海鮮島海鮮酒家

營業中

休息中

同朋友行完山,行山終點係布袋澳,當然要試試這裡的海鮮餐廳在海上,可以邊看海,邊吃飯先叫一份細的沙薑雞腳細份的雞腳都有8大隻,份量真的不少雞腳是爽口的,有很多軟骨,而沙薑有別於平日酒樓吃到的味道沙薑味比平日的濃,但不會太咸,很惹味椒鹽鮮魷份量也是大大碟,表面炸至金黃色,而炸粉不太厚魷魚有鮮味,味道不錯海鮮豆腐湯這個湯足夠4-5人飲用,當天只有三個人,最後打包回家再飲湯料非常多,有蝦,白菜,鯽魚,豆腐,所以湯是奶白色,而且很鮮甜,不是味精湯咸魚雞粒炒飯咸魚的咸香味非常好吃,內有粒粒咸魚,但味道不會太咸炒飯炒得剛好,不會太濕和太油,亦不會太乾雞粒很滑,當天和朋友共吃了4大碗,還可以打包兩盒回家吃完正餐,可到隔離鋪買糖水吃,叫了腐竹糖水,夠凍,非常足料

話說朋友買左架新車…興致勃勃實行去遠d...結果去左布袋澳食海鮮…據聞呢度比較抵食無呃秤…海鮮活生生的放哂出黎…好似比人選美咁…結果唔覺唔覺一人一味…唔駛等好耐就有得食啦…蝦新鮮有味…雞腳未夠腍…唔多入味…蒜蓉幾夠味…扇貝幾彈牙…蟹好大隻…鮮甜兼好肉…龍蝦用清湯煮…有點失色…用芝士可能更加好味…好肉又彈牙…鮑魚好實淨…好咬口…螺肉一般…比較挑得麻煩…聖子超大隻…豉椒好入味…一人一隻實在唔夠喉…整體食物尚算新鮮…味道不濃...叫做色香味美…

熱辣辣但諗住一班人開開心心食海鮮，一行14人兩架車，叫咗一系列餸，海鮮不過不失，但d扇貝遅遅未到，追又話要蒸，結果上枱仲硬過乾元貝，過晒火。d菜一上枱已經過火。食物都算，最過份係有shuttle 都唔出聲，等緊綠van見有shuttle 想上，竟然唔俾上仲問拿單。book 位冇人提醒有shuttle,食咗成晚都冇講，想上車又唔俾人上，service極差。去開南丫島，天虹服務一流，問清楚要唔要船，安排周到。呢到服務真一般。食海鮮選擇唔少，但呢度我一定唔再嚟。老元貝😑 星洲炒米

難得閒日同老公一齊放假，咁啱佢朋友請食飯，今晚做跟得夫人。西貢入得多去遊船河，今日朋友駕車卻到了一個不常見的地方-布袋澳。原來係食海鮮既地方，去到門口店員即刻招呼睇下點咩海鮮點樣煮。海鮮款式十分多，拍得住沙巴d海鮮酒家。點左豉椒聖子，清蒸石斑，椒鹽瀨尿蝦，花雕蒸蟹，上湯白菜仔，馬拉盞通菜餐廳效率十分高，點完坐埋位聖子就到啦。由於懷孕關係，唔食得多海鮮。只吃了一條聖子，魚及菜。聖子味調得不錯，肉質亦鮮甜條魚十分讚，有魚味又唔腥，豉油味也吃得出刻意經調味。上湯白菜，吃得最多(因為其他野唔係咁食得)so far so good..無乜特別雖然我無食碟椒鹽瀨尿蝦，但見到佢大大隻感覺啖啖肉，我亦偷食了很多炸蒜，香口夠獲氣又不會油膩本身坐海邊做海鮮係幾有情調，然而熱屎辣辣聞到隔離d煙味個人好q暈，這裏可以叫甜品(甜品應該不是隶屬於餐廳的)10蚊碗即pay.叫左碗凍喳咋，嘩!正，不太甜又涼 浸浸。encore之選到最後，餐廳送上靚橙一碟好少可出街食飯最後個橙會比人ko哂，皆因佢又凍又甜順帶一提，這裏地處隱蔽，很多明星也愛到這裏，用餐當日咁kiu就見到隔離有余文樂(≧∇≦)

老豆無啦啦話想去西貢食海鮮，阿妹話西貢下晝應該勁多人，所以佢就提意入去布袋澳，順便行下WO 作為只係識食既我，當然無問題啦！（其實布袋澳都幾偏遠，如果揸車係方便D，不過都好似有一架綠色小巴可以入到黎既）我地上網做左D 資料搜查，原來布袋澳得兩間食海鮮， 最後就揀左海鮮島 入到去，樓面招呼好NICE，初初佢比左張近門口既枱我地，我地見無咩人，就問佢可唔可以坐近D個海，佢二話不說就"好"咁幫我地搬左D野過去。4個人，叫左食評好多人都話好食既海鮮蟹皇炒飯同椒鹽鮮魷，另外仲叫左個海鮮豆腐湯，清清地都幾好味！椒鹽鮮魷 ,好好味,又夠脆,又夠林,唔會太多粉漿,正!蟹皇海鮮炒飯 , 個飯底炒到一粒粒，好爽口，加埋蟹子同紫菜，口感幾好，味道唔會太淡，好食！海鮮豆腐湯，清清地都幾好味！另外，如果要食新鮮既海鮮，就要大家稍移玉步去店外面揀你想食既海鮮啦～我地揀左聖子、扇貝、蟹 蟹 ＄2XX(價錢已包埋煮，按市價變動而改變)，16兩，呢個係成餐最貴，不過真係好好食！好鮮甜，正！豉椒炒聖子 ＄13X(價錢已包埋煮，按市價變動而改變)，汁唔太濃，聖子好有鑊氣，唔會太UN，好味！蒜蓉粉絲蒸扇貝 ＄13X(價

本身鍾意食SEAFOOD,所以鍾意周圍去!今次去左布袋澳,真係食完會返黎再食!!!呢個椒鹽瀨尿蝦夠哂獲氣, 上台仲好熱!蝦肉好爽口,好新鮮,仲要有膏>3<出面有D地方炸完D肉會縮水,但呢次食都仲係好啖啖肉!不過入黎條路真係幾偏....所以搵個有車既朋友會好DD

好少同女朋友一齊放星期六.但成日都係市區食飯睇戲,今個星期就去下布袋澳食海鮮同睇人放飛機啦.去到十一點零冇咩人唔洗等位.風景背山面海真係唔洗講啦.叫左豉椒蟶子,紫菜蟹籽炒飯同埋當然係墨魚刺身啦.原本想叫多過炸魷魚鬚,點知侍應話墨魚刺身係有炸魷魚鬚.蟶子都幾大隻,豉椒炒得岩岩好,唔會overcook冇咩縮水又唔un,好食紫菜蟹籽炒飯,以前平平冇奇,但係D紫菜唔知係咪炸過先炒的,唔係就咁lum晒,有少少咬口架喎,幾得意同好食.墨魚刺身新鮮.炸魷魚鬚原來又好大條下,配埋口急汁一流

如題，薑蔥炒蟹好好味，芝士龍蝦伊麵，龍蝦好大隻，好多肉食，冇呃秤，豆腐海鮮湯好多料，而且感覺唔會heavy。啲蝦要讚，帶膏，鮮甜，爽口彈牙，而且大隻，有糖醋排骨，都好味，但係條魚就冇咩特別。

比出面貴@海鮮島西貢清水灣布袋澳7號B舖與新結識的友人入西貢吃海鮮, 多是到碼頭附近的餐廳, 今趟長途跋涉去了西貢另一處叫布袋澳的地方。布袋澳給我的感覺像迷你版大澳, 看到泊了很多小船在河邊, 三面被山頭及蔚盛的樹木蕞圍繞著, 境緻宜人。建的小屋都是2,3層樓高, 也有點像圍村。只有兩間食肆, 經過民家有售年糕及海味乾貨,行到入盡頭就是店家了。布袋澳交通不太便利, 有車入就方便很多。$3080 一席夠12人享用, 半席要加$350, 即是$1540 + 350 , 但唔明最收要$500一人埋單龍蝦伊麵伊麵彈牙滑而不油膩, 過水去油步驟做得不錯的說。龍蝦被我吃到有陣雪藏味, 肉質亦硬實, 與新鮮的龍蝦爽嫩實有距離,有清湯或芝士兩個味選擇。白灼生海蝦生猛游水新鮮蝦, 用白開水煮熟, 蘸點辣椒豉油已無得輸。蝦肉甜美淡樸, 不用花巧的烹調技巧。薑蔥炒蟹炒蟹唔入味, 就是薑蔥還薑蔥,蟹還蟹的沒有交流。選用了肉蟹, 愛啃肉的人該會喜歡。豉椒炒蜆蜆肉都從殼中掉了出來, 肉不是太肥美瘦少的。味欠了份火候同豆豉香味,炒蜆還是味道濃點才令人吃得律過癮。清蒸大海斑,從魚缸即捉即劏即蒸, 新鮮蒸好立即淋上滾油

28-3-2013(四)他，是一個情緒智商很高的人，是多年工作磨練下的優點。我卻沒有！他，對飲食沒要求，好吃還是不好吃，並不能從他口中輕易反映出來。我卻不能！所以，我很尊重他！和他一起外出吃飯，我總是最在乎，心想一定要帶他去吃好東西，希望能為他帶來一個既愉快的晚上。 「我們很少一起吃海鮮，不如今晚去嚐嚐吧！」我提議。 「好呀！」他同意道。想起吃海鮮，我立刻想起西貢，但今次我不選擇往市中心那兒吃，想找一處更寧靚的環境用膳，使我想起 － 布袋澳。是日晚上，我們約在坑口港鐵站等候，然後坐 16 號專線小巴來到布袋澳。下車後，步行入村至較遠的堤岸位置，便來到我們今晚晚膳的地方 - 海鮮島海鮮酒家。坐下來，店員熱情地招呼我們。我們共點了四款菜色：先來一碗豆腐蜆殼湯。 嘩！很大的一碗，廚師用足料子去烹調。吃之前，我在湯上撒上少許胡椒粉，務求讓湯更能入味。喝下一口，非常鮮甜可口；蜆肉炒得的火喉剛好，蜆肉大多沒離殼，廚師炒至適當時候再放下豆腐及湯水，好喝得很！ 明顯可見，蜆肉多過蜆殼，絕對是貨值價實！但由於份量真的太多，最終我們兩人不能把它喝完，確實有點兒可惜！接著來一碟冰鎮海膽。誠然，個人對海

我們3大1小，去完大廟拜神，諗住去食飯，一去到得兩間，一間是發記，一間就是海島。於是是但就去一間，咁就死啦!😡首先是選海鮮，嘩樣樣都好貴，如果這裡是容龍或海天就比較正常。但看看現場環境，不過都不要緊返正都要吃飯。講返𢵧海鮮，最初有個阿婆招乎你但是問多兩句都唔鐘意，直頭唔理你。坐在張枱到等😠。後來有個後生仔來招乎你，仲差。從池裡𢵧了一條墨魚，他𢲡上就放落個桶裡，就叫你回去等，磅又唔磅，後來我話幾重，他就用了一個古代用的秤來秤，一間海鮮店連一個電子磅也沒有，可能是用來放便他們說幾重就幾重的?以下是小弟𢵧的菜，第一樣是聖子，為什麼那麼快來的，可能是一早整定的，味道一般，第二樣是楊州抄飯，真是差到不得了，沒味的。第三樣是墨魚，約一斤半重竟然沒有了一半，而且是沒有so的。為什麼呢?口感真是像香口膠一樣，沒有鮮味。好似死了很久的墨魚。最後來了扇貝，一樣是像香口膠般的，真難想像一間這樣的食店怎能有人來吃飯呢?😡小弟平時都有去其他海鮮店食海鮮和買海鮮去食整。真是未去個一間那樣的差。講真的，如錢是沒用的都唔好去!😡😡😡😡😡😡

一年一度聖誕節, 我們打破傳統, 不吃西餐吃海鮮, 已3年未去過布袋澳, 當晚去到比較夜, 已有8pm, 揸車入去仍然找不到車位.再去海鮮島, 上次係碼頭食, 現碼頭是原居民拿來bbq的地方~~講番食物先, 上次食墨魚刺身, 今次帶屋企人再試下, 水準無變, 又新鮮, 又爽又滑, 同當年口感一樣, 正, 值得再食~~一家四口叫了唔係好多野, 炸墨魚, 好香好脆, Yummy蒜蓉蒸蜆, 又鮮甜, 反而係蒜蓉太多, 蓋o左蜆既鮮甜, 下次叫他們唔好o甘重手~~辣酒煮花螺, 太辣了!! 合喜歡勁辣既人, 辣蓋了螺既味, 狂飲水食了炒飯, 好一般, 最尾食糖水, 好正, 熱既荔芋西米露, 芋頭好淋, 唔太甜, 食到我2個囡再添食呢最後價錢勁上漲, 3年前平過流浮山, 現在埋單差不多$1000, 同流浮山價錢拉近好多, 加上搭車很不方便, 有選擇既話會選流浮山多過呢度, 起碼多競爭啊!!

通常除了星期5、6和特別日之外，其餘日子都不多人，所以今晚任我們4人自由選擇枱座，最後選了樓上，怕室外食物快凍。飯前叫了一碟例牌沙薑雞腳當小吃，一碟有8大隻，不用點沙薑汁已夠味，雞腳有嚼口，如果炆腍些更好。湯渣不及2年前的多，湯味仍保持海鮮湯美味不太鹹的豉椒加爽口蟶子用來送飯吃一流大隻扇貝鮮味清甜，火喉剛剛好，一點都不韌外層酥脆，美國桶蠔大隻又重蠔味，可惜一碟只有5隻少許豉油皇味不搶蝦鮮味，賣相和游水時兩個樣，原來剪去蝦腳再在肚開刀，走油之後隻蝦身脹卜卜，變成肥仔相很得意。大連鮑魚也不錯，比澳洲的鮑魚細些，因胃功能差，不大隻最合我心意。清炒菜芯嫩綠不多油，天氣涼很快凍吃不出海膽味，是不是廚師太吝嗇，下太少量海膽到找不到，所以味道似普通一碟炒飯。稱讚是飯後送的橙很甜。結賬時職員問要不要坐車，他們有免費28人小巴送出坑口地鐵站，約15分鐘後開出，那當然不錯過，太好啦還有時間去洗手間，那部小巴清潔新淨，只是座位較窄，不過這額外服務很受歡迎。最後多謝康康請食飯。

我是第一次寫食評, 又是第一次去布袋澳吃海鮮的, 不過不會有第二次了. 幾年前聽朋友講布袋澳的海鮮新鮮抵食, 不過一直沒有時間去, 上個月又有朋友去過, 自己未去過就趁大人生日, 約多二個人共四個人去. 入到去景色幾好, 藍天碧海原來是惡夢的開始. 我只叫了三樣海鮮, 元貝四隻每隻32元, 白灼八爪魚和二隻大的瀨尿蝦(二隻320元), 另加一個68元的炒飯. 我早已看了食評避過了海膽炒飯了. 現在市面萬事都貴我都明白, 不過那些瀨尿蝦又瘦又不新鮮, 我只吃了一舊, 其他人應該不會多過二舊的. 就這樣了, 埋單是814元. 以前外面的瀨尿蝦一百元又好, 八十元又好,百多元都好, 都是又爽又有肉的, 是不是我吃的不是時候還是比人坤?

出完海最好的活動就係食海鮮...星期日好塞車, 由西貢碼頭坐的士過嚟坐咗成120蚊玩得太攰了, 我都無去揀海鮮, 坐晌位度等食, 有驚喜仲好 (懶就懶啦!)沙薑雞腳: 無食到, 不知如何白灼海蝦: 肌肉結實, 新鮮爽甜椒鹽墨魚: 幾爽口, 但是日對香口嘢無乜興趣 (因為晏晝BBQ咗)蒸鮑魚仔: 無味, 浪費胃納, 又難消費蒜蓉粉絲蒸扇貝: 是日Highlight!!! 扇貝僅僅熟, 仲痴殼, 好鮮甜, 蒜蓉粉絲又好味!清蒸杉斑: 養魚, 鞋, 哂錢!! 我只食了近魚尾部份!XX蜆蒸蛋 (唔知叫咩名): D蛋好滑但食唔出有海鮮味, 同埋D蜆無味馬拉盞通菜: 幾好食, 但我已經好飽, 只係食咗幾條咕嚕肉 (邊個叫咕嚕肉架?!): 好唔掂! 叫咕嚕肉片就差唔多, 嚟呢D地方都係食返海鮮穩陣啦!甜橙 (送): 真係好甜!其實呢間我都食過好多次, 以前都覺得唔錯喎! 係今次覺得麻麻地, 唔知係咪叫錯餸? 唉, 下次都係唔好懶, 搵食要靠自己!PS 食得7788嗰時, 侍應問我地有冇渣車, 如果無可以坐佢地架車出坑口站! 服務一流! 抵讚!