海鮮島海鮮酒家

營業中

休息中

有期待有失望.............認真說食物質素不差，一心諗住食海鮮，沒有鮮味的海鮮。唔食辣既我，竟然可以食到辣酒煮火螺，無酒味，辣度極....極微，內有類似花椒八角味🤫🤫油泡墨魚變左炒魷魚，特登去食的，有點失望，講番句公道的，軟硬度適中。扇貝蒸到過時，完全無味。聖子只食到豆豉味同辣味，極失望。瀨尿蝦就普普通通啦，至於大蝦就晒左啦，開邊炸，好睇唔好食。蜆湯🤦🏼‍♀️🤦🏼‍♀️檯檯推介，蜆唔新鮮，暗色。最重要係所以食物都唔熱。

布袋澳呢個地方，講真一啲都唔方便， 揸車嚟到要泊車，如果你太新手都有排驚， 因為佢會教你喺條斜路度泊上石壆 ，講真唔係個個得。而喺我嘅心目中，當你要咁唔方便去一個地方，佢一係就啲嘢就獨一無二，一係就係又平又靚又抵食，但係好老實，呢度兩樣都唔係，景又唔係特別靚， 畀大家睇下景先。就係咁一個內灣景講食嘢啦，呢度自稱 墨魚專家，睇開我食評都知我係一個長洲長大 嘅漁村仔，對海鮮要求非常高， 今日同外父外母老婆黎，我叫咗佢哋去揀海鮮，因為如果你畀我揀，我樣樣都揀唔落手，咁佢哋揀墨魚，花甲， 墨魚兩食三百幾，炒花甲 168我冇法子唔稱讚廚師嘅刀功， 講真由細到大我喺長洲食呢個大尾魷做刺身，都係習慣厚切。佢呢塊刺身薄到真係嚇得死人，而且佢好似好大碟 ，但係其實成兜都係冰，只係面一片係墨魚，呢度四個人大概每人夾三片就冇曬。因為墨魚刺身厚切唔係關於成本大左係關於墨魚係食其爽口，你切到咁薄佢個爽口會完全畀你破壞咗第二碟係椒鹽墨魚，因為呢個係厚條，食得返墨魚嘅爽口，好食嘅可能我小人之心，我真心覺得兩碟加埋係冇一隻墨魚咁多肉， 不過佢又應承係一隻，同埋最後我看到一個景象， 等間同大家分享，大家都可以分享下有乜

前天和朋友行完釣魚翁之後，前往布袋澳食晚餐，我們叫了一個海鮮湯，海鮮湯是奶白色的，非常有海鮮味，裏面還有蝦、魚和蜆，魚有被油泡過的。椒鹽鮮魷也做得很不錯，炸粉不是太多，魷魚很有鮮味，朋友都讚口不絕。咕嚕肉炒得很香，蒜蓉粉絲蒸扇貝做🉐️恰到好處。整體食物很有質素，下次一定會再去。

收费不清不楚，2個人點了半隻鷄(餐牌上$120)，椒鹽鲜鱿($118)，蚬湯($118)，油墨菜($48)。小哥拿來一張單項$4xx的單說錯了，拿回去改。回来加了$2，相信是打包盒的錢和$18菜芥。要求收费$521。趕時間照付。以後大家小心核對清楚。

布袋澳一直係我嘅家人好喜歡嘅食海鮮點，最主要係為咗食依度好有代表性嘅墨魚刺身🦑，同埋每次媽咪都會順便喺村口嘅乾貨檔買章魚乾返屋企煲湯。墨魚剌身 - 布袋澳嘅代表作。墨魚好新鮮片得好薄，好食過好多日本餐廳。墨魚第二食係炸墨魚鬚，好脆好味。白灼蝦 ～ 新鮮彈牙，我本來敏感但偷偷食咗一隻！唔記得影相添！😋豉椒炒蜆 ～ 好味但汁少咗啲。白灼東風螺 ～ 好新鮮。椒鹽瀨尿蝦 ～ 依碟最貴，雨件大瀬尿蝦盛惠五百幾。雖然好食，但可能下次叫龍蝦可能仲抵啲。菠蘿咕嚕肉 ～ 個人認為比較遜色，肉有啲硬。蒜蓉粉絲蒸扇貝 ～ 蒜蓉略嫌有啲生，但豉油汁就好味，扇貝好厚肉。炒白菜 + 楊州炒飯 ～ ok！不過不失，滿意。旁邊嘅糖水檔，我本人就只愛依度嘅涼粉，加咗奶感覺有啲懷舊。家人話其他糖水口味就似乎麻麻。走之前再睇返吓布袋澳嘅魚村景色都幾舒服㗎！

今次 黎到布袋澳 唔食比較出名果間 行入少少 食吓第二間 環境係一般大排檔 因為無單同餐牌係手 所以個名都係描述清蒸海蝦 食材新鮮 肉質爽甜 唔會食到死蝦 一大碟每人都分到6-9隻 芝士龍蝦伊麵 呢個係食海鮮必叫既菜式 芝士味唔算太濃 龍蝦新鮮 食落好彈牙 夾埋啱啱好芥菜大蜆豆腐粉絲湯 個湯好甜 又有薑同胡椒味 蜆肉味濃 豆腐同粉絲吸晒湯味 好好味蒜蓉粉絲蒸扇貝 又一無敵組合 粉絲吸晒蒜蓉扇貝同豉油既味道 超好味 扇貝蒸得啱啱好 又好大粒椒鹽魷魚 肉質Q彈 魷魚 送啤酒一流清蒸海斑 啱啱好 魚肉超滑 味道鮮甜 薑蔥炒蟹 蟹肉鮮炸後炒 每一舊都有醬油味 雖然先炸後炒 蟹肉仲好滑 食得出食材既新鮮 蒸雞 雞味濃 肉滑 肥膏唔會好多 楊州炒飯 用上新鮮蝦仁 所以 比起一般店舖嘅好食好多

中午一家人去了這間海鮮酒家食海鮮🦞，環境還是不錯的，價錢有點貴，可能又是賺遊客生意的錢。食了椒鹽瀨尿蝦，椒鹽整得幾好味，令瀨尿蝦的味道升級了😂😆，蝦的質素還是不錯的，所以很喜歡這道菜。另外還叫了龍蝦伊麵🦞，龍蝦肉好爽脆香甜，汁好味但係吃著吃著又會覺得膩，麵都幾好咬口。至於咕嚕肉，不知道是炸得不夠酥脆，還是炸完的皮被汁浸了很久，所以軟軟的，上面的麵粉的溶呼呼的，唸曬，不夠香口，欠缺了些少⋯⋯但汁還是不錯的。

說起食海鮮，布袋澳是其中一個常常被人提起的地方，我們這一家這次因為父親節晚飯的緣故，遠道而來了！晚上7時多到達，我們是駕車來到的，開到村口，會有海鮮檔的人引領你把車泊到老遠，然後我們步行了長長的一段路，先經過另一間發記才到達最入面的海鮮島(溫馨提示，沿路行入黎都幾多蚊下...)黎之前打電話訂位既時候了解o左佢既收費，見到呢度都係食圍餐多，佢主要有三個餐因為我o地得7個人唔夠一圍，所以佢係計我o地餐牌上面既價錢除2再加多$350(平D果2個餐)/$450(最貴果個餐)因為魚無得半條，蟹無得1隻半，所以加錢係會比番原整一條魚同三隻蟹比我o地我o地叫o左中間價錢果個龍鳳宴，所以係($3980/2)+$350=$2340白灼生海蝦..作為第一碟上既海鮮，佢開o左個好頭，雖然係細隻o左DD，但好鮮甜，亦都好快手比我o地每人幾隻清哂椒鹽鮮魷係第二碟上既，其實佢都算炸得幾OK..炸粉好薄，但因為餸太多既關係，最後食剩好多鮮魷..好可惜芝士/上湯焗龍蝦(伊麵底)我o地揀o左上湯無咁漏，但係個龍蝦應該係全部海鮮入面最唔好食既，食唔到鮮甜味，好失望，所以就算佢有好多肉我o地都食剩好多椒鹽瀨尿蝦還不錯，都幾

因為行山嘅關係， 上完釣魚翁再落布袋澳， 當然唔可以錯過喺布袋澳食海鮮啦，呢個係以前家人有大事慶祝先會去嘅地方。就算是假日，這個地方唔再好似以前咁多人，唔需要訂位，你入到去可以隨意揀枱坐，然後自己揀海鮮，食物質素依然好好，你可以見到我哋嘅鮑魚好有光凙，而鹽焗蟹係我哋覺得今次冇黎錯嘅。奄仔蟹非常之鮮味而且都充滿黃油蟹膏，簡直令人食指大動。其實去呢度都唔係好困難，我哋出返去都係直接喺餐廳門口出面就有綠色嘅小巴直接出到去寶琳嘅地鐵站。$9 交通費就食到正正海鮮！一定會再來幫襯. 唔一定次次去西貢大街同人逼既～

今日約左一大班人去布袋澳食海鮮，由於太偏遠，我就跟友人搭順風車✌🏻去呢度食海鮮係可以免費泊車既，路口會有職員指示你去指定位置泊車，真係方便駕駛人士。夜晚呢度環境出入比較靜，最好都係一大班集合一齊出發。我地一行十多人，選擇了龍鳳宴套餐。先泥食沙姜雞爪我地將帝皇雞加錢轉左做墨魚刺身我至愛既白灼海蝦大大隻上湯龍蝦啖啖肉炸魷魚避風塘賴尿蝦都係啖啖肉好惹味既辣蟹大家食到好飽，飯後上埋水果，完滿

好出色既海鮮酒家🦞本人三月份生日，班friends同我食飯慶祝生日🎂，有朋友提議入布袋澳食海鮮咁佢就book左e間海鮮酒家我地大約11個人入去食，我friend負責點餐（另外訂左（魷魚🦑刺身）一來上碟魷魚刺身好吸引，好大盤，食落好鮮甜，前菜砂礓雞腳都ok。之後開始試菜，碟碟都好足料，D蝦🦐好大隻。龍蝦🦞，整左上湯伊麵，好好食。賴尿蝦同蟹🦀抄得好香口，好正，個椒鹽魷魚，都好好食炸都好脆卜卜，又吾多粉。條魚，蒸得岩岩好，又大條，啖啖肉，鮑魚都好大隻11個人都食吾曬所有海鮮，個個都好飽

在2018年的Boxing Day, 與一眾友人挑戰西貢的行山路徑，由五塊田一帶出發，以布袋澳作終點。經過一輸辛勞但開心的勞動 (行山)後，以海鮮宴作結。這次來到海鮮島海鮮酒家，是一家在布袋澳村內的食肆，這家位於海邊的食肆，彼鄰碼頭，不難估到是以海鮮作主打。對行山者而言，山長水遠去到這裡，當然要吃點海鮮。我們一行人點了六道菜，當中有海鮮，也有菜和肉。椒鹽鮮魷的口感甚佳，雖然有炸過，但感覺不太熱氣，而且鮮魷超新魚，用來佐飯或送酒，都很適合。鼓椒炒蜆亦十分新鮮和惹味，值得一試。時令海蝦開半後以蒜蓉清蒸，不但方便食用，而且更為入味。 (此菜不在菜單之內，要親自到櫃台落order)蟹籽紫菜炒飯大大碟，而且炒功不飯，飯粒散開，味道不俗﹗除了上述海鮮相關的菜式外，當然也有點菜和肉。椒鹽骨的用料甚為新鮮，排口入口酥軟，雖經油炸，但不覺得太熱氣。蒜蓉炒菜心也是大大碟，也是十分新鮮，算是餐牌內性價比較高的菜。整體而言，此店的餸菜份量甚足，而且用料新鮮，值得一試﹗值得留意的是，除了行山外，若要前往布袋澳，公共交通工具就只有一條小巴線 (16)。該小巴線來往寶琳站及布袋澳，途經景林邨、港鐵坑口站、坑口道、清

上了友人隻船玩打風過後，漁排被吹倒了所以玩完後，就來了海鮮島食野蝦🦐全部都係蝦超級新鮮超多肉同好彈牙金沙椒鹽魷魚鹹鹹地但係魷魚冇乜味漁翁蜆湯呢個好正湯底勁重胡椒味癖晒啲腥味帶出蜆嘅鮮甜芝士焗龍蝦龍蝦算多肉但有些怪味楊州炒飯無咩特別瑤柱帝皇雞唔肥唔瘦剛剛好味道適中薑蔥焗蟹好出色夠晒鑊氣金蒜蓉銀絲蒸海皇貝食個時要將豉油諗返落隻貝上面精華所在清蒸沙巴龍躉最後先出場等到頸都長蒸到啱啱好我地8人食12人餐又食又擰食到飽飽又叫左幾支可樂都係四千內如12人去食每人大概三百多算好抵食

今日有得去遊船河， 船家駛咗去清水灣。玩到五點幾，就去布袋澳食埋個海鮮餐先返屋企。落船喺碼頭就見到兩間酒家，咁我哋就揀咗近呢間嘅海鮮島。九個大人五個細路， 唔使諗，叫返最standard 嘅海皇宴。先上白灼蝦，隻隻蝦嘅size都好大隻，食落鮮甜，蝦高有膏。魚翁蜆湯， 湯入面有好多隻蜆蜆亦都好大隻湯底夠熱又鮮甜。金沙椒鹽鮮魷， 金莎似乎唔夠，不過好食。芝士龍蝦伊麵，照例啲伊麵嘅銷情好過龍蝦。薑蔥焗蟹，隻蟹啲膏多到不得了，反而蟹，唔夠入味。金蒜銀絲蒸扇貝， 同龍蝦伊麵一樣，啲粉絲食曬，都仲有元貝未食。 不過元貝蒸得老咗少少。仲有雞同魚，不過已經唔識commen，t因為已經飽到食唔到。揚州炒飯，都好足料了，不過size係正常嘅兩至三倍。後加咗兩個蔬菜，不過就比較遜色了。 可能啲菜唔靚。埋單大概四千蚊到，個個都捧住個肚腩走，超讚。

一班老友講開食海鮮，不如就約下食餐豐富海鮮啦！友人就話未食過佈袋澳海鮮，講講下竟然發起行動來，終於有12人都話去食海鮮海鮮是很貴架，能夠有12人實在太好了，可以選擇多些海鮮食，就選佈袋澳"海鮮島"呢間食，雖然近海不過天氣很熱吓！有冷氣就最好啦！入到去真的意想不到，女侍應生笑容滿面招呼我們，還說樓上有冷氣是加開可以選擇呢！太好喇，諗住諗下咋，原來真的有！不得不讚女侍應生細心到連暖頸巾也提供埋 見我影相留念，竟然介紹幾枝汽水是舊樽裝比我影添食滿$3000又有免費小巴到坑口站地鐵，我們就選了套餐一圍$3980再加(24隻)沙姜雞腳和一碟豆豉鯪魚炒油麥菜 ，當然還有啤酒汽水啦！埋單每人$400真的差不多了。沙姜雞腳(24)未開餐食下雞腳先白灼海鮮蝦上湯焗龍蝦( 伊麵底)龍蝦啖啖肉有睇頭椒鹽瀨尿蝦( 四隻)辣椒惹味 香口幾乎唔夠食清蒸沙巴龍躉差不多三斤重避風塘炒辣蟹味道濃郁古法蒸鮑魚(12隻)肉質鮮甜又淋魚翁蜆皇湯有少少辣紫菜蟹黃飯