深井陳記燒鵝海鮮酒家

營業中

休息中

🥢中午時分由荃灣一路行到嚟深井，行咗兩個幾鐘，超肚餓。咁啱嚟到深井村，呢度又係出名食燒鵝，就入咗嚟坐低點咗個燒鵝飯同燻蹄瀨粉。🥢燒鵝飯$62:燒鵝都幾多件，件件都係肉，肉質係正嘅，食落亦都唔覺重味精，酸梅醬反而幾特別，向出邊其他餐廳好似冇試過呢隻酸梅醬👍🏼不過成碟飯同燒鵝都係凍既，太肚餓嘅時候就感覺麻麻地。🥢燻蹄瀨粉$60:瀨粉份量唔算好多，但燻蹄就真係好大件，亦都厚切，件件都有肉，肥膏唔多，成碟俾我哋清晒。🥢我哋冇叫茶介，但枱面就有熱水供應，水夠滾。

深井最出名就係燒鵝但好多間都話自己燒鵝好食上網做咗資料搜集 話陳記唔錯！入到舖頭見到都幾多食客我哋兩個人食量唔大 叫咗三個餸1️⃣例牌燒鵝份量適中 燒鵝顏色幾有光澤聞落去好香噴噴食落皮薄香脆 唔多肥膏肉質嫩滑配咗個瀨粉 撈埋啲鵝汁超好味！2️⃣粉絲雜菜煲乾冬菇同蝦米調味裏面有唔同種類嘅菜最特別係有西洋菜 呢個好少見清清地 解油膩都唔錯3️⃣椒鹽鮮魷呢個就平平無奇份量比較少仲有味道偏鹹總結如果想食燒鵝 推介陳記！值得一試！

作為深井居民，呢間先係我既最愛。有朋友嚟香港同佢食呢間！一如既往都係下午餐時段過嚟，泊低駕車就行入嚟食。燒鵝脾瀨係我唯一既至愛。啲瀨粉既湯底，唔會太咸但又唔會無味。啲粉煮到啱啱好唔會一夾就斷曬。我通常加辣椒油，就最惹味。但燒鵝髀唔使講，唔會超肥，肥到食唔到嗰種。肉質又保持到好嫩滑。喺深井食過其他好出名嘅燒鵝，啲肉硬到黐線。。屋企人每次都係鍾意食叉燒豉油雞飯，叉燒汁鹹甜適中。豉油雞好嫩滑！ 加埋凍檸茶完美！

今日來了深井拍拖知道深井燒鵝好出名.選了一間多人的陳記燒鵝。深井好多間燒鵝.要食選大間多人比較的安全見到這間陳記最多人就選這店。 見到安排茶水，喬頭和花生 酒樓格局除了燒味外，發現很多懷舊小菜，已經很少見。我們選了3個小菜深井燒鵝 必叫 皮脆肉嫩雖然有點肥但好香口好好味道！香煎咸魚肉餅咸魚用了梅香馬友非常濃味食豬肉煎香有咬口有粒粒肉像手打肉餅.吃了2個白飯，完全驚喜。砵仔焗魚腸面層油炸鬼 表面香脆 內裡綿綿口感雞蛋和魚腸沒有腥味再加點胡椒粉辣辣香香更好吃!有驚喜有水準.姐姐都好好服務。

之前比屋企人知道我去咗深圳食燒鵝之後，佢哋都即刻叫我再要帶佢哋嚟食一次，點知因為真係太臨時，所以就試咗陳記燒鵝味道比想像中好食，而且其他小菜嘅款式亦都十分之多，味道都十分之有鑊氣，下次嚟深井有多一個選擇啦

細細個就聽過深井燒鵝，但嚟食就真係第一次(((o(*ﾟ▽ﾟ*)o)))沿路入去有幾間可以選擇，但拎咗另一間啲單張後見到啲客飯都要$1xx，所以果斷揀咗呢間入到去侍應問我地坐唔坐樓上，但同行朋友怕焗所以都係坐出面（有shelter同大風扇）本身都驚夏天咁熱坐出面食會出哂汗，好彩佢風扇都有啲料到🤣👍🏻✧ 馳名深井燒鵝（半隻）冇辜負我對佢嘅期望！🪿都算係都到皮香脆肉爽嫩，夾住不多不少嘅肥😍想試真個味嘅本豬就冇點到醬試喇✧ 肥叉飯其實唔係太肥🤣但anyway幾好食的🐖✧ 豆腐火腩飯普普通通🍚，豆腐中間完全唔入味✧ 星洲炒米用嘅係粗嗰隻米粉，唔太辣✧ 椒鹽九肚魚好滑好好食🤤！個椒鹽調味係偏咸啲，甚至啲醬/鹽都唔洗再點，適合比較重口味少少嘅朋友🐟✧ 雜菜粉絲煲有西蘭花🥦、白菜仔🥬、冬菇🍄、魷魚🦑、大量蝦米🦐、粉絲（廢話keke）✧ 焗魚腸一坐低就問有冇嘅一味餸～姐姐一開始話冇，但食到中間話可以落咁我地當然say yes啦😙唔知係咪處理嘅時候洗得唔好啲膽汁流咗出嚟呢，食落有啲苦但整體焗得幾好個蛋都好食🥚要加一，但客飯好似免六個人埋單$928都幾抵食呀✔️

燒鵝浪得虛名。其它小菜衰過普通茶餐廳。腐乳炒通菜煮法似郊外油菜。西蘭花花姿片就好似食潮州嘢咁，用滾水煮熟。豉椒蒸大鱔吾新鮮。冬瓜盅完全冇味同冇料。連最簡單嘅懶粉個湯底都係淡而無味。

男朋友住深井 話呢間係最好食嘅燒味食過幾個菜式都唔錯 西檸雞通菜煲芝士大蝦伊麵 全部都幾好味幾惹味燒味都好出色 叉燒夠入味 肥瘦均勻都見好多街坊食如果入嚟深井嘅話都值得一試！

諗住做冬 入黎食下好耐冇食深井燒鵝叫個4人餐 燒鵝半隻 半斤蝦 炒飯 西蘭花花枝片 湯 蒸魚 叫多左個 蒜香骨…燒鵝半隻 成隻鵝得四舊肉，同埋隻脾。其餘全部皮包肥膏…最重要係凍既。離晒大譜！半斤蝦 凍，唔新鮮已經係意料之內。湯原全唔明個湯點解係暖！？炒飯又係暖既！？西蘭花花枝片、蒸魚暖暖地，但已經算係比較正常。蒜香骨 凍同勁咸，全部唔係骨就肥膏。可能我怕肥 鐘意食肥膏人仕去食真係一流冇突別影相，因為只係想快手食完走人去食番碗熱糖水醫肚。

早前朋友約了我星期日中午入深井他家，因為今早就入到去，見到時間尚早就到附近走走順便吃過早餐，見到前面有間陳記餐廳，以往入深井大都是晚上過來吃燒鵝的多，早餐就未試過，於是就入餐廳内坐低看看。這裏的食肆大多數屬於村屋地舖，所以一般室内面積都不是大。點了個豬扒煎蛋湯米粉和一杯凍檸茶。湯米粉到了見到有少許的雜菜粒鋪在豬扒上，豬扒外表色澤炸得金黃，襯在雪白的米粉上顏色配搭不俗，而且那隻邊皮煎得有點脆口的溜心蛋，煎得很好 沒有過老。咬一口豬扒内裡肉質很鬆化外面脆口，而且亦醃得很入味。米粉用質地比較硬身和粗的那種，縱使放得久了，亦不會太過稔身仍然有爽口的感覺，而且湯汁還算夠濃，整碗湯米粉的質量不錯。凍檸茶就一般般的水準，都有茶餐廳的弊病，就是檸檬少冰有點多，沒有什麼特出。今個早餐只是43元埋單，在深井地區來說價錢相對是比較合理，下次入來都會再光顧。

好耐好耐無出街食，今晚就同幾位老友食呢間細細個就聽過，但從來未去過嘅陳記燒鵝。5人行，叫左一隻燒鵝，如果作為主打菜，有少許失色，燒鵝嘅切口，好多都切唔晒，一夾就伯連續幾舊。而最重要嘅皮，有一半係脆，都算唔差。但燒鵝汁唔錯，用黎撈飯一流。砵酒生蠔煲 - 正正常常，唔算太差，上菜時，仲係好熱，正西蘭花炒帶子 - 呢個係全晚晒好食嘅小菜，一上菜，無耐就清晒椒鹽豬手 - 唔算特別，正常發揮胡椒豬肚湯 - 呢個值得一試，足料，而且味道啱啱好，胡椒味唔會太搶

我本身幾鍾意食粟米班塊的今日同朋友傾開邊到有好食既呢之前去完流浮山另一到好少少的就係深井深井除左燒鵝之外原來其他小菜都係可以的！不過得兩個人 係叫唔到好多味餸燒鵝 例牌因為以前經常會回國內工作國內食到的燒鵝普遍都較好食所以本身好少係香港食燒鵝但係都太耐冇食了 都要解下癮燒鵝係不過不失 中上的質素例牌作二人份量是足夠的上碟都尚算溫熱皮肉相連 外皮都算脆同鬆化肉質都軟嫩 都有肉汁尚算可以！粟米石斑塊份量都好大碟班塊係好大塊一咬落去保持到脆身肉質軟嫩有魚味可惜 芡汁味道淡左少少如果你鍾意淡淡地就岩口味

因為住得遠，細個爸爸帶我地去深井嘆燒鵝都好似遠征咁手，先要坐巴士20分鐘去答🚌➡️由金鐘坐成1小時地鐵到荃灣🚇➡️再轉荃灣轉30分鐘小巴🚐起碼未候車時間點都要2小時先可以食到。都算係攀山涉水嗰種。週末起身心血來潮特然諗起想食燒鵝，於是就來個深井遊（當然依家住得唔遠🚘揸車入去20分鐘乜都到😅）嚟到深井，個個都會問，你食裕字頭定陳字頭🦆？今次我就簡左村口間陳字頭同大家介紹下燒鵝下庒（唔識分左脾好定右脾好👉👈)燒鵝燒得皮脆肉嫩而且勁多汁，只係略為肥左少少，不過的確有淡淡嘅炭燒香氣，係同正時食既好唔同，點埋酸酸甜甜嘅酸梅醬不得之了🤤🤤🤤芥末金沙骨🐷近期口味轉左，對豬既喜好大左，點左個金沙骨試下，豬就炸得太乾肉唔係金沙骨部分可惜，不過個醬就值得推介沙律醬加入Wasabi味，開胃可口又攻鼻搶口加分啫啫通菜份量勁多，菜蒜子香加上蝦醬比通菜索味，拍得住大排檔既火候🤤🤤🤤🤤好味😋今次就先唔講回食指數，除左食回憶外，深井燒鵝跟本就㡳香港地標，回食就必然既事

三人行晚飯點了椒鹽鮮魷，酥炸生蠔，燒鵝例牌，粟米魚肚羮、一個白飯和一支啤酒共730元。魚肚好有啃口，最大鑊係回家後肚屙，醒起來那個炸蠔食落怪怪地，才醒覺出咗事🤬雖然我冇影相，普通食餐飯，每碟份量都很少 （但我們都食唔晒，因為大家都很細食），魚肚羹的魚肚未浸冧，豆粉實在太厚好像食緊bb仔的糊仔一樣，如果唔係食完餐飯兩三個鐘肚痛醒來，我都冇咁神心去寫食評。希望做飲食嘅人除了怎樣控制成本尋求利潤都好，最重要的是衞生和食物的新鮮程度，唔係將食物炸咗加些味蓋過便了事。我寫寫吓又要去屙了⋯。

店名：深井陳記燒鵝海鮮酒家 (深井)（評分7.5/10 ）👍🏻地址：深井青山公路深井村63號地下環境（評分7/10）開掦燒鵝（評分8/10 ）🦢色油光、鮮亮香肉香、油香、焦香味油香、焦香、皮脆、有肉汁、軟淋、鮮甜