渝川廷

營業中

休息中

朋友話訂左枱在荃新天地的渝川廷食火鍋放題，佢話掃到廣告見$268一位勁多野食，咪黎試下囉。個餐包一份烤魚或雞煲、海鮮併盤、龍蝦每位半隻，仲有燒味、點心、火鍋料任食，除加一外無其他雜費😋⭐燒味 & ⭐燉湯落完單最快上係燒味同燉湯，正常燒味店貨式啦，好味係幾好味，但同打邊爐有啲唔夾🤣燉湯勁好飲，是晚係蟲草花燉雞，推薦😍⭐蒜蓉粉絲蒸龍蝦龍蝦可選堂灼或粉絲蒸，都幾好，蝦肉爽口彈牙。⭐香辣烤魚我地揀左烤魚，一大條魚，配料有豆卜、大荳芽、紅薯粉等，食到呢度基本上都飽左大半。⭐麻辣湯併清湯湯底揀左鴛鴦鍋，清湯幾鮮味，麻辣湯略微不夠辣。⭐海鮮盤自選六樣海鮮，點左白鱔片、龍躉片、鮑魚、北極貝、蟶子、台山蠔，上到枱送多左兩隻元貝🤔全部都好鮮甜🤤食得出係新鮮貨，個人至愛白鱔片同龍躉片，魚肉超正😍⭐各式火鍋料火鍋料選擇都算幾多，相反自助區蔬菜同丸腸就偏少😂朋友狂點海鮮食，個人則覺得牛肉片同羊肉片正。⭐飲品一般罐裝飲品都有嘅、茶、汽水、啤酒等，雪櫃自取，想飲唔凍可問店員拎。晚市客人唔多店員亦只有一人，不得不讚那位當值員工，勁好服務態度做野爽手，有救必應👍直頭想挖角度自己公司添😆

平時行開荃新天地，知道這裏新開一間任食火鍋酒樓，馬上和家人過來嚐一下。酒樓保留傳統海鮮池，可以見到新鮮龍蝦鮮蝦在池中，食材保持新鮮。而任食火鍋配料在電話下單，不過大家都一定是最期待海鮮頭盤。🥥 1. 椰子雞火鍋 × 麻辣鴛鴦鍋椰子雞鍋作湯底，椰肉刨絲增口感，清甜中帶草本回甘。雞肉本身已在鍋中，店員提醒湯滾後可以先飲一口湯，再落火鍋配料。另外，麻辣鴛鴦鍋亦是港式火鍋之中的經典。我個人推介先涮海鮮吸麻辣精華，再落牛肉，這樣鮮味會更加香濃。🦞 2. 蒜蓉粉絲蒸龍蝦原來任食火鍋，還有一個宴席級彩蛋，每位贈送半隻蒜蓉粉絲蒸龍蝦。相信龍蝦就是在水池中新鮮揀取，龍蝦肉質非常彈牙，值回票價！🦪 3. 海鮮拼盤同樣，店員介紹活海產亦是新鮮海鮮，即場由水池拿出來，我們選了活鮑魚、台山蠔、龍躉片、元貝、活海蝦、蟶子。一入口就知道，海鮮絕對新鮮，絲毫沒有冰鮮味，入口爽口彈牙。🥩 4. 火鍋配料美國牛小排：雪花紋理一流，建議涮麻辣鍋，肉脂香混椒麻就是極致。青口×帶子：除了活海鮮拼盤，任食亦可以點其他海鮮，所以亦是必點之選。韭菜餃：餡料有蝦仁韭菜，咬開爆汁，有意外驚喜。🌿 5. 自助區蔬菜區：店員細心排好蔬菜區，

開心大發現，性價比極高，其中海鮮特別優質，必須推介一下！！剛好要到荃灣走一敞，車子泊進了荃新天地，快快處理完事情後就要想想如何取得泊車優惠，當然最好的方法便是吃了！惟一期比較多人，於是走到了二期，剛好職員在門外推介任食火鍋，看餐牌相當抵食，就入內試試。正值暑假，無論走到哪裡都覺得人流較多，惟這家餐廳比較少人，試過後卻覺得水準相當高，想推介一下！這家任食火鍋店不像其它火鍋店將食材放出來，而是自行以手機落單的，只有菇蔬類放了出來。優惠內容：價格$268(星期一至四)；$298(星期五至日)時限120分鐘(提早預訂是～無～限～時!!)開始火鍋前，會先來雞煲或烤魚。送一盤又靚又新鮮的海鮮盤，海蝦還在動！每位送半隻龍蝦！那條烤魚超大的一條，十分有睇頭！而龍蝦也是吃得出的新鮮，不是雪藏貨！其餘丸、腸、餃類、牛、羊、豬等可以手機點餐，選擇雖不算多，水準卻不錯，試了牛和羊，都是嫩滑的👍🏻還可點一般火鍋店未必有的燉湯、點心、燒肉和叉燒等，我們都試了小份量，連這些與火鍋無關的食物，水準亦不錯，或許因為鄰舖是同集團的酒樓，因此也有一定的水準。謹記提前訂枱，可變成無限時，十分適合聚會暢談！服務方面也很到位，由

之前食過呢間晚市小菜係唔錯，今次就打邊爐，都好唔錯，價錢仲好優惠，120分鐘$268 ，如果提早預訂，可升級無限時😋。套餐包左有龍蝦🦞（可揀蒜蓉粉絲或打邊爐灼），雞煲或烤魚，另有海鮮拼盤揀，仲可能揀另一湯底打邊爐，放題食材仲有燒味點心，勁豐富！其實真心幾抵，出面咁食起碼都三百尾四百蚊啦。龍蝦原汁原味食到鮮味，肉質彈牙。我地另揀左椰子雞同花膠美人鍋，兩種湯底都勁濃郁，椰子雞湯頭香甜滑溜，椰奶味濃，雞肉又嫩滑，好好味。花膠美人鍋底加入豐富嘅花膠，滿滿豐厚膠質感，滋潤養顏，深受女士喜愛💕愛養生嘅你一定要試吓❤️海鮮拼盤食材好新鮮，有活鮑魚 /台山蠔/龍𧄌片/元貝/活海蝦/蟶子活北寄貝/象拔蚌仔/沙白/白鰭片可揀六款，每人一份 每款都飽滿又啖啖肉，其中帶子，海蝦🦐沙白，蠔都可任食。火鍋配料入面我比較鍾意美國牛小排、黑毛豬、炸魚皮同海蝦。美國牛小排肉質柔軟滑嫩，油花分布均勻😍點完一輪又一輪。黑毛豬有肉汁豐富嘅口感，肉味濃郁到滿瀉，唔加任何調味，都已經好好食🤤係咁encore。炸魚皮又係好正，熱辣辣，酥脆且無腥味。 活海蝦勁新鮮!!啲腸係無黑色污糟野，肉質又彈牙，又係encore左好多。

🇭🇰荃灣抵食海鮮火鍋放題這家餐廳提供先烤魚後火鍋的放題選擇，120分鐘任飲任食，價格只需 $268/位，絕對是海鮮愛好者的好去處！主菜 四選一我們選擇了香辣烤魚（中辣），一上枱就驚艷到！魚身大而肉質鮮嫩，幾乎沒有骨頭，還配有木耳、酸菜和豆腐卜等多種配料，味道香辣可口🔥火鍋湯底 八選一我們選擇了清湯拼麻辣鍋，清湯裡面有豆腐等小料，讓湯底不會太過清淡，正好提升了整體的風味。 龍蝦 （每人半隻）蒜蓉粉絲蒸的龍蝦，鮮甜可口，肉質彈牙，配上香濃的蒜蓉，讓人欲罷不能。海鮮盤任選時令海鮮六款，我們選擇了活鮑魚、台山蠔、龍躉片、元貝、蟶子和沙白，每一口都能感受到海洋的鮮味。 火鍋配料任食使用QR Code落單，其中推介即日燉湯美國牛小排—肉質鮮嫩，油脂分布均勻廣島蠔—鮮活的海味，肉質厚實讓人享受火鍋的樂趣～點心黑毛豬叉燒皇—叉燒肉質柔嫩，帶有甜香的蜜汁，外皮微焦還有脆皮燒腩仔、蝦餃和燒賣，為你的火鍋體驗增添更多選擇。自助區提供多款酒精和無酒精飲品、醬料以及新鮮蔬菜，讓你可以隨意搭配。加一服務費📍渝川廷 (荃灣)荃灣楊屋道18號荃新天地2 1樓126-128號舖

荃新天地平民價錢抵食雞煲鮑魚海鮮火鍋放題！荃灣地頭蟲近排同屋企人食咗一間好抵食嘅火鍋想多啲人知道 支持到佢哋呢個價錢真係冇得輸！星期一至四$268兩位起跳星期六日加$30幾部曲俾大家選擇先揀雞煲或者烤魚我哋試咗烤魚用料一啲都唔求其講緊出邊$348先食到一大盤仲有薯粉，配菜等等，辣度自己調節然後再揀火鍋湯底我哋叫咗花膠養生美人鍋湯頭滋潤順口又濃郁而且入邊花膠數量亦唔少，雞件彈牙嫩滑天地真的海鮮拼盤任選六款強力建議推介活海鮮，鮑魚、北寄貝、聖子、海蝦、生蠔等用料新鮮大隻火鍋配料蔬菜飲品選擇亦唔少不過好老實，食完前面嗰啲已經飽咗😂😂😂呢一間嘅火鍋任食有兩個賣點都好吸引我！就係佢有我最鍾意食嘅燒味有成八款俾大家任揀仲有即制點心，熱辣辣燒賣大大粒入邊有鮮蝦，另外叫咗個菜苗餃，水晶皮煙靭！點心放題，真係啱晒我阿媽🤣🤣🤣呢個價錢質素喺大商場入邊值得俾多啲人見到！

今晚嚟到呢間被朋友狂推嘅豪華火鍋放題，一餐可以食勻海陸盛宴，真係好過癮！首先上枱嘅係金湯酸菜鱸魚鍋，湯底酸香濃郁，鱸魚片嫩滑冇骨，仲加咗吸飽湯汁嘅粉絲同豆腐泡，粉絲滑溜入味，豆腐泡一咬爆汁，正到爆！我哋揀咗清湯沙爹鴛鴦鍋，淥海鮮同肉類都好夾，沙爹香濃得嚟又唔會蓋過食材原味，淥蔬菜仲特別清爽，兩個湯底配搭度滿分！海鮮拼盤超豪華，有海蝦、元貝、聖子、鮑魚等等，全部新鮮到不得了，海蝦上枱仲識郁，元貝肥美鮮甜，鮮味十足！美國牛小排嘅油花分佈靚到好似藝術品，淥3秒變粉紅色最好食，入口即化！羊肉片嫩滑冇羶味，配沙爹鍋真係一流！蒜蓉粉絲龍蝦大大隻，龍蝦肉彈牙到不得了，蒜蓉醬香得嚟唔會搶味，底層粉絲吸晒龍蝦精華，上枱轉眼就清晒！燒味任食黑毛豬叉燒皇蜜汁香甜，肉質軟嫩！脆皮燒腩仔三層分明，皮脆肉嫩，個種"三層脆"口感真係無得頂！麻辣口水雞麻香惹味，手拍青瓜爽脆解膩！點心任食蝦餃皇皮薄餡靚，蝦肉爽彈！燒賣皇口感紮實彈牙；紅棗糕香甜軟糯，食完火鍋嚟件就最啱！人均200蚊左右就可以食到龍蝦、高檔海鮮、頂級肉類同手工點心，性價比高到爆燈！建議提早訂位同空腹嚟食，因為好嘢實在太多啦！

話說上個禮拜三就去咗荃新天地2期睇戲，睇完戲之後都6點幾，就揾下附近有咩食，喺英皇行咗幾步之後，見到有個姨姨喺到sale，拎咗傳單睇，見到有雞煲幾吸引，之後就入去食入到去發現得我地1枱，但姨姨全程都勁好態度一入去已經送燒賣、水晶餃同蟲草花燉湯，食咗之後，發現啲點心同個湯都出乎意料地正，蒜蓉粉絲龍蝦同個雞煲都好香！啲雞仲好滑，到咗之後打邊爐，我地就叫咗沙嗲湯，個湯底勁濃勁香，完全唔係hea我，啲海鮮黎到嘅時候超級新鮮，牛小排同豚肉片嘅質素都好好，食完之後仲有得食haagen dazs，成餐飯都好good trip😭🙏🏻🫶🏻野食質素好好同好食之外，姨姨仲好好態度，但好可惜嘅位係，成晚都淨係得我地1枱生意，可能因為餐廳個位真係太入，所以好冷清⋯⋯所以想喺到推一推薦下渝川廷🥺如果大家喺附近行開，真心推薦去依度食！我真的不是打手！😭只係個人覺得真係好抵食！😭見到生意咁冷清真係覺得好可惜🥺

適逢週末假期，撞正下雨天，下雨亦無阻小妹去覓食，遊蕩商場間，發現有間雞煲火鍋任飲任食放題，於是和友人決定入內試試看😙。每位惠顧嘅客人獲半隻龍蝦和燉湯，小妹就選了蒜蓉粉絲蒸龍蝦，龍蝦肉鮮甜彈牙，作為第一道菜有驚喜。雞煲就選了椰子雞，清甜湯底，充滿椰子香氣，嫩滑雞肉，滋補養生。火鍋湯底8選1，朋友就選了皮蛋香茜鍋，芫荽獨特香氣，搭配皮蛋滑潤，令湯底清新，中和油膩。海鮮盤任選時令海鮮6款，小妹選了鮑魚、龍躉片、海蝦、蟶子、北寄貝、元貝，海鮮新鮮，尤其是蟶子、北寄貝、龍躉片，鮮甜爽口肥美；火鍋配料應有盡有，款式種類多，有美國小牛排、黑毛豬、羊片、雞、響鈴、帶子、丸、水餃、蠔、鮮鱿、蟹柳、魚皮、菜、菇、粉絲、淮山麵、烏冬、出前一丁等，除了肉丸類麵食之外，意想不到的是會有中式點心😲，蜜汁叉燒和燒腩仔，蝦餃、燒賣、菜苗餃等，當然火鍋又點少得汽水和啤酒，甜品就以Häagen-Dazs雪糕劃上句號，是日大大大滿足だいまんぞく😋。

火鍋]星期五嘅夜晚喺荃新天地揾野食，見到有打邊爐放題就求其入去試下，喺無乜期望下，反而驚喜連連，值得分享！🔹海鮮拼盤🔹 一上桌就令我驚艷~拼盤10揀6~全部都好新鮮~仲要洗得好乾淨~鮑魚都仲係郁緊，生蠔勁大隻！龍躉片估唔到咁好食！🔹蒜蓉粉絲蒸龍蝦🔹 今晚另一個亮點！升華左成餐飯~龍蝦蒸到剛剛好~肉係彈牙嘅~連啲蒜蓉粉絲都清碟~🔹蟲草花燉雞湯🔹 睇落去清清地~但飲落唔簡單~湯底濃郁，滋味十足~飲完好舒服嘅感覺~🔹火鍋配料🔹 真係要讚下啲牛肉同豬肉~完全無期望下食到中高檔嘅肉，係幾咁有驚喜~仲要其他野食都唔差~蔬菜係出去任拎，全部都幾新鮮~自己整左個拼盤出黎~開心~

52多款點心、熱盤和冷盤選擇，味味都可叫一件試食，整體味道唔錯，特別推介以下數款：1. 咸水角咸水角外皮微脆彈牙、內餡鹹香，有糯米和冬菇的傳統風味。2.  蒜蓉粉絲娃娃菜這道清爽菜式成功在重口味之間提供平衡。娃娃菜嫩滑，蒜蓉調味剛好，粉絲吸汁力強，是素食者和注重健康飲食者的好選擇。3. 三拼冷盤（豬腳凍、青瓜、海蜇）這款拼盤十分開胃，各有特色：豬腳凍膠質豐富，入口滑溜；涼拌青瓜爽口清新；海蜇彈牙微辣，麻油香氣突出，是非常受歡迎的涼菜組合。4. 千層酥點 & 腐皮卷兩款炸點心外皮層次分明，金黃香脆。炸腐皮卷帶點港式酒樓風味，口感層次豐富，適合喜歡炸物的食客。5. 蘿蔔糕 蘿蔔糕煎得金黃香脆，內裡保持濕潤感，是必點之選；不過，真的好少人來。但我覺得好抵食!

當日喺門口睇餐牌阿姐話有好多嘢食又刺身又蔬菜自助吧又話有好多嘢可以叫諗住入邊啲位闊落就入去試吓啦點知真係差到爆當晚計埋我個枱得三枱客我諗返呢間劣食喺嗰個位置都好多人知蔬菜吧得一款菜，三兜，唔新鮮刺身上到枱仲係未解凍嘅狀態質素奇差海鮮都係唔新鮮份量都係好少所謂嘅手打肉丸竟然係上咗一啲牛丸貢丸就算見到都O晒嘴入邊有好多款打邊爐嘅嘢都話冇貨出邊睇有三款牛入到去叫上得一款要問個阿姐先至話咩師傅落錯貨今日只有一款牛肉食仲要係超級難食衰過佳寶買最平嘅肥牛環境除咗闊落都冇任何可取之處可能通風唔好有浸噏味因為冇乜客全場就得一個阿姐當然服務都係冇啦差到爆！完

未試過嬲到寫食評！7:40入座，啲員工好似唔知有做$198雞煲咁，問返一兩個同事先知。入到去先知間野又做圍餐又做中餐又做任食。上第一次雞煲都等左半個鐘，諗住叫第二次雞煲又收左第一次個煲，落住水俾我打邊爐都好，足足等左一個鐘，催佢仲要好似我地錯，啲配菜就上齊但無個煲成個鐘，終於有個經理阿姐做到野幫我地催，一個鐘後叫我地食住個羊腩煲等（我地唔太想食）。呢間野根本做大頭鬼，人手得咁多咩都想做啲！配菜唔新鮮！上菜慢到9點先有個煲打到個邊爐！唯一得個雞煲係好食啲即煮，個羊腩煲煮定上菜時一舊舊油浮起面！俾錢我哋都唔會再去！

原來想去輝哥可惜裝修 搵到幾間 荃灣的 之前試過點心廊很一般而且落單多小小會 提你食唔哂要比錢。。。12粒蝦餸3個人食唔哂？咁其他2點都貴 就試下呢間因為之前youtube 有人講過唔錯咁就試下 因為缺人跟無法應付所以如果追求快速同服務就唔洗去 只能體諒下 性價比高 品質比好多酒樓好太多

晚上8：30到達 接近8：45職員過來講快D點餐 廚房師傅9點幾收工 本來想食$298冇限時天皇餐 話10：00要關門 唯有轉食120分鐘天后餐$258 等左十幾分鐘先有湯底 失望完全冇味嘅“花膠美人湯” 之後送來點餐嘅食物 黎左十幾盤野 將我冇叫嘅野食全部搬晒出黎 包括腸仔 肉丸 蟹柳 豆腐。。。之後叫個職員過來 我冇點到呢D 幫我拎返入去 隔左一陣再來個走辣雞煲 一上枱就呆了 未見識過 “煲大雞少嘅雞煲” 煲一陣雞未熟已經濃底 要9秒9放湯落去煮雞 變相個雞煲完全冇食過 到9：45職員又行過來 要攞菜就快D攞 出面要收菜入廚房 想點食物都快D叫埋 結果叫5樣冇2樣 蝦冇脆肉魚片冇 真係未試過咁伏嘅店舖