添記燒臘飯店

營業中

休息中

這家被稱為全元朗最好吃燒肉的店位於成記茶寮旁，風頭也許早被蓋過——無他的，他們的燒肉每天只有六十斤左右供應，每每在正午前賣完，下午一時便完售所有燒味，試問除了元朗人及閒人又有誰能一親芳澤？恰巧筆者今天心血來潮想吃，看了一下時間：十一時二十分，燒肉大概只賣了一半，毫不猶豫便起行。甫到店，人還沒坐下便點了一碟燒肉飯；師傅聞聲，即以刃末輕快的往砧板上那磚燒肉一敲，燒肉皮便破開了一小孔，再順勢斜著刀向前推，一大片肉應聲倒下，肉汁飛濺。輕輕幾刀斬成拇指粗幼，一拼剷起放在倒了豉油的飯面上。片刻，飯來。只見燒肉軟軟的攤著，肥膏雪白半透，瘦肉纖維紋路清晰略帶鬆軟之感，燒肉皮呈琥珀色帶無數小疙瘩；單從表面便看出高下。先試飯，偏乾少米香，顯然是放得太久；畢竟早上八時便已開店，放在飯煲內數小時不乾才怪。撈勻沾上豉油的吃，竟吃出些少八角味，看似一般的醬油原來也花了一點心思。燒肉以鮮五花腩入饌，炭爐燒製，嗅著有點煙燻的痕跡。長條狀切法要豎著放入口太難，總得橫著——瘦肉在左皮在右肥肉躺在舌頭上。咬下去，右邊的皮鬆化酥脆略帶炭香，是化皮工夫到家的結果；左邊的瘦肉少實少鹹，調味用上南乳而不是常見的五香粉；中間肥肉纖細

依間燒臘舖位於元朗市中心大排檔，佢嘅燒肉做得真係出色肥瘦均勻皮脆肉滑，味道剛剛好唔會太咸加上佢有特色例湯，我聽到啲員工叫佢做黑水感覺真係好得意，分量足夠價錢實惠，但係要搵佢要留心D因為個位好隱蔽，一個唔留神就會過咗！

呢間燒味店唔熟路既朋友未必搵到，係兩個大排檔既中間，而且店面得斬燒味既位置。雖然店面比較難搵，但其實呢度長期都好多人排隊斬料買外賣。燒味飯雙拼都係30蚊，絕對抵食👍🏻👍🏻切雞無雪味🐔呢度既燒味係自己鋪頭燒，所以有時仲有熱辣辣既燒肉，又香脆又咸香惹味，正呀👍🏻👍🏻

#中意嘅請分享請點讚🍻----------食完添記只可以講食燒肉都可以好出色，呢度嘅燒肉好搶手，平均下午12/1點前就會賣哂，你冇睇錯，午市未完已經賣哂可以準備收舖。----------😋燒腩仔叉燒飯 $29 😋燒腩仔飯 $27燒肉同叉燒嘅份量好多，好足料。燒肉一層肥一層瘦，所以入口唔會油膩，肉汁豐富，唔會乾身，唔同平時食得肥膩感嘅燒肉。另外，燒肉皮超脆，好似薯片咁，真係好正。----------小編12點去到，燒鵝燒鴨已經賣哂，要食記住早d去呀。不過呢度得室外，好似大排檔咁，衛生環境唔係太好，如果有潔癖嘅你就要諗清楚。----------🔎添記燒臘飯店🚩元朗建業街熟食街市C5(近建樂街交界)

今日要介紹嘅係一間燒臘店，住元朗嘅朋友應該都會聽過添記燒臘呢個大名，要食添記嘅燒肉好講緣份，有時唔夠12點就會賣晒，有時突然放幾日假唔係街坊根本唔會知道，摸門釘係平常事，添記係香港碩果僅存用炭爐燒肉嘅燒臘檔，由於安全問題香港已經停發炭爐煮食牌照，現時香港九成半嘅燒臘都係用煤氣爐/電爐燒，炭爐燒嘅好處就係燒既溫度可以去到更高，爆出更靚嘅芝麻皮，食嘅時候就好似食薯片一樣。不過用炭爐燒十分考師傅功力同耐性，火侯稍為控制得唔好就會燒焦，添記對食材亦十分有要求，家母退休前同添記有生意上嘅合作，腩仔太肥唔要，太薄身唔要，有時食材唔啱心水就唔入貨寧願早啲收工，就係種種堅持，先做到咁高質嘅化皮燒肉。$28喺快餐店可能連一個餐都買唔到，但係添記就可以食到一碗神級燒肉飯，前提係你有冇呢個緣份。我就鍾意買返屋企煮個一丁慢慢嘆😋

睇見評價好似幾好就想去試下，叫左2個雙拼飯，點知燒肉吾係想像咁好食，只係一般，燒肉皮吾脆分量吾多，一條菜都無搭感覺好失望，加多條菜比人感覺應該會好好多，再加上叉燒好差完全吾係蜜汁叉燒，吾肥吾瘦無甜味，無味道可言，飯就好多，食到口乾乾都吾想食，食哂燒肉算，叉燒都唔想食，無食哂， 重比朋友話咁都介紹，重衰過大陸街市買既叉燒，我心諗都覺得係呀，無哂面，唉，只可說沒有下次.... 一定吾係想像咁好食，比想像中差好遠

聽說這裡的燒味都很出名所以都要來一試今次來嘗嘗燒肉看到它一層肥一層瘦剛剛好 仲有 脆皮包圍在等候的時間 聽到食客咬下去都有聲音的真係急不及待 馬上回家食回到家 真係好脆不會太過油膩正大家有空都要可以一來最近食過很好的燒肉下次食下其他燒味!!!

正宗冬菇庭大排檔環境，遊客們可到此體驗一下香港正宗的大排檔。這是一家性價比無懈可擊的燒臘店，义燒、燒肉都是以鮮豬精製，炭火燒烤。在九十年代初，香港政府已經停止批出炭燒燒臘牌照，現時全港九新界以炭火製作燒臘的店鋪已經不足十家，買少見少下顯得份外矜貴，添記的燒臘雙拼飯，只賣HK$29，用料新鮮，义燒及燒腩肉等亦用上秘製醃料製作，有着特有的風味，令人一試難忘。要一嚐這店出品，緊記一定要早，全店燒臘一般會在中午一點半前統統售罄，生意火紅至此，香港緊此一家！筆者一般會在早上九點半左右光顧該店。

正宗冬菇庭大排檔環境，遊客們可到此體驗一下香港正宗的大排檔。這是一家性價比無懈可擊的燒臘店，义燒、燒肉都是以鮮豬精製，炭火燒烤。在九十年代初，香港政府已經停止批出炭燒燒臘牌照，現時全港九新界以炭火製作燒臘的店鋪已經不足十家，買少見少下顯得份外矜貴，添記的燒臘雙拼飯，只賣HK$29，用料新鮮，义燒及燒腩肉等亦用上秘製醃料製作，有着特有的風味，令人一試難忘。要一嚐這店出品，緊記一定要早，全店燒臘一般會在中午一點半前統統售罄，生意火紅至此，香港緊此一家！筆者一般會在早上九點半左右光顧該店。

假期是與老公出外享受早餐的日子，通常會選擇西式或港式的早餐店！很久以前朋友告知建業街熟食街市的燒臘不錯，每次經過都只見其招牌，而不見其營業。 原來「添記」每天只從早上營業至中午，大概營業半天，怪不得晚出門便不見其蹤影。當天早上經過，被「添記」外長長的人龍吸引，於是興致勃勃與其他街坊一起排隊！ 趁著輪候期間，當然要入內查探一下。「添記」除了提供燒臘、燒臘飯，還有無味精靚湯！ 帳篷下設有堂食的座位，天氣仍不算熱，在大牛角扇下，大叔和大嬸們依然一副吃得津津有味的表情！ 排在我們前面的大哥知道我倆是新丁，於是從旁指點，大哥指供應最緊張的燒臘品種是燒肉，通常很快便賣光。根據觀察，果然差不多每位客人也購買燒肉，而且是大手大手的買下來，兩條盛惠一百多、二百多元的，實屬大有人在！刀手的阿姐，相信一朝已夠斬得手軟！ 一排燒肉斬光，另一排燒肉又端出來，愈近燒臘檯，我們愈變得緊張，阿姐稱還有存貨後，我們才安心下來！ 除了燒肉，無味精靚湯也是「添記」的名物，當天有生熟地湯和金銀菜湯，湯癡的我一看便心癢癢了！ 幸過地燒肉仍未賣光，我們就要了這一條不大的燒肉，算是一宗小交易，盛惠六十大元，似乎並不平宜！ 不打算拿

放假四圍搵食，呢間喺元朗就成日聽人講，但一直就唔啱時間去，點解？因為佢地嘅招牌燒肉，大部份都喺每日一點前賣晒……😅今日放假，諗住早少少11點3去到添記……嘩，已經有十幾人嘅龍排隊😅😅😅。好，照排……點知排到自己嘅時間，「無晒燒肉喇😨😨」，吓咁我點算好🤷‍♀️🤷‍♀️「得一盒燒肉飯，要唔要」只要係燒肉，乜都要😍😍😍👍👍👍👍燒肉飯盒$28，燒肉鋪滿成個飯盒面，份量👉無得輸，燒肉皮鬆化😍，用上五花肉，隔肥隔瘦，中間帶點肉汁，唯燒肉中間部分只有肉味👉偏淡，而底部就👉重味(個人感覺有啲啲咸😓)整體平衡番👍👍👍👍👍叉燒$20，個人喜歡此叉燒味，有點炭烤味，肉帶啲啲爽😄下次放假要再早啲，因為未試佢地嘅「黑湯」，期待……😋

有人請食元朗馳名的添記燒肉，事前有眼不識泰山，並唔知道添記的出名程度，原來要一早去買，午市後賣晒就關門，想食既朋友早點去吧。講返燒肉，由於外賣關係，本身唔抱太大期望，心想咁遠水路，返到黎一定唔脆，誰不知隔左一段時間，皮依然脆皮，放落口隔離個位都聽到脆聲。燒肉唔太咸，油層分佈均衡，肉唔會乾，油香一流，售價好似係$180斤，雖然有人話係雪豬，唔係鮮豬肉，但燒完出黎真係無敵。之後一星期的下午兩點去過，真係已關門，所以真係要早d到!!

今日係特意請假來食！之前來過N次，次次都係燒肉沽清！今次上午11點即刻飛車來食！重要係堂食，加個黑色嘅熟地湯。感覺好似減少左食燒肉嘅罪孽！呢個燒肉，簡直是衹許天上有！一定要堂食！每一件都係一層脂肪一層肉，而面頭果塊皮，真係食一塊折壽一日都抵！果種酥香鬆化香脆，真係發夢都會記得

平民飯，幾廿蚊幾廿元是否唔可以食得有要求? 幾廿蚊是否唔可以食餐做得好?其實幾廿元都可以食餐 “我覺得香港數一二最好食嘅燒味飯”。冬菇亭，燒臘飯店，每日只上午賣幾個鐘，卻客人源源不絕，極速賣完，遲到只有無緣。炭爐出+用心做，所以出品自然比別人好~燒肉外皮超脆鬆化，入口“殺”一聲，像薯片咬破，感覺: 爽~ 跟現在很多燒肉皮看似脆，其實始終硬，根本兩回事。肉位同樣誘人，看似肉白，卻香味有層次，肉汁豐富; 五花分明，卻每條肉位纖維千絲萬縷，彈牙爽口; 肥位入口完全不油膩，沒有一般燒肉慣有的肥脂感; 味道不過鹹，但特有炭香味，特有風味。燒鴨同樣精彩~ 很多人總說“燒鴨比不上燒鵝”，其實做得好，燒鴨有可能好食過燒鵝。皮脆肉嫩，豐富肉汁，更有炭香，肉更不死實。在我角度，出品甚至比聲稱燒鵝專門食店還好😅。中午一般已售罄，吃不吃到，看你緣分吧~#用心做得好_就算只賣幾樣食物都可做得勁#做唔做得好_我角度係最重要_用心

話說差唔多係成年心前 係旁邊一間餐廳用膳 當時有對情侶拎住呢間野d燒腩仔入黎 係咁讚佢好好食 跟住我食完飯出去 點知佢已經打烊 之後都去過幾次 有次仲有十一點已經到左元朗 但係都買唔到 後來先發現呢間野初一十五加過節都會快一部賣完 基本上你想食最好就朝早到今日超好彩 一點鐘度都仲俾我買到 一小包 價值50個大洋 覺得好貴 但係放入口果下真心番本 超超超级好食 燒腩外皮好脆 每咬一下都好脆到卜卜聲 肥瘦相間 肥肉放入口都唔膩 仲有少少融融地ge 感覺 仲要調味剛剛好 唔會得個鹹字 係我咁大個人到目前為止食過最好食ge 燒腩