海玉蘭

海玉蘭 ，位於香港觀塘觀塘道418號創紀之城五期(apm)3樓L3-1號舖。店內裝潢優雅舒適，餐廳主打上海菜，前身係京饌，之前食過幾次，點了套餐$298位 (兩位起) 。🔹江南三色拼盤蔥油海蜇皮 ~ 爽口開胃。陳醋餚肉 ~ 香鮮美味。香露醉雞 ~ 酒香入味。🔹生拆蟹肉竹笙翅 ~ 足料豐富，鮮味滿瀉。🔹鮮蘆筍百合河蝦仁 ~ 蝦仁粒粒爽口。🔹帶子賽螃蟹 ~ 口感滑嫩鮮香，美中不足就是只有兩粒帶子。🔹麻醬雞絲拌麵 ~ 味道清新豐富，越食越好味。🔹桂花酒養丸子 ~ 淡淡的酒香，配上桂花清香，味道不錯。整體菜式味道正宗，下次可以試下片皮鴨。🏷️溫馨提示～ 整個用餐體驗均屬個人分享意見， 只作參考😊。…查看更多

幾次lunch time經過APM嘅「海玉蘭」都心思思想試，今日終於同兩位姊妹去咗食個靚午餐！冇叫套餐，直接單點咗三個餸：金銀炒鱔糊、酥梅青檸骨同埋鹹肉津白湯年糕，每樣都跟白飯同例湯，份量啱啱好，味道仲要係超班！ 金銀炒鱔糊鑊氣十足，鱔肉爽滑冇腥味，金銀菜炒得香口，配白飯一流；酥梅青檸骨酸甜開胃，肉質鬆化，個醬汁撈飯都唔會膩；最驚喜係鹹肉津白湯年糕，湯底鮮甜，年糕煙韌，鹹肉吊味剛剛好，食完暖笠笠好滿足！ 服務都值得一讚，店員見我哋三個女人食晏，主動推薦養生茶（杞子紅棗），好細心！雖然價錢比一般茶記午餐貴少少，但食物質素同環境都對得住個價錢。Happy Friday就係要對自己好啲啦，食好啲，心情都好啲！ 總結：適合想食得精緻少少嘅打工仔，或者姊妹gathering。雖然唔係平價之選，但大推質素同服務…查看更多

今日約咗朋友們同契仔係APM食嘢，想搵間坐得舒服同埋有BB凳既中菜，就經OpenRice book咗呢度❤️烤鴨龍蝦午市套餐$388有烤鴨➕龍蝦炒飯/龍蝦炒麵/龍蝦湯麵➕小籠包四隻，幾抵食👍好少見到烤鴨會連埋隻鴨髀上😯鴨皮香脆唔肥膩，鴨肉肉質都唔錯😋香港比較少配搭山楂條，呢度竟然有，有誠意！👍包住烤鴨個塊皮係有個籠keep住蒸熱佢，非常好！小籠包皮薄多汁，龍蝦湯麵我冇乜點食，但係朋友都話幾好食😄 ❤️蘿蔔絲酥餅鬆化唔油膩，餡料豐富，唔錯😋⭐️擔擔麵湯底比較淡，冇乜花生香味，一般般❤️蒸銀絲卷包體非常實淨，超飽肚，如果鍾意鬆軟口感未必啱食，但係個人嚟講我係OK😅服務唔錯，價錢合理👍近窗口位比較光猛舒適，其他位置都幾陰暗🙈如果book位嘅話建議可以request定…查看更多

一家五口開心些牙！最喜歡他們服務態度好，食物質量佳，最重要吾限時要還枱，老人家可以慢慢吃！結果系吃左差不多兩小時，中途又加單私心推介：小籠包、膳片、藤椒花椒魚皮~~…查看更多

轉名後（海玉蘭）來試試。三個人order 了一個北京烤鴨+龍蝦+小籠包套餐 $388，好低食。烤鴨鴨肉味濃香，配搭熱的薄餅，京葱，相當美味。 上湯龍蝦兩面黃，一隻開邊，估唔到龍蝦有鮮味，肉質結實鮮甜，而兩面黃（脆麵）超級香脆，鬆化可口，食完想再食。小籠包4只，味道正常。南美蝦粉絲煲 $168，蝦味一般， 粉絲正常。整體ok.高力豆沙 4件 $68， 好好好好味呀。三人食到很滿足，超Full0另要讚賞其中一位比較年長的waiter伯伯， 招呼及講解都很到位，非常專業…查看更多

奶奶親戚在廣州來港，一家人到海玉蘭食飯，自從餐廳轉了名餐牌也多了很多種類食物，那天的剁椒魚頭很新鮮也不太辣，令人回味無窮。只是餐廳的間格令人感覺較為嘈吵，但食物keep住水準，不過不失。…查看更多

家庭聚會仲要係星期日，都係預先訂位穩陣啲。係APM商場可以網上訂位嘅餐廳唔多，海玉蘭就係其中一間，雖然未食過，都係揀咗佢。北京填鴨份量好足，有好多片加兩隻鴨髀。油香唔算豐富，但係味道都算足。不過佢啲薄餅就有啲失敗，似乎因為韌度不足，攞上手已經穿咗，食起嚟影響口感。小籠包肉汁夠多，餡料夠味，唔錯。煎韭菜盒子煎得火喉剛剛好，皮夠脆餡料夠多，點心之中佢最好食。另外仲叫咗好多京式點心例如水餃紅油抄手生煎包等等，水準正常不過不失。值得一提侍應態度唔錯，幾有禮貌。…查看更多

屋企人慶祝生日 近近地去左觀塘apm食中菜黎到話片皮鴨有七折 所以就叫左半隻試下 點知黎到個鴨皮係唔好食 明顯係微波爐叮熱 唔係即燒出黎再叫左一條牛肋條 唔單止好多肥膏 又係咬唔開。。又一碟用微波爐加熱嘅食物仲叫左蟹粉炒豆苗 南瓜賽旁蟹 唔會話難食 中肯嘅仲叫左個荀粟子炆豬肉 又係得肥膏唔知有唔咩食 唯一不過不失嘅係上海粗炒 但係所有食物上枱都冇個種熱到出煙嘅感覺 呢個價錢係非常失望…查看更多

今日我哋經過觀塘APM,唔熟呢頭，唔知有乜好食嘅食肆，誤打誤撞入咗呢間上海菜餐廳。阿女中意食片皮鴨，平時會返大陸食，抱住試下嘅心態點咗海玉蘭嘅片皮鴨，竟然有驚喜，出奇地好味，因為有山楂條一齊包係入邊食，好解滯，片皮鴨啲皮燒得都好酥脆，鴨肉有汁，係香港試過嘅片皮鴨最好食嘅。下次如果想食片皮鴨又唔想咁長水路返大陸，可以再嚟食，因為都對得住個價錢。 我哋開始唔咁點咁多嘢，驚中伏，所以後來又點咗龍蝦伊麵和雞絲粉皮，結果都冇令我哋失望 。龍蝦伊面芝士味好入味，只係麵略嫌有點淋。 雞絲粉皮味道正，粉皮厚又滑，我哋好中意食。素菜包都唔錯waitress服務幾好，一餐飯幫我哋換咗三次碟，態度值得讚👍🏻…查看更多

我29號中午一個人去食，一個醒雞，一個蟶子湯飯，埋單260幾，俾300找，一個阿嬸找回30多元，我收番20，個阿嬸多謝都冇句都唔緊要，走時仲要擰轉身用眼（掘一掘我）我，好似話做乜攞番張20蚊！一個人午餐食差不多300蚊，唔算少喇掛？本身又有加一，我仲俾多20蚊，仲要俾佢咁嘅態度；真係唔好話大陸人唔鐘意嚟，香港人都唔想出街食。啲蟶子又鞋又靱，個醉雞ok嘅，98定99蚊唔記得，茶餐廳都要6-70蚊，係唔係好夠酒味，但都ok嘅，啲態度就………查看更多

服務生最初只提供一堆散叫菜單，問及找了一輪才找到一張午市優惠套餐餐牌，選擇還算多，但質素只是一般，雲吞擔擔麵更是糊作一團，排骨粗炒麵，在指明少鹽少油之下，仍是很油及很鹹。雖然說是新開，但餐廳配套有點舊，應該不會再來。…查看更多

5人入座order 4人餐再加炒飯同甜品，味道不錯，服務亦OK，坐得都闊落，上菜速度適中。見到公司有聘用殘疾人士，打造職場共融，非常好，而見到呢位同事都好落力工作。…查看更多

海玉蘭新開張無幾耐，前身係京饌，走中高檔路線。餐廳面積好大，大落地大窗自然採光，而且裝潢懷舊優雅，服務親切貼心。下午茶餐連埋$12一位嘅茶錢同加一，約一百頭。下午茶餐可自選一款前菜或點心，再配一款麵或飯，另加$15可加配豆漿。前菜選擇包括醉豬手、口水雞、皮蛋豆腐、燻魚、烤夫、海蜇皮同雞絲粉皮，點心就有蒸餃、水餃、鍋貼、抄手、家常餅，而我就選擇咗小籠包。小籠包皮非常薄，肉鮮多汁。主食我選擇咗雲吞擔擔麵，$82，擔擔麵有燻魚碎，增強口感。花生醬完全融入湯中，絲滑冇顆粒感，亦唔會太膩，微辣開胃。…查看更多

假日lunch 行過見到，無咩人就入去，環境幾靚，野食都唔錯，對得住價錢，係比一般貴d, 但味道同賣相係ok🥰上次食醉鴨舌及片皮鴨都好食💖食埋過酒釀丸子 就perfect 🥰…查看更多