海皇粥店 (莊士敦道)

營業中

休息中

-瘦編今日工作好忙，所以剩係得好少時間食個下午茶餐。因為最近天氣好乾燥，所以就想揀啲滋潤啲食物，最後揀左海皇粥店嘅下午茶餐。🍴-海皇粥店嘅下午茶甜蜜糖水餐有兩樣食物。A區三選一，紅豆沙/綠豆沙/芝麻糊。B區五選一，各式油器($26)/手抓餅($30)/炒麵或米粉($30)/魚蛋加燒賣($32)/蘿蔔糕加燒賣($34)。⭐️-即係話B區揀嘅食物會決定你個餐嘅價錢，彈性好大。瘦編就揀左䁔粒粒嘅紅豆沙加油條。紅豆沙足料有好多紅豆，煲左好耐起晒沙。油條都好脆，油條配紅豆沙原來都幾match。😍-味道評分▶️🌕🌕🌕🌕🌑 (4)抵食評分▶️️🌕🌕🌕🌕🌑 (4)回購評分▶️️️🌕🌕🌕🌕🌑 (4)-➡️海皇粥店 (灣仔)📍灣仔莊士敦道151-155號東方大廈地下B舖-

放假好晏先食Lunch,喺灣仔買嘢時經過呢間海皇粥店，望落環境裝修得幾好，地方好乾淨，本身我又唔算太肚餓，就入去食碗粥啦。餐牌有好多選擇，剛好有下午茶:「粥你愉快茶餐」，就決定試下啦，叫左個炒米粉，輕盈粟米南瓜肉碎粥，熱豆漿。個豆漿本身唔甜的，好夠熱，需要自己再落糖。成個餐都係29元，另加6元配豆漿。都幾抵食。

同事話唔係太舒服，想食下粥。之前經過海皇粥，話下次來試下。咁就今日來試下，我地叫左三個餐，仲加左油條同炸油利酥。跟餐就只係加$7一個油器。一碗粥加個小食就42蚊。如果要皮蛋瘦肉粥就要44蚊。油器仲係熱同香脆。粥我叫左碎牛粥，非常岩唔舒服又想清清地人食。我最喜歡食個夢白糕，佢係蒸，所以非常好食！都足蘿白料。

一個食滯左，一個就病左，咁食乜好？苦苦思量下，就食粥啦，咁就去左同公司距離幾遠下嘅海皇粥店幫襯啦！我叫左個特餐，揀左菜乾排骨粥同蝦米腸粉，加凍檸茶走甜。菜乾排骨粥就咁睇好少菜乾，搞兩搞，好多好大舊嘅排骨呀😋，感覺抵食左，哈哈。蝦米腸粉就無乜蝦米，以為食緊齋腸呀，但味道同質感都ok，夠滑。杯檸茶我又覺得唔差喎，好過好多茶餐廳。同事就叫左陳皮鴨腿湯飯加凍檸茶，佢話個湯好好味，鴨腿就好鞋口。。。明顯啦，啲精華已經落哂去個湯度，而家食湯渣咁囉。食完，大家都有下左火嘅感覺。

同老公行完書展 , 是日老公腸胃啱啱好反 , 所以大家去食粥餐 , 咁啱有老公鍾意食既皮蛋瘦肉粥 , 仲啱配佢鍾食蝦米腸粉 , 我都算易飽 , 食有餡既粥就食唔晒鍾意既炸兩 , 所以寧願食白粥配搭 , 呢餐清啖餐好正 

完全無諗過食粥都有辛辣味味道似一碗粥加左咖哩辣味粥實在係太古怪。。雖然已經叫左少辣，但都係好辣好彩我地叫左另一個係正常，自己兩溝先中和到個辣味d雞都有幾舊大既，唔算得上嫩滑，d骨都大，搞到無乜肉食燒賣好林身牛脷酥幾香口，唔會太油膩熱豆漿太麻麻了，咩味都無，飲落去好卦口

這品牌其下的分店都食過好幾十次了， 食品選擇還算多， 粥品們款式夠多； 其中有的菜乾豬骨粥， 粟米南瓜肉碎粥， 魚片粥..等， 很好吃。 其他又有； 腸粉， 炒麵， 炒米粉， 炸兩， 油條類等， 這次還在餐牌上多了些麻辣系列的粥品.. 下次會一試。今次叫來了；芥菜肉片粥， 配備油條半条， 係個定餐。芥菜碎砌入口清爽又夠份量啊， 肉片們不過多， 還可加入胡椒粉提升味覺， 油條鮮炸脆口已砌了一小舊的方便食。 店內冷氣足夠， 焗熱天氣食熱辣辣的粥也不會慶合合

呢排病到口淡淡，食咩都無咩味咁，早兩晚求其去咗屋企附近間海皇粥店食晚餐。好想食碗白粥清清地，但老公叫咗碟炸兩，見到又好想食，自己放甜醬、麻醬，炸兩幾好味，因為內裡條油炸鬼好夠脆，令無胃口嘅我都清咗大半碟。白粥當然好清淡無味，但唔算綿，非常一般。

這天午飯的時間，想吃得清淡一點，便選擇海皇粥店，店內環境寬敞，餐牌上的選擇很多，店內的客人很多，需要等候一會才能入座皮蛋瘦肉粥，齋腸($44)黏口的皮蛋，香稔軟嫩的瘦肉，稀粥，軟綿綿的油條，份量非常多，白茫的齋腸粉，配上甜醬，豉油和花生醬，多或少可以自行選擇加入到食物中整體來說，食物的質素，食物的選擇很多，食物的份量多，食物的用料新鮮，上菜的速度很快，食物的定價很大眾化，而店員亦有良好的服務態度，最後我認為這間餐廳可以再去惠顧

係附近做完運動，諗住食個輕食，就醒起呢度有間海皇！話就話輕食，打開個餐牌，有太多野食喇。除左粥，呢間海皇仲有飯類，常餐，連最中意食既狗仔粉都有得食！狗仔粉- 肉碎太咸，粉太淋，普普通通啦。皮蛋牛肉粥比較好。腸粉夠多蝦米，好香！呢度仲有生炒糯米飯，下次黎試！

情人節前夕試下新野$99 蚊包兩碗粥+四款小食+兩碗甜品。真係飽到食吾曬！😚Lunch 排左十分鐘🙈 d 食物快到呢😍不過次序亂左小小 、一黎就紅豆沙😅 我叫左魚片粥 ， 冇叫南瓜粥呀。因為印象中南瓜粥早排做緊特價 所以叫d 貴粥感覺好似醒d😅叫錯左兩款都係炸野（牛利酥同煎堆） 應該叫一碟腸粉。我見到人地果d 都好熱 好似好正咁！

灣仔真係好多人，搵好耐先搵到午飯時間有間粥店有位，叫左個特餐，有碗粥同一款小食，我簡左皮蛋碎牛粥同炒面。個炒面分量比以前少，感覺愈來愈細份，個粥又好似大左，皮蛋碎牛有花生同埋三舊油炸鬼，份量都唔少，女仔食就剛剛好。皮蛋好溏心香口，碎牛粉量唔少，每一淡都食到粥同肉，配埋啲蔥花同花生，味道就更有層次。個炒面好蛋菲菜，但一兩條芽菜，配埋甜醬好好味，恰到好處，呢間仲有專人落單同送餐，一個人都唔驚買左野食無位座。

餐廳嘅環境就唔係好大，座位空間亦都比較窄，不過價錢黎講真係好平民，好抵食。當日係平日晚上用膳，七點左右人流都唔多，好易搵到位坐。特餐係呢到嘅招牌，因為44蚊有個粥、有個餸真係好抵。呢次叫左個皮蛋瘦肉粥，個粥唔稀亦唔傑，岩岩好，煮嘅時間控制得唔錯，調味方面亦都無太重手，不過當然都食得出有落到味精，但惑覺唔會太咸口，都叫接受到；另外餸方面揀左油菜，而呢次佢係一個生菜，而且唔油，咁我覺得仲好，因為黎粥店都係偏向想食得儛健康D。

生菜端上來下面差不多一半都是黑的，就這樣還能堂而皇之地端上來給顧客吃，我就問這盤菜端給你你吃不吃？敢不敢吃？況且這還是連鎖店，真的不知道這些連鎖店到底有沒有什麼質量保障。

豬潤滑牛粥好味，加送半支油炸鬼，要讚帶眼鏡位後生女侍應，係全鋪最後生果位，有禮貌、動作快，就連對外國客人亦禮貌而有耐性用心介紹及take order,相對有D悔氣又敷衍了事的侍應，成了很大對比，食品重要同樣招呼亦能令客人再光顧是很大原素，有位出色侍應。