海裕魚生壽司專門店

90年代海裕這間小店在九龍城是一間售賣自己出海打魚收回來的魚獲，漸漸店面放了兩三張枱凳供客人試食，後來申請酒牌成功，轉營變成魚生店，由於他們的高質食材和生猛新鮮海產，生意越做越旺，更在鄰店加開一間做鐵板燒的餐廳，及至後來因社運和新冠肺炎，很多食肆結業，海裕又把兩店結合變回一間，就是今日的海裕魚生壽司日式料理專門店，30多年過去，海裕仍然維持其高質素的食材，爲大家帶來味覺的享受，唯一的美中不足，就是價錢比較昂貴⋯⋯…查看更多

估唔到九龍城都食到美味既日本菜！之前已經聽朋友講開！九龍城有日本美食！今日終於嚟試咗！首先叫咗個魚生刺身！好新鮮！美味！試咗好特別既螢光魷魚！再嚟一個鐵板燒鰻魚炒飯！唔洗一佰蚊一碟！好抵又足料勁抵食，有時間會再嚟試其他野仲有服務態度好好！愉快😁…查看更多

九龍城多嘢食就大家都知，不過花多眼亂就會唔知食咩好～見到有間睇落幾整齊嘅日本餐廳就抱住試吓嘅心態入去～午餐都有好多選擇👍🏼因為趕住食晏，最後嗌咗日式炸餃子 配豚骨拉麵食物好快就到~不過不失嘅豚骨拉麵，不過份量就偏少🙈即炸日式餃子就好香店舖環境:聽到廚房播緊日文歌（係YOASOBI 嘅 Romance🤣）亦見到有一個擺咗好多食材嘅雪櫃，非常吸引！如果下次唔係食午餐或者多啲時間嘅話，會再試下呢度嘅晚餐～…查看更多

eat乜日本料理 | 九龍城坦白講，小編掙扎咗好耐不如自私收埋呢間有二十九年歷史嘅日本餐廳。雖然餐廳裝修非常平民，經過都根本唔會想行入去，但係正正係呢種平民嘅格局令食客有一種好簡單，好舒適，好似喺屋企嘅感覺。首先，刺身。乖，聽老細話。主動同佢鐘意食乜唔鐘意食乜，問佢咩新鮮咩唔新鮮，然後叫佢幫你發板。食咗幾次，從未中伏，仲次次都有驚喜。唔講咁多，大家睇相就知啲刺身靚到爆。純粹講大拖羅，入口即溶，好味到講唔到嘢，完。聽老細話嘅結果就係叫咗兩隻生蠔：一隻日本，一隻法國。法國嗰隻正常發揮。但係日本嗰隻好大隻，好厚身，連平時狼吞虎嚥嘅小編都要分兩啖食，口感非常飽滿，令我唸起之前去日本魚市場嘅回憶🥲。最後，介紹兩款必叫熟食：第一，醬爆玉子燒。貨如其名，一切開入面啲芝士同粟米已經溶哂出嚟。每咬一口都拉哂線，可想然之味道幾咁濃厚，係小編老婆至愛。第二，鹽燒雞中翼，一份四隻。只可以講好味嘅燒雞翼四圍都有，但係日本嗰種味道，嗰種鹽香，喺香港好難搵到。其實仲有好多嘢值得推介，遲下再寫。大家去試下先。餐廳：海裕魚生壽司專門店地址：九龍城侯王道11-13號地舖Instagram: eatmud_ …查看更多

去到9龍城次次食泰國菜悶悶地，走去試下間日本野餐廳內有鐵板師傅即叫即煎睇落好唔錯分別叫左鰻魚飯-鰻魚好林好好味😋但好細盒海蝦天婦羅🍤-即叫即炸，好新鮮好食3文魚腩壽司🍣同火炙帶子壽司，都好食燒汁3文魚頭，即叫即燒，食頭兩舊都好好食好香，第三舊開始覺得咸，可能鹽燒會正d鐵板牛排🥩， $228 講真，呢個真係一般般，仲要偏貴，叫5成熟，來到好似熟晒甘制有d唔值。整體上食物係ok ge,但所有野都偏貴左…查看更多