添好運點心專門店

營業中

休息中

今早在深水埗總店有非常不好的經歷。 我兩個人飲茶， 有侍應叫我進來， 後來見我只得一個人， 我說老公泊緊車， 嗰侍應就完全不理我。 另一侍應就鬧我阻住個溫度計。 跟住安排我入座， 之前有兩個人坐四座位， 但佢逼我兩個人坐兩座位，我不肯，就幾個阿姐不停鬧。總之未飲茶已經不斷被班阿姐鬧我，非常難受。😓😓😓

9點45分諗住嚟飲個早茶，依家改咗開門時間，10點先開門！唯有喺附近兜個圈等一等。。。。。。點心失水準有啲失望🤦🏻‍♀️香滑馬拉糕$20: 味道無變，好香滑但縮咗水細件咗！以前脹卜卜再高多一寸。杏汁豬肺湯$35:太過鹹冇杏汁味😓水汪汪咁，不過裏面啲豬肺都OK嘅！晶瑩鮮蝦餃$30: 雖然蝦餃細細，不過裏面餡料新鮮，剛蒸起夠熱。炸兩$25: 最出色👍🏻腸粉皮夠薄而滑，裏面個油炸鬼脆卜卜😋酥皮焗叉燒包$22:唔夠熱，微暖！以前個雪山叉燒包好食啲😓整體比以前差咗。。。

今日去開深水埗，就揀左去添好運食午餐，去到個陣見到門口都有唔少人等緊，已經要等好耐，本身都有諗過放棄，不過等左一陣發覺都好快等到。酥皮叉燒包應該係必點既一個點心，外面層酥皮真係好鬆軟，有少少甜，入面既叉燒味道都唔會太重，真係好好食！仲有叫左一份蛋白蝦春卷，好新鮮既配搭，係其他地方都無見過呢個點心，外層好脆，蛋白同蝦既配搭都ok, 蛋白味濃我好中意食鳳爪排骨飯，所以唔例外地叫左一盅，驚喜既係十分足料，有成四五舊排骨同兩三件鳳爪，而且排骨都唔會好肥。另外仲有叫左一碗粥，燒賣同叉燒腸，呢三樣就正正常常，不過不失。要提既係所有點心拎出黎個陣都係超級熱辣辣，呢樣都值得稱讚！

疫症橫行，外出食嘢唔安全，唯有外賣回家慢慢嘆😋⋯⋯ 由於沒有外賣送到府上，唯有親自到店舖買外賣🥡⋯⋯　最想念馳名的「酥皮焗叉燒包」、最愛的潮州粉果丶鬆脆可口的鹹水角和囡囡至愛的豉油王炒麵，還有惹味的豉汁蒸鳳爪⋯⋯有以上的美味食品值得親自過來購買🤩⭐️⭐️⭐️⭐️⭐️⋯⋯👍🏼

「你沒有舖位物業，就不會想奪米芝蓮。」這是紐約、東京得獎者較早前的訪問對答，放諸四海香港皆是適用。相同的故事：原本寂寂無聞小店，耐心經營，突然被惡魔米芝蓮派來神秘使者寵幸，派出星星獎項。世人因此慕名而至，業主發難加租，經營者為了繳租，更改餐牌只製作簡單及毛利率高的食品，放棄原有美好菜式。味道漸漸失色，人流銳減，最後落得結業收場。這就是米芝蓮惡魔之吻的典型故事。添好運也同樣遭遇。四季點心總廚不欲被外籍上司指指點點，心灰意冷，有感自己技勝一籌，便嘗試自行創業，選址旺角廣華醫院旁小店，貪其靜中帶旺，經營自己擅長之點心生意，小試牛刀。悉心數載，突獲米芝蓮獎項，慕名而來者眾，業主見租客名利雙收便加租驅逐。現時深水埗總店就是因原來的旺角店被迫遷重開的。說來慚愧，自己未曾在香港惠顧添好運，因為旺角屢次來到排隊者眾，香港站則專營外賣味道失真，北角離家太遠。只是在外地旅遊時去過紐約店、及台北店而已。深水埗總壇環境侷促樓底低矮，很有香港地道茶餐廳感覺。相對起來，紐約店燈火光猛裝潢別緻、台北店視野開闊，配有一塊大幅落地玻璃，氣派萬千。只好說香港店真的好香港！二人限聚令下，全部化作二人小枱。假日早上十一時已經

2009 年，位处旺角小街，只得 二十来个座位的 “添好运点心专门店”，一鸣惊人的摘下了米芝莲一星。一时间，捧场者众。但因座位有限，要取号码等位，两小时是等闲。我也带过一些外地来的朋友去过等位。原来这里的老板，非常有名，曾在米芝莲 3 星的中菜厅做过大厨。然后，就是历史。添好运遍地开花，现在有 5，6 家分店了。而旗舰店则在深水埗，仍然保持平民风格，平靓正。一向都很多人来吃。但近来疫情笼罩，客也少了，不用等位。点了最出名的酥皮叉烧包。好吃。但并不是顶级的好吃。比以前的失色了点。问题在哪儿，我也不知道。还有猪润肠粉。肠粉做得超薄晶莹，猪润也好吃。差了在豉油，只是普通货，没有烹调过。无论如何，这里是便宜又好吃。I will come back, again and again.

晨早流流想食個早餐 後生仔十之八九揀茶記同cafe偏偏我特別鍾情一盅兩件不過疫情關係諗住茶樓太高危就選擇左點心店而事實話我知...一樣咁多人咁危險疫情下仍然係咁多人食🤔莫非真係咁好食？我地兩個人叫左6樣點心/小食老實講煎蘿蔔糕就預左粉多過蘿蔔普遍都係最多咬到一兩絲蘿蔔喺入面唔期望有臘味、蝦米呢件蘿蔔糕粉得黎口感比較鬆散唔係挺身之餘仲略嫌有啲唔夠實係易夾開分件嗰種，食唔出蘿蔔絲/蘿蔔香再黎叫左蛋白蝦春卷同想像中有啲出入如果蛋白落多啲整得實在啲會更好依家食落蛋白冇特別不過值得讚係真係食到蝦粒幸好係即炸即上入口夠熱夠脆，所以唔難食得去邊不過想食香口野又想食點心可以睇我另外幾篇點心店食評，絕對有更好選擇冰花蛋散呢樣本身都唔係話食佢好食嫁啦只係一種回憶同懷舊始終呢樣野第一從來冇可以係熱嘅第二佢太凍又唔會好食第三佢本身質地係行少鬆化路線，話脆唔脆咁第四呢樣野本身係靠一大堆糖漿令佢有味，所以你只會食到甜、甜、甜同甜，唔會有乜特別只不過咁講，依家好少地方會再見到佢嘅存在以前細細個爺爺嫲嫲帶去酒樓食店心，有得食佢就已經好開心所以唔係食佢好食，而係食個回憶最後唯一食到好食嘅係馬拉糕其實馬拉糕材料好簡單但要

嚟到深水埗，雖然有好多美食，但西餐日本菜韓國菜等等，今日都唔想食，所以就嚟咗添好運食點心。呢間連鎖點心鋪我係第一次食，因為我住嗰區冇呢一間餐廳。我哋一行二人叫咗鳳爪排骨飯，蒸糯米雞，燒賣，豬潤腸粉，同埋叉燒餐包。鳳爪排骨飯飯都夠口感。蒸糯米雞就非常足料，豬潤腸粉我都係第一次食，腸粉啱啱包， size細細件皮薄，晶凝通透，最有驚喜係個叉燒餐包，果然係推介首選，餐包脆口，餡料有新鮮叉燒有別於一般酒樓比較硬身，一定要試！

疫情第三波籠罩下的市道明顯冷清星期六嘅晚飯時段無需等候可直接入座對上一次幫襯呢間已經係六七年前嘅事格局無明顯改變，依然係咁迫倆個人order 6樣點心已經無位擺環境嘅舒適度要嚴重減分😵(日本東京同新加坡嘅分店明顯寬落好多)茶位每位4蚊，可以揀嘅茶款僅有3隻鐵觀音，壽眉，普洱 都係濃色茶系早茶的話可作提神，作為晚餐的話好難揀事關我同伴侶呢啲鐘數最多都係飲淺色茶系😢食物嘅出品，平民米芝連當然不可以與數仟元一餐的作比較，無期望便無失望1. 酥皮叉燒飽 ，作為招牌菜式，可以用滿意嚟形容，上枱暖暖哋，酥皮香脆，皮簿餡足，值得推介👍2. 齋腸粉， 好失望，賣相已經不討好，溫度與室溫相若，預先製作嘅品質，無味嘅水水豉油，如果可以配返蔴醬甜醬辣醬，可以稍稍掩蓋下先天不足之處3. 蝦餃，大大隻13摺以上顯得師傅嘅手工優秀，餡料配方亦無明顯肥豬肉嘅參雜，冬笋味可以略為增加4. 燒買，即叫即蒸，熱氣騰騰，只可以用不過不失嚟形容，滿滿的豬肉完全覆蓋蝦味5. 鮑汁鳳爪，用心地切除指甲，微波爐加熱一樣，暖嘅雞腳凍嘅汁6. 鹹茶粿 ，沒有期望就沒有失望，不推介7. 鮑汁琵琶豆腐，一客有三件，味道尚可，層次分明，

位于深水埗较静焗地带，好过旺舖排晒长龙。但仍然坐得好满，我人少，即刻有位。有新出品特价优惠（正方蓝纸），啱口味不妨试试。酥皮叉燒包必吃咁话喎，无得唔试啦。皮確鬆化，须然送到嚟温度稍跌，同埋一睇就知唔係手工做。半肥瘦叉烧一般，略甜了点，仍然可以。個包個底烘到脆，唔會硬，都幾滋味。陳皮山竹牛肉球，有好香陳皮味，付皮就冇乜味，牛肉我會嫌太滑，冇乜口感變化，整體可接受。侍應會攞支李派林喼汁問你加唔加，唔使客氣。

呢間食左好多年 ，長期都多人排隊。唔係傳統茶樓，係點心尊門店，快食快走果隻。佢嘅酥皮叉燒包街知巷聞的確係唔錯 ，酥皮做到好好配流香叉燒，口感非常好。好多時都因為想食酥皮叉燒包先特意去排隊食。（（好多人排隊架））平時我都會叫麻佢嘅燒賣,蝦餃,粉果,腸粉味道都不過不失。 今次見佢新增左精選推介,就試下2個，點知手伏左。椒鹽豆腐粒- 份量好少，豆腐易散，味道好淡。八寶煎脆餅 - 油益味勁重，咬落去成口油，無味道，得個「油」字，全碟無食。真係只係食佢點心好了！

环境：依然是深水埗最火旺的餐廳，雖然茶水是有點簡單，但是美食依然。服务：疫情期間職員循例都需要檢查體溫。認真而嚴格，幾個阿姨都是做慣街坊生意，感到還是親切喇。|叉燒包^酥皮叉燒包一定是必點。外層脆皮裡面料足。|陳皮牛肉球^陳皮牛肉絲球依然是簡單鬆軟的肉質躺在蒸籠裡面。記得加喼汁。|腸粉^添好運的腸粉是最好吃的喇，晶瑩剔透的粉皮。|豉油皇炒麵^呢個以前都無點過，今次係因為見到色香味齊全當然要試一試呢？洋蔥以及芝麻粒帶給香味。還有小碟辣椒醬，夠入味🤗🤗🤗

今日放假，忽然好想食佢個叉燒包，於是就專登揸車由荃灣入去深水埗啦，到左之後大約等左10張枱左右就有位啦！坐低左就立即劃點心啦，都係例牌點果幾樣野啦，尋找返果種味道。首先黎係酥皮焗叉燒包，味道依舊無變，脆脆嘅外皮咬落去完全感覺到係新鮮焗出黎，裡面多汁嘅叉燒，完全係一個完美配搭，好味。跟住係古法糯米雞，今次我地無食蒸飯而改食糯米雞，主要係想試下其他野，糯米雞裡面都好足料，有雞，豬肉，臘腸等，都幾好味。香煎蘿蔔糕，你會食到一條條嘅蘿蔔絲，有d蝦米，師傅都煎到好香，還可以。跟住最後就係鳳爪同埋蝦餃啦，鳳爪嘅份量就較少，但係都幾入味。而蝦餃都無咩特別，足料啦。會再黎幫襯，食佢個叉燒包。

一直都想食添好運，做好資料蒐集後，發現個個都讚深水埗分店的點心，但係其他店都俾人彈到一文不值！所以我就去實地考察一下🤣😋👍🏻發現大部份都幾好味😋👍🏻平價點心來講合格有突，難怪坐到米芝蓮一星！——————————————蝦餃（$29）叉燒包（$21）蠔皇鮮竹卷（$18）蛋白蝦春卷（$24）脆皮蓮蓉西米布甸（$20）陳皮牛肉球（ $18）豉油皇炒麵（$19）燒賣（$29）免治牛肉腸（$24）—————————📍蝦餃🦐🥟皮薄餡多，外皮煙銀，唔會蒸到過軟，係香港算係做得唔錯📍叉燒包🥩🍞確實超好味，雖然叉燒餡料極少，但麵包皮簿，表面酥脆，整體配合很好，難怪成為鎮店之寶📍蠔皇鮮竹卷🦪、蛋白蝦春卷🦐、脆皮蓮蓉西米布甸🍮都好味😋📍腸粉就算係幾難食，可能米芝蓮班評審係鬼佬/或者根本冇叫到腸粉，如果佢哋食到呢份腸粉可能要摘走粒星喇！餡料勁少，腸粉好鞋！🥵

記得之前，每次坐巴士經過這間位於深水埗的添好運點心專門店門外都有很多人正在等位，每次看到這樣的情景，我都很想來食，但如果要等一至兩個小時才有位，我又沒有這樣的耐性了。所以，今天中午是第一次來這裡吃點心，等候的人不多，我們等了大約十五分鐘便可以入座。我最喜歡就是這個酥皮焗叉燒包，熱騰騰的叉燒包外皮很香脆，內裡的叉燒不太肥膩。鮮蝦腐皮卷～很惹味香口，每節都包有鮮蝦我們還點了馬拉糕、蝦餃和豉汁魚滑釀尖椒，味道不過不失。