種惹味🤤如果再多點椒鹽就正🤣🍗滷水雞翼(💰$31/4pcs)雞翼有4隻大大隻都係充滿淡淡既滷水同芝麻八角味 不過不失😌🥚滷水溏心蛋(💰$13)淨係食到溏心 沒有滷水🐖滷水雙拼 豬肚 豬大腸 (💰$43)豬大腸感覺做得比豬肚出色肥美得黎味道出整體黎講小店感覺不錯✔️主打冇咁濃味既台式滷水店員都幾nice性價比高麵食比小食黎得出色推薦牛展牛筋蘿蔔😌…查看更多

銅鑼灣平價高質小店😋呢間小店喺荃灣都有返咁上下知名度知道佢銅鑼灣開新店就即刻沖去食🤤店名叫滷友記 顯而易見就係食滷水嘢食完佢碗面之後真係覺得滷味超好食強烈要求要出滷水拼盤🥲.🎈牛筋腩麻辣撈面 ($57)呢款撈麵可以選擇米粉 幼麵 粗麵 同撈面賣相好好 一碗簡單既撈麵都搵木盤去裝😋仲會另上一碗滷水汁 已經感覺到出品有誠意茶記價錢 超優質出品🤤🤤🤤👉牛筋腩 超級軟淋入味💯 牛肉既部分唔會太柴 而牛筋就剛好煮到入口即溶 直頭想單點多一份 之後發現Menu冇🥲🥲👉滷水汁幾有層次👍 食到花椒八角味 由於係台式既關係 味道就係偏甜既👉手造爽脆米粉米粉係手工做 型狀彎彎曲曲咁 而且米粉較幼身 超級掛汁👉麻辣汁一上碟就已經聞到好香嘅麻辣味唔會太辣但麻味十足 一流食路流口水🤤.🎈滷水豆腐 ($27)比起一般嘅港式豆腐硬身少少密度高啲更加容易入味 滷水汁有好重嘅八角味 加埋少少芝麻非常之香口 而且仲有十舊八舊性價比非常高🤤👍.🎈芝麻雞絲粉皮 ($47)雞絲粉皮可以選擇麻辣汁或者芝麻汁😋由於麵已經選擇左麻辣汁 粉皮就試吓芝麻汁首先份量已經非常有誠意 大大份幾乎有一個麵咁多👍超多芝麻同花生碎 增加左成個粉皮嘅層次感 粉皮本來就係冇乜味嘅 所以醬汁尤其重要呢個麻醬份量好多 唔會食食吓唔夠醬🤤麻醬味道係偏酸嘅 係一個幾開胃嘅冷盤.🎈蘋果雪梨雪耳汁 ($24; 跟餐+$12)見到佢Menu話係自家製產品就好想試吓果然係有驚喜嘅💯👏杯入邊有好多果肉 一路飲一路會食到啲蘋果雪梨雪耳肉感覺係好清爽好啱夏天飲🌞.🎈凍奶茶 ($22)本來係因為口渴所以最後散叫加多咗杯嘢飲衰鬼又幾好飲喎😂😂😂茶底有茶味亦都飲到有奶香 比起好多茶餐廳都好飲.🎈總括而言銅鑼灣如果想平平哋食個飯呢度真係一個好選擇食過每樣嘢都好高質 係用心出品嘅小店趁而家新開仲未係好多人就好快啲去食🥲目測會火 🔥 (重要嘢講多次 強烈要求推出滷水拼盤太好食了)…查看更多