渝痴漁醉

營業中

休息中

任食雞煲好選擇，6點前$88位，6點後$128位，好抵食😍 有雞煲，烤魚，肉骨茶煲，胡椒豬肚煲選擇，之後可以任食火鍋配料，食物飲品選擇都幾多😍 紅油海蜇 $46作為前菜香辣爽口又開胃幾正🥰我地揀咗雞煲，份量都幾多，雞肉比較實，多骨，味道咸香惹味。出面仲有炸物拎，炸雞肉同炸魚腐，香口脆卜卜😍 食完雞煲加水打邊爐，火鍋配料好多選擇，蔬菜類選擇多，有好多菇類😃 金針菇，雞髀菇，冬菇，太開心了🥳 丸類都充足，仲有我最愛嘅廚師腸😍 配個雞煲湯底食落幾香辣美味。肉類有牛肉，魚柳等等，牛肉雖然細細片，但一定食得飽👍🏻 仲有用籤籤吉住嘅魷魚🦑同小蝦，吉住黎食特別食得有感覺😆 飲品有好多盒裝飲品，全部都係啲解膩嘅飲品👍🏻 唔錯😃

渝痴漁醉 (銅鑼灣)烤魚放題 $128/ 位點解可以咁抵食☺️ 晚市放題包埋無限汽水、紙包飲品先每位$128，任食2小時😍而且店員把烤魚呈上時也很驚歎，魚🐟非常大條！ 揀了麻辣小辣，非常惹味💓 魚肉不腥，肉質結實～ 另外還設了自助醬料bar, 可以按個人喜好自行調製自己喜歡的醬汁，不過小編認為如果叫麻辣烤魚其實湯底的味道已經很入味～～另外還有丸類、蔬菜🥬、肉片等供應，選擇不少～～ 當然還有獨立包裝的烏冬😚😚 放入烤魚爐與烤魚一起煮，烏冬吸收湯底的精華和烤魚的鮮味🥰🥰除了烤魚，還有雞煲放題，下次試埋先～～*無需加一服務費地址：銅鑼灣記利佐治街1號金百利廣場8樓R1號舖

見到有人推薦呢間舖，晚市做緊$128一位，雞煲/烤魚，打邊爐兩個鐘任食。.講真，係銅鑼灣呢個地段可以有咁平真係有d難以置信。一於上去試下真假。.門口位有好多野食可以拎，食完雞煲或者烤魚之後，可以加湯打邊爐🍲。.🌸雞煲放題 $128熱辣辣嘅雞煲，雞肉好嫩好香口。揀左bb辣，聞落去好似好辣咁，但其實唔會。辣度啱啱好～.打邊爐陣時拎左牛丸，真係超級好食。好彈牙 同埋會爆汁～.蝦同魷魚整成串串🍢，擺入鍋中都幾方便。魚肉好新鮮。.🌸涼拌海帶絲 $38超鐘意呢款海帶絲，爽脆香口。.食完有豆腐花送😋

今日去銅鑼灣shopping行完街已經晏晝 就睇吓附近有咩食啦見到呢間渝痴渝醉有下午放題 都只係$88位（2位）起咁抵食就俾佢吸引咗🤪.🌟烤魚放題 ($88)午市嘅放題有四款 有雞煲、烤魚、肉骨茶煲、胡椒豬肚雞煲🍲任選一款 而用餐時間就有90分鐘.烤魚可以選擇麻辣或者酸辣做湯底今次我地就揀左小麻辣🌶鍋入面預先放左一條魚 都幾大條🐟條魚嘅外皮煎得香脆 相信係先走油再落湯所以一啲都唔會腥 魚肉亦都好實淨食完魚之後仲可以無限追加火鍋配料同啤酒汽水任飲😋.火鍋配料有好多選擇例如有肥牛、豬腩肉、各種肉丸、芝士腸、菜、菇、薯粉、寬粉等等肥牛同豬腩肉肥瘦適中 而且切到細細塊可以食多啲🤤薯粉同寬粉吸晒啲辣湯仲好入味飲品都好多選擇 例如啤酒🍺、汽水🥤同紙包飲品🧃啱晒我哋食辣野用黎解渴.🌟麻辣無骨鳳爪 （$32）見到餐牌有好多選擇 口痕嘅我地又叫多咗兩碟試吓鳳爪爽脆 而且仲有麻辣味 都幾辣下.🌟孜然牛肉 （$88） 牛肉微微辣煮得好腍仲食到滿滿嘅孜然粉包住牛肉 夠晒惹味.其實餐廳仲有其他午市嘅蒸飯、粉麵套餐唔想食咁多嘅朋友都可以有放題以外嘅選擇另外職員都好細心同有禮貌 呢個價錢真係好抵食😚

餐廳提供雞煲/胡椒豬肚雞煲/烤魚/肉骨茶俾大家任均選擇，食完仲可以打邊爐放題，6點前$88/90分鐘，夜晚都係$128/120分鐘咋，任飲任食仲要免收加一，性價比幾高我地揀左雞煲小辣，對於唔係好食到辣既我地黎講都接受到，雞件吸收晒湯底精華加埋少少辣夠惹味😋，雞件份量唔少。食完雞煲出邊仲有配料可以自取打邊爐，蔬菜，肉類，丸類，麵類等等都有齊，最中意食芝士豆腐，口感彈牙，食到停唔到口😝另外叫左海蜇手撕雞、蒜泥白肉，呢兩款小菜會比雞煲再辣d，海蜇爽口手撕雞嫩滑，蒜泥白肉夠晒蒜香味，份量唔算多。餐廳仲有家常小炒、風味涼菜、水煮系列、粉麵套餐，留意返餐廳下午時間都好多人，大家有興趣既話記住預約去試下啦～

烤魚質素唔錯。因為叫左酸菜湯底，酸菜愈煮愈出味，任食食材以呢個價錢睇，都有返對應的質素。得魷魚個人覺得唔好食外，其他都唔錯。芋頭係炸芋頭，煮冧咗就好好食。牛肉都可以！服務員有少少生疏，唔會主動加湯唔會收碗碟，兩次加湯都係自己黎。前一天訂位約19:00，但店員講因為入座同任食時間的問題，所以建議我地改約19:30。呢樣完全沒有問題，所以接受改為19:30。第二日19:25上到去報到，店員就講：要等等幫你安排。一等等左到20:00。期間都問左2次過店員已經訂位，係唔係可以入座？第一次回答，係，冇枱，仲安排緊。第二次先老實答，因為上一輪客人都係18:00-18:30入座，陸續到20:00先交到枱。當場覺得好無奈，有少少覺得訂唔訂位都沒有分別，我地同walk in 既客人一齊等。重點都係店員建議約19:30。既然係因為任食問題，不過店家直接設時段，1800-20:00/叫我地直接約20:00。咁樣我地唔洗係已經有預約情況下再白等。否則’預約‘就沒有意義。唔係唔想等，但係上面地方細，根本企唔到太多人。

呢度主打川辣,有唔少菜式選擇重慶麻辣雞煲 香辣烤魚 招牌香鍋 朝天門水煮魚 李家沱酸菜魚咁今次2個人就試了幾款唔錯介紹下麻麻辣辣酸菜魚 一層紅油滿滿蓋住去骨魚川 灑滿了川椒和花椒,全部都係由四川入貨,保証麻辣魚片起骨啖啖肉 撞上濃辣既 魚片鮮嫩可口 麻辣勁持久不散川辣炒豬肚 豬肚爆炒蔬菜片 川麻汁醬香辣惹味, 豬肚爽帶韌好味!小菜 辣醋木耳 麻辣脆蓮藕 醋遇上辣汁,層次豐富口感帶脆渝痴漁醉銅鑼灣記利佐治街1號金百利廣場8樓R1號舖平均消費$300評分8/10

🔺 渝痴漁醉 (銅鑼灣)收工同老公去食雞煲❤️就近揀阻呢間任飲任食2個中，先係$128/位😯😯🔻胡椒豬肚雞煲胡椒豬肚雞煲係出面少有，所以揀阻呢個，同埋加湯都唔會變淡，反而d 胡椒愈滾愈出味😍同埋佢d 豬肚都唔少，豬肚好爽唔un 好少有，值得一讚👍🏻 其他火鍋配料，飲品，調味料同埋加湯都係自己出去自助既，非常分便，而且配料都唔少，都有3-40款，當中我最推介既有🔸白魚蛋🔸魷魚串🔸芝士豆腐🔸芋頭，d 雞食唔夠出面都仲有雞件任夾😍總結：呢到d 員工個個都好有善😊提提大家，我平日黎都爆場，建議大家book 定枱就穩陣啦～呢到CP 值都好高，2個人$300都唔使就可以食就反艇，重要d 野食唔差，選擇亦都唔少🤗🤗

👌🏻雞煲放題 (任飲任食兩小時) $128二人份有半隻雞，大約有廿零舊雞肉夠哂入味，亦無雪味，幾惹味既😌但唔算好大舊，啲肉唔係好多醬汁好濃味，有麻香嗌左中辣，後勁好強，會愈食愈辣🥵！火鍋配料款式唔係好多，質素一般🤭比較好食既係魷魚鬚同芝士魚腐魷魚鬚彈牙有鮮味，芝士魚腐又真係食到芝士味，算唔錯仲有紅薯幼粉同寬粉吸哂醬汁精華，飽肚之選😂雖然整體味道一般，但叫做對得住個價啦😗味道：6/10性價比：7/10-👌🏻紅油海蜇 $46海蜇唔算好爽口，但唔會碎濕濕中辣無雞煲咁辣，紅油似醬汁多過油，麻醬味幾突出🤪調味落左醋，味道酸酸地，幾開胃仲有少量青瓜絲墊底，無咁滯味道：7/10性價比：6/10-📍#渝痴漁醉銅鑼灣記利佐治街1號金百利廣場8樓R1號舖#hkfoodie #foodiehk #hkfood #foodhk #hkeat #香港美食 #香港美食指南 #香港美食日記 #香港美食地圖 #香港美食推介 #平食 #窮遊 #打卡 #香港打卡 #情侶好去處 #拍拖好去處 #週末好去處 #銅鑼灣 #銅鑼灣美食 #銅鑼灣好去處 #銅鑼灣美食地圖 #灣仔 #灣仔美食 #灣仔好去處 #灣仔美食地圖 #金百利廣

嘩…. 老老實實，我諗住食晏平平地是但食，都唔抱太大要求，接到派傳單嘅姐姐，佢好熱情話好好食，好啦…. 見$88 食90分鐘，有烤魚、雞煲、肉骨茶、胡椒豬肚雞煲四選一，都幾吸引，就試試😁一上枱我眼都突埋，咁大條魚😵 $88 仲要配菜任食，平時一個烤魚都$250-300啦，佢飲品都係任飲，最緊要係佢連啤酒都係任飲😍 好岩我😍另外收費小食我叫咗蔬菜炸蝦餅、炸墨魚餅、蓮藕餅 都係各$18 🔥我強烈推介俾大家🔥不過地方細小小，迫小小，但係食物同服務質素係不錯，呢個價錢喺銅鑼灣！食個車仔麵咋😌

成日經過銅鑼灣金百利廣場都無咩留意樓上有咩餐廳,今次同朋友決定認真咁研究下有咩特色樓上餐廳,朋友咁啱見到呢間餐廳幾抵食之餘又有佢想食既雞煲就決定入去試下.晚市2小時放題一共有4款煲底提供:重慶麻辣雞煲/胡椒豬肚雞煲/肉骨菜煲/烤魚.點左所需既煲底後可以自由出去自選區拎其他配料及飲品.雖然款式唔算話好多但勝在refill得快.胡椒豬肚雞煲雞煲湯底帶住淡黃奶白色,豬肚及雞件數量都相多豐富,而且湯面上亦帶住粒粒黑胡椒.湯底帶住好濃既胡椒及雞湯香味.豬肚洗得乾淨唔會帶污垢,入口爽彈唔會過韌.雞肉唔會過柴之餘亦帶住濃郁既胡椒味.配料方面有少量牛,豬及雞肉提供,而平時主要既基本丸類都有.麵類較有特色,無諗過有平時放題較少見既寬粉,寬粉落鍋滾短時間就變得晶瑩剔透,入口Q韌彈牙又掛到雞煲湯底既精華.飲品除左汽水外亦有啤酒及茶類供選擇,以呢個價錢免加得黎又有咁多款真係幾唔錯.

平時去金百利都無留意有呢間，以為淨係食酸菜魚嗰啲。朋友帶我去先知原來有打邊爐😋。6點後$128位仲要120分鐘任食！見咁抵就同朋友放工6點幾黎食。去到都唔係好多人，去叫左個最大路既胡椒豬肚雞煲😝。🔅胡椒豬肚雞煲 ($128)雞煲都好多雞，仲要都唔算多骨，出面有啲港式雞煲真係得少少肉多多骨😱。不過打完就好多油浮出黎，提議大家打邊爐都係忽走啲油先打邊爐，好多朋友懶唔忽走通常嗰晚都會因為太油而肚痛🤣。火鍋配料方面食物款色都幾多，最鐘意既係有風琴豆腐，唔係到到都有呢款豆腐🤤！加埋豆卜吸晒啲雞煲汁無得彈😎。好欣賞佢既菜都好新鮮，無乜爛既👍🏻。啲肥牛都唔係好劣，意外地又OK喎。野飲方面都好大路，不過荔枝汁好甜就唔提議飲😂。💬$128做到喺銅鑼灣食到120分鐘任飲任食雞煲打邊爐真係超抵😎，cp值極高👍🏻。

星期日Lunch 去左食呢間幾出名既酸菜魚放題，晏晝好多人冇book 位要等，好彩有book 左位先，因為餐廳唔係好大間😳❤️酸菜魚放題 未試過咁平既放題 Lunch$88/位，唔洗加一，仲好食添wor，真係好amazing!! 酸菜沙巴魚大大條好多肉，配料原本以為會係俾最平最cheap 果d 丸，點知d 丸好好味，特別推介魚蛋鱈魚丸，好好食rrr! 除左丸之外都係例牌果d 菜呀 肉呀，款式唔係超多但都夠晒，最中意係有酸菜魚必食既冬粉可以不停追加～另外仲叫左2款小食，雖然係幾好食，不過價錢比起$88放題就唔係好抵，下次會skip😂🧡海蜇手撕雞 手撕雞幾滑，麻醬都幾香，好多海蜇💛黃金芝士豆腐 打邊爐配料其實都有，不過呢個炸左好香口

jo又食酸菜魚🤣今次太肚餓了要食任食🙈.好大條魚呀！入面仲有好多酸菜正😋可以加錢轉其他魚，jo就無加錢已經覺得好好食😋食完酸菜魚都可以加湯任食打邊爐，雪櫃好多野食任拎，最開心係可以狂拎菜同薯粉食，汽水啤酒都係任飲👍🏻.仲點左一碟炸花枝丸，炸得幾香口配上泰式辣醬好好食！.埋單$128一位仲唔駛加一，真係勁爆抵食味道又唔錯，地點係sogo對面好方便，如果好肚餓係附近又唔想食太貴又咁岩想食酸菜魚滿推介的👍🏻

渝痴漁醉🐟喺銅鑼灣行街，順便睇吓有咩好食，我同另一個friend都好鍾意食辣野，咁我哋就今次揀咗呢個麻辣烤魚，我哋冇揀到放題，而係單點，因為我哋兩個女仔食量比較細麻辣烤魚桂花魚~$328烤魚有幾款魚可以揀，每款唔同價錢，有鯇魚$238，凌波魚$278，清江魚$298，桂花魚$328，深海石斑$338🐟，咁辣度我哋就揀咗小辣，因為知道會越煮越辣，桂花魚冇乜骨，麻辣味非常香，又香又辣，刺激味蕾🤗好食飲品我地飲可口可樂~$15渝痴漁醉 (銅鑼灣)🏠：銅鑼灣記利佐治街1號金百利廣場8樓R1號舖☎️：23511323