海港酒家

營業中

休息中

星期日下午茶等位都等咗起碼半個鐘仲要係等茶皇廳🤣🤣🤣瞓到勁肚餓 所以點完點心等嘢食嘅時候等咗10幾分鐘都未有嘢食以為佢落單🤣🤣大致上每間海港嘅點心都差唔多，不過特價嘅下午茶就會有啲唔同嘅點心做優惠呢個係必嗌，因為幾抵食 而且發覺每間海港嘅質素都好穩定呢個個兜就係高身嘅 同埋今次嘅水份比較多啲，就稀少少 但係反而更加好味，平時我覺得啲醬汁太濃🤏勁先勁好味，同埋佢個蒜蓉汁調得好好😘金錢肚係另一個必嗌嘅，不過呢度就有少少腍啤啤 冇咩口感，呢間嘅酒樓有大量豆卜 有三個餸，起碼都係墊咗啲豆卜喺底下金錢肚唔掂金沙奶皇包上枱勁熱辣辣，同其他海港嘅分別係，呢度嘅點心真係蒸氣即刻好快送到！真係熱到出現，食嘢好青同埋瘦得熱嘅男朋友都頂唔順要停一停 啲留心巧爆親佢個🤣🤣🤣皮蛋瘦肉粥，勁驚喜！超級多了 有大量瘦肉碎 同埋皮蛋，而且皮蛋嘅質素唔錯，個蛋黃幾留心幾香雞雜嘅雞肉都好味 應該係集團式嘅貨，所以每間海港嘅材料質素唔錯一樣牛仔骨好香男朋友好鍾意，但係我就覺得勁多油脂冇乜肉…. 我都係比較鍾意食台式牛肉麵嘅牛肉，其他牛都取代唔到..牛仔骨，呢個實在太肥 以前阿媽整都唔會咁多肥膏咁少肉咁多骨整體而言好好味！性

一向都係海港酒家嘅常客，今日中午去完大圍拜祖先，媽咪話肚餓咁我知道禾輋開咗新店就帶佢下午茶。見下午茶推介有個金蒜斑腩蒸飯好似都幾抵食，咁就叫啦！一嚟到見到好多金蒜，我嫌太多就剷走晒！斑腩都幾新鮮又冇腥味，媽咪食咗幾啖炒飯就話俾我聽好油！起初我都唔信，後尾我再認真睇吓！嘩！真係離晒譜喎！以後都唔去呢間，新店都做得咁差⋯⋯真係唔知點樣管理的！而家經濟唔好又想能夠保留客人，酒樓真係認真需要改善食品質素，唔好只係投訴客人北上消費，如果出品好的自有捧場客！

最近試過禾輋商場海港酒樓嘅灌湯餃，38蚊嘅價錢都算抵食，因為都算真材實料，材料有花膠、鮑魚同灌湯餃，先講鮑魚唔算細隻同幾淋有咬口，花膠就少啲叫做有，至於湯底值得一讚，精味不重但非常清甜，咁嘅價錢算係物有所值，值得一試。

聽說沙田禾輋商場開了一間叫港威酒家，比較出名海鮮，今日食6人團年飯即管試一試，入到去格局同傳統酒家嘅格局大同小異，中間枱冇人，但反而安排喺個走廊位，有少少奇怪。亦都可能平日，今晚其他食晚飯的人數不算太多，又或者新開無人知吧。有考慮叫套餐，但最後都決定散叫，今晚叫咗鮑魚，清蒸魚，咕嚕肉，炒芥蘭，蟹黃伊麵，炸子雞等等……非常之豐富。特別想講吓個鮑魚，同傳統嘅整法有些不同。唔係用鮑汁去炆，反而去炸咗個鮑魚再加啲乾蔥在鮑魚上面，食落去，唔會覺得太油膩，仍然保持鮑魚嘅彈性，同口感。食完一隻會再想食第二隻。其次炸子雞，炸得非常之恰到好處。我仲記得上一次去冬菇亭食嘅時候，嗰隻炸子雞完全係炸乾晒。之後退返入去。真係會有大排檔或者酒樓係唔識整炸子雞。咕嚕肉和清蒸魚及伊麵不過不失。唯獨是我覺得有啲失色嘅就係碟蒜蓉炒芥蘭，一碟看似咁容易整嘅菜式，就係要睇師傅嘅功力，切工係有嘅，但係食落嘅味道好明顯就冇喺最後嘅時候加水焗一焗佢。所以就好似普通炒芥蘭一樣口感一般，但值得支持嘅，我應該會再食呢間酒家。