温野菜 (太古城中心)

營業中

休息中

一直都好想試呢間但次次等尖沙嘴嗰間都等唔到。太古城呢間唔算好多人等，我地7點半到都可以直接入去。點左壽喜燒湯底，好好味唔會令你失望，索左壽喜燒湯既粉絲一流；烏冬比蕎麥麵更能吸到湯味。煮熟左D肉味道甜甜地，再點D酸酸的柚子醬油更開胃。原味免治雞肉有驚喜，追加個明太子免治雞肉都不及原味好食。總括黎講又真係幾好食既，不過晚市相比午市套餐唔太底食。除非係特別日子加埋超級超級想食，如果唔係暫時都唔會再返黎食晚飯。

我係咪已經變了 ‘‘邊爐控‘‘??最近，愛上了午餐打邊爐，有足夠時間消化，價錢又抵食。終於有一間‘‘溫野菜‘‘在附近出現了。之前在東京食過，已經‘‘有少少中意左佢‘‘。今次食太古城的溫野菜午餐，食 英國安格斯牛腩肉 和熊本豚肩肉 和一客蔬菜盛盒$128 。set lunch有其他 green monday (菜only)選擇$98 起，湯底 +$10 就可以有升級湯底，+$20 就有藥饍湯底。一菜都好快，而且有調理，所有盒子都一個size，方便叠起，始終枱有限空間。呢度又是一人一鍋，我好中意!! 在等待入座前，有一個簡單小遊戲，可以嬴食材。當天，我嬴了‘‘4塊生菜‘‘。

自從響日本食過溫野菜放題之後木嘴我就一試難忘奈何香港版性價比真係差一截，令小嘴我卻步撞啱溫野菜響太古開左分店，朋友又有折就去左食番餐解下思鄉之情依家新開張仲有得玩小遊戲攞免費野菜食下溫野菜前身係一間連鎖薄餅店，店鋪經過重新佈局之後，空間感大左好多而且用左好多木制裝飾佈置店面，配合柔和燈光都幾舒服（但係火鍋同茶道既關係,Umm...都好日本掛？）有得揀，先至係老闆。點知連湯底都有超過十款今次我就試左新既野菌番茄湯底（$28）同埋點左D未見過既菜試下。啡金菇（$35）---同普通金菇差唔多味山葵菜（$35）---以為會係Wasabi味，結果...木嘴我都唔知點形容好，香草味濃？水寺前菜（$45）---苦苦地有D似食皇帝菜蝦丸（$29）幾爽口，蝦味濃郁，其他兩款不過不失雖然係食溫「野菜」，不過火鍋又點可以唔食肉呢？木嘴我就求其點左幾款肉黎試下丹麥皇冠豚肉眼（$39）可能因為係瘦肉部分，食起上黎比較鞋口鹿兒島黑毛和牛肩脊肉（$159）真係一分錢一分貨，肉質細嫩軟滑，有入口即溶既感覺，推介明太子芝士年糕免治雞肉（$39）說好的芝士年糕呢？木嘴只係食到雞軟骨同好梅既雞肉，不吃也罷不過最重要就係一定

服務簡直垃圾中嘅垃圾。拎完飛聽電話返到去比飛佢睇佢講下張我地跟住睇住佢唔記得咗叫左下張飛都算再等 見佢想叫下張我成張飛隊去佢面前終於記得啦？收左飛 佢叫等等帶左4人 諗住到我啦 跟住有個女人行入去同經理講左句 就叫機幫x小姐安排張枱 西利啦 又叫我等等 到我張飛已經過左10張 要我拎過早講？ 未食都成肚氣 咁嘅服務想人幫襯？唔好玩啦

有同事拉隊去食午餐。夏天午餐打邊爐真係吾多。好彩間野夠冷氣，不過就冇咩抽氣吸味設備喇。我叫咗個set。湯底加少少錢要個有味嘅。點知都係好鬼淡…菜睇嚟相當新鮮！食起嚟都真係ok嘅對板。叫咗牛加豬。牛肋肉其實我就吾覺好有肉味。切到咁薄又好難話有肉汁啦…豬肉呢…都係一樣。好一般…大概係lunch吧…或者晚市會靚啲…但賣相幾好咖！落單用平板電腦，又有幾個吾同選擇都幾豐富。每人過百食個午餐吾係平。但係lunch只做得一輪客，有前菜，有肉有菜有烏冬有野飲。但場又坐得幾舒服，服務員都好態度…總體都ok啦

溫野菜次次都要排好耐隊，難得今日早放工唔駛排 終於成功試到！入去前有個小遊戲玩，係推個盆出去，中咗不同位就有不同菜拎，最後我地拎咗大根！湯底方面我叫咗蒙古炎湯，男朋友叫咗雞湯！蒙古炎湯一啲都唔馬虎！係真係辣得惹味！配菜方面叫咗 野菜拼盆 紫菜麻糬 車䡍 黑毛和牛肩肉 熊本豚肉 芝士獅子狗野菜拼盆無特別野可挑剔 正常菜紫菜麻糬 甜甜哋 配咸嘅湯底食都幾搞笑 🤣車䡍 大伏 其實係麵包黎 但個圈位又好硬 滾極都唔淋 ☹️和牛肩肉 無牛味 有啲失望 🙁豚肉 比牛肉平好多 但反而好味好多 夠薄 脂肪同肉口感分明芝士獅子狗 極力推介👍🏻👍🏻👍🏻好食過吉野家個啲好多好多！最後兩個人食左四百幾蚊，感覺唔太抵，其實食普通嗰啲日式火鍋放題都唔係好差啫