海潮食堂

營業中

休息中

係觀塘返工每日都要諗食咩，觀塘不嬲出名多選擇，所以每逢Lunch前個一個鐘都會浪費好多時間去比較食邊間CP值高既餐廳。然後就上網查到呢間　海潮食堂。餐廳唔難搵，但門口係細左小小，而且招牌唔特別顯眼，就係停車場入口隔離。入到去，金毛老閭已經非常主動地撩你講野，帶你入座。對餐廳環境有要求既吃貨未必滿意佢地既乾淨程度，始終都係舊式茶記Style。但服務就一流啦，點單餐牌好多選擇，老閭仲會專人推薦你有咩好食。不過就講得好快，同馬明D Rap可以媲美。我Catch唔到所以就無聽佢建議，食左是日午餐　—　手撕雞油飯。常價係40蚊，加左油飯就加多3蚊。再配埋凍飲就　45蚊　埋單。終於到上菜，個人食野較為清淡，所以覺得雞肉偏鹹。到最尾亦都無食哂。唔知係咪撞手神啦。不過量係夠既，雞肉多過飯，多到雞先好似係主菜咁。食完一輪，其實最想食既係佢既　邪惡阿華田多士　—　$24。先去圖：厚度接近手指公既高度！　而且外脆內軟，講真，多士最重要，係新鮮。咬落去口感就真係好滿足，但食耐左有少少似奶醬多，阿華田味就好似被煉奶既甜味搶左。佢仲有超薄多士版，但我食完碟飯都無左大半條HP。再加埋呢4舊山丘，連晚飯都要延遲先食，

老公唔知喺邊本雜誌見到介紹呢間食堂，堅持要去試食. 星期六早上去到, 好full, 好彩有得搭枱. 見到個menu 真係大開眼戒, 有超多選擇好彩本身有target 要食. 如果唔係有排揀叫咗蔥花炒蛋多士 配飲品 - $34上枱先知係好野, 蛋滑, 而蔥花係意想不到的香. 個多士係手工野, 薄切咗個面塗一層牛油, 兩邊都係咁, 怪不得咁香. 佩服, 有咁嘅心機都要有好刀工先做到! 牛腩蛋煎米粉拼腐皮蝦卷 - $44蛋煎米粉好足料, 蛋香, 米粉就個面脆脆哋入面一D都唔dry, 幾大一塊, 牛腩上面有一大堆蒜蓉, 超正. 牛腩好入味好滑, 有少少辣好惹味. 唯一我覺得個汁太濃味, 可能配白飯會好D😆 蝦卷冇乜特別不過都好味一定要再嚟食menu 上其他野

惡魔多士（$24）同薄多士($10)-其實本身係想叫厚，但唔知點解老闆厚同薄都落左單😂，冇所謂啦咁。薄既多士差不多人人都有叫，兩塊紙咁薄既包，焗到脆卜卜，配埋砂糖、華田粉、煉奶，一定好食！其實厚既抵食好多，因為係兩塊薄既夾住兩塊正常厚度既包，好有層次，味道係一樣既，但食落滿足好多😋。-雞肉豬腸冬蔭公麵($34)順便食埋lunch，見冬蔭公湯底好吸引所以叫左，黎到都有驚喜，湯底好惹味，豬腸入味，雞肉出奇地嫩，唔錯啊。但敗筆既一點係，碗麵食到尾發現有一塊生既牛肉😒，仲要食完先發現🙁，好彩係返屋企冇肚痛yeah。-敗筆二，另外叫既冬蔭公湯上海麵，一樣湯底但完全冇味，上海粗麵仲要未煮熟🤨。敗筆三，另外叫既菜飯等左四十分鐘先有原來係漏單，咖哩雞等於咖哩配炸雞翼🤨，超古怪。

今日去觀塘既海濱公園散散心 除左心靈上滿足之外 就梗係要填飽埋我個肚先啦 我去左呢間之前朋友推薦過既茶餐廳 佢話佢個蔥花蛋治我一定會鐘意wor我去到三點幾 個時有幾個人係度排隊 等左15分鐘就入得啦入面雖然既環境係一般工廠大廈既食堂 雖然佢唔係好大間又冇華麗既裝修 不過味道取勝呢個就係蔥花蛋治 佢同平時既三文治唔同 佢既麵包好薄好脆 薄薄既一層包與包中間仲可以夾住一層牛油 實在考刀工又好有心思 蛋炒得好滑 蛋夾住既蔥花提升左個香味 真係好好味呀牛腩蝦條煎米粉 啱啱上碟時廚師用左蠔油畫在個心心係麵既面❤️ 好sweet 因爲一餅既煎米粉好難咬開 所以老闆好主動咁幫我地剪開幾份 米粉沾左蛋漿 有蛋味之餘又唔會令個麵好易燶 而且煎得好香口 麵底仲有d辣油 麻辣令到食晒食個麵都冇咁膩 牛腩既物量都好足夠 個米粉真係值得一讚 出面唔係好多地方冇得食架 椒鹽燒賣 燒賣炸得外脆內軟 面層鋪滿淮鹽粉 燒賣底唔係平時既鼓油而係XO醬汁 令人食唔停口 老闆推介我地飲咖啡可樂 幾特別 完全滿足晒兩個願望呀 咸柑桔西柚汁 平時多數用梳打汁 改用西柚汁估唔到又幾正wor 雖然佢只係普通既食堂 但係佢地既服務態度好

平時好鍾意幫襯小店，就是鍾意小店用料足，還不時驚喜蔥花蛋多士@蛋夠滑，夠晒蔥香，平時走蔥嘅我都忍唔住食晒，只係唔夠蛋香，冇辦法，香港靠入口食材，自然爭咁d魔鬼多士(薄版)@沾滿阿華田粉、砂糖、煉奶，幾特別，甜味薄多士控應該會喜歡熱奶茶@夠晒熱，奶同茶比例平衡，個人覺得兩者再濃味d仲正😆以為下午兩點後會少d人，點知仲係要排隊🙈老闆好nice，笑容滿面，會問你d嘢食好唔好食同埋會主動推介是日好味食品，值得一試

睇到社交網站介紹這食堂，就去逛逛試食，抱著「一試無妨」。真的很不起眼的小店，第一次試食點餐葱花旦三文治、蛋煎米粉、超薄多士；本人超欣賞葱花旦三文治，多士外脆內軟葱香蛋滑，很特別的多士。薄多士是這店的招牌，塗了牛油，面層再灑上砂糖、阿華田及煉奶很特別。最後試食的牛腩蝦條煎米粉，米粉絲拌著雞蛋，牛腩汁跟米粉配合微麻辣的味道很不錯👍店鋪雖然狹窄，但老闆和夥計都友善服務很親切食得出老闆花心思在傳統茶餐廳食物加點新派做法，給客人帶來新口味。

看了ㄧ則關於一家觀塘食堂的報導，是介紹蔥花蛋多士和阿華田多士的。熱愛美食的我，當然不甘落後於人，馬上去試食。該食堂是舊式工廠大廈的食堂，地方不大，裝修頗舊頗簡單。可能很多人都看了報導，排隊入座的人十分多。我決定外賣了。我在等外賣的地方，剛好可以看到師傅整多士的全過程。首先，師傅將蔥花炒雞蛋，蛋炒得很嫩。然後刀法如神地將多士薄切，塗上牛油，最後夾上蔥花滑蛋就大功告成。而阿華田多士也是先將多士薄切，塗上牛油和煉奶，再灑上少許沙糖和阿華田粉。外賣到手，馬上品嚐。蔥花蛋多士，外面的多士很脆很香，而內裡的蛋則很滑，蔥花的香味充盈於整個口腔。好好味呀，吃完一份仍想再吃多一份。唯有轉戰阿華田多士。這是完全不同的囗味，剛剛是咸香滑脆，現在是香甜可口。喜歡甜食的朋友，一定會ㄧ試鍾情!值得去排隊。

點了一個'牛腩蝦條煎河粉', 味道不錯， 有蛋香， 也煎得脆牛腩不算特別， 但有辣椒和蒜鋪面， 有心思。店舖沒有特別裝飾， 但坐得舒服。老闆有禮貌招呼十分好， 有種舊香港的人情味。

閱到KC寫的食評，就想來試這家隱世食堂，既然位置在公司附近，今天就不用懊惱午餐的選擇。第一次到店的時候接近晚上七時，食堂的閘也落了一半，但一場來到，唯有硬著頭皮入去落單，幸好親切的老闆說沒問題，我便成了打烊前的最後一個客人。超薄多士此品並不在菜單上，我也是剛好閱過食評才發現的，既然是食堂特色，就要點來一嚐。多士分成上下薄薄兩片，中間用一層牛油黏合，灑滿阿華田粉、砂糖及淋上煉奶。即烤的多士果然相當脆口，成了一道有趣的下午茶小吃。煎蛋咸肉菜飯、熱咖啡食堂的菜飯也是老闆推介之一，所以第二次光顧時便成了我的午餐。配菜仼君選擇，什麼炸魚、蝦肉條、午餐肉都有，而我當然選了招牌的咸肉，外加太陽蛋一隻。菜蔬下的份量不少，不像外面只得菜葉幾塊，做得好的地方是其菜蔬水分充足。咸肉方面，特別的是加了少許食堂特製的麻辣蒜蓉在上面，使腩肉在咸香上外添一層麻辣。這個味道我在一家刀削麵店吃過，但他們是用來涼拌的，今次又有新發現了。熱咖啡是很港式的味道，偏酸但頗順口。結帳時，笑容可掬的老闆遞給我一張外賣紙，細心一看，自家特製的食物竟十隻手指都數不完。這家充滿人情味的食堂，給我的感覺是用心制作，為打工仔們提供美味平價的

八月下旬·晴這是結合多次來光顧的經驗而成的食評。說真的，第一次來吃的時候，只是抱著「一試無妨」的心態進來。畢竟在觀塘區內這樣子的食堂也真太多，多差的地方也都不愁生意，所以就算見這裡早午也住滿人也不代表什麼。當然也不要少看這間外表不起眼的小店子，其實是區內其中一間人氣店。其實第一次來，是吃得不滿意的，還記得那時吃的是黑椒豬扒。但讓我留下深刻印象的，是這裡的服務態度。店主雖然是戴著粗金鍊的金毛男士，但對客卻是必恭必敬也非常有禮。我想，他真的很喜愛他的工作。那天的黑椒豬扒不好吃，但熱咖啡卻很不錯。因為一杯好的熱咖啡對我來說太重要，所以隔了不多久又再來。這一次店主認出我是回頭客，問了貴姓，而也在我躊躇在吃什麼時，他建議「不如試試牛筋煎米粉吧！」。牛筋？不易做得好的呀，也更不能想像在這等小店會吃到似樣子的煎米粉。不過見其盛意拳拳，唯有硬著頭皮一試。想不到，真的很不錯。牛筋本是尋常之物，但要煮得好吃其殊不容易。這裡的牛筋軟中帶韌度而邊位亦維持爽勁咬口，味道帶點麻辣，惹味也香口。配上的煎米粉也是考功夫之作，兩面煎得脆口而內裡仍然濕潤，加入牛筋的麻辣汁同吃，很美味。不知大家知不知道，觀塘區食肆雖多，但

之前網上見人介紹觀塘工廠區美食，就趁今日過開觀塘，中午來呢間買外賣！.舖頭門口無招牌，好易行過左！入到去，落單哥仔，我估係老闆，好好態度，我叫左個龍蝦丸雞翼撈丁，椒鹽燒賣，老闆仲推介我飲出名既柚子咸柑桔！.等外賣時，本想行出舖頭外等，點知老闆叫我呀妹坐係度等一陣啦~當下真係有啲感動，因為係午飯時間，全場接近滿座，都叫我坐係側邊等！係等既途中，聽到老闆不停叫咩生咩生，呢啲人情味已經買少見少！.打開外賣，真係香到流口水！.炸龍蝦丸+蒜蓉雞翼撈丁(小麻辣) $44真心事後打食評都不停吞口水！) 龍蝦丸同雞翼都係即炸，所以無油益味，外脆內軟，個小麻辣汁，令個撈丁味道更豐富，真係食唔停口.椒鹽燒賣 $11: 見到咁有趣，都叫左黎試下，新鮮即炸，已經好食！就算放左幾個鐘後再食，都一樣好食，唔會硬到食唔到！(因為我一個人食，叫得太多食唔哂，留番幾個鐘後做完野再食😝).柚子咸柑桔 $10: 以為係沖既柚子茶添，原來係柚子汽水，味道酸酸地幾特別。.菜湯:打開先發現送左個湯，味道唔算太味精，仲有好多菜添。

已經冇出Post好耐,但要推介吓隱世食堂。1/柯華田簿脆多士,隔夜麵包一開二,特別脆,加柯華田好夾。2/四層多士,賣相一流,又係脆,口感好正結合完美3/麻辣豬排撈公仔麵,唔係丁,用咗本地東一麵廠出品,彈牙好食過出前一丁,豬排冇梳打粉味又唔太鞋,好有水準。4/牛腩蝦條蛋煎河粉,用咗湯河粉加蛋煎,香脆又滑溜,牛腩同牛筋炆得入味,牛腩唔痴牙好正,加D腩汁撈河,非常惹味。5/鹹肉雪菜湯米,雪菜唔係罐頭貨,葉比較多又嫩味道唔會成鹹,可惜腩肉有D肥唔夠鹹香,米粉口感一般。6/鹹檸柑西油汁梳打溝忌廉,味道有層次好趣緻

成業街好多隱密嘅好餐廳，要好好發掘一下（但是天氣先生你可唔可以唔好咁熱~_~;）之前係某雜誌嘅fb po有介紹到即刻被「麻辣」兩個字吸引左。地點上係成業工業大廈停車場一個非常唔起眼嘅門，店唔大，但爆得很，如果好多人嚟一定要分枱坐。好彩行快兩步，我地4個就剛剛好。淨係睇餐牌都已經花多眼亂啦，真係唔知邊個好。樣樣都想食，難得地有選揀恐懼症（；￣ェ￣）一位朋友揀左蕃茄牛肉麻辣湯米粉，湯嘅麻辣程度再強啲，真心唔係講笑，佢係小辣，都夠入味，但又唔會太搶蕃茄味，食到好high。另一位就簡單啲，紹菜肉絲上海麵，佢上海麵qq的，有我朋友最喜歡嘅多菜。跟住就係我同另外一個朋友分別點佢兩款麻辣試試佢，一款係牛腩蘿蔔冰糖雞翼撈丁，一㩒係蒜蓉豬扒墨魚丸。我同朋友都分別俾牛腩炆得好夠，入口即溶，而且好入味。之後係豬扒同蘿蔔，豬扒略有小小咸，但可接受；蘿蔔煮得夠耐同夠入味。之後先係雞翼同墨魚丸，雞翼唔係好食得出冰糖，墨丸都係普通墨丸。撈丁個小小麻辣成為成碟嘅重點，好惹味，係成碟撈嘅靈魂。反而我無乜點點過湯，係辣個陣飲一啖咁啫。「魔鬼」除左係上述麻辣撈丁，老闆同我地講有隻「魔鬼多士」係餐牌上無，呢個係用咗阿華田粉加

星期六，下午收工就會同老公黎開餐。每次嚟到都會比牆上面嘅菜單，令到我每次都選擇困難。太多太多花款啦⋯⋯老闆仲成日提出d新花款比我⋯⋯今日口淡淡，於事叫咗個上海面清清地，老公就叫咗個邪惡餃子

不得不試炸水餃，超邪惡！茶餐廳式嘅冬蔭公湯底唔錯，而且好多餸可以揀 ，朱潤又有，炒蛋又有，連手撕雞都有，自由配搭！唔飲咖啡奶茶，可以選咸柑桔配汽水有汽(西柚汁+忌廉),有驚喜！