温野菜 (太古城中心)

營業中

休息中

突然好想拾吓拾吓，所以去咗溫野菜！我叫咗個可以選3款肉嘅套餐！首先湯底係北海道昆布湯，湯底好清，係大量清水加少量昆布絲！前菜有鹽辛薯仔（伴魷魚沙律醬），啲薯仔都幾好味，不過個沙律醬超級鹹，我都咗少少就冇食啦！肉方面，我揀咗美國牛肋肉、美國牛胸腹肉同埋丹麥皇冠豚肉眼！啲肉切得好薄，落咗鍋之後好快熟！不過我覺得欠缺肉味，有啲失望！反而個竹筒免治雞肉就幾好味，入面包含少少軟骨，都幾爽口！呢個免治雞肉係成個套餐最好味嘅食物！我一心諗住溫野菜啲食物會好味，點知前菜就太鹹，啲肉就無味，令我失望！

好鍾意食壽喜燒！成日都好掛住溫野菜！！平時都食開午餐時段，星期一至四既午餐仲有折，人頭大約$100而夜晚則建議散叫，好似抵食d溫野菜入面既菜真係好好味，吸曬壽喜燒湯底，好入味。而肉方面就推介牛肉。最後ending黎個烏冬，吸曬湯汁就最正！

行過門口見到餐牌有火鍋Lunch set，睇圖望落好豐富所以入去試下。兩小口各人點左一份牛肉($188)同一份雞肉豬肉($158)套餐，套餐已經包埋前菜同飲品。打邊爐其中一樣最重要的就是湯底，可惜跟餐免費的昆布湯底淡而無味，確實令人失望，所以男友加左$10轉做甜豉油湯底喺明智嘅決定。蔬菜配料方面，款式多而且新鮮，每款菜同菇都有兩三片。雞軟骨滑幾好味，滑嫩嘅雞肉入面帶有爽脆軟骨粒粒，口感幾特別。牛肉質素不錯，色澤紅潤而且牛味都幾重，不過餐廳將肉切得太薄，烚完之後大縮水無哂咬口同質感。豚肉依舊切得好薄，薄到可以透底，就因為太薄所以感覺放入口都食唔出豬肉味。配料看似豐富放滿一枱，實際上每款肉同蔬菜嘅份量都唔多，埋單加一後平均每個套餐都接近二百元。只要加多少少錢喺出面經已食到更高質的火鍋放題，所以這個套餐性價比較低。

今天晚了吃午餐，又適逢是初一齋期，想起溫野菜有Go Green 火鍋套餐，於是便到此一吃啊！這裡的下午茶時間由下午二時三十分開始，除了有本身的下午茶套餐外，如吃午市套餐，可以有7折優惠。我點了一個Go Green 火鍋套餐，選了昆布湯底，食物有年糕、溫野菜盛合，跟餐還有前菜、白飯/烏冬，及一杯飲品。食物質素高，雖然是蔬菜類，但款式亦多，非常新鮮，年糕切得薄薄的，滾一下便可以吃，很有口感。整體印象不錯，店子衞生及企理，價錢亦很相宜。

溫野菜比同集團其他日式火鍋走高檔少少嘅路線。雖然牛肉選擇差不多。不過配料質素就高啲。加上可以揀散叫或者任食。彈性比較高。野食份量又細細碟。岩哂兩個人黎食。同時對於細食嘅朋友黎講唔會咁浪費。仲有就係佢有好多日本酒選擇。豐儉由人。是日冇訂到枱。已經事前用apps拎飛。不過最後都等左差不多成個鐘先有位。主要叫左鹿兒島黑毛和牛牛肩。再加啲配菜。牛肉上台時顏色鮮紅。牛脂紋路都幾靚仔。厚度適中。每片都好大塊。食落又香又淋。的確正。於是encore叫多碟。見到紋路好唔同。同埋肉色黑黑地。感覺麻麻。不過照食。味道一樣咁正。蔬菜望落乾淨新鮮。似係有花心機處理。其他丸同餃老實講就覺得味道麻麻。唔太特別。叫左支大吟釀。serve with高身杯。感覺即刻elegant左。不過成晚都勁驚夾野時會掃低左隻杯。😵

第一次去食係因為買戲飛，等睇戲。見好肚餓，然後入去打算食個tea set但menu內既午餐超級抵食！有7折優惠。見到湯底有壽喜燒湯底，邊個可以抵抗到！於是決定一試。不溫野菜既蔬菜好好味，簡單連個錢菜既小薯仔。好軟好綿，配合醃製八爪魚醬好match豬十分有驚喜，蔬菜煮到最後食，湯底既味入曬去。食到烏冬，已經好飽，但依然唔可以放棄d湯，實在CP值好高！

係太古城行到太夜唔知食咩好...又唔想食得咁heavy ,諗諗下不如食温野菜去到門口發現剛剛九點鐘，消夜時段，有特價，正坐低後我哋三個人一人一鍋，分別係：骨膠原柚子鹽鍋，野菌番茄湯鍋，藥膳湯鍋等鍋底煲滾之前，我哋叫咗兩款頭盤食住先芥辣八爪魚，八爪魚是生的，很新鮮我最怕吃到熟的八爪魚鹽醬麻香椰菜，椰菜很甜，與芝麻醬很夾，但我略嫌鹽醬鹹了一點當我們食完頭盤後，湯底已滾起了，終於可以食正餐了我先叫了一批蔬菜，有本菇、蓮藕、南瓜、萵筍、紅心蘿蔔、淮山卷、蔥竹輪、雪魚豆腐，蔬菜都很新鮮，但我特別鍾情蔥竹輪，忍不住再Encore因為今日唔想食咁多肉，所以只點了三款，但這三款都很美味，特別係牛肩肉免治雞肉，很滑，配骨膠原湯底最好味丹麥皇冠豬腩肉，爽口彈牙美國和牛肩肉，牛味很重、很香，一定要叫黎食整體黎講：骨膠原湯底配所有配菜都好好味，藥膳湯底也不差，配肉類都很夾，但配部份蔬菜不及骨膠原湯底好味，相比起蕃茄湯底較為普通

去食温野菜，食午市定食係最抵食，今次約齊姐妹齊齊食個豐富午餐。湯底我揀咗骨膠原柚子塩湯，好似啫喱既骨膠原受熱後會溶，湯底好香既柚子味，之後落既任何食材都有清新柚子味，特別好夾食蔬菜，變得更好味、特別清新。温野菜既牛肉好嫰滑，定食餐有3碟肉，另有鹽醬麻香椰菜(半份)、溫野菜盛合、竹筒免治雞肉(半份)、白飯/烏冬，配料好豐富。特別一讚竹筒免治雞肉，口感好正，免治雞肉混有切粒雞肉，口感又軟又硬，好正！果然係招牌菜，下次再嚟要必吃！

睇到匯豐信用卡最新「reward +」既宣傳，$1易賞錢可以找到$2既價錢，溫野菜係其中一間可以用到呢個優惠，所以親唔使返工，試下佢個lunch set 先。第一次食溫野菜，我地11:45黎到，唔使排隊，個環境好乾淨同好靚。Lunch set 有 4個選擇，價錢大約$98-$138左右。我地揀左一個$98有豬同雞既，另一個就$128可以揀牛。佢原本既set 湯底係海帶湯底，如果要試其他湯底就要加錢啦，我地加左$10試一個鰹魚湯底，好好味，極力推介另外我地野飲叫左凍咖啡同乳酪梳打，好飲🤟🏻

lunch time 打邊爐都係第一次.有lunch set.無dinner 咁heavy.簡左養生湯.同雞為主既hot pot set.中意佢十分乾淨.樣樣野都歸類好整齊,雞脾肉都滑.而且火鍋菜類較多，岩哂d 上班女士

温野菜 午後之輕食 下午茶 tea set 麻醬拌冷烏冬 壽喜燒牛肉飯 diy shabu shabu牛肉 辛辣野菜牛肉鍋 牛胸腹肉 特辣湯底 海鮮鍋 由59起撈烏冬，牛肉鍋A SET 麻醬冷烏冬B SET 壽喜燒牛肉飯可以自己DIY 自放洋蔥煮至透明,再放入牛肉煮至剛熟即可醬汁香甜,加上溫泉蛋一隻,紫菜碎,拌勻食即可肉嫩好味,仲有配沙律菜一份 B SET 壽喜燒牛肉飯可以自己DIY 自放洋蔥煮至透明,再放入牛肉煮至剛熟即可一份洋蔥醬汁香甜,加上溫泉蛋一隻,紫菜碎,拌勻食即可肉嫩好味,仲有配沙律菜一份  一份牛肉油花均衡,肉味濃郁 洋蔥煮透後加入牛肉熜火拌勻,大約2分鐘就會熟了非常嫩滑既牛肉吸滿香甜既壽喜燒汁 最後製成品將之拌勻就可以食了 C SET 麻辛辣之選牛肉野菜辛辣鍋配豆腐,一份肉, 五款野菜盛合,粗麵條或烏冬辣度非同小可,又麻又辣,湯底仲有加入辣粉食材會沾滿辣味開胃提鮮,辣椒狂熱愛好者必食A SET 麻醬冷烏冬  烏冬粗而爽彈,拌勻芝麻醬濃而香 一式三份芝麻醬,沙律,烏冬 有新鮮番茄,青瓜絲,肉絲,蟹柳絲,紫菜,蛋絲最後加入醬拌好就食得作為下午輕食剛好!包飲品一杯另外仲有D

同男朋友鐘意周圍食下野，最重要當然係打邊爐啦🥰🥰❤️👍🏼聽人講溫野菜講得多，點都要自己黎試吓嘅👍🏼個一晚唔使等位就可以入去坐，座位算闊，都幾舒服👍🏼👍🏼溫野菜每一碟都好細碟，男朋友咁大食，當然唔夠塞爆佢個肚😂😂😂😂明太子青瓜，好新鮮，鍾意明太子嘅朋友，可以一試👍🏼👍🏼👍🏼牛肉輕到好似識飄咁😂😂😂又係明太子啊！不過分得到都好似得三四粒🤫🤫🤫總括嚟講，份量係少啲，不過勝在新鮮！

太古城lunch的時候好多寫字樓同一時間12點至兩點，商場內不論大小餐廳都好多人排隊。今次就食火鍋🍲，午餐有10幾個選擇，大都是牛，豬。排隊10分鐘入去有二人枱👍🏻睇睇午餐的選擇，通常都係一碟肉+1個烏冬。價錢$100-120左右。個人覺得有少少貴，這間餐廳質素同牛陣差唔多，價錢貴三成。環境方面，座位坐得很擠迫，全程都會聽到隔離枱的對話。不爽😕這間餐廳午餐不包括飲品的，包一杯茶☕️下次去太古城玩試吓其他餐廳。

之前食過幾次温野菜，本身好驚只係得菜食，點知食完一次有surprise!仲要係唔太heavy ge hotpot，唔錯💁🏾‍♀️過左9:30仲有宵夜時段，7折，幾抵食！今次第一次lunch食，set lunch都抵，$98-$148，depends幾多碟肉！今次叫左兩碟肉嘅set,$98🤗湯底都有好多choices,大概10款左右。有食過藥膳湯，好味但偏濃，lunch想食清啲叫左和牛湯！有個同事叫左豆乳湯好搞笑，食食下可以有層腐皮！

是晚OT⋯⋯9點幾先有得食晚餐見到想試好耐既溫野菜原來有宵夜優惠～～就衝入去試啦7折都幾抵架～平時唔捨得食既人可以9點後黎食😂😂兩個人叫左個藥膳湯底（原價），店員真係過黎夾d藥材放落去湯底淡淡地，味道唔算突出～美的牛胸腹肉🐂薄切～牛味淡粟米丸、淮山卷同埋旺菜～淮山卷唔錯！免治雞肉～大約整到4粒，口感幾得意，食到d雞軟骨好中意上方的柚子醋（點蔬菜）～下方胡麻醬係點肉既最後用d湯黎煮埋個「玉子雜炊」，辛苦晒店員好用心咁勺走湯入面既湯料，再慢慢煮個飯，好好食呀隻玉子好香蛋味～～～（禁錯慶祝生日改唔返⋯⋯🙈）