港佬車仔麵

營業中

休息中

食過幾次呢間港佬車仔麵, 水準都可以保持, 決定寫一寫呢個食評。首先, 這間車仔麵的餸很高質素, 除了多選擇, 車仔都餸既味道都食得出老闆落左好多心機, 係認真煮既車仔餸。推介佢既招牌瑞士汁豬軟骨, 豬軟骨好淋好入味, 瑞士汁同豬軟骨好配搭。之後推介佢個自家製豬肉豆卜, 豆卜好足料, 釀左滿滿既豬肉, 基本上食幾粒都已經夠飽。仲有佢個金紗魚腐, 係我食過幾次都會點既餸, 魚腐多汁, 鮮味十足。除左餸多選擇, 呢間車仔都既麵款都多, 有蕃茄麵, 菠菜麵, 淮山麵, 同埋其他正常車仔麵有賣既麵款。我自己幾鍾意佢個淮山麵。呢間車仔麵雖然店舖細細, 但臥虎藏龍, 食物質素高, 宜家都好少呢啲傳統港式車仔麵, 周街都係大陸既酸菜魚, 川菜, 希望多一啲呢種地道港式餐廳繼續賣港式野食。

同同事食飯好聚地方～車仔麵有好多餸揀，腩汁幾入味好好食😌😌皇牌冬菇真係很入味！酸酸的酸齋也很開胃～下次想試下滷水汁雞翼❤️店員好好笑容麻煩曬！可以八達通支付好方便呀！👍🏻👍🏻快快脆脆食完碗麵就走了😊有機會再來☺️

D2附近都算多野食，起碼三間車仔麵。見門面ok就買個車仔麵試吓，叫咗個牛筋墨魚頭生菜油麵，牛筋味道不錯，墨魚頭會話唔知食緊乜，麵底太熱，好肚餓既話記住買完攤凍啲先食。服務態度會話係一般香港既質素。上次食外賣車仔麵覺得牛筋幾好食，咁就買個車仔餸返屋企加餸啦。點知買到成舊水都只係比個中膠兜我，差啲以為佢比少咗幾個餸。一向淨餸個份量都會大啲，佢好似比食車仔麵個陣既份量更少，買到一肚氣。真係食返隔離轉角個間車仔麵好過。溫馨提示：想食一碗一肚氣既車仔麵可以食佢，佢冇乜特別之餘又唔係平，服務又唔好。

是日突然好想食車仔麵，於是便幫襯‘’港佬車仔麵‘’，平日午飯時間店內、外都十分多人，由於堂食座位唔多，所以通常都是選擇外賣。午餐～～懷舊四寶麵 $40話名懷舊，緊係車仔麵界中最熱門嘅款式有咖哩魚蛋、豬紅、蘿蔔、牛腩餸算多，油麵彈牙，大大碗，價錢便宜係打工仔午飯嘅恩物

今日咁岩想食車仔面，附近最近係港佬，俾錢食碗麵，送你一肚氣呢度同隔籬2餸飯都多人排隊，但港佬員工勁冇禮貌，前面兩個女仔其中一個啱啱比完錢，等埋另一個女仔，即刻比另一個阿姐推開咗叫佢行過少少唔好阻住個門口排到我嗰陣，原來我個面係有嘢飲送，問佢一句有咩飲，即刻反白眼，手指指督住個Menu，我最多諗左10秒唔到，又好唔客氣叫我 「快啲喇」… 無咩特別岩定錯，只係好無禮貌..唔知門口d阿姐係咪做緊自己生意好威威，如果唔係希望老細俾多少少training食物就正正常常，豬肉豆卜同埋蘿蔔都算ok，牛筋同蝦卷就麻麻哋湯底加咗蕃茄汁同腩汁味道都總算okOverall 一句講晒，以後都唔會再嚟

係D2 Place行完街見肚餓，就週圍行下睇下有咩野食，上網search下見到附近有依間「港佬車仔麵」，都隔左一段時間無食車仔麵既緣故，所以就決定入去食。門口一眼就睇得曬成間舖面，因為都幾細下，總共得大約10個位，枱枱凳凳都係舊式既摺枱摺凳，坐得唔算太舒服。睇左個menu一陣，最後叫左四個餸：「招牌牛腩」、「雞肉」、「皇牌墨魚頭」同埋「秘製辣魷魚」加埋出前一丁。湯底方面，雖然佢地標榜自己係採用豬骨雞湯底，但自己飲落去就覺得味道偏淡，自己加埋辣菜脯，所以感覺成個湯好似剩係得辣味。另外出前一丁方面，一夾上黎就知麻麻地，因為感覺未熟熟就放左落個湯到，食落仲有少少硬。反而餸方面自己覺得一定要叫「皇牌墨魚頭」同埋「秘製辣魷魚」，墨魚頭都比較大舊，食落都唔會話要咬好耐，夠爽口。辣魷魚都夠入味，口感都唔會差。反而牛腩食落有啲韌，要咬一陣先可以吞。整體黎落自己覺得不過不失，都有幾多要進步既地方。個人評分（滿分為5）味道：😉😉😉環境：😉😉員工友善度：😉😉😉😉CP值：😉😉😉

天氣開始轉涼， 個人就成日都想食辣。一早就睇定荔枝角哩頭有咩麻野食、唸住上堂前醫一醫肚，驅一驅寒🤤🤤見到哩間車仔麵有麻辣醬湯底又有我大愛紅薯粉，就決定一戰，叫返個2 餸車仔麵外賣自取。見佢啲圖都幾合理但一打開自己碗粉😵‍💫😵‍💫😵‍💫勁陰公每個餸得2 粒🥲🥲韮菜餃好散，好似煲咗好多個鐘咁🥲魚片頭就都彈牙係好食嘅但得個2 粒就差咗少少另外，個麻辣醬湯底睇落好淺色但食落都有辣度嘅唔錯。總括而言 味道唔差但就唔太抵食了😆 下次試佢附近個啲算喇

今日個天不停落雨又黑色暴雨，令到自己嘅心情好失落😔😔，好辛苦先等到午飯時間，今日好想食車仔麵所以就用WhatsApp 係＂港佬＂叫咗碗5餸車仔麵，佢哋嘅牛腩同冬菇真係炆得好淋好入味，每次我都一定會Order，點解我會話呢間店好有愛呢，就因為落完單後，佢哋嘅收銀姐姐好有心會提一提醒我依家好大雨落嚟嘅時候記得帶遮呀，老實講去過咁多食店真係未遇見過咁有愛嘅員工❤️❤️，呢間店我都一星期最少都幫襯一兩次，而每次見到呢位收銀姐姐都會好繁忙，但係佢打單嘅速度真係超快又準，最重要係佢EQ真係好高，見過好幾次真係有啲好麻煩嘅人落單，落到我係後面見到都好想🤬🤬🤬，但係呢個收銀姐姐真係好有耐性幫佢而又唔發脾氣，我都真心好佩服佢👍👍，如果佢嘅老細見到我寫嘅食評時，真係好希望佢讚揚一吓呢位收銀姐姐，依家呢個時真係好少見到啲咁好嘅員工😊😊而且最重要係佢哋嘅食物質素真係好好又平～所以我一定會繼續幫襯，你哋要加油呀💪💪

買過呢間好多次，自從換咗短髮收銀後就成日落錯單！試過當場填紙，佢居然將「墨魚丸」睇錯做「火辣牛丸」！又試過whatsapp文字落單，居然將「豬紅」落錯「豬肉豆卜」！唔該睇清楚先落好嗎？嗰位阿姐成日好似摩打手咁篤機，唔該，快之餘都請你望清楚啊另外，啲雞肉腥之餘，有部分連雞肉中間都係紅色！！！冇咗「咖哩魚蛋」呢個餸，變成「辣魚蛋」，但想講辣魚蛋得個死辣！出返「咖哩魚蛋」好嘛？車仔麵嚟講，呢間唔算平了，可否做返應有嘅水準呢？

點了菠菜麵 ，配菜點了韭菜餃 ，炸蝦捲，牛腩，選了秘製辣汁（中 ）。菠菜麵由中等扁麵換成圓身的綠色拉麵，份量比之前感覺多一點點。炸蝦捲非常好吃😋👍🏻牛腩大塊入味且鬆軟👍🏻

荔枝角其實好多野食不過今次想食麵所以決定食車仔麵呢間其實舖頭唔多位不過唔洗等就試下入到去望住張紙好耐都揀唔到選擇困難症決定揀佢set好左既至尊招牌大雜面有墨魚頭 炸蝦卷 冬菇 豬紅 蘿蔔要紅薯粉揀左小辣一黎到我試左一啖發覺小辣仲好辣同店員講問可唔可以加多d湯佢好好錦幫我換左個湯底如果唔係我實食唔到講返食材先墨魚頭幾好食冬菇都好夠味成日覺得車仔麵冬菇可以見真章蘿蔔好甜炸蝦卷 豆卜就普普通通紅薯粉都煙韌中間店員再經過佢好窩心再問o唔ok服務態度下次都會再去試其他

本人很喜歡食車仔麵，今日就食咗港佬車仔麵，講佬車仔麵位於荔枝角，荔枝角附近好多辦公大樓，在午市時間非常繁忙，好多人光顧和叫外賣。港佬平靚正，裝修風格係簡陋工業風，座位之間的距離非常大坐得好舒服。嘢食方面，有好多湯底和麵底，份量十足，非常推介牛腩汁，蕃茄湯底和秘製醬汁，仲可以揀兩款湯底混合一齊。餸菜方面，非常推介超霖嘅白蘿蔔和超入味魚蛋，豬軟骨，雞翼和招牌牛腩。樣樣餸菜都好味，價錢都好親民，真係不得不推介。

同同事經開見好耐無食車仔麵就試下呢間，入面比較細，得幾張枱，大部分人都係等外賣，我地喺門口等左10分鐘左右就有位，一人一碗車仔麵，雖然係堂食，不過全部都係用外賣碗😓叫左3餸加飲品就要$51，車仔麵黎講有啲貴...不過係幾好食，都算幾大碗，價錢原因未必會成日去

喺荔枝角又想食到平民車仔麵位於D2Place 附近嘅港式車仔麵就啱外賣好快就已經煮好但係唔好以為佢咁快煮好就唔入味佢哋嘅紅薯粉又幾入味喎而且佢哋唔係用發泡膠盒外賣因為如果用發泡膠放熱野其實唔係嘅唔係咁好所以呢點好好今次食咗佢嘅紅薯粉+3餸+Zero Coke $51算係好大眾化嘅價錢可能紅薯粉好飽肚嘅關係我完全食唔晒今次試咗佢嘅招牌辣汁大辣味道醒神湯底幾好辣紅薯粉索咗辣汁之後更加入味而餸方面叫咗三個餸招牌鳳爪入口即溶骨肉分離 豬紅唔係硬倔倔嘅啫喱而一咬就淋 幾好豬腸吾會太肥膩肥瘦啱啱好會再幫襯😋

聽聞公司附近新開車仔麵店，同事仲話Lunch time 行過都好多人等外賣，今日決定約埋同事A去試試佢雖然店外貼住繁忙時間等20mins, 但我地叫到拎到外賣都係10mins內既事，我就叫左墨魚頭，牛根薯粉配麻辣醬少辣湯底，同事A叫左自家制豬肉釀豆卜，墨魚頭薯粉配麻辣醬少辣湯底先講自家制豬肉豆卜，會以為豆卜開邊鑲，但原來唔係，係成粒豆卜，啲豬肉似用針筒唧落去，同事A話豬肉似手打過，果然推介不過唔記得影相到墨魚頭，好爽脆，而且分量好足到牛根，唔會太硬/太淋，入味淋滑到紅薯粉，同樣唔會煮到太淋or未夠熟，岩岩好至於麻辣醬湯底，我地叫少辣都好夠麻同辣，岩哂我地呢啲唔太食得辣但又想有少少麻辣效果既粉麵