海港酒家

今早（星期日）飲早茶，叫咗一個孖寶（$37+3）山竹牛肉及鳳爪排骨飯，點心併盤（$36+3）蝦餃燒賣粉果流心包各兩件，炸雲吞（$27.3），茶位$11/@。算抵食。跟住去櫃台排隊付款時，聽到收銀職員主動問前面果個哥哥有冇泊車，跟住到我付款時，職員冇主動問我，我就問收銀員係咪有發票泊車，佢話咁早冇喎，你用返自己張單泊啦，我明白唔係一定有，但⋯你問咗咗前面果個客，一係你就唔好俾我聽到你問，我以後都唔會再去依間食。…查看更多

今次同家人嚟食晚飯，點咗海鮮拼盤，阿拉斯加長腳蟹新鮮飽滿，蒸熟後肉質彈牙鮮甜，啖啖都停唔到口。主菜選椒鹽瀨尿蝦，外脆內嫩，辣鹹惹味，配埋清蒸東星斑，魚肉細滑入味，湯汁清甜。湯品如蟹鉗湯，蟹肉濃郁暖胃。飲品選涼茶，解膩一流。整體食物新鮮地道，份量足夠四人分享，食完身心滿足，係晚飯好選擇。不過，負評係價錢偏貴，一人晚市約$300-500，海鮮單點過千蚊，性價比一般，尤其無優惠時略貴。菜式選擇雖多但變化唔大，重覆食易悶。高峰期座位擠迫，雖然環境熱鬧但人聲鼎沸，影響輕鬆感。長腳蟹雖好食，但有時過熟，肉質稍韌。…查看更多

上湯焗澳洲龍蝦伊麵龍蝦爆膏！伊麵吸盡精華犭鴻運燒味拼盤燒鵝油香四溢，叉燒半肥瘦一品脆皮醬燒雞雞皮脆卜卜，蜜糖醬汁好惹味‘蠍皇六頭鮑魚扣花菇鮑魚厚身彈牙，花菇吸晒蠔油精華清蒸蝴蝶沙巴龍躉斑魚肉嫩滑似蒜瓣，蒸得剛剛好①竹笙海皇燴魚翅湯底金黃濃郁，翅針分明好足料百花炸釀蟹鉗外脆內彈牙，蝦膠鮮味十足悉翡翠花枝炒珊瑚蚌鑊氣夠，珊瑚蚌爽脆過癮傘歡樂大蟠桃（十二隻）壽桃鬆軟蓮蓉香，賀壽必備曲追加嘅全體乳豬•係全晚焦點，皮脆到”咔嚓"聲，肉質嫩滑多汁…查看更多

之前去左食圍餐，大件夾抵食，我地10個大人加小朋友食，個個都食得好飽，因為份量都好足，我地食左龍蝦伊麵，飽魚西蘭花，乳豬仔，仲有壽包，不能盡錄，味道真係好吾錯，大人細路都食吾停口，好啱家庭聚會，吾洗左揀右揀食d咩…查看更多

今日有個長者生日， 所以選咗嚟食中餐， 而家呢個時間最多人食阿拉斯加長腳蟹， 於是點咗一個呢啲套餐， 都幾抵。 另外再加咗羊腩煲及龍蝦伊麵。環境就真係一般般，勁逼。個乳豬脆卜卜都幾好食，唔太肥仲跟少少肉。 :)阿拉斯加長腳蟹：都幾大隻，幾新鮮， 啖啖肉實實地咁，幾鮮甜。 啲膏都幾香滑。不過之前我去另一間食，會幫你用一個碗倒晒啲膏出嚟，然之後俾你點蟹肉食。 可能實在太忙啲店員都唔得閒應你。羊腩煲：味道OK，不過啲肉實在太韌，好難咬，未夠腍。龍蝦伊麵：龍蝦都幾爽蛋，感覺幾新鮮。其他嘅餸菜，整體唔錯。上菜亦都好快。嗰 竹笙海皇會生翅，就真係麻麻哋⋯⋯另外壽包一半係蓮蓉，一半係奶黃。我都係覺得蓮蓉好食啲。…查看更多

想搵一間親朋好友聚餐食飯嘅餐廳， 位於荃灣8咪半既海港酒家就係好好嘅選擇。餐廳位置離地鐵站好近， 行幾分鐘就到。 我哋一行九人， 慶祝朋友生日， 就揀咗呢間食物大眾化嘅酒樓。酒樓的裝飾不是很浮誇， 餐廳佈置得很優美， 感覺好舒服， 枱枱櫈櫈都擺得唔係好逼， 對比起大排檔，坐得算舒適。餐廳主打燒鵝， 我哋就叫咗半隻， 肉質鮮嫩， 而且好多肉， 個皮都好脆。另外仲叫咗唔少嘅餸菜， 有蜜汁排骨、 咕嚕肉、 酸菜魚、 鮑汁炆鴨掌、 黑椒排骨等。。。。。他們味道都唔錯， 炒得好惹味， 份量適中。總括而言， 呢間酒樓好適合一大班人黎食飯， 又唔限時， 值得過嚟試試。…查看更多

打電話book了5月14日7:30食生日飯，並預留了一隻長腳蟹，當天去到已坐下，行出去揀蟹時，竟然話冇預留蟹給我們，為有找部長理論，看看有沒有其他長腳蟹可以給我們，點知都話沒有，男部長還用對講機跟其他同事說尤得他們走，態度極差😡明明他們漏了幫我們預留蟹，還將責任推到我們身上，不但沒有解決問題，還趕客人走，今時今日咁嘅服務質素，好難怪啲人唔留港消費，令願返大陸食飯，服務又好又平，這間海港下次就算有人請都唔會再去食…查看更多

今日去荃灣做野到食晏時間一條友又好想食點心搵左間平平地既去食下因為早餐都食得飽皓以而家就唔可叫太多清蒸牛肉球例牌一碟3粒牛肉唔肥，加埋馬蹄夠曬爽口彈牙，好有牛肉味！不錯花膠鮑魚仔灌湯餃好耐無見過咁飽滿既灌湯餃，加埋花膠同鮑魚仔，成個碗係爆滿，睇見都好滿足！ 食落口好有真才實料既感覺，灌湯餃每啖都係滿滿既豬肉、冬菇仲有好多其他配料，夾埋一齊非常之吸引！花膠唔算大件頭，但夠淋滑!鮑魚仔細細粒，但係都好夠鮮味！ …查看更多

男人30而立當然要來個豪華生日宴，提醒個仔應該好成家立室了，千選萬選找到這間荃灣中染大廈的海港酒家，沒有令到我失望，出品不錯，重點是支阿拉斯加長腳蟹價錢實惠，大件兼夾抵食，大大只壽包12只，值得推介，生意好服務差少少可以接受，誰叫香港今時今日冇人肯入這行呢，此時此地的香港酒樓有肯推實惠套餐吸客有想法👍，已推介給朋友，下次還會來，希望優惠套餐沒那麼快做完啦，贊贊贊…查看更多

在中染大廈 坐自動電梯上一層, 再坐lift 上7字 比較抵食的主打晨早孖寶優惠在這個表上任簡兩款. $30.8鳯爪排骨飯, 飯比較細碗. 鳯爪正常, 排骨腌得好勁下. 味道一般. 香煎蝦米腸粉, 無乜特別. 有微微膿, 有少少葱和蝦米, 比較香口. 沙爹金錢肚, 沙爹味重, 金錢肚唔係好腍, 有少少咬口. 潮州粉果, 有少少韭菜, 馬蹄, 肉粒, 西芹. 幾好味. 皮蛋瘦肉粥,皮蛋和瘦肉都唔係太多.有少少油炸鬼, 味道都算OK. 紫心香芋丸, 外皮有炸過, 裏面香芋紫紫地色, 都比較香滑, 都幾甜. 五香咸水角, 肉粒做餡. 調味比較惹味. 炸得一般. 擂沙煎堆仔, 炸得比較適中, 裏面有黑芝麻, 似食湯丸, 幾好味. 黑金流沙包, 包皮係黑色, 奶王唔係好多, 有少少咸蛋黃. 山竹牛肉球, 好正常, 有少少腐皮, 僅僅熟甘樣. 除左孖寶之後, 都有其他點心. 蟹籽燒賣皇$22.8 有隻蝦, 有蟹子, size正常唔大唔細, 正常味道豬肉燒賣, 新鮮蒸得唔錯. 懷舊燒腩卷$21.8 芋頭比較燒腩大舊,有少少肉味. 腩肉唔係太腍. 茶錢, 10蚊一位, 再加一.…查看更多

大年初三（12號），要同親戚朋友中午去咗荃灣 8 咪半「海港」飲茶，順便新年約出來聚一聚。新年酒樓亦都有賀年點心，而我地亦都有叫黎試呀！味道一般，不過不失。蝦餃皮還可以，蝦肉尚算新鮮。包皮味道麻麻。甜味，軟度適中。薄到好似張紙咁，D 櫻花蝦唔知去晒邊，而且完全咩嘢味道都冇。係果日嘅點心稍為好少少嘅，味道還可以。外觀已經唔掂，另外完全沒有任何味道，包括咸味。👆🏿呢兩碟傳菜員放低嘅時候，因為我哋叫咗三碟，所以就問下佢，點知個傳菜員即刻好大反應，好大聲咁講（同時手指指住果兩碟芋絲餅）：「依度咪 3 碟囉！」【態度極為惡劣】食咗啲野之後，我屋企想叫碟菜食下，但係見點心紙上面冇「灼菜」，於是問侍應，點知佢好大力咁指住張點心紙寫住「濃湯浸菜心」嘅位置，呢度咪係囉！其實酒樓員工究竟知唔知咩叫「灼菜」呢？另外.....因為有個親戚要食齋，所以叫左個「羅漢齋炒麵」。味道一般，汁好多。湯過多，伊麵太少，水汪汪咁，冇咩味道。…查看更多

原本一個開心的新年聚，但一見頭盆隻所謂 飲錯奶粉養的BB豬…... 不去也罷！早幾個月也曾中午在此叫個十二套餐，當時碟乳豬全體一上桌，只見瘦身咗成圖， 估吾到今以仲過份….. 想减成本？都吾好當人傻仔啊...…查看更多

我今日在荃灣地鐵站附近辦事，順道去位於青山公路荃灣段 388號中染大廈（8咪半）7樓 701-703號舖的海港酒家飲茶。我點左鼓汁涼瓜牛肉河$128，及泰式海鮮炒米粉$128。兩個菜都煮得不錯，不失水準。…查看更多

大星班兩味：翡翠炒班球：白烚西蘭花加東星班塊果皮蒸頭腩：消失的果皮配豉油清蒸魚頭魚腩，䏲落似細魚🤦🏻‍♀️海港燒鵝皇（例牌）：招牌菜，皮脆肉質偏嫩，脂肪唔多而且味道入味。青瓜海蜇：青瓜口感清脆，海蜇係用海蜇頭口感會比較爽脆，但整體味道唔夠麻辣偏酸當睇跟餐牌嘅時候，酒樓經理一路推銷仲想直接幫我地直接決定食什麼。另外，差不多每次食都有漏單情況發生，今次食完所有菜都未見有果皮蒸頭腩。當後加青瓜海蜇到有，而果皮蒸頭腩先姍姍來遲，前後大概都等咗45分鐘先有，其間都有反應漏單。而且，價錢偏貴，性價比低如果唔係位置就腳，方便老人家都唔會選擇過嚟食…查看更多

今晚一行14人同媽媽在此慶祝90歲大壽。之前在此食過好多次，價錢合理，味道ok，服務算中上，所以今次向自己家人推介此店。但今次真令人失望。先講套餐內的龍蝦伊麵，我同侍應清楚交帶要加底同轉芝士焗，嚟到話唔好意思無廚房做錯咗，我話要改番，要芝士，但唔好就咁用番呢盤加芝士就算。最終食得出係囉，因啲麵淋pat pat。 我地又額外要一隻亞拉斯加蟹，講到明要椒盬味，點知等咗好耐又上錯，變咗清蒸，個海鮮部都承認自己漏咗講，我話你唔可以就咁又攞番呢隻去加工，佢賴係叫我地去揀過隻，點知嚟到食就知係用番嗰隻，啲肉唔好食 （之前食過幾次都好食，個個都讚）。但因蟹無記認，無得同佢理論，但就令人相當失望。因為佢地唔老實，所以原先預訂初四去飲茶都改變主意了。…查看更多