渣華茶冰廳

營業中

休息中

之前因有KOL推介，我已經試過，但味道一般，座位狹窄不好坐，所以沒有再幫襯。今天早上9點經過，見客人不多，再入來試一次，見有數張卡位空置，又非繁忙時段，正想坐下，一名女侍應突然用手打橫攔住，說你一個人，過去嗰邊搭枱，而嗰張四人枱已有三人擠迫坐著。咁嘅對客服務態度手法，應該老板平時訓練有素，真係當自己係名店唔憂做，就算真係名店，都對客有禮，不會這麼差的語氣、手法，就算你啲茶餐點好味，客人都唔會係度食啦！香港茶餐廳，條條街都有好幾間，競爭劇烈，而呢間茶餐廳恃著有KOL介紹（唔該啲KOL咪求其出食評！），就這麼巴閉，我住附近過嚟試吓就冇所謂，其他人如果山長水遠過嚟試，就真係慘！

今朝專登過海試北角老字號「渣華茶冰廳」食物有水準，但服務態度差到可以列入「香港十大奇案」😤 【芝士蛋牛治🧀】叫咗招牌 芝士蛋牛治烘底🥪 厚蛋煎到超嫩滑，入面嘅鹹牛肉粒鹹香惹味！重點係塊好似瀑布咁湧出嚟🤤鹹香奶味撞埋熱辣辣炒蛋邪惡度MAX！！💯【沙嗲牛肉麵🍜 】湯底濃得嚟唔死鹹，沙嗲醬溝咗花生碎粒🥜多咗層脆口同堅果香～牛肉有啲嚡口...公仔麵煮得啱啱好，唔會太淋整體中上啦～💣 中伏警告！ 由入座到埋單全程遭受 「黑面攻擊」 好似欠咗佢哋祖宗十八代，食到背脊骨落😤💰‼只收現金‼ 唔好旨意Alipay‼ 我哋差啲要洗碗埋單💢📢 港式警世金句：「食物係用來食，唔係用來受氣㗎！」😤😤

想吃到滑嫩入味的豉油雞，就要把握機會在每週一、二前往北角的渣華茶冰廳！這可是限定的美味，錯過就要再等一週。渣華茶冰廳的豉油雞，雞皮油亮光滑，雞肉鮮嫩多汁，入口即化，搭配鹹甜適中的豉油，簡直是絕配。豉油雞的製作過程非常講究，從選材到烹調都經過精心處理，才能呈現出如此美味的口感。在享用美食的同時，也感受到了渣華茶冰廳濃濃的人情味。姐姐和師傅們總是笑容滿面，熱情地招呼客人，讓人感到賓至如歸。如果你也想品嚐美味的豉油雞，感受香港傳統冰室的氛圍，不妨在週一或週二前往北角的渣華茶冰廳，相信你也會愛上這裡的美味和人情味！

第一次幫襯，俾佢啲服務態度嚇親。餐廳職員服務態度好差，。餐廳仲有好多位 全部客人都要坐佢安排嘅特定位置，佢持住一句今日好多人冇辦法。但餐廳長時間都未坐滿。食完嘢即刻收走你啲嘢食！

印象中呢間午膳時間經過，排長龍，隔離另外兩間茶記從來都冇呢個情況，心諗係咪真係好出名，又好食呢？但又冇想嚟試吓嘅心態……今晚因為趕睇戲所以要快食，拔兄話見呢間裝修企理揀了呢度，在無心插柳下就試下，我哋坐了卡位，叫咗個炒貴刁及乾炒豬扒意粉，點知個阿姐話個乾炒豬扒意粉，冇意粉，咁我問轉米粉得吾得，佢話吾得，一係乾炒豬扒公仔麵，咁我話要乾炒肉片意粉，佢又話冇意粉，當時我有點勞氣，講咗好耐，原來佢話佢哋係冇意粉呢樣嘢，從來都冇意粉，我話個餐牌係寫意粉喎，佢話佢哋冇意粉……，之後我叫滑蛋炒肉片河……炒貴刁及炒肉片河，味道都ok嘅，不過貴刁同河粉一樣樣，正常貴刁粉粗度應該係有啲吾同……呢間冰室，咁基本意粉都冇，應該在餐牌上delete晒有意粉嘅菜式啦，寫出來做乜呀？……櫈都未坐熱就同我講個卡位係四人，如果有客嚟就要坐一邊（佢哋真係好有信心晚巿有人排隊），的確，後來係有客來，要搬位坐一邊，冇問題，明白嘅……好在今晚趕時間，吾係坐好耐（一小時也沒有），相信下次未必會再來，因為冇一個舒服感覺去品嘗啲食物（如果係好食有水準的話）……

路經幾次 睇住下午茶menu寫住2:30-6pm, 想試下，5:50pm去到， 店員話下午茶截佐了，5:45pm截佐，截水吧。外面張菜單寫住截6pm, 你點解要提前截。店員不停重復， 下午茶截佐。咁都得嘅

看過 Youtuber 的介紹，推介該店的梅菜扣肉正👍， 正想吃好味的梅菜扣肉。現在想吃到好食的梅菜扣肉也難了🙋‍♀️，肥腩肉要肥，瘦肉不可炆得柴/'鞋'! 梅花邨小館出名的梅菜扣肉也不外如是，梅菜還梅菜味煮，南乳扣肉還南乳扣肉味，雙互味道不夾，是分開的😅!相約好友去吃午飯，只怕梅菜扣肉賣光，特地約中午12點。惟早上11:50 去到才知是日午餐沒梅菜扣肉🙋‍♀️，一到來就在門外排隊😅。幸好門外排隊的人不多，頂多五、六名而已。店內客人一食完就走，在門外排隊的人 (包括我們) 亦不用等太久! 我們大概等了8分鐘左右就可入內。當在外出排隊時，有對年長的夫婦 (相信是街坊) 經過，太太問丈夫為何該店總是門外有人排隊，而左右隔鄰的店舖却沒有呢?  其丈夫回答說: 該店一定食物好食，才有人排隊啦🙋‍♀️!今日的是日午餐包括:1) 沙薑雞飯2) 花生南乳炆豬手3) 梅菜蒸肉餅飯4) 萄汁豬扒炸帶子飯5) 五香肉丁出前一丁配魚柳包6) 涼瓜排骨炒麵7) 炸菜蒸鯇魚飯因該店沙嗲牛肉出名，二人行的我倆，叫了梅菜蒸肉餅飯和沙嗲牛肉炒米。是日午餐送的例湯較水，飲了一口覺較淡，沒有飲了😅!  不是靚的例湯我是不會飲的

聽講遊客最近會特登過嚟食常餐不過今次嚟冇食到，反而試左都多人推介的雞飯🐤🍚-午餐 豉油雞飯$52！抵食 成碟雞～重點係雞肉超嫰！！真係超好伴飯食😋-下午茶餐 雞髀併西多士$40 （可併薯條/沙律）雞肉醃過有味!!👍🏼 唔係淨係得外皮味肉好juicy 皮香脆🍗仲要大大舊！依個價錢可以併西多真係正～西多正正常常-都叫坐滿客，外面要排小隊，侍應姨姨態度都ok！真心依個價錢今時今日好抵食😂👍🏼路過可以試吓

因為時不時去北角嗰頭做嘢，所以有時就喺嗰頭食埋lunch，而渣華冰室係會經常幫襯既一間。午餐時間約12點9左右去到經常都會有大概十幾人既隊排住，但好彩條隊尚算去得快，大約10至15分鐘入得。渣華冰室都係一般茶仔咁有大menu，基本茶仔食物都有，而門口亦有當日午餐餐牌，大約有8至10個餐咁。今日餐牌有招牌既沙嗲牛一丁同蛋牛治(有時蛋牛治係由炸脾沙律代替)，都係$55送嘢飲。另外，冬天有枝竹羊腩飯$70，咖喱羊腩飯就貴少少$75。我同同事分別叫咗個沙嗲牛一丁配蛋牛治同枝竹羊腩飯。沙嗲牛丁係俾埋包麻油，沙嗲汁都多，牛肉都夠軟。另外蛋牛治唔係嗰種薄薄一層涵嗰種，係個蛋牛塞滿個包入面嗰種，蛋同牛肉炒得幾嫩，蛋仲有啲蛋汁，生熟控制得啱啱好。個枝竹羊腩飯啲羊就煮得夠冧，而且份量幾多。通常其他餐廳都係俾得三幾粒，而哩度係成碟幾滿咁。除咗羊腩，哩間茶仔啲午餐多數$50至$55，喺北角啲餐廳嚟講都算幾平，而且凍飲唔駛加錢。咁經濟實惠，所以咁多人排隊。

同朋友去食早餐，食完見出面冇人排隊，入面仲有好多好多吉枱，所以諗住可以坐多陣，點知不停催9你走，好似你阻L住佢咁，態度又差，未食完已經想收嘢，朋友杯鴛鴦飲咗兩啖，佢夠膽死問我朋友係咪飲完啦？真係冇下次，香港餐飲業自己搞死自己。同朋友去食早餐，食完見出面冇人排隊，入面仲有好多好多吉枱，所以諗住可以坐多陣，點知不停催9你走，好似你阻L住佢咁，態度又差，未食完已經想收嘢，朋友杯鴛鴦飲咗兩啖，佢夠膽死問我朋友係咪飲完啦？真係冇下次，香港餐飲業自己搞死自己。

兩次都係午飯時間去，食過第一次，念念不忘！令人留下深刻印象的，不單止是食物，是員工們的態度！中午時段一定忙，但佢哋有種從容不迫，親切友善的態度。這一餐茶記，食得好舒服。今日攞多咗嘢，有位同事主動話幫我放在另一個地方，為的係叫我可以食得舒服一啲。這種從客人角着想，主動照顧，這份善良，超出了食物啦。 字數寫唔夠，原來唔能夠評分，哈哈

其實北角，砲台山一帶有好多人龍舖，今日我試吓呢間，所以我提早出門口，希望可以避開人龍，點知早上八點到，前面已有兩位食客。幸好流量快，排咗5分鐘到已經有得入座。其實經典早餐最抵食，可惜真係食唔到咁大份，所以叫了沙嗲牛肉，煎蛋米，凍齋鴛鴦，可惜忘記叫他們走甜，所以杯鴛鴦真的不是我杯茶。主菜上碟，賣相好一般，先喝了啖湯，熱度及味道正常，食咗啖米粉，都可以，再食呢間茶記的推介沙嗲牛肉，嘩！真心冇得輸，牛肉夾雜粒粒花生碎，沙嗲之惹味，完全唔係行貨，難怪店外有長龍，加上價錢真心貼地，凍飲又唔加錢！絕對可以繼續回頭。

放假咁好，去到渣華茶冰室冇咁多人，真係幸運！我試咗佢哋嘅銀芽肉絲伊麵，話你知啦，佢嘅伊麵係做得足晒要做嘅嘢。啲麵身唔會黐黐地，而係好爽口，仲有啲咬勁。銀芽同肉絲都炒得啱啱好，入味唔會太淡。真係食完之後覺得好滿足！如果你鍾意伊麵嘅話，真係值得一試喎！

今天早上跟女朋友吃早餐，我先到，坐了4卡位。服务员每五分钟催我一次，说很快很多人，到时需要多坐2个人。食物不错，有水平。催了我五六次，我离开时也没有太多人。香港的餐厅部分是自己搞死自己的，我下次不敢去。

I recently visited Java Cafe in North Point, curious to see if the establishment lived up to the buzz surrounding its noodle dishes. I decided to try their beef noodles, which had garnered quite a reputation online.First impressions matter, and visually, the dish presented a hearty and rustic appearance. The bowl was filled with a generous portion of beef and noodles, bathed in a rich, inviting broth. The aroma was promising, hinting at deep, complex flavors.Diving into the meal, the first thing