清進洞韓國餐廳

趁假期同家人聚首，想要食返啲正宗啲既韓式料理，呢間餐廳環境夠寬敞 我地食brunch，趕得切最後order午餐時間！好多小小碟！好鍾意呢Ｄ前菜，仲有得refill一次添！家人話之前好似有得無限refill，大概比人食得太多要限制了！韓菜點少得炆牛肋骨？又香又濃，肉質又稔，食過番尋味！正宗石頭鍋飯，不過唔好飯焦的我就一般般呢度既人蔘雞湯好濃烈人蔘味板燒豚肉雞肉，好味午餐仲配白菜餐湯。平靚正既韓國料理，去邊度搵？…查看更多

啱啱去尖沙咀,吾知係唔係rug7，周圍都好多人。同女友四處遊走見到依到唔使排就入左去試下，入到去就嗌咗份燒肉同個海鮮煲。D肉嚟到就有位叔叔待應行嚟幫手燒，食完就到個煲，好驚喜，十分大份，超足料。有六隻蝦，兩隻蟹，全條魚，蜆，全隻八爪魚，尢魚，外加大量不同蔬菜。一開始都唔點落手😂開波食有啲淡，仲以為中㐲。點知愈食愈鮮甜，兩個人竟然食囇。正。侍應態度好好，非常細心。閒談中知佢地就黎要結業，都覺幾可惜。…查看更多

由澳洲黎既朋友第一次黎香港，點名想食韓燒！星期日既夜晚又要好味又要坐得舒服既韓燒真心只係諗到清進洞！其實本人不太喜歡韓菜，太多肉！所以清進洞都係間唔中黎下，不過每次黎清進洞都唔會令人失望！環境舒適唔在講，至少坐得舒舒服服店員亦笑容滿面！佢地仲成日走黎幫我地燒教我地點食唔同既菜。今次飲品揀左米酒但味道我自己就唔太喜歡（都係鍾意上月喺釜山飲既米酒)，韓燒主打都係牛肋骨、牛脷、牛肉同埋雞肉！另外點左個kimchi 薄餅又香口又好味！但今晚最令我驚喜既都係佢既醬油蟹！事緣十年冇去過韓國既我一直都好想試下醬酒蟹，但又好怕唔乾淨會食物中毒！估唔到清進洞都有serve，只係$350 有兩隻，我地就二話不說點黎試下。我地兩個加鬼佬朋友仔食得津津有味，原來醬油蟹係幾鮮甜但都幾鬼咸，但加埋白飯一齊食就一流！其實如果唔係一向對清進洞食物品質有信心都唔敢隨便點黎試👍🏻最後佢地老闆竟然送多樣野俾我地食，雖然只係蒸蛋但放喺石窩入面上枱時入面仲炸炸聲，之後再點埋剛剛醬油蟹既汁原來咁好味！我地三個食到捧住個肚離開☺️…查看更多

一行4人慶祝生日, 選了韓國人開的清進洞, 上一次已是3年前了, 這裡明顯比之前少了客人。這裡是可以預先訂位的，因為有生日蛋糕，所以我們選了3人餐再加泡菜煎餅。頂級牛肋骨肉汁鮮味，傳統配菜款式多而正宗, 可以加添最多3款。 因為所有食品差不多同一時間上，所以吃韓式炒粉絲及石頭飯時已凍左，但味道仍然美味。泡菜煎餅充滿泡菜味道但唔多辣，餡餅厚度適中，而粉絲比較細碟。吃飽後, 叫侍應準備預先帶來的生日蛋糕，他們加插了韓國生日歌，感覺有如到了韓國般。…查看更多

朋友介紹呢度好食，講左好耐話要一齊食，終於友人生日，一同試試早已訂枱，七點埋位，九點就要交枱先叫左一個四人餐(石頭窩飯，人蔘雞，韓式炒面，海鮮煎餅，雞肉，羊肉，豬肉，牛肋骨，牛肉，魷魚，炆咩牛)，再加一個泡菜煎餅，牛肋骨同辣炒年糕，合共$2233提一提，生菜後加每盤$40 以上係八人分量，飽到行唔到…不過食過今次的韓燒，滯足我全晚，以後都應該唔太敢食韓燒………查看更多

都好久沒係度寫評 自己都少左好多出街食飯 因為改左自己下廚~有好朋友派貼 是Q但搵左E間佢話個名夠奇怪 WOW哈哈我地5個男子 叫左個4餐 9百來蚊一開波d 韓式小碟唔錯~ 亦唔會太重口味 仲要有好多TIM之後就直入 韓燒原來有個阿珠媽個幫你燒既~先燒個牛肉, 味道一流 同我之前係阿士尼道食過個間有得比 甜甜地 燒起來好香份量亦唔少 做足韓式料理STYLE "唔老土"之後 上左個 韓式燒餅 我個人十分推介又香又脆 蛋香好豐富~ 係我食過既同款菜色中最好的再來的是什錦飯 老闆會問要唔要幫你撈埋分埋也是好味的 不過我一向覺得E個飯只要有好既汁就可以做得好 佢GOOD 既有個撈粉C, 我個人覺得OKAY以上少少 不過我朋友"食家誠"食完好HIGH 絕讚咁話~完左D"電"粉質 阿珠媽又自己冒反出來 幫燒豬肋肉 D豬肋肉鋪左上板 有成4分3位都滿左 仲要係方形肉粒 ~ 醃汁同牛個個汁有D似 不過好似有D唔同 不過都好好味 好ROAST再有牛肉片燒 同埋SQUID燒 都可以的 不過唔出眾一個餐有咁多野食 也有鋪排, 生菜蒜頭亦READY好 服務也好韓式 就是要做的做好 但不多話 不打擾個人十分推介 明顯地有心用心去煮 去做, 因為沒有一份食物係唔好食 仲要係幾好到好好食~地方唔錯 位置都好就腳 尖咀黎講 一人200蚊 抵食啦~加油~ 希望我下次黎要排隊~…查看更多

清進洞應該都在尖沙咀有好長一段日子了，每次從尖東過馬路來尖沙咀，在安全島上都會看到清進洞的招牌閃呀閃．因為門面是上了一層，一直都忘記了，沒有把它他作考慮之列．同事和我這個月開始，都想每天試新東西，今天上openrice 找了半小時，找到了清進洞．跟著地圖找，才知道這個常常看到的地方就是清進洞．等了5分鐘安排入座．我們便開始點餐．餐牌上的價錢比我看到的資料貴，約$68-75加加一.先上前菜．泡菜味道不太酸不太辣，有香港風味．其他有菠菜，豆腐．比較特別的是薯仔．有少少甜味，而且顏色很漂亮．2人有6小碟，正常份量．人參雞湯$75. 先呷一口，充滿人參味．是非常非常濃烈的人參味,好像吃緊整條人參一樣，我有少少擔心我自己接受不了這種高純度重口味．幸好，多喝兩啖已經沒有過這麼濃烈了．雞有半隻，雞肉十分嫩滑，不沾淮鹽都可韓式麵豉湯，$68. 裡面有豆腐，青尖椒和蜆肉．同事嚷著說太少肉了, 很不值啊．反而看到隔離枱點的”純豆腐湯”, 有大量免治豬肉…最後附上水果．很營養金字塔…查看更多

約左朋友食飯，呢排韓風吹得咁強烈梗係要食一食韓燒啦經朋友介紹黎左清進洞上試試頭盤數小碟食韓國野唔少得既頭盤，出色既係茄子同薯仔，兩碟都夠香夠味炆牛尾朋友未到齊叫左個炆牛尾食，炆得幾入味之餘D牛尾真係好香好好味!! 正!!燒物數碟 (牛,羊,雞,豬,魷魚)牛肋骨燒緊既牛肋骨燒物最緊要係醃得夠入味得黎唔會再咸整體黎講都幾好味，加埋D生菜同蒜真係無得頂可惜既係D蒜有點兒求其，有部份係整粒上無切片海鮮煎餅海鮮煎餅都算足料，唔怕太多粉而無哂味道石頭飯人蔘雞湯　間餐廳好好人幫我地分左石頭飯同人蔘雞湯，石頭佔都足料，睇圖都唔係好見飯，味道還可以不過應該再加多少少韓式辣醬會好味D，不過怕D朋友唔太食辣所以算啦人蔘雞湯味道足成餐飯都食得好滿足，大部份野都好好食，不過侍應唔係好夠，需要等一等先有人會理你但係整體都好好!!!…查看更多

E5生日飯,壽星想食韓燒, 但我地成日食韓燒, 其實好多間都試過, 我想試新餐廳, 考起壽星... 辛苦晒, 多謝你搵到間咁好嘅餐廳!!!今日中午只食咗一碗細細的河粉, 唔知係咪肚餓過籠, 居然去錯咗華懋金馬倫中心... 去到1/F LIFT門一打開, 烏燈黑火, 重門深鎖... 好恐怖... 成間Nightclub咁... 速閃...落到LOBBY再上網查清楚, 原來係金馬倫中心, 無"華懋"2個字... 再行前幾個鋪位就到了... 坐低講開先知, 原來唔只我1個去錯地方, 朋友都去錯咗金馬倫"廣場"... 唉... 好心就唔好起咁多XX金馬倫XX來害人啦...餐廳面積雖然唔係好大, 但空間感十足, 唔會迫夾... 你睇, 中間條路幾闊...唔知壽星係咪仲餓過我, 都唔等齊人, 急不及待即刻Order咗1個泡菜煎餅食住先... 幸好泡菜煎餅未上, 朋友就到... 好, 可以Order埋個4人餐... (因為今日我同朋友都不在狀態, 食唔到幾多, 所以平時食開6人餐嘅我地, 4人餐都夠o架啦)泡菜煎餅 $80-- 呢個泡菜煎餅做得唔錯, 煎得好薄, 入口香脆, 少少辣, 幾惹味, 仲唔會油淋淋, 唔使蘸醬汁都好好味... 以鐵板盛載, 放耐咗都唔會攤涼, Good...Set Menu C $830 (4名)頂級牛肋骨牛肉豬排骨辣魷魚海鮮煎蔥餅石頭什錦飯炒粉絲韓式生菜包* 包括伴菜、湯、飯、生果 <-- 寫Blog時先發現冇比湯同飯!!!** 消費滿$190(每人)送是日美食 <-- 寫Blog時先發現冇送美食!!!5人坐6人枱, 坐得幾鬆動... 上菜速度奇快, 服務員不停堆食物上枱, 只係好勉強先可以放得晒... 職員都算有禮貌... 唯一係熱茶茶壺係中段拿走了, 我同朋友冇Order凍飲, 渴死... 之後人潮漸散, 熱茶供應不絕...伴菜非常認真, 5個人有多達10款共13碟!!! 煎豆腐好好味, 幾乎比我1個人食晒... 翠肉瓜天婦羅都係第一次見, 味道同口感都唔錯... 涼拌茄子都好惹味... 甜薯仔夠粉Yummy... 辣薯絲辣辣地, 爽脆惹味... 大豆芽爽脆飽滿... 泡菜睇落好辣, 唔敢試... 伴菜整體水準相當高...頂級牛肋骨-- 好大舊骨呀!!! 有個疑團我一直都解唔開, 相入面明明得1舊骨, 點解燒燒下會有3舊骨出現嘅呢?!! 頂級牛肋骨肉真係好好好味呀!!! 肉質柔軟, 牛味濃郁, 醬汁香甜, 切割的體積及厚度剛剛好, 輕輕烤好一邊, 再反轉烤另一邊, 鎖住肉汁, 烤好後仍很Juicy, 讚讚讚!!! 如果唔係病病地, 我真係要食多幾碟先夠喉呀!!!牛肉-- 好刀功!!! 厚薄均一, 大大片, 有D比掌心更大, 無肉碎, 貨真價實, 抵讚!!! 最憎坊間有D睇落好多肉, 但全部都係肉碎, 唔係黐底就係係烤爐隙縫溜走... 雖然不及頂級牛肋骨柔軟及濃味同埋甜, 但係都好好味, 最正係咁薄, 燒一陣已食得, FIT晒我地一班餓鬼...豬排骨-- 全晚最有驚喜!!! 我第一次食到咁好味的燒豬肉, 只係用鹽醃一醃, 已經好出味!!! 好重豬味, 唔好笑, 坊間好多豬都係冇味, 合埋眼唔知自己食緊咩... 肉質柔軟, 烤耐咗都仲好Juicy, 以鹽燒是最適合不過, 唔會掩蓋肉味, 甘香豐腴, 好想食多幾碟呀!!!吱... 吱... 吱... 睇到留晒口水, 有得食未呀?!! 未得, 豬肉要徹底煮熟先食得o架, 燒燶少少都在所不惜...辣魷魚-- 中規中矩, 調味OK, 鮮味不足, 不夠彈牙, 沒有驚喜... 燒一陣已捲起, 露出切成菱形的花紋... 海鮮煎蔥餅-- 全晚最失色, 冇味的!!! 而且太濕, 煎得唔夠香脆, 一定要蘸酸酸甜甜的醬汁同吃... 石頭什錦飯-- 唔好味!!! 接近冇味, 接近冇餸, 而且少到離奇, 每人只分到半碗, 飯身都太濕, 糊仔咁...炒粉絲-- 好好味!!! 所以龍媽Order多1客, 粉絲入味又唔油膩, 火喉好, 柔軟中帶點韌勁, 而且炒得均勻, 遲咗食都唔會黐埋一團...韓式生菜包-- 生菜好新鮮, 麵醬又香又甜好惹味, 燒好D肉, 加埋生蒜青瓜, 捲起生菜大啖放入口, 另有一番滋味, Yummy!!! 十足十睇韓劇咁, 韓風十足!!! 生果-- 幾片橙, 有點酸, 多得朋友幫手吃清光... 原來想廋, 首要條件要吃得落酸的生果, 難怪我屢創顛峰... 唉...香口膠-- 唔知咩味, o趙兩o趙吐得...4人餐加1個煎餅再加多1個炒粉絲, 凍柚子蜜, 2罐汽水... HSBC 9折, 5個人折實$1050, 超值!!! 星期五喎, 尖沙咀喎, 冇限時段喎... 7點正食到接近10點, 食完都冇人趕你走, 我地繼續吹水, 又冇人迫你叫多d食物, 一切感覺好自在好舒服, 讚!!!去Toilet冇指示牌, 我行到門口四圍望, 有個坐近門口的疑似韓藉男士, 好Gentlement咁幫我係Cashier取Key, 指示Toilet在門外, 再遞Key比我, Thank you so much!!! 女厠有2格, 都好衛生...進食至尾段時餐廳內有點烏煙瘴氣, 可能抽氣系統不勝負荷, 直至人潮略散, 空氣質數回復正常...…查看更多

朋友結婚開會，我選擇了清進洞，五個男仔叫了4餐再加其他野食。食物水準不錯，烤肉good taste。中途冷氣槽漏水，把我地d野食整濕，經理即刻幫我地轉枱，將我地部份野食換過。經理再請我地飲野，同埋俾少少discount，呢d主動offer 同埋service 真係好warm同好識做。…查看更多

以前對Korean dining 無咩興趣, 但自從去韓國食完過好JUICY既燒肉後,返到HK 耐不耐我都會食下.TST一帶有多間韓國食店, 好幾間我都試過. 例如: 草苑, 韓松, etc.不過清進洞係我唯一會去完又去既 restaurant. 可能因為價錢同份量比較抵啦.前菜不錯. 我係 Meat-monster!! 依間restaurant 既 sauce 味道同濃度適中, 好入味. 特別係牛立骨!!粉絲, 我就一般, 因為我覺得韓國粉絲好油. 依度既service 唔算好pro, 不過staff 幾勤力.整體唔錯, 多人食會抵好多!!食店有room, 多少少人可以book 間room, 方便傾計.…查看更多

冷冷清味道又差@清進洞星期日仲有LUNCH SET, 所以只LUNCH SET啦2點時間, 成間餐廳只有兩木台遊客在燒肉....冷清沒什麼人光顧的........MENU 有成20多款, SET LUNCH來說很多選擇免費附送泡菜呀, 有成6碟 ^ ^~最愛菜, 健康呀~~豆腐泡菜湯...豆腐唔嫩, 比起在KOREA喝到差太多了而泡菜醃時間不夠, 煮出來像普通菜湯湯有點酸, 但不夠辣,加有了幾片半肥瘦的五花豬肉片但D豬肉唔入味..好像人地燒肉食餘放下去一樣............講真唔正宗仲幾難飲, 好寡........攪到飯都食餘半碗....我只是靠附送的泡菜送飯第二樣是燒肉, 先燒好再端出來有 豬牛雞各數片幸好味道夠, 因肉醃到甜甜地是我最喜歡的韓燒肉味道哦飯後有片韓國香口膠送但沒薄荷味, 一味死甜哦一人消費: $70呢間是我不太推介的韓國餐廳 …查看更多

堂大佬生日,當然去食好野!!!!有我的趣怪家庭及我堂大佬一家3口,再加我堂二佬, 唯獨無了我大食老公!!!今次揀了清進洞, 我之前食過一次,已經是5年前,完全唔記得好唔好食,但只記得價錢不算貴, 又幾正宗韓國菜!!早兩天book 位, 可能平日, 大把位, 去到得6成入座!!已經是8點, 但我地仍然無得坐房!!坐一張長枱,8個人,4個4個對坐連一個細佬仔!!一見到有set 餐即叫6人餐啦, 仲加多兩款食物, 應該足夠,試一試先!!我不去任食,就是因為它們, 好喜歡魚仔同芽菜,泡菜, 足足10碟,佢俾兩set , 4個人一set ,ok wor, 我仲問個大叔係咪有得任食,佢笑笑口話,唔算係,但可以添食無幾耐,侍應放下生菜同個辣醬, 好似係生菜包,於是咪等佢黎碎肉...點知燒燒下食物,佢再介紹係用來夾住d 肉加醬食... 原來甘樣生菜包,哈哈...羊肉我唔食,無意見,但我媽話正, 有d "蘇" 味!!!juicy 既雞肉, 就甘食好入味, 再夾埋生菜加少少醬, 仲更加惹味, 不過落太多醬好咸!!豬肉相對地唔係甘好味!!超期待既頂級牛肋骨連骨, 就甘叫$220, 好正呀,侍應幫我地剪開佢....我地連淨骨都燒埋, 我媽食到好似隻狗仔咬骨頭甘, 停唔到口,....仲有道牛肉, 一樣正,牛肉值得推介, 這個就無骨, 一樣甘美味!!石頭鍋飯, 已忘了影相, 好衝忙甘叫人分左8份, , 我分到好多焦, 我不太like ,但味道不算濃, 不特別勝在熱辣辣!!下面是海鮮湯, 我地可以揀人蔘,但ma ma 地,揀左海鮮湯, 超辣,但勁多海鮮...good!!上面是炒粉絲, 不錯!!下面是另叫, 成$150,蛋包蝦,仲要唔夠分,每人分半隻, 嘩嘩聲, 真係幾好美,好鮮甜, 但可惜太貴了!!海鮮餅, 無咩味,要靠點蝦個汁, 才夠味!!自己叫的牛肋骨煲, 賣相已經好吸引,但我一舊都無食, 因為我分哂俾屋企人, 因為佢地超like , 我無咩所謂, 但見我堂大佬要叫白飯, 一定又是超好味的一道菜!!依餐飯超好味, 我地忍唔住又叫多碟頂級牛肋骨,雞肉$90!!!最後個餐送橙,同香口膠個6人餐唔算貴 ,約$1100, 埋單約$1700 !!!一定要再來!!…查看更多

A great choice for Korean food! Especially the BBQ, really yummy! Don't order scallop though, not that tasty and not worth it. The lettuce and leaves are very fresh and the environment is clean and nice. One thing annoys me is that u need to get the key to go to the toilet.烤肉好吃，海鮮煎餅好吃，辣炒年糕還好，可以再入味些，小菜還行，炒粉絲好吃，環境也很不錯！值得再回去吃！…查看更多

近日天氣反覆無常，時而天晴，時而烏雲密佈，我是一個極度怕熱的人，經常會因炎熱而胃口大減，因此適時需要找一些能刺激胃口的食物，韓國菜正是其一，可以令人胃口大開。因韓式燒烤的味道，惹味之餘又帶少許甜，又帶少許辣，有著增進食慾的作用。看見網上的評價很好，便相約一眾朋友到此。先是前菜，這是韓國料理必備的項目，這裡供應了十小碟，比平常的韓菜店多出幾碟。當中的某幾款很美味，泡菜是其中之一，另外的煮薯仔更是我的至愛，很快便吃完了，而且還追加了好幾次，店方很好，每次也會添加很多給我們。第一味到來，就是牛肋骨，放下之際，大家也興高采烈地拍照。因為牛肋骨雪花紋理清晰，充滿了油香，而且整條牛肋骨攤開後，足足有一呎半之長，夠哂氣勢之餘，還能滿足食慾。經輕微醃味後，顏色明顯轉深了，但也不失肉的光澤。放在爐上幾十秒後，翻了一翻，再烤幾十秒，香氣即時四散，即時吊起了食慾。分為小件後，烤多一會，肉質非常嫩滑，肉味濃郁，而且醃味很鮮，真是一件佳品。另外，還有點了醃雞肉及豬肋骨，雞肉比較之下普通得多，幸好醃料的味道很好，烤完亦十分嫩滑，如果有碗白飯同吃，十分適合。豬肋骨又是原條上，雖然不及牛肋骨大件，但份量也不少。燒烤的時間會比牛肋骨耐，火喉則較容易控制，因豬肉的熟透度要更加高，所以只要燒耐些就可以。豬肋骨很入味，而且有點嚼勁，很滋味，但相比之下，始終牛肋骨略勝一籌。一邊燒烤，一邊食煎海鮮蔥餅，別有一番風味，煎餅的邊緣脆口，內裡則軟綿綿，蔥味強勁，材料亦充足，加上以鐵板盛載，溫度得以保存，沾上特製辣汁，味道更加突出。最後的韓式炒年糕卻令我有少許失望，雖然味道不差，但因加入了大量雜菜，變得好像炒雜菜般。而且沒有了韓式魚蛋，加上超級辣，已令人卻步。但猶幸年糕夠煙靱，彌補了沒有魚蛋的遺憾。這兒的環境算是闊落，但抽風設備一般，的確有點油煙味。若以價錢來說，還算公道，服務與質素也不錯，值得試下。…查看更多