添好運點心專門店

營業中

休息中

又係中環搵食艱難系列。轉工返咗嚟中環已經有半年，一直想試呢間有米芝連的點心店，奈何真的得多人排隊，午餐時間真係無時間排隊。由餐廳外面可以睇到餐廳的格局，跟茶餐廳一樣，坐得好密，基於疫情都唔係好想去多人的地方。今日唔想食粉麵飯，就買點心外賣。由於一個人食，簡簡單單買了一個點心。酥皮焗叉燒飽 ($26) - 呢個係必點，係添好運的招牌。一盒有三個，好抵食。個皮好脆，好少少似菠蘿飽個脆皮，不過呢個皮更加細緻，更加鬆脆。個包好軟熟，入面係滿滿埸叉燒醬同粒粒又燒，好惹味。外賣盒仲細心建議於一小時內品嚐。價錢：$23 (平，外賣有9折）食物：好味道 (夠熱，夠脆）服務：快 (要排隊俾錢，要等點心，不過好快）

每次嚟都有一啲新品可以試到，點心有質素又抵食，趁未有旅客嚟真係要食多幾次!! 平時食開必點嘅🔘陳皮牛肉球🔘酥皮焗叉燒包🔘潮州蒸粉果新品🔘脆皮沙律醬海鮮荔茸球外皮酥脆但有少少硬，裏面係芋頭蓉同沙律醬海鮮，幾特別幾好食!! 🔘臘味鯪魚茸燒賣賣相不似預期，望落似唔好食但食落又OK喎，臘味有油香加芫荽魚肉都幾夾!!

第二次嚟呢度飲茶，仍然覺得喺港鐵站入面飲茶有種不一樣嘅感覺🤣1. 酥皮焗叉燒包 🌟🌟🌟🌟🌟一上枱熱辣辣咁食真係好正！不但外脆內軟，入面嘅內容都好豐富，一咬落去即刻食到叉燒同醬汁，係正宗叉燒包嘅味道😋2. 蠔皇鮮竹卷 🌟🌟🌟🌟🌟腐皮索曬啲汁同餡嘅精華好夠味，內餡有蝦、芹菜、豬肉等等夠鮮又有口感，啖啖滿足！3. 家鄉咸水角 🌟🌟🌟🌟咸水角就正常發揮，不過好似比平時嘅細粒少少4. 鮮蝦燒賣皇 🌟🌟🌟🌟5. 晶瑩鮮蝦餃 🌟🌟🌟🌟6. 鮮蝦腐皮卷 🌟🌟🌟🌟雖然同餐牌張相唔太似樣🤣但味道都唔錯，夠香脆，內餡主要係蝦同肉7. 炸兩 🌟🌟🌟腸粉夠薄，但係油炸鬼炸到好透好脆，個人比較鍾意食外脆內軟嘅油炸鬼，所以麻麻8. 鮑汁鳳爪 🌟🌟一上枱就見到顏色唔對路，食落大部份都係唔入味而且未夠腍，比較失望

專賣傳統點心嘅添好運，已多年獲「米芝蓮」評定為一星級餐廳，號稱是「全世界最便宜的米芝蓮餐廳」，目前全港有六家分店，人潮已不及從前，但點心質素相對亦有保證其中位於香港站1/F的「添好運」位置相當方便易找，店面亦光猛整潔酥皮焗叉燒包每次都一定必點，外皮酥脆，叉燒餡肥瘦適中懷舊鳳尾蝦多士香脆可口蓮蓉芝麻球外皮煙靭，黑白芝麻配搭香口陳皮牛肉球嫩滑彈牙免治牛肉腸，腸粉晶瑩嫩滑櫻花蝦臘味糯米飯較普通，水份太多，唔夠乾身後記：傳統點心百吃不厭，不設加一，非常抵食，大推

同朋友行開中環，突然之間話想食點心，朋友就介紹咗呢間叫做添好運嘅點心店畀我。 佢話呢間係米芝蓮餐廳。我完全未去過呢間點心店。心諗係咪真係咁勁咁好味呀 好！就即管試下係咪真係咁好味喇。添好運有好多間分店其中一間就喺香港站入面。餐廳係開放式既設計， 即係個個經過既人都會清楚地望到入面，而食緊嘢嘅人亦都望到出去。個人而言，我唔係太喜歡呢一種嘅設計🥲。 因為我唔係太鍾意畀人望到自己食嘢。 至於餐廳入面嘅環境大致上都係乾淨嘅， 位同位之間都算寬闊。叫咗幾個點心終於嚟到喇！至於服務態度方面 店員 就唔會話太殷勤 ， 不過都明白嘅。始終呢一間餐廳唔係一間高級嘅餐廳。🙃總括而言呢間點心店嘅點心唔單止好味仲要好平喺出面要搵到咁平 有咁高質 嘅點心食都唔係咁容易。 鍾意食點心嘅你可以嚟試下添好運。😋😋😋😝

今日 lunch time 去開 IFC , 想食吓點心，行吓行吓遇見添好運。見食店幾出名，而且價錢相宜，人流又唔多，所以入去試吓。食物種類不是太多，但最緊要貴精不貴多，唔好食俾你多多都冇用。但如果款少又唔好食就大鑊。我點了燒賣、鳳爪和山竹牛肉，茶位五元，送上茶包式普洱。燒賣有咬口，但餡內的根太大件，蝦肉又細少，燒賣包得鬆散，食落唔吸引。鳳爪皮夠鬆，醬汁美味。可惜兩件事係非常分離，即是醬汁唔入味，食落鳳爪冇味冇道。廚師要多花時間醃製才可，浪費了鳳爪又浪費了醬。山竹牛肉啤水過度，沒有牛的味道，只有香料的味道。這是一種非常差劣的製作手法，將牛肉啤到冇味，再由廚師人工加味。這樣做，就可以用廉價牛肉和隨便搵個人就可以整到。此外，肉質太鬆，唔夠實，相信係過度啤水之過。總括而言，食物質素中下，唔知點解間食肆可以甘出名？係遊客/外國人唔識嘢？定係我唔識得欣賞？冇人知道！！但我知道肯定唔代表港式點心！香港大把食肆啲點心好過佢！！

以前有遊客嘅時候，每次來都必定大排長龍，近呢一年嚟都唔使排隊，點心抵食又好味，佢不時會推出一啲新點心，但感覺都係原本有嘅點心好味啲!! 今次兩個人都食咗好多嘢，每人只係$100鬆啲，唔收加一，茶位只係$5一位，真係幾抵食，每次諗起想食點心就會嚟呢度食，侍應服務態度都唔錯!!好味點心-🔸鮮蝦燒賣🔸陳皮牛肉球🔸酥皮焗叉燒包🔸潮州蒸粉果味道正常-🔹黃沙豬膶腸🔹鮮肉韭菜蝦薄餅🔹懷舊蝦多士🔹蛋煎臘味糯米飯

🕰一個平凡星期二的上午11:00，一間鋪已坐滿七成，另一邊就未開。📍位置方面，唔好跟OpenRice，我建議由A出口上會方便d，如果跟OpenRice F出口上，可能會繞路一會。平凡星期二的上午11:00，位置有d🪑環境可以，似茶餐廳般簡單，較酒樓簡樸，沒有華麗的裝潢、時髦的用具，長方形的枱，膠製餐具。因為半開放式的鋪形，每人都能見到門外的等候情況，令人有種食完就快啲交枱的感覺。🤵🏻遮遮的態度還可以，每位$5的茶芥，沒有加一。‍👨🏻‍🍳總評，味道幾好，尤其蝦餃和燒賣！👍🏻😋如果我家附近都有一間，我會經開帶長輩👴🏻👵🏻去食！米芝連級數的點心，到底是有幾好？真係食得出的分別，比一般酒樓好食！另外，師傅係即叫即包，見佢地不斷地包蝦餃🦐燒賣，可見人氣最高！🔥🔥<晶瑩鮮蝦餃 $36>👍🏻👍🏻👍🏻呢個真係要讚！一籠四隻， 每隻大小平均，晶瑩飽滿！一咬開軟軟的水晶皮，便食到2-3隻鮮蝦，口感結實，絕無欺場。調味恰巧，沒有用太多味精或肥豬肉。<鮮蝦燒賣皇 $36>👍🏻👍🏻👍🏻呢位都相當出色，一籠四粒，每粒都有隻蝦、冬菇、杞子，以少少蝦膠和豬肉碎黏合。同樣味道口感都控制得

好耐都冇食過添好運啦突然有少少掛住佢嘅酥皮焗叉燒包, 今日收工特登走咗去香港站食晚飯可能因為疫情關係, 店裏面唔算太多人, 唔使排隊就可以入到去<酥皮焗叉燒包>大食妹一到步就即刻嗌咗酥皮焗叉燒包上菜嘅時候熱辣辣, 外脆內軟, 叉燒餡料都好多<古法糯米雞>嗰排做嘢非常忙, 一收工就非常肚餓, 嗌咗個比較飽肚嘅古法糯米雞糯米雞充滿荷葉香, 裏面嘅糯米蒸到啱啱好, 餡料都足夠嘅<鮮肉韭菜蝦薄餅>大食妹係韭菜怪, 一見到呢個鮮肉韭菜蝦薄餅就雙眼發光薄餅外皮係雲吞皮, 炸得又脆又香, 韭菜味突出<家鄉鹹水角>朋友就嗌咗家鄉鹹水角食落煙煙韌韌, 唔錯<蜜味叉燒腸>蜜味叉燒腸外皮幾滑, 但略嫌有啲厚, 薄少少會更好食<香煎蘿蔔糕>香煎蘿蔔糕口感比較軟身, 大食妹都係比較鍾意硬身少少嘅, 但過下口癮亦係唔錯嘅選擇<豉汁蒸鳳爪>豉汁蒸鳳爪非常入味, 再淋身少少會更好<鮮蝦燒賣皇>最後當然要食埋佢嘅鮮蝦燒賣皇可惜味道偏鹹, 反而唔太推介

☾酥香素XO醬腸粉👍上碟猶如黑糖炸糕😅外層脆粉內層黑麻麻🤔但香味撲鼻，濃郁既XO 醬油香🤤入口腸粉煙軔，似糯米質感。加少許XO 醬鮮香，外脆內軟新口感👍☾酥皮焗叉燒包👍👍👍未入口，濃郁奶香已經湧埋黎😳表層奶脆，有菠蘿包既質感😍熱辣辣岩岩出爐，香濃軟熟，海綿般柔軟😭😭叉燒肉質幼嫩有肉汁，掛住甜絲絲既糖漿🤤🤤🤤🤤大推必食☾家鄉咸水角👍👍點心最緊要新鮮熱辣！！🤤溫暖脆口，內裡軟綿綿，有糯米甜香味😌內在少量鹹香肉醉，好幸福😭☾蝦多士👍👍👍推介酥脆😱咬口沙沙聲脆卜卜，蝦肉爽口結實有彈力🤤☾香煎蘿蔔糕 👍軟腍腍濕𣲷𣲷，糕質較散，鹹淡相宜，外層又煎得香脆☾金銀蛋瘦肉粥👍粥煮得綿，少量金銀蛋肉碎調味☺️淡淡鹹香☾晶螢鮮蝦餃普通蝦餃質素，蝦肉算大隻彈口☾豉汁蒸鳳爪鳳爪炆得幾冧入味，傳統味道*********整體香脆香口點心最出色💕反而傳統點心相對失色⭐️味道 8/10 💕⭐性價比 7.5/10⭐️服務 5/10⭐️環境 5/10⭐️衛生 5/10

呢間中式點心有好多遊客都慕名而來，仲係比米芝蓮星級推薦，價格都相宜🌟久揚大名今日終於一試，但其實食物質素比預期嘅普通😯未必會回頭再品嚐呢～🔸 酥皮焗叉燒包（HK$25）呢個係店內嘅名物，價錢都幾抵，不過個包就比平時嘅細個啲🤪外皮微脆有少少似菠蘿包咁，入面嘅叉燒餡適中，無想像中咁驚喜🔸 酥炸奶黃包（HK$26）見無蒸嘅奶黃包就試下呢個炸嘅做法，好似平時嘅炸饅頭咁，細細個都幾精緻😙不過就覺得略油左啲～🔸蛋白蝦春卷（HK$31）第一次見咁嘅春卷，入面有一絲絲嘅蛋白，外皮都酥脆，不過蝦味就唔係咁突出啦🔸 鮮蝦餃（HK$36）蝦餃就不過不失，皮厚薄適中，入面有啲蝦仁仔🍤🔸 鮮蝦燒賣皇（HK$36）入口嘅蝦味略少，豬肉味較重🔸 香煎蘿蔔糕 （HK$23）蘿蔔糕無咩其他配料，不過食到一絲絲嘅蘿蔔，好傳統嘅感覺

好多年前，食過一次添好運，覺得佢啲點心幾好食。最近去多次，睇吓佢嘅質素仲keep 唔keep到。推介點心：1.酥皮焗叉燒包：都係添好運嘅最好食，食過其他茶樓，整得都冇添好運咁出色。2.香菇薑汁植物豬肉菜包：佢唔算好鹹，但真係好有薑汁味，包體好鬆軟，好好食。3.潮州蒸粉果：個皮好薄，餡料豐富，好食過其他好多酒樓。4. 陳皮牛肉球：牛肉球都唔錯，但係就冇前面嗰三樣咁好食，中規中矩。5. 金銀蛋瘦肉粥：出面皮蛋瘦肉粥就食得多，第一次見金銀蛋瘦肉粥。整體都唔錯，唔算好鹹。不推介點心：1. 蜜汁叉燒腸：腸粉整體偏油，冇咩米香味。2. 酥香素xo醬腸粉：佢係類似炸腸粉，食唔到XO醬味，整體偏油膩，食一兩舊已經唔想再食。3. 香煎蘿蔔糕：太削，一夾就散，蘿蔔糕冇咩料，唔值得食。

喺中環想搵個平靚正午餐食都真係唔容易鍾意喺中環機鐵站呢度食呢間簽好玩午餐就唔使 講一定 好多人㗎啦 有陣時都係趁放工時間比較少人去呢度嘅點心 一向都有質素 唔太貴就可以飲餐茶呀快靚正 最緊要係 唔使加一呀不過就要加五蚊茶錢 可以有杯靚茶飲 去到點心唔算好多款不過總有啲你鍾意食嘅例如蝦餃燒賣牛肉球咁 有啲凍就嗌咗個金銀蛋瘦肉粥食都得好有火喉 好入味另外加咗碟腸粉係黃沙沙豬膶腸豬膶好臨即叫即蒸 粉腸晶瑩哭後加上甜豉油真係非常美味呀 拆開膠普洱壽眉我就鍾意飲留尾呢一句嘅白茶嘅甜品就不時都會轉今日係 今日係雪耳木瓜糖水非常滋潤 適合冬天飲都好有譚仔姐姐嘅感覺做嘢快靚正 呢度係咪好啱ol過嚟午餐或者係自己過嚟一盅兩件

在IFC找一間性價比高的餐廳吃飯添好運應該是一個不錯的選擇「飲啖茶，食個包」，好好歎一下來得添好運，怎能錯過它們馳名的酥皮焗叉燒包（$25）叉燒包一上桌，拿起手真是「熱辣辣」的包的酥皮外層鬆脆，而包的質地就軟綿綿裏面的叉燒和醬汁不是太甜，配搭在一起不禁令人一口接一口地吃下去另外，我們還點了黃沙豬潤腸（$28） 、咸水角（$21）和鳳爪排骨飯（$35）黃沙豬潤腸是比較特別的點心，在其他地方飲茶比較少見豬潤的質地爽口，沒有腥味，腸粉皮則很滑嫩至於咸水角，外皮很脆，質地煙煙靭靭，餡料惹味值得一讚的是，這裏的點心全部都是即叫即蒸所有食物上桌時都是熱騰騰的，增添了食物的美味

係好食不過比以前明顯普通咗出去中環見朋友，附近又少貼地價錢餐廳，係得添好運叫做抵食雪山叉燒包都保持到以前水準，外脆內軟，雪山皮都調味適中，唔會太甜鳳爪排骨飯就真係普通咗d啦