源記餐廳

營業中

休息中

今天在尖東工作, 開工前要食早餐. 在噴水池對開的二家茶餐廳之間, 選了有多家分店的茶餐廳. 時間尚早客人不多, 但選擇困難症又發作了!  先剔除勁油膩的菠蘿油奶油豬, 然後SKIP熱辣辣的麵餐, 晨咁早又唔想食肉, 最後選了腿蛋治.         同時也因為腿蛋治價格最便宜!    腿蛋治   特地選擇走牛油. 因為很多茶餐廳都會使用罐頭裝勁唔健康又增加膽固醇風險的人造牛油MARGAREINE, 但又不知道這家是否使用MARGARINE, 所以要求走牛油. 真身 : 薄片雞蛋和火腿.  視覺 : 薄薄的雞蛋反曬光, 是以扒爐煎出來的. 誰叫香港寸金寸土, 茶餐廳通常為了慳位, 一爐多用，以扒爐來煎蛋. 不過, 要煎雞蛋不痴底, 就要勁落油, 倒入蛋漿成形後再堆叠/摺疊而成, 所以這份腿蛋治裡面的雞蛋就勁多油, 反曬光, 每層LAYER都有一層油. 味道 : 薄片雞蛋因為有油份阻隔, 所以味蕾感受不到雞蛋真正的味道. 鹹味是來自粉紅色的火腿, 還有古早味的白麵包.    熱奶茶   無期望, 無茶香, 無特別感覺. 

今日約咗舊同事喺公司附近食午餐，竟然好有驚喜。雖然午餐時間比較繁忙，座位比較擠迫，難得侍應嘅服務都算唔錯，我哋叫咗一個椒鹽豬扒飯、一個叉燒通粉，同一個奶油豬。舊同事推介個椒鹽豬扒飯，佢話個豬扒好鬆軟，一啲都唔硬，椒鹽味好香口。不過，由於我減緊肥，所以只能夠流晒口水咁睇佢食。我叫嘅叉燒通粉都好唔錯，特別係啲叉燒，燒得好香，奶油豬都好新鮮，啱啱烘好，仲係熱嘅，食完之後飽到晚餐都唔想食，簡直就係快靚正之選。

同朋友飲完兩杯喺尖沙咀，凌晨時分有點餓，見到呢間餐廳就入去食碗面啦，一坐低個夥計行埋你就問你幾位，仲要超級差態度咁同你講欺騙清潔坐第二邊（啦）👍🏻好啦咁坐第二邊開始叫嘢食服務嘅態度奇差，唔知以為我爭佢錢，搞到心情都冇，我都唔明點解，佢明明見到你叫佢，馬上擰轉面扮聽唔到，咁我應該點做好呢，其實可能係個別服務員，因為我日頭都嚟過食絕對冇問題嘅，有可能係佢哋今日心情唔好啦！我差啲想鋪佢張相出嚟，不過算啦，講咗出嚟比大家知道吓

有日經過附近，入咗去呢間餐廳食晚飯，裏面都算寬敞，店員做野都好快手， 我叫咗個套餐: 西蘭花炒牛肉，配白飯，包埋湯同熱飲，都算抵食😊 西蘭花清清地， 牛肉又唔會太靭，下次會再試下其他唔同款式嘅菜😋

之前寫的食評，我多數都是滿意的，但寫劣評，今次卻是第一次。先說食物，我點了四寶河粉，湯粉淡而無味，我落了很多調味料，先至覺得有些少味道。至於服務方面，服務一般，更聽到有侍應自己爆粗，有待改善。

超赞的一家餐厅，刚好朋友的朋友是这家餐厅的厨师，所以特意给我们做的特质芝士兰州炒饭！超级赞！笔心！！点了个正常菜单上的炒米线，好像名字是星洲炒米线，咖喱有点辣，一开始吃第一口有点不适应。但是味道也不错，料很足！下班太饿了，感觉这一盘饭的量刚刚好！

今日我order 左一份40元的茶餐 是黑椒牛柳絲炒意粉. 看到那碟的份量  我真的呆了.. 我心唸是否給bb吃的???40元.. 但個份量只值15元  錢是的確要賺的...但不是要賺到那麼過份呀???  我以後不會再光顧源記集團 

挺喜歡吃餃類，這次叫了魚皮餃。碗麵有四隻魚皮餃，光看還沒吃就已經看到有很多油了，頗肥膩。咬開魚皮餃，裡面的豬肉餡料都算多，整個餃子很飽滿。餃子魚皮挺厚的。麵的質地有點韌，難咬。味精味濃烈，扣了點分。

今朝去左尖東果邊見工 ~~ 早左...梗係要食個大早餐同自己打氣啦 !! 本來想去翠華...但實在太多自由行...最後黎左呢間...感覺冇咁多 !!坐底就叫左個沙爹牛麵+腸仔炒蛋配多士，仲有杯凍檸茶添 !! 味道好過翠華 !! 個沙爹牛麵牛肉唔會拿到乜牛味都冇 ~~ 個麵仲彈牙 !! 個炒蛋都唔錯架 !! 滑蛋 ~~ 放上多士好配 ~~ 呵 !! 腸仔又唔咸 !! 我覺得我冇入錯黎 !! 凍檸茶個茶味都夠 !! 價錢都唔貴 35蚊我覺得 ok !!

誤打誤撞入左源記吃早餐〜服務員點餐很快〜喜歡鳳爪好吃到爆〜入味〜酥爛〜蝦餃很大個，四個一籠，兩隻整蝦，很完整〜腸粉很美味，很大一卷，建議一卷一個人，量很足的，芝麻糊好吃，不甜很濃郁〜很濃稠〜紅豆沙紅豆都已經爆了但是有很有陳皮味道，〜粥也很好吃，味道鮮香〜當心燙口！糯米雞真心好吃，一口下去忘不了。

今日一個人行街路經源記，就揾左個位坐低，揀左個鮮虾云吞麵，坐左一陣麵好快黎到，飲一啖热辣辣湯汁好香濃，每一粒云吞皮薄餡大，每一啖都係虾肉Q弹鮮甜味，麺与湯汁的结合麺更加爽滑入味濃陏香甜。

雖然在尖沙咀有不同類型的食店，可是每次到來，都是在平日工作天的午餐時間，因此為免浪費時間，只好把午餐草草了事，求求其其走去源記餐廳搞掂就算。源記餐廳原本就是專做燒臘的餐廳，後來轉型做埋小菜，個別分店做牛腩專家，尖沙咀店便是其中一家，但是在下依舊的只食燒味吧。叉燒飯是很普通而又方便的燒味飯，係人都知半肥瘦的叉燒是何等的好吃，但是個人口味不同，只要了瘦的叉燒。瘦的叉燒不靱，反而有點軟腍的口感，當中亦有些許的鬆化感覺。熱奶茶是餐飲，茶味和茶香足夠，亦算順滑。簡單的燒味飯，可解決今日的午餐，不需食得複雜。

今晚是和我女友一起晚飯，其實我們一早已約好，不過我只是沒有放在心，沒有訂枱食飯，我已經被女友駡得狗血淋頭了， 因為星期五關係，四處也沒有多餘的座位，每個地方也是帶著長長的人龍。真的沒辦法了，因為女王太肚餓，我們只好到不用等位的源記茶餐廳吃飯。不幸中的大幸 就是這是源記茶餐廳的味道不錯, 我們點了椒鹽骨及炒豆角， 椒鹽骨的外面炒得十分脆，蒜容又惹味，炒頭角也十分入味， 而炒的時間亦合到好處，這兩個簡單的餸菜， 是一個不錯的平民晚餐。。 這間食店救回我的一命。。

中環，是商業中心區，而尖沙咀，是一個遊客中心區塈商業中心區，後知後覺的我，沒有留意尖沙咀的獨特地位，一大清早來這一個地方食早餐，一入餐廳，已經發覺自己做錯了事情。也許，我太注重了中式粉麵，奈何是於早餐的時段食中式粉麵，是沒有套餐的，所以，我吃上了一個40多元的早餐，感覺一點也不出奇，尤其這是一個酒店林立的小區。沒有計較價錢，我一於來個雙併麵，而牛腩就是的必然的選擇，喜歡配的，當然也是香口的魚皮餃。味道上，質素上，沒有什麼突出的地方，牛腩雖香，但入口未算十分腍；魚餃香，腥味也十足，但感覺油了一點點，完全沒有特別要嘉許的地方。奶茶，算是不錯的，奶味足夠已是我的合格標準。沒什麼需要表揚的一餐，沒什麼感覺的一個早餐，吃飽掉錢就走.....。後話，此店的客人，大部份都是遊客

係尖東做嘢既同事, 都知道呢兩間茶餐廳既服務水準有幾…XYZ….架喇. 不過選擇少, 無法啦. 兩間呀! 另外一間, 自己搵同估吓啦.當晚工作完, 落去食碗河粉, 牛根河, 其實食物質素唔算差, 牛根還算彈牙, 而且份量可以, 河粉就差一點, 略為淋了些.一枝啤酒, 你估唔到佢幾錢喇….. 你四十幾蚊一枝呀!!! 不過, 都無所謂, 你情我願的交易.最黑人憎就係D侍應, 唔知係未比自由行遭質得多, 轉過頭嚟遭質翻我地本地客. 坐低後, 舉手十分鐘都無人理, 問多聲, 就比黑臉你睇, 落ORDER時, 完全無反應, 你都唔知佢係未聽到, 到時錯咗就梗係又比黑臉你啦, 總之就係… 如果有最差侍應選擇, 佢地當之無愧呀!