湯戶方

營業中

休息中

去大圍半天遊，那兒有好多小型食肆，各式各樣的，行完一圈都未决定有選擇困難症，哈哈。同行前輩説想飲湯，我其實麻麻，西湯還可以，但陪她一次啦。她叫了一個天麻川芎白芷燉魚頭湯，一打開湯盅蓋好湯味，我有點怕，她說湯汁好濃香好暖身給了我一碗，我嚐了一口，原來喝起來味道是甘甜的，吃了一塊大魚頭，酥酥的，魚頭是煎得好香才燉湯的，今日天氣變得好冷還有點雨，飲了這個湯全身感到溫暖。我哋還叫了兩個砵仔蒸飯，梅菜蒸肉餅飯和臘味飯，原價$35的蒸飯跟餐還可以減$10，肉餅飯很不錯，飯粒粒粒分明，而且還有幾條生菜。臘味飯有臘肉和鴛鴦腸，但係比較肥。店員非常有禮貌，迅速回應各顧客的要求。

係外賣平台叫左個飯餐個梅菜肉餅飯係正常味道但個花旗參無花果燉瘦肉湯好淡味 好似就咁溝水咁本身好期待有湯飲飲完之後好失望 希望睇到呢個comment會改善下 🥺

今日中午去咗大圍食午餐，入咗去一間專食燉湯嘅餐廳👉🏻湯戶方，環境雖然唔大，但係好整潔，好舒服，今次我冇叫到燉湯，下次先，食唔到咁多，目的想食椰皇燉蛋😬😬😬所以反而叫咗梅菜蒸肉餅飯，佢哋係用砵仔蒸嘅，啲飯粒粒分明又唔會太硬👍🏻👍🏻👍🏻蒸肉餅有啲似家庭感覺好健康，份量啱啱好，之後叫咗個燕窩椰皇鮮奶燉蛋白，呢個好好味😋😋😋如果佢可以整得冇咁甜仲好，不過我係本身唔多食甜嘅😆😆😆

勁中意飲湯既我，有日剪完頭髮見到隔離有間咁既燉湯糖水舖，至知原來係馬鞍山果間既分店，之前見到講馬鞍山果間都一直好想試但好唔就腳，依家開左係屋企附近實在太好了！第一次叫左花膠螺肉燉雞，足料之餘，盅湯份量都對得住價錢，唔會話細到好離譜，佢呢度仲有蒸飯餐，或者你可以直接湯+$10配飯或米粉因為佢湯料都好夠送飯食。以後想飲湯一定會再黎！佢呢度仲有好多中式滋補糖水，款款都好吸引，就黎秋冬季了，睇黎都好岩時候飲，不過我次次黎到都為左飲湯而去，糖水真係要搵機會至試到了店內環境比較細，假日前如果一大班朋友用餐時間去可能要等等位呢，不過咁樣幾有溫馨感覺

見到大圍唔止剩係得茶餐廳，係一條小巷，開咗一間以燉湯為主題嘅餐廳，聽講係由馬鞍山嚟到大圍開分店。餐廳裝修算簡約，座位也不多，幸好午飯時間冇太多人，找了個位置坐下。我點了一個原隻椰皇燉雞湯，加$10配一個白飯加生菜，白飯比較乾，應該係連埋個砵一齊蒸。幸好主菜是個湯，個湯味道清甜，因為原個燉的關係，加埋椰青水，椰肉嘅甜味落個湯度，非常清甜，入邊嘅配料都有好多，例如煮到爛嘅雞肉，估唔到啲雞肉都幾滑，如果可以去埋骨就更加好，有時食肉嘅時候食到碎骨嗰陣要就住就住，入邊仲有龍眼肉紅棗杞子，配飯一流。雖然食嘅時候係夏天，飲湯都會比較熱，但係時不時去滋潤下都唔錯，舖頭冷氣可以大少少。同埋飲湯最好趁熱飲，啲湯凍咗就會好似飲糖水咁，尤其是比較甜嘅湯會飲到有啲寡。整體感覺良好，下次應該會試佢其他嘅湯水，同埋新出嘅飯和糖水

點咗個鮑魚花膠螺肉燉湯。呢個價錢都預咗配料會比較小份，所以都係合理。飲湯緊係要評價下個湯燉成點啦，飲得出個湯係加咗好多中藥一齊去燉，飲落味道濃厚，屋企小湯水既大家可以買返屋企加熱飲都唔錯！🥰

今日收工，經過呢間“湯户方”見有兩三個人喺門口唔知等外賣定睇餐牌，望入去見得返三個單人位，即刻衝入去坐低先睇餐牌啦🤣。睇完餐牌，最後簡咗個 - 花膠螺肉燉雞湯 ，加咗$10配米粉，等咗一陣，個花膠湯連米粉就有啦，喺未打開個湯蓋前，我發現個米粉原來平身已經浸咗喺啲熱水度，但我係諗住將個花膠雞湯倒落米粉度浸住食😭最後叫咗個員工幫我倒咗啲熱水，自己再倒啲湯入去變花膠雞湯米，個湯勁夠熱，夠足料，花膠，雞，瘦肉，螺肉…，我預期呢個價錢嘅湯唔會有咁多料㗎，比預期中好好多🤣飲飽湯食飽米粉，埋單走人，員工喺我埋單嗰陣問我今日個湯如何，只可以話呢間“湯户方”充滿誠意，夠足料，湯勁熱，冇味精，下次一定會再嚟試❤️

平時去開上環的「球哥燉湯」，看見大圍新開左間燉湯，試試看。燉湯足料，味濃，沒味精，本人覺得達標準。雖然選擇沒球哥那麼多，但選擇廣泛不缺乏。蒸飯OK啦。看得到是原碗蒸的（飯會粘飯碗），可惜進食時已經沒怎麼飯的熱蒸氣了。這點我覺得挺重要的，值得看看改進。餸我猜是分開煮，接著加上蒸飯上的，味道不錯。裝修簡樸整潔，牆邊單座位有USB充電提供。整體不錯的，老闆熱心友善，也是愛喝湯的人。推不夠200字，所以加多少少。

買咗一個花膠燉雞湯 本身個賣相都還好 飲落去完全冇味 同清水一樣 好明顯係唔夠料去煲 好失望 湯入邊嘅料都冇味 好似用清水滾一樣 👎🏼👎🏼👎🏼 啲雞一食落去係完全冇味 完全唔值得呢個價錢 亦都唔推介呢間

買左個肉餅飯 反屋企一打開 粉紅色 心諗雪藏肉啫 再食多兩食感覺完全係午餐肉充當肉餅 咁你明買明賣午餐肉蒸飯算啦另外買左個菜干豬肺湯 個湯係苦咖 個豬肺得一粒仔都係苦咖 賣得仲要唔平 我都未飲過菜干湯係苦咖

今天放工回家路上，想不到吃什麼，走著走著就發現這間買湯既舖頭，店面貼著幾張圖片，其中一張推介的蟲草花茶樹菇湯好吸引，但見主餐牌冇寫依款湯，就好隨口問左句，依款湯幾時有架？店員就好有耐心以及詳細回答我。回家打開發現湯很足料，章魚肉餅飯都好食，加埋都係84蚊，抵食