海港薈

屋企人從加拿大回港，接機後去青衣這間酒樓吃飯。🥰環境闊落，味道很好！很適合家庭聚餐！👍🏻招牌燒鵝王外皮香脆、油脂分布均勻，肉質嫩滑。西蘭花帶子珊瑚蚌色香味俱全，營養豐富，十分鮮美！新鮮菠蘿咕嚕肉外酥內嫩，菠蘿的酸甜味為其增添了不少風味！👍🏻皇阿瑪鮑魚雞煲湯底鮮美，十分滋補！燒乳鴿外皮酥脆、肉質鮮嫩！經過醃製後，用高溫烤制而成。上湯龍蝦伊麵超大碟，龍蝦新鮮彈牙，伊麵掛汁，飽肚又滿足！☺️👍🏻…查看更多

家人通常都係到海港飲茶，因為多分店以及質素甚好，加上會員制儲了不少分，今晚我們用會員積分換了一個燒鵝八人餐，畀二百幾蚊就有成八個菜式，超級抵食，不過要早至少一日預訂，呢晚就嚟食啦！二百幾蚊八個人食本身都冇咩挑剔㗎啦，有一整隻燒鵝，冬菇鮑魚，炸蝦餅、花膠螺頭雞湯等等等等，其實係可以媲美去飲既菜式。燒鵝用小火爐興熱住，唔驚攤凍搞到啲肥膏鯨住晒越食越膩，燒鵝表皮香脆冇羶味，師傅都將唔少肥膏撇走，唔會食到成嘴油。另外花膠螺頭雞湯非常濃郁，配上辣椒豉油去沾湯渣，別具一番風味！其實香港雖然有唔少茶樓，但係做得好嘅真係已經唔多，即使返內地去飲茶，都未必食到屬於香港獨特嘅風味，希望呢啲有質素嘅酒樓唔好俾經濟打敗而消失！…查看更多

呢間茶樓真係幾熱鬧，特別係周末，成個地方都充滿咗笑聲，氣氛非常輕鬆自在。我試咗乳豬，肉質幾嫩，皮脆脆嘅，咬落去有一陣香味，但味道就冇咩特別驚喜。其實，其他小菜都係中規中矩，冇咩特別吸引。食物雖然唔算出色，但都可以令人滿足。最主要係呢度適合家人或者朋友聚埋一齊，大家可以邊食邊傾計，感受呢種輕鬆嘅氛圍。雖然食物可能唔係最好，但大家開心地食飯，享受呢個時光，真係最重要。下次再來可以試下其他嘢，希望有啲新驚喜等住我！…查看更多

🌊 【 海港薈 】 🌊⋄ —————⧫♟⧫————— ⋄今次美珍做到嘢‼️用會員獎賞，憑1000積分+ $268 換購「歡聚4位全包宴」，超抵食囉😂 食物大份，質素仲要唔錯👍🏻記得打電話book檯，同埋預先喺app redeem個優惠，如果唔係有機會full🙌🏻⋄ ┄ ┄ ┄ ┄ ❖ ┄ ┄ ┄ ┄ ⋄▪️◽️🔥「會員獎賞 • 歡聚4位全包宴」🔥◽️▪️🥦西蘭花炒蝦球🐚鹽燒鮑魚（四隻）🐟清蒸沙巴龍躉斑（一條約一斤）🪿蠔皇花菇扣鵝掌🍍鮮果咕嚕肉🐓脆皮一品醬燒雞 （半隻）🌟於「海港流動應用程式」註冊成為會員，憑1000積分+ $268 換購 。（賺取積分方法：消費滿$125或以上，即可以每$25 賺取1分。）⋄ ┄ ┄ ┄ ┄ ❖ ┄ ┄ ┄ ┄ ⋄⋄📍地址：海港薈 (青衣)青衣青敬路31-33號青衣城13樓310A號舖⋄…查看更多

今日同屋企人去海港食晚餐,叫左個龍蝦伊麵,龍蝦啖啖肉,又新鮮,唔錯唔錯！另外叫左個燒鵝都好好食,塊皮又好香,我同屋企人都讚不絕口。我地仲叫左個瓜子斑兩味,都炒得好好。…查看更多

母親節前夕，預咗多人，所以要訂枱，以為佢已爆滿，原來二輪(8點後)仲有唔少桌空置。預咗選擇少，唔係點套餐，就係點餐牌有限嘅餐。環境及服務預咗比平時差。最接受唔到係你坐嘅凳同餐具都幾污糟。母親節套餐，大多比平時嘅水準差，只有龍蝦伊麵及蒸魚較佳。燒鵝最差，皮唔脆肉硬。海螺湯：居然全煲只得兩粒海螺碎。另外叫嘅鮑魚雞煲：雞肉切得超細，完全冇口感。汁亦偏鹹。人多仲可原諒，人唔多都要催幾次才上埋「鮑魚冬菇扣菜」。其他菜品已享用完，一直呆等多差唔多半小時才上齊菜，真係令人費解。…查看更多

今天約了朋友在青衣飲茶聚會，朋友推介青衣城這間酒樓，說它們的點心是自家製，並不是大陸工廠出口，於是今天中午便來這裡飲茶吃點心。我們點了一系列比較特別的點心，例如黑毛豬叉燒包、鮑魚燒賣、蘿蔔絲腸粉和帶子鮮蝦餃等等。黑毛豬製作的叉燒包口感和味道真的比較出色和美味，鮑魚的質感則煙煙韌韌，至於蘿蔔絲腸粉也十分特別，很少地方有這種菜式。至於其他點心的味道都相當不錯，價錢亦不會太昂貴，大家有機會的話可以一試。…查看更多

年三十，食過年飯！要過黎呢度食一圍菜叉燒另外叫另外叫嘅嘢係最好食叉燒夠腍，夠入味其他嘢食都一般😂😅環境就係普通酒樓就係因為準備過年侍應服務出奇地特別好🧧🧧…查看更多

香港的飲茶是一種獨特而豐富的文化體驗，香港有許多茶樓，從傳統的點心專賣店到現代化的飲茶餐廳，每一種都有其獨特的氛圍和菜單。今日就嚟到📍青衣海港薈打吓卡🤤［食後感］📝❤️我哋點咗叉燒包、流沙包等，這些小巧精緻的食物讓人可以一次品嚐多種風味。🩵飲茶時可以選擇不同的茶，如普洱、鐵觀音或菊花茶，茶的香氣和味道會與點心相得益彰。🩶飲茶不僅是用餐，更是一種社交活動，朋友和我聚集在一起，聊天、分享食物，營造輕鬆愉快的氛圍。總的來說，今次的飲茶不僅是享受美食，更是一種文化和社交的體驗，值得我哋再次去光顧🛍️…查看更多

即日訂枱，預留晚飯7位訂18:3018:10打黎話晚飯得18:00同20:15我話訂枱時無人同我講佢問我幾點可以到我話即刻落街都要10分鐘黎到無枱俾我完……………查看更多

7月24日，特意揸車去青衣城shopping兼食晏。我哋兩人都想飲茶，去咗三樓海港薈。雖然好近下午茶時間，但都唔想等，寧願正價時間入座。叫咗好幾個點心，其中包括「腐皮素鵝」，心想係自己認識嘅腐皮卷之類。點知嚟到以為上錯菜，因為見到幾件用炸粉嚟做嘅點心，完全領會唔到，原來就係「腐皮素鵝」。初時話俾一位女部長知，上錯點心。點知佢極度無禮貌咁答我，呢個咪係「腐皮素鵝」囉！我直覺咁答，唔係喎、呢個一啲都唔似，都唔係我哋想食嘅嘢。但佢堅持話，佢哋酒樓係咁做呢個「腐皮素鵝」，如果我哋唔要，咁佢哋酒樓賣俾邊個呀！真心唔想食！除咗唔想咁熱氣食咁多炸粉、呢個點心嘅賣相又唔好、而且油淋淋、見到都無晒胃口！其實佢哋嘅其他點心都比一般大酒樓做得差！好似個豉椒牛肚，一嚟到見到鋪著好厚又竭(杰撻撻) 嘅生粉䊢，真係無晒胃口！食物無水準、服務就更差！呢間酒樓，真係唔知點樣喺呢個時勢生存！…查看更多

話說我同老公請四大長老食飯慶祝母親節，因為老人家鍾意食中菜，但又唔想去唔遠，所以就係附近搵嘢食，之前幫襯過海港早茶，佢啲食物質素一向都穩定，環境都算舒適，我哋間唔中都會幫襯。雖然我哋唔係簡母親節正日，但去到所有枱都幾乎坐滿，好在我哋一早比錢落訂，我叫左松葉蟹6人宴，佢哋上菜速度都算快，食物份量好足夠，好多時係酒樓食嘢啲餸都係凍冰冰，但佢啲餸好新鮮熱辣辣，松葉蟹肉鮮甜，冬瓜盅入面好多海鮮，咕嚕肉冇用肥肉而係用豚肉，海班魚肉質彈牙，炒蝦球都大隻又爽口，服務就不過不失啦，888六人餐性價比算高，希望繼續保持水準。…查看更多

未講野食已經要打八十大板，下午茶時段都明係忙，但一入座就見到上手食客食到成張凳同地下都係粟米粒，我請姨姨可唔可以幫幫手掃左地下啲粟米，佢話「咁少事！坐啦！你等等啦！」等左一陣，拎個掃黎，掃左兩下就走。我再望一望個地下，嘩，掃左等於冇掃！我都明我請你幫手掃係有啲難為，但我都只係想舒舒服服飲個茶姐！野食正常，冇投訴。櫻花蝦煎薄撐：完全見唔到櫻花蝦。奶皇包：啱啱蒸好，流心，好食。燒腩仔米線：燒腩仔較柴，但好在唔太鹹。黑芝麻煎堆：呢個幾好食，攤凍左都仲係脆。…查看更多

今日同屋企人食飯，book咗枱7:30，老實講，真係好耐未去過酒樓食飯，點知7:15一去到，只得四枱係大廳，現在食肆真係好難做OK都冇所謂，叫咗個12人set，最緊要唔係唔使諗，又包咗野飲，加埋全包宴，唔使俾+1，只係二千零蚊，真係抵首先上係乳豬皮脆，肉都算嫩，交足功課後上大蝦雖然唔係龍蝦，大蝦仁好爽脆，個芡汁，味道剛剛好，加埋啲配菜清新，都算係好食帶子珊瑚蚌配西蘭花正常酒樓菜式，味道唔係太突出，清淡又好食炸子雞皮脆肉嫩，味道剛剛好炸蟹鉗正正常常，不如評論，但係唔係話佢唔好食蒸魚我諗應該令我最失望嘅，本身好期待，但係始終條魚肉質問題，蒸魚時間幾好都冇用，我覺得啫鮑魚冬菇配小棠菜正常發揮，冇乜驚喜，又唔係唔好食炒飯最有驚喜，反而我自己覺得最好食總括嚟講，二千幾蚊未到三千蚊，11至12個人食，簡直係物超所值，性價比高，質量唔係太差，算平，(當中有其他菜式，同甜品都冇提及)，真係必定再去多次…查看更多

同事退休暨生日晚宴在此舉行，訂了龍蝦鮑魚宴，有同事唔食龍蝦，改了蟶子皇煎米粉底。鴻運脆皮皇子豬全體～微暖，皮勁脆，一致好評蟶子皇煎米粉底～說好的煎米粉呢？補回消失的煎米粉～大獲好評翡翠帶子珊瑚蚌～好足料百花炸釀蟹鉗～最期待這菜式，姍姍來遲，好驚喜，兒時回憶既味道😋，可惜醬汁由紅醋變了泰式酸甜醬🙄竹笙海皇燴魚翅～不過不失，不是我杯茶，我比較喜歡燉湯😎清蒸蝴蝶沙巴龍躉斑～好滑，魚鱗打得好乾淨蠔皇南非鮑魚扣鵝掌～鵝掌入味夠淋一品脆皮醬燒雞～皮脆肉滑😋😋歡樂大蟠桃～生日宴不可缺少既😍😍有奶皇及蓮蓉餡各半總括大家意見，酒水連加一人均大約$300～抵食，下次活動要再來這裡…查看更多