浸大食坊

營業中

休息中

浸大食坊啲薯條每次都咁軟，唔脆嘅😤有次我叫佢地即刻炸，真係食到有少少脆嘅口感🤷🏾‍♀️ 但係已經冇下次😞 可能佢哋員工懶（？）或者人手唔夠（？）但都唔應該偷懶賣埋啲唔新鮮嘅薯條lor🤬 M記d薯條都脆過佢‼️薯條英文係French Fries😠 直譯係法國炸條🤬 係應該要夠脆啊！點解好似白灼咁？我哋唔係老人家唔使整BB餐我哋食ah🥵 呃學生錢，真係嬲死我啦😡😡😡😡😡😡😡😡😡😡

今次試左佢個黑松露蘑菇滑蛋帶子飯$40再加左十二蚊要左個藍莓芝士蛋糕我大概一點四十分落單要兩點十分先到我覺得廚房效率係慢左啲 過左午飯高峰時期都要等半個鐘 真係唔太好講翻佢個飯啦 今次佢嗰飯有啲硬 好似唔係太熟咁 黑松露嘅味係好濃嘅隻蛋都好夠滑 個蘑菇都好好食不過佢個帶子就好似燶咗啲 喺幅圖度都可以見到其實佢黑咗四成而且佢俾得唔夠多汁 令到個飯本身已經好硬之餘仲有啲乾 不過佢免費送咗一盒紙包飲品 都算有補鑊啦個藍莓芝士蛋糕就普通 都應該係來貨唔夠硬 攞到手已經融緊 仲要個底勁淋

今日叫左佢嘅精選早餐我要左雪菜肉絲米加兩隻烚蛋同兩塊豬柳漢堡扒明明冇炸嘢我都等左差唔多十五分鐘但嗰時已經唔係好多人講翻佢個餐雪菜肉絲米就冇咩湯啲米好似吸晒啲湯咁佢個湯又唔係完全味精湯 因為好淡味而且碗麵都幾細下肉絲都大大條嘅不過就冇幾條塊豬柳漢堡扒 就有啲咸配翻佢個好清淡嘅米就錯唔多嘢食叫左桂花烏龍茶係茶包嚟嘅不過可以帶走佢自己放落保溫水壺再泡都幾開心烚蛋就係普通烚蛋冇嘢好評價冇叫剪蛋因為朋友話有啲生埋單29蚊都ok抵下次試下佢啲飽

落堂好肚餓但係又就黎食晚飯其他都轉哂做晚餐就唯有趕最後幾分鐘同朋友去左Hall Can share 一份下午茶餐28蚊真係抵到爛每份炸物都要等10-15分鐘因為係即叫即炸但係真係好大份又好脆口吉列豬扒又大又厚佢會俾一個沙律醬你不過我比較鐘意食嘅係蕃茄醬然後佢個奶黃包係流沙嘅又係即炸 熱辣辣就咁已經好好食 不過有煉奶會仲好28蚊仲包一杯熱飲 係出面凍到死我哋就揀左杯菜蜜 都係好正常一般出面有嘅下次都會再試下其他餐

至從裝修之後，canteen嘅食物質素一直有進步。我地兩個人叫左「豚皇叉燒拉麵」（$43）。食完都覺得比得上出面餐廳！首先，份量而言，拉麵一碗都非常大碗，一個女仔要食好耐先食完。食物方面，有齊曬出面拉麵店基本嘅配菜，配菜量都非常多，令成碗拉麵口感好豐富！麵線方面，餐廳係真係提供正宗拉麵，完全唔係公仔麵！湯底亦都濃厚！以$43呢個價食到，CP值係超高！值得再食！

今朝黎呢頭開會，入左去 BU canteen 食左個早餐，雞扒煎雙蛋，配塊多士，飲熱咖啡，$23.5，九龍塘應該冇啲咁平嘅早餐，味道正常嘅，雞扒都煎得香口，不過野食唔夠熱，咖啡都幾好飲呀

今日放左工拿拿臨仆去浸大進修，六點半上堂上到九半，上堂前緊係要搵d野醫下個肚先有精神啦！有讀過浸大的朋友仔一定知道宿舍樓下的浸大食坊一直被批評食物質素惡劣，衛生環境麻麻，今日就同大家搵d抵食又放到入口既菜式。平時好少留意，原來hall can係會賣中式小菜。今玫就同大家試下呢味水煮牛肉！話好好食就無咩可能，勝在佢都算足料，牛肉厚身有咬口，同埋配左好多粉絲。粉絲幾彈牙，吸左辣汁拌白飯食唔錯。而最重要個水煮汁，佢整得比較淡，辣味欠奉。但香料份量夠，香味不錯。適合喜愛麻香人士，埋單只是33元，非常抵食！

友人在大學教書，間中都會在又一城吃點東西。這天因為時間尚早，浪子就乾脆乘小巴上去找友人吃Tea。這兒的學生飯堂是由美心營運，是出名非常不好吃和服務奇差的。不過浪子總覺得價錢較出面平，學生及教職員更額外85折，也只有將就一點。叫弓一個下午茶，碗仔翅+雞翼，連餐飲不過22.8。加一碗腿蛋麵10蚊左右，85折後才不過28元。非常豐富才不過$28元。先吃碗仔翅，似模似樣，味道不錯，材料也算豐富。個湯做得幾好，有點胡椒味又有點熱度。黑椒雞翼是雞全翼，很大隻。黑椒不算太入味，但雞肉算厚肉，也算是十分有咬口的。這個麵，隻蛋十分塑膠，唔知煮好咗幾耐，個麵十分硬，個湯也不是熱的，很離奇地浪子明明睇住佢倒勺湯落去，難道成筒湯都係唔熱既?有時候真係好難怪學生都走哂落去搵食，這間Canteen的質素，與去年浪子去上海財經大學和汕頭大學交流個兩間大學的Canteen不相上下，但人家是$10一個午飯呢。服務反而不是太差，服務生都很好笑容，算係咁。

今次唔想再食到sad 野，所以都係堂食好了。見到個麵終於正常番，拉麵有既料都有齊。今次係叫左個酥炸雞槌拉麵。我發現canteen d 雞槌好多時都幾好食。食起黎個陣仲有一陣酥炸既感覺，所以一路都好好食。canteen 仲比夠3隻我，真好。拉麵今次因為冇侷住，食落好好咬口，唔會索哂水咁。個拉都仲有其他配料，有d 椰菜，海苔，栗米，半隻熟蛋咁。唔算好出色，但總算拉麵樣樣要有既野都齊。個湯濃左少少，如果d 味唔落咁重會好好多。anyway，二十幾蚊一個拉麵係冬天黎講真係唔錯既選擇

趕住做pj，只好叫外賣。而家凍冰冰夜晚想食d 熱野，所以叫左個餃子雞串拉麵。個拉麵本來都好地地，餃子好脆，雞串有d 汁，麵都唔太差。攞完去office 已經淋哂，雞串又因為浸左落去d 湯度，乜味都冇哂，sad。本來可以影相都唔想放上黎。一叫外賣就咩都冇，叫湯麵的朋友要三思。

同大學同學嚟到浸會大學宿舍樓下嘅浸大食坊(浸大其中一間學生飯堂)食下午茶有同學一向推介下午茶時段一定要吃炸雞脾炸薯條，但因覺得不太健康所以改為點了油雞脾，另外配米粉(雞脾餐除了雞脾和飲品外還可以搭一份小食)。油雞脾大大隻，肉質嫩滑，而且仲好入味添啊米粉味道不過不失，始終是學生飯堂，不要抱太大的期望，但也沒坊間所傳那麼"頹"服務態度和環境衛生也良好，而且非常抵食，整體來說是間及格的大學食坊。

這所食肆由快餐店集團經營，在校園中，食品選擇較多，質素也不錯。是次吃了海鮮什菜冬瓜粒湯飯，喝到海鮮什菜冬瓜粒湯，清而美味，湯料所用之蔬菜爽口新鮮，海鮮易嚼，飯吸收了湯汁，吃下十分入味好吃，令人感覺豐富滿足，值得推介。

重回校園，工作與學業佔了生活的全部，晚飯都是急匆匆的，不能說是享受，純粹為了生存而吃喇！幸好浸大食坊的食物經濟實惠，質素尚可，不算「頹飯」。今晚吃了最便宜的火腿雞扒煎蛋飯，份量足夠，有大量的橙色、酸酸甜甜的醬汁拌飯，不會又乾又淡。煎蛋已全熟，所以沒有蛋黃汁流出，雞扒頗嫩，火腿是正常水平。整體而言，味道尚可，如果可以熱一點就更好了！只是$25，卻附送例湯，真便宜！湯的味道普通，除了南北杏，沒有其他材料了。

星期三，又到了返學的日子。每次放工趕回學校，總是大汗疊細汗，很辛苦。到了canteen, 發現除了有三文治外，竟然有冷麵，當然要買來試試。連飲品也不過$29，學生還要有9折，承惠$26.1， 真抵。雞絲：量很多，而且是我愛吃的雞胸肉，好味配料：有大量大荳芽菜，爽甜，如果是銀芽而不是大荳芽則更佳；木耳亦夠爽口，但對極愛木耳的我來說就少了一點點；少量醃菜，豐富了冷麵的味道。冷麵：麵質很爽，亦算滑，量很多，相信男生也夠飽。隨麵附上兩小盒醬料，分別是淅醋和麻辣油。淅醋酸中帶甜，因本身嗜酸，如果淅醋可以再多一點就好了。麻辣油辣味十足，亦有少許麻的感覺，以20多元的質素來說，已屬難得。必須一讚的就是冷麵非常夠凍，這點是非常重要的。如果吃冷麵而不冷不熱，就真的難受了。可幸的是這裏的冷麵夠冷夠味夠多材料，實在非常抵食！！下次會再吃！！

來到BU Fiesta，其實也是快餐集團旗下的。是標準的學生用膳食堂，座位多，設施便利，惠顧時與快餐店的購票形式相同。點了八寶肉丁鍋米線配熱檸蜜，去到相應櫃台面前看著店員即場烹製，迅速很快，轉眼間，我的午餐已做好。鍋米線看來很大碗，米線很熱、夠熟又軟，八寶肉丁夠香又爽口，與米線比例感覺豐富，湯底不是味精貨色，整體而言水準不錯。熱檸蜜給我意外驚喜，濃稠度剛好，所用蜜糖喝下有清新舒暢之感，不是一般的菊蜜和菜蜜，很棒！統統吃喝完畢，感覺還是不錯的膳食。