港里冰廳 (廟街)

營業中

休息中

咖喱牛根腩飯，咖喱有色但冇味道，牛腩又靭又有浸怪味，牛筋咬唔入，得啲飯入到口。 。 海南雞飯個湯完全唔知發生咩事，好似飲味精忌廉湯一樣。啲雞完全係食骨冇肉，又細又少完全入唔到口。

今日同事帶咗去一間餐廳食豬潤麵。我腦海中嘅豬潤麵只諗到深水埗謀間？依間係一間有豬潤食嘅茶餐廳,豬潤,咬落去啱啱好,唔會太熟鞋口,幾爽,亦不會太生血淋淋！呢個餐仲配送：丹麥吐司+炒蛋有扇貝和櫻花蝦係面,賣相吾差😜茶餐廳前枱有自家工場焗麵包🥖蛋撻等,全部新鮮出爐,我估應該幾好食,怪不得經常都有好幾位在排隊買🍞😅真係唔錯,茶記mix麵包店👍

星期三8:15早上做完pilates 運動經過此港里冰廳， 門面幾乾淨企理， 人流又唔算太多， 又幾清靜， 便入內食過早餐先。早餐有11款（A-M餐） ，算ok.店員服務都有禮貌， 唔會話粗聲粗氣或黑口黑面。 😗選了最正常之C餐 招牌沙爹牛肉麵$38， 意式即磨咖啡+$2賣相好得， 起碼色澤好靚， 公仔麵雖然不是出前一丁， 但起碼質素唔差，彈牙又唔粉又唔林， 牛肉雖然‘’那‘’過， 但唔會好梳打粉味， 沙爹味唔濃。 但我覺得都是茶餐廳水準之上＞＞ （有d茶餐廳沙爹牛麵食我唔到2啖就食唔到。 ）即磨咖啡雖然好一般， 都都ok. 多士用丹麥多士，亦是一般質素。炒蛋唔得滑， 亦是一般。 總評。食物質素。 7分（因比一般冰室好）服務。 7分環境。 7分個人意見， 早餐唔差。 又起碼食完唔會催趕你走， 我坐左30分鐘。

之前睇到SOKO和泉素行嘅片段介紹依間嘅餐蛋菠蘿包，一直都諗住經過嘅時候就要來嘗試，喺初五嘅時候終於有機會啦～嗰時係下午3:30左右，因為附近舖頭有啲都未開到有九成滿座，咁就試吓常餐同埋一份餐蛋菠蘿包，餐肉同蛋都熱辣辣，雖然菠蘿包我覺得就一般，但因為所有嘢都即整熱辣辣，所以整合埋都係好味嘅～而常餐就係一般水準啦，都係可以接受嘅範圍內，所以冇特別影相～有機會經過時候又係下午茶嘅時間可以再嚟encore因為始終一個餐肉蛋菠蘿包當午餐未必夠食～

晚市，時間八點多，理應人潮如沸。就係唔想等，所以先稍移玉步黎到呢間門可羅雀嘅“港里冰廳”。餐廳內只坐住三枱客，唉！已知中伏，心知不妙。就點個唔會點死得人嘅“海南雞油飯”啦。侍應叔叔送到嚟，竟然係碟「柴皮海南雞［白］飯」。當下禮貌地問：“唔係油飯咩？”侍應叔叔應該輸左波，嘆住氣咁話：“依家幾點啦，邊度仲有油飯，白飯，你要唔要呀？！” “收到，唔該晒師傅！”於是，開始我嘅艱苦食程。碟上面嘅海南雞應該真係由海南島坐船黎，因為佢好老、好柴、好乾。佢冇兩歲，都應該有23個月大。呢種老雞最適宜攞嚟燉湯畀老媽子或者屋企產後嘅孕婦。老闆肯定大手入左批老雞，攞黎拖拖水，咁就既可以煲啖湯畀產後嘅二奶飲，又可以斬咗啲雞拎出嚟賣，一舉兩得，真係曠世奇才。好！雞唔得，我就食你啖白飯！！！不過，正所謂：“食碗面，反碗底，呢啖白飯係三夾底！”我條命已經夠硬，但都敵唔過口中呢擔“硬米”。我份人就好正面嘅，上天一定見我呢排肥咗唔少，就藉住呢餐等我谷住道氣，係冇飯落肚嘅情況下乘機可以瘦返兩磅。為我嘅人生下半場注入唔少動力。多謝，多謝“港里”！

奶茶很好喝早餐很大份很好吃店裡的裝修也很舒適只是服務人員似乎不太夠每次叫外賣點餐要等很久東西好了放在裡面也沒有人手拿出來導致外賣等後時間過長繁忙時間一堆人擠在門口

做完運動🧘🏻‍♀️11點零鐘，喺尖沙咀，肚仔餓想食啲嘢，見到呢間11:30前都仲有早餐，入去試吓啦嗌咗我無論去任何一間港式茶餐廳都一定嗌嘅早餐組合：沙嗲牛肉米粉、炒蛋、多士、凍檸茶。牛肉味道都夠濃，米粉算係幼身，幾爽！炒蛋夠滑，不過碎咗啲⋯⋯多士勁多牛油，勁脆，好啱我心水，而且仲係厚多士，好飽肚😋檸茶就係正常茶餐廳水平，失望，當然又談不上特別好。作為彌敦道大街大巷嘅地鋪，水平同價錢都合格有餘⋯⋯

啱啱去食完間cafe人均食咗二百幾蚊都唔知有咩落肚咁既然大家都唔飽就去附近嘅茶餐廳食飯返個下午茶實際啲啦 叫左宮崎牛肉包同咖哩牛腩湯伊麵餐飲叫左茶走同熱華田兩個人都係八十幾蚊實實在在有啲澱粉質味道我覺得唔差牛肉包個包有牛油塗過牛肉都幾好味係啲洋蔥生啲囉牛腩麵個咖哩湯幾好飲有啲香料味少少辣咁不過呢我就唔係好like食伊麵嘅如果可以揀公仔麵會開心啲茶走同華田都幾好飲夠濃個伙計仲無啦啦走埋黎比左細細杯煉奶佢話杯茶走落少左奶比啲我地自己加返咁搞笑嘅正常茶餐廳嘅味道同態度啦好似又無其他食評講得咁差

來過這裡幾次，覺得食物質素不錯，但服務實在麻麻😅。試過叫餐蛋治，寫單無錯， 但廚房出左份腿蛋。叫姐姐換過，竟然要等多5分鐘。今次叫沙爹牛麵早餐，碗麵就快食完但係份炒蛋多士就遲遲未到，催左幾次，落單後足足30分鐘才到。樓面同廚房好似唔多協調咁😅

叫左兩個香港茶記平常到無得再平常既干炒牛河， 焗豬排飯。 真係無諗過可以難食到咁， 食完要專登download apps黎誡大家真係唔好食。 個牛河， 好似無落汗炒咁， d 色好似將隻未洗乾淨既鑊d 鑊load 兜上d 河炒兩野就算， 睇見十足隔過夜， 食落當然係乜味都無。 焗豬排飯d豬排全部碎濕濕， 似d豬肉鋪斬左d豬排唔要既果d部位， 加上d豬肉全白焯就pat上飯面， 係d飯底仲食得下唯有問佢要d茄汁撈飯吞左就算

更正！我上星期講嘅係指彌敦道新店！今次發現原來廟街有另一總店。上次的食評亦放錯分店！依間比較輸蝕因為冇麵包櫃，吸引力減咗一半。入到去就感覺到餐廳內比較舊，所以感覺唔算太乾淨。點咗份蛋治加杯熱鴛鴦鴛鴦先上枱，顏色已經好似一杯奶水咁，聞落去有輕微咖啡香飲落去完全冇味，溫度又唔夠，係我印象中最伏嘅茶餐廳鴛鴦，喺台上搵到玄機原來佢哋唔用捷榮供應嘅茶葉，難怪上次去嗰杯奶茶都係淡茂茂。轉頭份蛋至就到，麵包軟熟炒蛋亂畫OK冇問題。一間茶餐廳連最基本嘅奶茶咖啡都做得唔好，真係超吾掂，冇下次。

當茶餐廳/冰室之類開到成行成市，佐敦彌敦道大街方向，有新茶餐廳插旗「港里冰廰」全卡位，乾乾淨淨，店員反應快，吾錯。但佢最吸引我嘅眼球，就係門口大大個麵包櫃，見到麵包新鮮出爐真係好吸引，麵包種類多，仲有兒時回憶，「縷紋朱古力曲奇」，個別作為麵包比旺角平$1-$2 左右，麵包等下次先至食，今日試咗個下午茶餐先。「迷你炒蛋黑椒叉燒飯」$45雖然話系迷你size, 但我覺得份量剛剛好。廚師都唔系hea 做，薄切叉燒片排得整齊，瘦的部位比肥多，正！由於是薄切關係叉燒入口軟稔無渣，瘦得來不乾，不太有蜜汁味，黑椒味都唔重，但調味足，有肉香，好味。炒蛋色靚，香味濃，亦夠滑，整體而言好吃。奶茶就淡左，多奶亦彌補唔到茶香不足，還好溫度足。「縷紋朱古力曲奇」$12 帶回家做明天早餐，曲奇香脆可口，牛油味唔及西方曲奇，反而識落冇咁油膩，口感比較乾爽，朱古力係亮點，不多不少，very good!

新餐廳嚟講可以一試，有機會想試吓佢啲麵包。。 海南雞飯 $65白滑幼嫩，雞肉分量都唔錯，而油飯都唔會過油 ，性價比幾高。鮮魷蒸肉餅 $75 ＋跟餐 $9 雪糕忌廉紅豆冰 佢嘅唔會有啲肉太韌或太淋，最緊要喺冇筋，所以佢嘅肉餅做得唔錯，而份量都幾大，但佢嘅鮮魷有少少咸，唔太啱我，但晚飯食肉餅真喺超級正。雪糕溝忌廉永遠都喺香滑可口，佢嘅紅豆都唔錯，雖然未做到起沙個種，但都唔喺硬到一粒粒個啲。如果跟餐都可以一試。

中午落佐敦想搵個地方食咖喱，亞龍咖喱比較巴基斯坦式，想食返啲馬來西亞式，記得呢間茶餐廳，之前食過早餐環境都算乾淨所以去望下，見餐牌有咖喱餐，所以入左去叫咗個咖喱雞餐，加埋一杯凍檸檬茶。話咁快，都唔使3分鐘咖喱雞扒飯就已經送到，見到啲咖喱幾多油，雞扒都算大塊，但睇落好粗咁，雞皮及雞油都冇乜執企理，算啦茶餐廳係咁上下㗎啦⋯⋯咖喱雞扒飯，啲咖喱汁幾油咁，啲飯就好乾又唔夠熱，一粒粒咁，最適合用來做炒飯🥺越食越發覺D油人浮哂出嚟，浦洒起啲咖喱面⋯⋯🥵，最後都係食咗一半就要放棄，這一餐不是太滿足🥺

今日來到佐敦搵食，雖是下午茶但也要有要求的我，在寶靈街附近被大大的港里冰室招牌吸引著。店舖裝修頗新凈，見到好似有閣樓茶座，但無開。我坐下叫了西多士+熱檸茶，老公叫了咖哩豬排銀絲米粉+熱咖啡。冰室很窩心每張枱上放了熱水瓶和吉杯，不用勞煩伙記哥拿水。老公的咖哩豬排銀絲米粉先上枱，咖哩味香噴噴，落了椰汁帶出咖哩香味，碗內還有兩大舊薯仔，有煎過的，外脆內軟，豬排大大塊，之前聽聞有人試過豬排上枱時還未熟，好彩沒發生在今天，米粉有點似太興常用的米粉，吸收了咖哩湯汁，老公讚口不絕，食完還不停飲湯。米粉食完但我的西多士還未上。真的咁難弄嗎？終於上枱，熱呼呼的，一般西多士上枱時伙記放樽糖漿在你面前，見你落完即拿走港里就不同，西多士旁放了一小碟糖漿給你享用，讚。西多士內夾有花生漿。