湯加

呢間時常都食嘅湯飯專門店，平時叫開外賣多，今次真係座低慢慢食。餐牌上有多款選擇，除左有平時食開嘅湯飯，亦有常餐、二人餐等!常餐，常餐有幾款可以選擇，而我地就揀左沙茶牛肉腸仔公仔麵配酥炸腐皮魚角!湯底有香濃嘅沙茶醬味，牛肉為鮮牛肉，所以食落口感滑身之餘，牛肉味都幾濃!公仔麵口感都唔錯，唔會有種油溢嘅感覺!而湯內亦有芫茜、木耳，餸菜十足!腐皮魚角口感彈牙，用上淮鹽稍稍調味，味道咸香!蟲草花花膠爆魚肚燉雞，燉湯配湯飯係我最常係呢間餐廳食嘅款式。呢款燉湯湯料十足，有滿滿嘅雞件，亦有大大舊花膠，魚肚亦係大大塊!湯底味道非常鮮甜，雞件口感都滑，口感非常大舊，完全感受到滿滿嘅骨膠原感!而魚肚亦係非常大塊，能夠吸收了湯的味道，十分美味!再把飯拌入一齊食，夠哂鮮味!咸蛋芥菜豬肉片淮山麵，呢度嘅淮山麵亦係我最愛!大量嘅芥菜加上鮮嫩嘅豬肉片，湯底揀選了魚湯，魚湯有芥菜嘅甘甜，亦有咸蛋嘅咸香，而淮山麵雖然幼身，但係都好掛湯，食係上黎健康又惹味!…查看更多

近來因為要搞裝修嘢，所以，不時都嚟到荃灣睇睇家具之類嘢，行到咁上下，咁就要搵飯食啦，晌海之戀遇到「湯加」，都好耐未幫襯過，老婆就好鍾意佢哋嘅百秒鱸魚，我就慳慳哋晌下午茶餐度埋手。從門面已睇到成個場嘅環境，都喺好慣常類似茶記嘅格局，少部份喺卡位，大部份喺4人格，枱側抽櫃擺放餐具。而枱角貼有點餐嘅二維碼，同埋列明注意事項，點先為止確認點餐，以往就聽到唔少客向店員投訴好耐都未嚟嘢，不少情況都喺差最後一步作確認送出。此外，仲印埋wifi出嚟，好多餐廳既然要客人掃碼點餐，理應提供埋wifi，因為有少量上年紀嘅，手機真喺只打出打入，無數據架。另一邊，仲有個茶水間，自行斟凍水、熱水，更備有數款醬料，自由取用，既然自己顧自己，餐廳都無收加一。主餐牌好大本吓，加上小弟打算食下午茶餐，就只影低老婆所嗌嘅百秒鱸魚。而午後時光嘅下午茶餐，就底面兩頁，不過，已經有好多選擇，有輕怡嘅，有大份量嘅，有湯飯DIY，抵在包埋餐飲，又有啲加配小食。平常老婆就只會揀熱檸水，但睇到枱角有張「健康天然果汁」做緊推廣，佢一向都講永健康，加配又有少少優惠，當然一試啦。百秒海鱸魚配米線 $69一整條海鱸魚喺原鍋咁上，而米線則另上，非常之大碗，所以，都要幫佢包底。魚肉嫩滑富魚鮮味，魚湯底亦好鮮甜，墊底嘅蘿蔔清甜無渣，米線入口滑溜有米香，時隔咁耐再食，水準一啲都無跌。果醋豬軟骨撈公仔麵配潮汕豬肉丸浸紫菜 $43雖然喺嚟食下午茶餐，但當喺正餐，所以，嗌咗款飽肚嘅撈公仔麵，餐飲仲升級埋特飲。先講講個公仔麵，啲麵條煮得啱啱好喎，爽爽哋身，夠彈牙，加上撈埋啲果醋汁，酸酸甜甜好醒胃；啲豬軟骨都炆煮得正，肉質鬆化又入晒味。跟碗潮汕豬肉丸浸紫菜湯，俾足料喎，豬肉丸好彈牙，絕對唔喺溝粉貨色，而紫菜好爽口，湯頭清甜無欺場，成個餐抵食。仙草紅豆冰 +$9老婆好鍾意食紅豆，所以，升級呢杯仙草紅豆冰，杯嘢亦交足貨，仙草紅豆份量有超過1/3，仙草「滑嘟嘟」，紅豆亦算香甜，不過，紅豆就偏少，大部份都喺仙草，至於個奶水底就OK啦。鮮桑葚葡萄汁 +$13老婆點嘅百秒鮮鱸魚喺散點嘢，唔包餐飲，不過，都有加配優惠，幾款天然果汁就相中呢款。其實鮮桑葚真喺唔知乜嘢，上網睇睇先知其實就喺黑桑子，味酸甜，功效多多，如抗氧化、補血、護眼、助消化、延緩衰老……等，而加埋提子，飲落酸香醒胃，確喺舒服好飲。今次再訪，幾樣嘢都好食，老婆嘅鮮鱸魚固然鮮甜，小弟嘅豬軟骨都好唔錯，加埋兩杯嘢飲都好味道。…查看更多

最近去咗湯加食晚餐，揀咗佢哋個二人燉湯餐，有一個大燉湯, 2款自選小菜, 2 個主食同兩杯飲品。🔸 蟲草花膠魚肚雞湯 一開波就飲湯，真係正！湯底清甜又足料，花膠魚肚啖啖膠質，雞肉嫩滑，蟲草味唔會太濃，無好勁藥材味。飲完成個人都精神咗。🔸 沙嗲菠蘿鮮牛肉沙嗲味香濃但唔會太膩，正常茶記牛肉，菠蘿啱啱好平衡咗個味，本身跟埋有紅薯粉好夾。🔸 豉汁蒸黄立倉 魚都新鮮，豉汁唔會太重手，啱啱好帶出魚味，仲有啲豆豉香。🔸 主食 我地揀咗米線 ，不過無湯，我地配沙嗲菠蘿鮮牛肉D汁都OK。💬 總結一下 整體感覺舒服，性價比都OK，下次會再嚟試其他！…查看更多

最近天氣凍左，唔想煮飯！就過黎荃灣海之戀 湯加，試下佢地燉湯套餐，而且全店無加一～眼見就幾受街坊歡迎，星期六晚滿座湯加二人燉湯套餐 $179 蟲草花膠魚肚燉雞 二人份燉湯都幾大，入面有4分1隻雞，超大塊花膠同魚肚，勁足料！鹽焗雞半隻鹽焗雞色澤好黃，食落唔柴都夠味～沙嗲菠蘿鮮牛肉沙嗲汁相對稀左d, 用料係新鮮菠蘿，底部仲有薯粉幾特別飯有3款選項，白飯、三色飯同藜麥飯 係砵仔甘大個，仲可以免費任添熱飲不用加錢，凍飲加$3 熱奶茶 就正常發揮啦…查看更多

湯加係一間連鎖快餐店，最近成日返媽咪到都會落去食，估唔到佢哋二人餐其實都幾抵食餐廳入邊有十幾張枱，仲有幾張係卡位，所以坐得幾舒服$179就有燉湯、蒸魚、小菜、飯🍚飲品蟲草花魚肚燉雞湯估唔到個湯真係幾濃郁，飲落好滋補，仲有好大片花膠喺入邊，落膠質好重，而且仲有¼隻雞，估唔到呢個價錢都飲到靚湯豉汁勝瓜炒蝦球呢個小炒都有鑊氣，豉汁同勝瓜好夾，節瓜吸曬啲汁好濃香，蝦肉爽口彈牙無雪味豉汁蒸黃花魚黃花魚肉質偏向嫩滑，係咁多款魚之中我最鍾意食嘅，蒸嘅時間啱啱好，豉汁滲入魚肉當中，很好下飯…查看更多

成日出去食早餐食嚟食去都係嗰啲真係好悶 要食好啲 行離開商場大汗踏細汗 打風落雨終於有一次見到呢間嘢 人唔多 初初都唔敢試 商場其他早餐檔都好多人 奇怪點解呢間冇乜人呢？ 試咗終於明白。 因為冇人手幫你落單 要自己掃code 但係其實掃code都好方便喎 入邊有晒所有嘅選擇 今次食咗呢啲一大嚿雞扒，大過隻手板 仲好有心機煎到好香脆，有蛋汁嘅炒蛋，仲有條腸仔添 未夠飽，仲有熱香餅一碗麥皮有蛋白㗎 加多杯熱鴛鴦 先至$40！ 朋友叫咗個健康早餐 煎雙太陽蛋 多士 底面飛身都有煎嘅火腿兩小塊 加麥皮都係有蛋白 熱鴛鴦 35咋，商場早餐之選呀💪撐 呢個位成日轉 終於轉到個得㗎啦 …查看更多