滄浪亭

營業中

休息中

常到美孚但一直都未嚟過喱間受到不少人讚賞的上海面。今日終於的起心肝去試。晏晝1點鐘去到，已有4人喺前面等緊。等左約10分鐘就入到，算快。店內環境幾實好細好迫，坐得幾唔舒服，有人喺側邊行過一定要避。2個人共叫左一個嫩雞煨面，一個大排面同一個雞絲粉皮。嫩雞煨面：湯底有濃濃奶味，非常特別，雞肉及菜份量甚多，而且雞肉嫩滑，沒有令人失望。大排面：湯底比較起來算是普通，但炸豬扒粉夠薄、能吃到肉的原味，肉質鮮美，不會過乾，值得推薦。雞絲粉皮：水水的、粉皮未煮林，不值一提。

係美孚做完野放lunch，好似都幾多餐廳選擇，行左上平台，見到滄浪亭，食過紅磡有一間同名嘅，都係食上海菜式，相信質素有保證。舖頭細細，有幾個人係門外等外賣。一位就最容易搵位啦，揀左我最中意嘅嫰雞煨麵同場大部分人都係食呢款麵，出街食飯有菜係好感動嘅事😭感覺好適合懶人，撈埋一碗乜都有。😂首先係好香奶粉味，食落都有奶味，我男朋友當時叫呢碗麵做奶粉麵😂每一啖都有菜有肉有麵😍鮮味十足絕對係連湯都飲得曬！

午餐.一兩年前來過幾次每次來這店都要排隊等位/搭枱/坐到好逼今天12:15pm便來到 也不例外用餐環境雖然不太好但食物味道真的不錯所以還是會想再光顧.香酥雞麵 $52本來不想吃煎炸食物但看到旁邊點了這個又想試一試雞是剛炸好不久 還是熱騰騰的炸皮不算太厚配上店員另外給的醬汁真在很不錯忍不住整碟吃完了麵條的軟硬度亦很適中湯底也不怕太濃味.這價錢在屋邨小店來說不算便宜但食物真的很合我口味有機會還是會再來的

嫰雞煨麵- 在鹹香雞湯中，加入羶香牛奶，撞出象牙白色湯頭，口味濃重，增長食慾- 白色幼拉麵，滑溜微彈牙- 雞肉嫰滑，小棠菜爽脆但未至鮮甜*少於100呎的店面，坐了17名客人，確實擠擁

美孚新村入而真係暗藏左好多美食小店今次要介紹呢間上海菜小店 由幾個上海嬸嬸打理 可以話十分正宗要搵路都唔易 所以通常黎既都係街坊熟客見到門面都幾舊 加上店面唔大 每次去都幾乎坐無虛席黎到我每次都係食嫩雞煨麵 大大碗 好足料見到奶白色的湯麵上舖滿蔬菜同雞粒 令人食指大動首先講下個牛奶色的湯底 有奶香 好濃味 好鮮甜好多時食雞煨麵個麵都會煮到好林但呢度的麵底都拿捏得好好 軟硬度岩岩好加上超級多料 每一啖都有菜粒 雞粒 同埋麵加埋濃濃的湯底 令人愈食愈開胃不過由於店面比較細 要有心理準備要等位

1️⃣雞絲粉皮 $36 好味指數:8/10呢個真心好食，超重手的麻醬，真係好香濃入味呀‼️粉皮透薄得黎 又幾爽身下喎配埋雞絲 可以話係食唔停口送中不足，無青瓜😭 如果有就可以中和一下麻醬既濃味，就會無咁漏！2️⃣葱油開陽拌麵 $48 好味指數:7.5/10好簡單的配菜，蔥油同蝦乾蔥油係煎香左既，淋淋地之如好惹味蝦乾份量好足，同蔥油和麵一齊食好夾不過食到底層感覺有點油膩同漏-👅味道: 8/10🍽賣相: 7/10🏰環境：7/10🙇🏻‍♂️服務: 7/10💎CP值: 8/10⚖️人均：$50-100↩️回頭值：85%

關於哩間食店嘅好評同劣評，我都大致應同。的確，招呼唔會係100分，佢唔錯只有你錯，無他，大媽性格就係咁。價錢合理而且味道好好，有保證，所以好多時都要排隊，亦好多食品都係限量供應，遲D嚟都無得食。星期六日一定大排長龍，平日返工又早出晚歸，無乜機會食，難得是日上午有半日假，可以食完先返工。中午時份，剛開舖已好多人坐晒係入面，只有2，3個吉位，仲有人係出面等位/等外賣，一個人，自然方便D, 好快就被安排就座。目標明確，嫩雞煟麵，櫃面士頭婆用洪量嘅聲線向廚房落單，並寫下紙仔，可能剛剛走完第一輪雞煟麵，等咗10分鐘先有，已經係我印象中堂食等得最耐嘅一次。湯頭濃郁溫和，成碗滿滿嘅菜同雞肉，菜切得細塊但仍保留淡淡嘅清甜爽口，雞肉有鹹鮮，上海麵係白色細麵，稍為煮得淋，不過好易入口，係豐富美味嘅選擇。PS 本人有時會因為唔想等位而叫外賣，特別係星期六，日，建議最好係五分鐘路程可以坐低食先買，否則麵太淋影響口感。

叫左外賣⋯⋯⋯呢樣無樣無都算⋯⋯⋯早左兩個字黎攞⋯⋯⋯⋯有個呀姐叫我出門口等陣⋯⋯⋯⋯⋯等左大約四個字⋯⋯⋯見唔對路入去問下有得拎未⋯⋯⋯⋯點知另一個呀姐話我唔準時遲黎攞⋯⋯⋯⋯⋯但明明我一早到左但係叫我門口等⋯⋯⋯⋯⋯等完仲要比你地鬧⋯⋯⋯⋯貼錢買難受⋯⋯⋯⋯⋯食野又唔係特別好食⋯⋯⋯⋯仲發現錯單⋯⋯未試過買野食買到一肚氣⋯⋯⋯以後唔會幫襯😡⋯⋯第一次寫食評⋯⋯⋯⋯希望其他人唔好再貼錢買難受⋯⋯⋯⋯⋯

美孚睇落好似冇咩嘢食，而且都冇乜野行，不過比我發現到一間食滬菜既餐廳細細間，個老闆娘好有霸氣，會串客人，但係仍然好多人排隊，冇計啦！因為真係好味嘅我叫咗個熏魚麵（$50）食，佢熏到個湯底有啲焦味，但係唔會話好誇張，令到個湯底濃口左魚嘅份量都好多 但係有骨，所以要小心刺，不過其實都好大條刺，可以放心。不過其實個份量有D少 D人都會推薦獅子頭麵，又見到隔離枱叫，構思只求都幾大舊見隔離枱嘅人叫左個手撕芛尖好有特式 可以一試😄

位於美孚新邨第二期的滄浪庭，店舖細小，位置偏僻，卻不乏捧場客。多年來憑著地道的上海麵及滬菜打響名堂，店內食品味道好，但店家服務態度卻異常差勁，想吃麵難免要受氣。📍嫰雞煨麵 $48呈奶白色的雞湯鮮甜，湯麵上鋪滿小棠菜及雞肉，賣相一般，味道卻不錯。📍紅燒軟排麵 $48軟排就相當於豬軟骨，紅燒豬軟骨炆得既冧且入味。幼身上海麵滑中帶彈性，份量多。半筋半肉的豬軟骨📍雞絲粉皮 $36粉皮有別於一般餐廳吃有青瓜絲那種。這裡只有雞絲、芝麻及芝麻醬，粉皮是爽滑質感，個人喜愛軟滑質感的粉皮更多。**順道一提**餐廳職員會不斷示意每人點一份麵食，筆者三名女子原本怕浪費食物只點了兩客麵，店主已不斷有微言，說這桌只點兩道食品。我們不好意思，結果再點一客小食，店主又再態度惡劣地微言說道：「還有沒有？」意思是最好一次過落單，嫌我們阻礙他們做下一輪生意。小店的服務態度差劣，在這種情況下進餐，實在大大打折扣。

平台小店總共15個座位，地方隱蔽都長時間有人等位；可見美食嘅威力！夜市六點半開始，通常七點半所有食物已經沽清，生意好到不得了！美食同樓面躁底阿姐都係特色！葱油拌麵（蔥油另上）鐘意葱油香味但又怕太肥膩，葱油另上係好辦法！葱係香但嫌味太濃，食後滯脹，感覺麻麻！軟排麵軟排其實係啖啖肉嘅豬軟骨，炆得香甜軟滑，認真料正麵靚，好味美味小食：毛豆百頁百頁切絲，陣陣豆香，毛豆仁令我諗起小時候可口小食(蠔油豆）。話時話，今晚幫襯意外發現樓面多了個新夥計，態度溫文、收拾枱面動作勤快；希望日後可以帶動招呼新文化，令顧客不再愛恨交纏就好了！

星期日晚諗住食下上海野, 點知肚氣。夜晚買外賣，在櫃位前了超過5分鐘都未能落單，只顧包裝面前的外賣, 要面前的客人等了又等，態度亦很差, 仲話：「梗係要俾錢先啦！你企喺出面等啦！」今時今日咁嘅服務態度認真差！！食物幾好都冇用，以後唔想再幫襯！👎👎👎👎

呢間野以後都唔會再幫襯！今晩見到好多人排隊等，諗住好好食，點知我又傻以為未開，唔知外賣原來可以入去買先，已經等了兩個字，到我入去叫時開口說「要一個…」，就有個外庸放低張紙，個肥女人就幫佢落單話軟排麵，之後先再幫我落單，我已經覺得有無搞錯呀！我叫咩無咩…就叫大排麵算了，跟住等了四個字後，入面個阿姐叫「豬扒麵」，咁個外庸姐姐第一時間衝入去攞後就好快走左。過了兩分鐘個阿姐叫「軟排麵」，佢地就指係我，我話我係大排麵係咪俾錯果個外庸叫軟排，跟住就鬧我:「你頭先唔入來攞？你明知佢叫軟排…」我答「我點知？我第一次叫，我叫大排，你講豬扒…個外庸又在我之前叫…」跟住就鬧我：「唔係，係你叫先架！知你又唔岀聲，仲俾佢攞先……你岀去等一陣先，整過俾你！」跟住我又等左成個字，就見到有個女人攞番袋嘢入去話唔係佢叫，個肥女人又指住我鬧：「係佢架…你做乜頭先又唔入來攞？」我：「？？都無人叫我…」跟住佢仲繼續話我…我話：「得，我錯，以後我都唔來！！！」痴線，又唔係超好食，都唔會係好食到食哂！自己做得混亂，仲鬧人…真巴閉！

2019年1月6日時間：18:00同以往一樣，未開門就已經大排長龍。🙈點知幾個大媽（職員）食完飯之後，竟然優先處理所有（記得係所有）外賣單，門口所有人排咗至少45分鐘先開始安排入座，入座後仲要等左好耐先有得食（因為都係優先處理所有外賣單）完全唔明白點解會係外賣優先，如果係咁嘅話不如淨係做外賣唔好做糖食啦！😡😡😡而且地方逼夾，五個大媽職員大聲到連朋友溝通都聽唔到。上海麵美味依舊，但係唔值得用咁多時間去等同埋受氣，而且環境等候時間非常惡劣🔥如果你有時間唔趕住，不妨黎依度浪費一下人生😂

排頭位等開門入去食野，入到去已經叫野食，之後坐低哂既人一個一個聽到話野食賣哂，因為佢地同時接左好多外賣，賣哂d野食俾人地外賣，第一批入去食既乜都冇，同佢講仲要俾佢地罵仲要堂食等半個鐘先有得食，因為做哂外賣單先，唔會再去，佢哋似住有人去食，愈做態愈差，唔建議再幫襯！門口仲要滴緊唔知咩野，滴到d衫洗唔到，同佢講，結果一樣，俾人罵囉