海麗閣海鮮酒家

營業中

休息中

前兩日同父母去咗海麗閣海鮮酒家食點心飲下茶，印象幾特別。環境寬敞明亮 😁，侍應笑容可掬，茶水供應夠快🍵。叉燒包外層皮鬆軟🥟，叉燒餡料唔算多但甜度剛好；蝦餃皮比較實身🍤，蝦肉份量中規中矩；椒鹽海蝦🦐調味唔會太重，炸得香脆；燒腩仔🥩皮脆肉香，但肉質略嫌幹身；豉椒鳳爪🐔入味不夠軟爛；流沙包🥮流心程度一般；素餃🌱餡料清爽，但口感稍單調。整體味道都係過得去，無大驚喜但也不失水準，適合想鉆研平價點心嘅朋友試下👍。下次可能再上幾款港式小炒或者蒸飯試下，希望有驚喜。

部長服務態度很好，有問必答，有求必應，樂意幫我哋影啲合照都好靚呀！抵讚👍🏻食物質素平均都不錯，我哋叫左半席$888套餐，性價比高，尤其炸子雞、蝦球伊麵好味仲有得送砂礓豬手，好好味如果有得送埋糖水就真係Perfect啦！值得一試再試

今日本身係一餐非常歡樂的闔家團圓飯，可惜酒樓實在是「太多人」，即使係常客+訂房都難以服侍周全，可能大家都太攰啦，個個都黑口黑面，上菜三催四請，食完一味過好耐先上第二味，尷生拖咗個幾鐘先食完呢餐飯（平時基本上一個鐘就ko），餓親我哋啲後生仔冇所謂，餓親老人家就唔好啦。另外，食物質素也可圈可點，據聞換了新嘅好手勢大廚，一定係因為咁生意先咁「火爆」，連人客都無法招待周全！不過，我是一個大度的人，係唔會怪罪你哋嘅 😀

星期日夜晚同屋企人慶祝生日，因為有老人家，無耐要選此位置最近的酒樓。上星期日同樣一行8人有老人有小孩，到旺角海港食6人餐（已包茶芥加一）加個乾炒牛河和甜品，埋單剛好$2000. 今次叫6人餐加白飯和叉燒，唔包茶芥加一，埋單竟要$2500!! 仲要人人都唔飽，返屋企再食多2包薯片1盒家庭裝雪糕。以後盡量避免食呢d 貴夾唔飽既屋村酒樓！但估唔到屋村酒樓都咁好生意，下午6點已經坐左半場，近7點已經坐滿人，都唔憂無生意！

太耐無寫食評，但今次唔寫唔得乳豬 $228 例牌，黎到得8件問職員佢地，佢地話：係甘多架啦會唔會少得過份呀！！個小炒皇仲搞笑好多炸芋頭絲~撈埋黎炒，咩事！！其他食物都係好一般，一定唔會再黎！

各位注意夜間收銀員！記得埋單睇清楚張單注意：每碟餸菜及茶芥都各樣另加一收費，再全單再加一收費都未聽過甘過份事源：昨晚去此酒家食晚飯時候，當時叫龍蝦米粉底，當上菜時，發現米粉有問題即時叫經理查看而經理即時說：幫忙取消並即時收走(加米粉另收$50),之後炒菜苗發現有石仔又再叫經理查看再取消即時收走炒菜，之後埋單時發現單據沒有取消，夜間收銀員就話唔知道取消，而經理唔應數口頭承諾。

當lunch係深水埗區附近搵野食既時侯, 知道呢邊有一間酒樓而且算環境舒服d 又唔係連鎖式就過黎試下啦個環境又真係算寬敞唔太迫既~屋村酒樓黎講算幾好既~食物方面, 因為今次都有唔少人食所以都叫左唔小點心食~呢道既點心真係算唔錯, 算是有質素既點心~ 蛋燒賣唔係所有酒樓都有得食不過呢間有~春卷, 腸粉, 蘿蔔榚都有, 而且蘿蔔榚又唔粉, 實d既感覺自己幾鍾意食既~有一個甜品係益力多味道既榚(甜品)真係幾特別又夠凍, 出面酒樓或地方都未試過~而且呢間酒樓可以點既點心又唔少, 多種類型可以揀, 而家又係好少酒樓可以咁多點心揀~所如果黎開呢邊,間唔中都會食下既酒樓~

今日行過見到有得買外賣飯盒，諗住酒樓質素應該唔太差，價錢又唔貴，就買左個雙拼飯盒試試，外賣飯盒只有三款燒味可以選擇，叉燒、燒腩仔、油雞，我嗌左雙拼：燒腩仔、油雞（$35單拼、$42雙拼）味道上唔太差亦唔太好，一般燒味味道，燒腩仔肉都幾焾但肥肉較多，油雞豉油偏咸份量就一隻雞中翼斬開四件就當左四件雞咁上，另外搭一件雞翼鎚邊骨、四件無皮燒腩仔、兩塊燒豬皮、飯無色、有蔥油雖然係屋邨街坊酒樓，但如果唔想做外賣飯盒不如取消佢，唔好出埋d咁既野俾食客，好後悔將呢$42洗左係呢間餐廳嗰度，平唔代表抵食，唔會再幫襯

每次朋友話來我屋企附近食飯，問我食咩好，我都會介紹來呢度食二人套餐。$168套餐有魚（清蒸沙巴仔），半隻燒雞。已經覺得抵食。依家$198套餐，都係有魚（清蒸沙巴仔）有半隻燒雞，另外有4選一，我選椒鹽海蝦。連一碗白飯，仲有糖水送（送完就無啦）埋單唔洗$250.超級抵食。清蒸沙巴仔-條沙巴仔唔細嫁，有圖。蒸得啱啱好。燒雞-熱辣辣上枱，皮脆嫁。椒鹽海蝦都唔欺場，有份量。2人食真係好滿足。再加埋糖水紅豆沙（無影相添）啲客多數係街坊，伙計都好好。

睇了食評話呢間海麗閣好食，所以今日2月25日去買了幾份外賣，其中一份是燒乳豬$388/半隻，份量極之少！燒得十分乾，肉質亦非常柴，我真係從未食過咁難食嘅乳豬，咬落去似是隔夜翻叮熱俾我一樣唔好計個價錢，質量也太差了！實在太離譜了因為外賣已經拿回家了，所以亦唔想麻煩再外出找餐廳理論，我本人好少寫食評，不過今次真係劣食，一定要公開俾所有人睇到！

性價比極高既一餐，朋友介紹下先知長沙灣有間咁抵食又高質素既酒樓，雖然係屋村商場酒樓但裝修不錯，而且商場旁就係港鐵站出口，旁邊亦有大量前往各區既巴士站，非常就脚，最重要係食物質素意料之外地高，每一碟份量亦非常大份。我地叫左$3088 既套餐，包飲品免無加一龍蝦伊麵係我食過最好食既一次，麵既硬度，調味等都處理得剛好，份量亦多另一碟非常美味既碧綠炒雙蚌，連d豆都好好食好爽口非常足料既紅燒花膠雞絲燉翅，花膠味濃郁皮脆肉嫩既炸子雞，非常出色好大條既沙巴龍躉，蒸得剛好夠嫩滑，蒸魚豉油調得出色需要額外預訂既壽包，蓮蓉餡加蛋黄，傳統嘢但做得非常出色，18蚊一個成餐都免加一，計埋壽包除返開12人先每人約270蚊，簡直係超值，唯一缺點係上菜過快，我地8點鐘開始，基本上兩轉已同時上左九成既菜，最後上埋條魚成張枱已爆滿，因為要騰空位置所以食得好趕急，不過見酒樓9點已無咩客，所以都唔想阻人收工，建議大家早d開席同叫佢地上慢少少會更理想

我嘅野食係黎得快嘅見人地話等左成個鐘先黎不過食物真係一般好似好鍾意加d菜落點心到😂蝦餃又有菜 鮮竹卷又有西芹 牛肉腸又有生菜呢d好minor最緊要係我點鴛鴦腸腊味飯黎到得臘腸同臘肉😅何來鴛鴦腸？明明得單腸，問侍應 話係吖 鴛鴦黎嫁啦😰究竟係我問題定佢問題？🙈大家慎點

服務態度極差，今晚食飯等左好耐都冇人收碟，好不容易等到個阿姐，叫佢收下點知佢話好忙係度發脾氣。跟著啲阿姐送菜過來求其搵個位就擺住，都唔理客人食飯，仲要客人自己執。茶水都係擺左好耐都冇人加。咁我都想問我加1嘅服務費係俾邊個？不如阿姐坐低我送菜？啲菜都好麻麻，唔好食，燒鵝仲要係凍嘅。千其唔好來食，等同於倒錢落海。真係人手唔夠不如加多啲人工請多啲人？或者等夠人先開舖？啲人企係度都唔知做咩？眼神望過去即刻避開。咁我望過去係希望你過來執檯，唔係想同你哋相睇，唔好谂太多。

今日同友人相約係長沙灣貨櫃商場飲茶🫖紅日午市都非常旺場！食物質素唔錯，地點也就腳👍🏻👍🏻食物選擇豐富，我地主要以點心為主，聽友人說呢度嘅燒味都唔錯，下次再試！春捲香脆可口 但唔會炸過龍 食落都唔會太油膩😙內餡都食到蝦肉、豬肉 且份量合宜 唔會得個春捲外皮香荽牛肉腸芫荽味唔出，牛肉嘅份量也頗少，粉較多顯得大大件，勝在腸粉好滑😋補救小小香辣乾炒牛河呢味色香味俱全！一上檯就聞到好香好有鑊氣！味道都非常唔錯，牛肉份量也充足🤪辣味則較少🤣如果辣多小小應該更惹味😏😏宜家只是加左少量辣椒調味，可能我食得辣所以有些少期待😚 宜家嘅辣度較適合大眾口味鳳爪味道較濃郁，都唔錯蝦餃味道正常，皮薄👍🏻size偏細燒賣非常彈牙😋😋面頭少量蝦仁內裡豬肉為主熱辣辣出爐，抵讚金錢肚雖份量一般，但係整得非常唔錯，入味得來都好易咬，唔會咬極咬唔斷要成舊吞！呢個真係好重要🥹蘿蔔如果蒸得再淋啲就更好味😚整體呢餐都非常滿足！

由細到大我阿媽好少帶我去飲茶，但近日佢竟然主動推介仲要特登搭車去長沙灣呢間酒樓飲下午茶，話抵食同好食！望張落單紙的確係好抵食既，$32點心超值孖寶，可以揀燒賣，鮮蝦菜苗餃，鳳爪，茄子，咸肉粽等等。至於有幾好食？見我地五個人食四籠燒賣就知正啦！呢度啲點心係由酒樓點心師傅手製，非常足料，燒賣大大粒。另外件釀茄子好厚身，新鮮煎起熱辣辣又有點脆口，正！另一抵食推介係$36.8有碗燒鵝瀨搭多一款點心，瀨粉幾大碗，燒鵝都有五大件，性價比都好高！留意番！下午茶時段限星期一至五下午2-4點！