添好運點心專門店

營業中

休息中

要去圓方睇戲所以黎食，之前都有睇食評所以本身有戒心所以諗住嗌住幾碟試下先食左1.  蝦餃 - 好彩熱既，一入口個味咁得意既，唔係唔好味，但... 諗到啦，味精!! 跟住肥豬肉!!2. 黃沙潤腸粉 - 唔夠熱，比起好多年前得一間舖果個年代，差好遠啦3. 陳皮牛肉球 - 無乜陳皮味，食落有個似曾相識既味道，無錯，用左蝦餃一樣既味精，同埋又係食得到既肥豬肉，即係味精係從肥豬肉而來...去呢間嗌茶要醒目，唔同茶唔同價錢，但一坐低伙記會問你要咩茶果陣，係會問你要A 定B 咁，但果啲都係貴既茶，好彩之前行過已經拎過點心紙黎睇，所以我話睇下先，無中伏2 個人就係咁多，真心麻麻...環境係超嘈，伙計唔用對講，全部用嗌，大牌檔咁

【油尖旺區】【添好運點心專門店】識咗脆兒姐好多年，但係一直都冇機會單獨食飯。今次我哋因為一齊喺高鐵站做完嘢，適逢大家都預鬆咗時間畀下一個 schedule，所以可以偷少少時間食個飯。我哋揀咗食添好運，間嘢都幾難去，喺高鐵站望就望到，但係出入口得手信舖後面條扶手電梯。我哋搵咗一輪先去到，坐低就要 $16 茶位，係兩位嘅價錢，唔貴。先食咗 $32 嘅「蠔皇鮮竹卷」同 $40 嘅「黑椒醬汁蒸金錢肚」，兩者質素都相當平庸，鮮竹卷幾夠熱，金錢肚就比較腍身。之後到 $35 嘅「蜜味叉燒腸」，冇乜米香，唔算滑溜，都係麻麻哋。我食多少少先夠飽之下，叫埋 $28 嘅「家鄉鹹水角」，唯一嘅優點又係夠熱。脆兒姐用多 $15 叫咗罐「無糖可口可樂」嚟隊，埋單 $166。呢個價錢兩個人喺高鐵站食又確實唔貴，不過遊客應該對呢個品牌嘅港式點心期望甚高，呢個質素又真係代表唔到香港。。。（地址：尖沙咀柯士甸道西3號香港西九龍站B1M夾層WEK B1M-1號舖）

路經西九龍高鐵站，想飲茶食個午餐，選了在B1M1樓添好運。很久以前食過外賣，味道和價錢還可以。今日坐下來飲茶，很多內地遊客，裝修和茶餐廳一般，叫了酥皮焗叉燒包$35,鮮蝦餃$44,叉燒腸，鳳爪排骨飯。焗叉燒包味道還可以，但不夠熱。叉燒腸，又是不夠熱，粉皮頗厚，味道一般。鮮蝦餃說還是即蒸的，不熱而且這個價錢，和酒店的蒸點都差不多，簡直是暴利。最差勁，最差勁，最差勁，重要嘅講三次，鳳爪排骨飯，排骨細到像指甲一般大，冇乜肉，肥膏就有些。飯餸都非常少，這不只是暴利，簡直是搶錢。以這個價錢，裝修服務都差勁，食品質素完全是失望。

水唔滾，無茶味，食物都是統一工場，無特別，分別就係價錢，唔建議來此間分店，伏一次就夠了。除左有別於有小菜，點心同其他分店味道一樣，地方寬敞一些，坐得舒服一點，無乜值得一讚。

今日經過西九龍站，見到有平民米芝連餐廳添好運，就來試試。位於西九龍站B1M層，木色系裝修，中式屏風，有點古典雅致，梳化卡座非常闊落舒服，員工親切有禮。掃描二維碼落單方便快捷。下午茶時段，客流少，可以坐低慢慢嘆茶，唔趕客，普通茶位$8，特色茶位$10，冷泡茶$15。酥皮焗叉燒包：熱辣辣出爐，外皮酥脆鬆化，内餡叉燒肥瘦適中，鹹甜叉燒包好滋味，内餡熱辣燙咀，心急人小心🫢😋招牌奶茶：標準港式奶茶，香滑茶味濃郁，有少許回甘唔苦澀，鍾意茶味濃，可以試試。添好運點心專門店 (尖沙咀)尖沙咀柯士甸道西3號香港西九龍站B1M夾層WEK B1M-1號舖

玩完6日嘅行程回港，高鐵到站自然就想食啲嘢返屋企，添好運唯一選擇，原本只想求其食啲嘢填下肚唔使回家自己煮，一入鋪頭就有人打招呼問幾多位？見我哋3個就話啱啱有張卡座，坐落枱見地方闊落又乾淨，即時有人上前問飲咩茶？掃描落單定填紙落？最後我哋掃碼落單，3個人食咗$301好飽，啲蝦餃燒賣係必食正！中間啲姐姐見我啲打開茶壺蓋又好快手來加水，上菜都算快，基本上25分鐘出齊！埋單冇加一，個收銀姐姐好好笑容又講多謝又自動問你需唔需要收據！今時今日唔錯👍比想像中好好

用OpenRice这么多年第一次写食记，足见餐厅差到什么程度。添好运一直号称平价米其林，这话在若干年前或许有道理，时至今日，这家字号已经黑化成完全的相反面了。论食物，纯预制菜也就罢了，加热都不均匀，要么馅心还是凉的，要么就炸糊了；论服务，抱歉，侮辱了“服务”这两个字，也侮辱了香港人自己，用毫无服务可言一点不为过，这可能可以解释为什么它们没脸收加一吧。想起几年前友人还热情带我去中环那家店，虽不惊艳，但中规中矩；现在的西九龙高铁店，丢人丢出五湖四海了。

事緣一行八人連同小朋友因為親人要坐高鐵先揀呢間添好運，開頭著綠色制服既樓面服務態度都幾好，點知有碟炸両腸粉好耐都未到，去到想追單既時候，有個著白衫既職員一句就話炸両係耐嫁啦，但我當時已經等左大半個鐘，又趕時間咁梗係叫佢一係追單一係取消，點知之後態度仲差，竟然話你係取消就即刻同我去買單，但到最後因為親人心急冇對單就俾咗錢先發現根本無取消，之後白衫職員啲態度都係覺得自己無錯，因為佢聲稱已經幫我哋取消左但最後無做到，之後一句野無講搶左張單搞左10分鐘先拎碟腸粉出嚟！之後一句唔好意思都冇！仲要係我背後話佢自己無做錯！另外收銀員也非常有問題，我反映意見既時候完全好似大家姐咁，完全事不關己，又無話可以取消乜都無回應，乜宜家好客之道原來係咁，仲要係高鐵站係接觸遊客既最前線，唔怪之得冇人留係香港消費！希望有管理層睇到正視下問題！食物入到口不過不失，不過呢2個員工態度簡直係垃圾！

旅行回來，一家人拉著行李約8時25分到達，告之九點last order,覺得時間上還可以使坐下！order完上菜還剩兩種點心未上到了差不多9時，已叫埋單，並告之9時20分會關門。吓！還差兩種點心都可以9時20分食完，便埋了單。店員見所有在座的食客巳經全部埋了單，便叫“細佬，開漂白水拖地！”那位“细佬”開始拖地時，濃烈的漂白水味漫延到我張枱，令人食唔落並且我開始聞到咳。我家人唯有立即order外賣盒將剩下的食物帶走。那位比外賣盒的阿姐店員不停催比錢，揾散紙都要時間，阿姐店員應該我地好想長留在這充滿濃烈漂白水味的店铺繼續用餐！！！打包完畢便立即走！食物質素還可以，但店舖的行事及員工的熊度令人不會回頭！！！

昨天返完大陸經西九回家，去左添好運食點心，－出車站見到，位置方便全場爆滿，要等30 分鐘先有位蘿蔔糕有粒粒蘿蔔，小朋友食左兩件腸粉即蒸，又熱又滑，叉燒好多燒賣好大粒，有咬口炒麵非常入味，秒清值得一讚，有一位非常熱心主動男侍應，身型較肥、灰色衫、帶帽，經常替我們加水，小朋友整跌飲管也耐心主動給新一支，不停叫我們耐心等候，為我們跟單，同我們講預計幾耐有蒸點，外賣也主動問是否分單及提我們盡早下單。今日咁忙都保持專業，值得加許👏🏻👏🏻

Nicely 问湿纸巾 - 答 “無呀！”Nicely 问余均益辛辣酱，答：自己去楼下超市买”服务员！ 我们不是耒讨饭的！ 一直怨香港人北上消费，从不考态怎改善，傲慢就留家享福吧！

呢間係位於ICC圓方地區，高鐵站入邊嘅添好運茶樓，算係附近咁多間茶樓嚟講性價比最高嘅一間中式茶樓。佢係米芝蓮一星嘅餐廳，所以啲點心質素都有返咁上下，雖然我叫網上好多人都話唔及深水埗嗰間咁正宗，但係我就覺得都差唔多，佢算係附近叫做有質素嘅平民價茶樓，所以都幾多人幫襯。我哋叫咗飲茶一定要食嘅蝦餃燒賣同埋牛肉球、叉燒包同鳳爪蒸排骨飯，而燒賣就叫咗一款外面茶樓唔常見嘅柚皮燒賣，食落都幾有新鮮感，仲有我哋叫咗玫瑰花茶，都算係外面少有嘅茶種，飲落同望落都有d似普洱，但就陣陣玫瑰花香🌷

下午12點幾過深圳玩，選擇喺度食個早餐先。平時去開大角咀嗰間，呢間嘅環境好大分別，大好多，坐得又舒服👍🏻因為想留肚去深圳食多啲嘢，所以淨係叫咗兩樣嘢，蝦多士同埋蝦腸粉，茶就係熱人蔘烏龍。蝦多士幾好食，大角咀嗰間無既。不過蝦腸粉就麻麻哋，好似有浸隔夜味。叫兩樣野食兩個人share for早餐都岩岩好，又可以慢慢坐低嘆杯茶等高鐵，正！加上新年期間員工服務非常好，又打招呼上菜又快，好開心既用餐體驗😚

今天是小弟第一次寫食評，真的是不吐不快。事緣今早到西九龍高鐵站坐車，慕名而來，提早一個多小時到達，都是為了到此店一嚐米芝蓮評級點心。基本上，樓面服務及點心水平尚算可以。可惜，到吃飽後往收銀台結帳時，當本人要求查看一下帳單，收銀員即時反臉，態度極差，表現得極不奈煩；不安和暴躁溢於言，真的不知何解...... ？？？收銀員此舉登時令整個米芝蓮體驗冷卻到冰點。其實，行得正企得正，為何害怕顧客查單，真的不明......

一直很欣賞添好運這間 餐廳， 初初做的時候每一樣點心都好用心去做。 因為每次都要排隊， 所以去的次數不算太多。 後來發現高鐵站新開一間添好運， 間唔中都會去試一試， 始終附近這個價錢性價比高的不算多。 為了不用排隊 ，通常會午飯高峰期前15至30分鐘過去， 由於價錢平， 食物質素我不會太要求嚴格， 人齊先至可以入座也可以理解， 自行掃碼下錯單不能改也算。今次再去， 炸春卷油超多， 夾起春卷下面全是油， 用厠紙索完又索。 最不能接受是 牛肉蒸飯牛肉居然不熟， 關於食安問題， 真的不能不了了之。 其實當時我也叫了山竹牛肉， 特意把山竹牛肉切開跟不熟的牛肉飯比較， 為免到時有說醃了啲肉是紅色的，這個是熟的...... 有樣嘢要讚， 隔離枱掃碼下錯單重複了， 居然可以幫他取消。