海港酒家

講到食長腳蟹🦀第一時間會諗起海港，細細個已經跟屋企人食，到大個終於帶埋另一半去自私食，嗰陣時做緊$198一斤，呢隻蟹就四斤10両，差唔多$1000架，另外加$100就有蟹黃炒飯，加兩個小菜兩個人都食到食唔晒要打包。清蒸長腳蟹超新鮮超好味，條蟹柳又多水又鮮味濃郁，一個字新鮮，極力推介去海港食長腳蟹，一嚟平同埋性價比高，呢個季節就有四斤至六斤嘅蟹，多啲人食又會食得唔夠喉，太少人食就會食唔晒，我覺得四個人就啱啱好👍🏻。嗰日係星期五都有book枱，食到陸陸續續都開始多人入座，我見台台基本上都係食緊長腳蟹，大家都好識食。…查看更多

一行九人到這𥚃食阿拉斯加蟹，依家做緊$228/ 斤，叫左隻5 斤半，大大隻啖啖肉，不過真係要趁熱食，凍左真系大打折扣。燒鵝1 隻，做緊特價$68/ 隻，比平時食嘅細啲，但咁嘅價錢，真心抵。豬肺湯$188/ 盅，份量大，料也多，雖然話6 位用，但我哋9 位都夠飲。咕嚕肉，菠蘿好多，粒肉炸到有啲乾。椰菜粉絲煲，有獲氣好香口。瑤柱蛋白炒飯，炒得好乾身，吾錯。羊肚菌燴豆付、上湯魚付菜苗，冇試，但嗰菜苗好似細碟左啲。埋單$2500，都ok 啦。…查看更多

阿拉斯加長腳蟹做特價,每斤$228,嘩,仲平過街市買生out out既,仲要唔使自己整,屋企人即刻話要食呀叫左6人餐,佢包茶芥同加一,都抵既估唔到荃灣中染大廈呢間都多人食,要等30分鐘揀左隻5斤既阿拉斯加長腳蟹,一家人食,揀大隻D隻蟹好易拆肉,肉質好兼多,好鮮甜,呢間唔會整蟹膏蒸蛋,要自己拆清蒸藍瓜子,熟度岩岩好,滑蟹粉扒豆苗日式鹽燒鮑魚呢個整得好好食,鮑魚肉唔硬,面頭好脆好惹味牛仔骨,糯米飯,正常一品醬燒雞,雞肉滑雙蝦雜菌炒海參,海參少,菜太油呢個唔記得左叫咩名,但好好食…查看更多

今早（星期日）飲早茶，叫咗一個孖寶（$37+3）山竹牛肉及鳳爪排骨飯，點心併盤（$36+3）蝦餃燒賣粉果流心包各兩件，炸雲吞（$27.3），茶位$11/@。算抵食。跟住去櫃台排隊付款時，聽到收銀職員主動問前面果個哥哥有冇泊車，跟住到我付款時，職員冇主動問我，我就問收銀員係咪有發票泊車，佢話咁早冇喎，你用返自己張單泊啦，我明白唔係一定有，但⋯你問咗咗前面果個客，一係你就唔好俾我聽到你問，我以後都唔會再去依間食。…查看更多

今次同家人嚟食晚飯，點咗海鮮拼盤，阿拉斯加長腳蟹新鮮飽滿，蒸熟後肉質彈牙鮮甜，啖啖都停唔到口。主菜選椒鹽瀨尿蝦，外脆內嫩，辣鹹惹味，配埋清蒸東星斑，魚肉細滑入味，湯汁清甜。湯品如蟹鉗湯，蟹肉濃郁暖胃。飲品選涼茶，解膩一流。整體食物新鮮地道，份量足夠四人分享，食完身心滿足，係晚飯好選擇。不過，負評係價錢偏貴，一人晚市約$300-500，海鮮單點過千蚊，性價比一般，尤其無優惠時略貴。菜式選擇雖多但變化唔大，重覆食易悶。高峰期座位擠迫，雖然環境熱鬧但人聲鼎沸，影響輕鬆感。長腳蟹雖好食，但有時過熟，肉質稍韌。…查看更多