海港冰廳

今日一早要去深水埗運輸署整牌 所以就去去對面馬路是但一間食個早餐先。行行行左一陣。都諗唔到食乜。見到呢間幾多人就走左入去食喇。好喇入到去太多人所以要塔枱坐。冇問題既。入面都比較逼。我就好快叫左個早餐食喇。羅宋湯麵 味道都正常既。係湯唔夠濃。可以濃多小小。麵包同蛋都正常。炒蛋我食開比較滑既。呢間就冇咁滑。凍檸茶就幾好既 。總括黎講 普通早餐一份冇乜特別 驚喜。就腳既可以入黎快手食完走人 因為都比較多人。都唔好意思坐得耐…查看更多

同個朋友去咗深水埗嗰邊搵啲嘢同埋買嘢，深水埗知道有好多好食嘅嘢，但係因為攞住好多嘢唔想走太遠，同埋亦都唔係好熟啲地方，所以就行過附近見到邊間睇落比較唔錯嘅就隨便入咗去食。嚟咗呢間主要係因為佢靠近西九龍中心方便我朋友食完之後去攞車。因為係下午茶時間，個人都係比較鍾意食炸雞髀沙律，所以結果都係點咗呢個做下午茶餐，隻雞髀炸得都唔錯幾好味，仲會有心機加粒蕃茄同菜墊底睇落好抵啲，沙律亦都有傳統嗰種沙律薯仔雜果味道。另外仍然鍾意飲紅豆冰，呢度返過嚟紅豆嘅份量都幾多，足足有半杯，最重要係飲落去紅豆亦都唔會太甜，加埋奶味都幾足，所以都算可以嘅。…查看更多

深水埗係一個老人同平民區但係做生意都有少少水準，住在深水埗朋友話好多好嘢食，呢句說話要更正，係好多餐廳就真嘅！好食就～～有嘅但唔多，呢間冰廳已經開咗一段時間今日致提起勇氣去試吓，叫個鹽香雞飯加個即磨咖啡（即磨都係+3蚊）飯到！哇碟雞份量幾多（望落）下面原來有生椰菜頂住，記然用菜放底不能煮淋D老人家可以食，雞係有少少少少咸味，始終都係靠薑蓉致搞掂，大致係可以嘅雞飯，即磨咖啡無咖啡糖就咪搞即磨，杯啡水好似用正常嘅20 ％豆磨出嚟咁無香味無啡味，本來加3蚊都無要求不過真係差到唔知點講出嚟，夠膽自已去試就明白…查看更多

深水埗滬海港茶餐廳 Lunch Set 雪菜肉絲炆米+熱奶茶 因為趕時間，又要食頹飯～呢間餐廳好奇怪 所有汁（蕃茄汁，洋蔥汁，蘑菇汁，蒜蓉汁）都係一樣～所以唔趕叫有汁飯，見有雪菜炆米，見好耐無食就叫左佢。 嚟到份量超大份，肉絲都多！但可惜肉絲係零味道！好彩啲米粉係夠味嘅，而且仲唔錯添！而且佢都無落勁多洋蔥，蔥絲，芽菜之類去整大個份量，係9成米粉嚟，都有誠意之作👍🏻但可惜份量真係太多，最後都係要食剩離場。 佢今日個例湯值得一讚，好足料都夠味，比起上次啲溝水湯，差天共地！ 杯熱奶茶都唔錯，幾滑口！…查看更多

深水埗滬海港冰廳 Lunch Set 葡汁焗雞扒飯配凍檸茶 見到隔離枱叫呢個餐，睇佢個賣相都幾吸引，跟手叫左一個。 上到枱見佢顏色唔錯😉，即刻試吓。雞扒👌，有醃過，入味，都冚到陣雪藏味～個飯係炒底，但可惜無咩味，而且啲飯都好硬～個汁香味係有，但唔夠咸，加埋個飯又無味，所以成個飯係得塊雞扒有味～ 份量都👌既，飯桶都食得飽。 杯凍檸茶好麻麻，啲檸檬雖然都新鮮，但茶味唔多夠～ 個例湯應該溝左水，完全咩味，同飲水差唔多 。不過呢個lunch set都要成$54蚊，深水埗嚟講真心唔平～😣…查看更多

好耐冇食茶餐廳 想飲紅豆冰同朋友行過見到入咗去食～.點左吉列魚柳+沙律餐，配紅豆冰。額外單點左份奶醬多。食物味道大致上符合我的期望就是港式茶餐廳值得一讚的是魚柳熱辣辣上枱炸得幾脆，多士的兩面都烤得剛剛好。😋至於沙律就冇乜特別😵紅豆冰都就係一般紅豆冰，幾好飲。.～完～…查看更多

夏日炎炎 行一陣間都成身汗 係屋企都要時時飲冰水降溫🥵行過見到呢間茶記 外面印住紅豆冰歺配奶油牛角酥$25，配珍寶牛角酥$30。（長期優惠，星期六，日，公眾假期都有)咁啱我又口渴，就入去飲杯紅豆冰鬆鬆。杯紅豆冰有餐記嘅水準，紅豆林甜昧適中，奶香再配碎冰飲真係透心涼。個奶油牛角酥都唔錯，烘得剛剛好，無窿面，香脆。另外叫左個瑞士雞翼撈公仔麵，汁唔係好夠，但個雞翼好夠味，不過得兩隻，少左d^^總結：$25/30 個茶餐，仲要有紅豆冰，超值值得一試。…查看更多

最近去了海港冰廳，為於欽州街。裝修比較新， 應該是這幾年開的。下午茶款式很多，圖片如下。雖然是下午茶時間，最後叫了以外的，我叫了羅漢上素炒麵($52)。羅漢上素炒麵出色， 麵身夠硬夠脆，也很均勻了，不會有部份麵身不均。材料亦很豐富。 茨汁不會太稀和不會太黏。沒想到一間冰廳也做得不錯。而且沒想到沒加一服務費。…查看更多

周末去咗深水埗區行街之後夜晚係醫肚嘅時候，本來想去間附近出名日式扒類嘅餐廳又排長龍所以見到附近呢間冰廳試下，叫咗個中式牛柳，味道都可以，肉質就幾爽，唔會好硬，份量嚟講都算係標準，另一個係金銀蛋小白菜，味道就比較淡 d, 佢嘅鹹蛋係完全唔鹹，但係叫做清清哋易送飯，價錢都叫做合理。…查看更多

晚飯黎到呢間菜餐廳食小菜。首先係啫啫雞煲，入面主要嘅材料有雞件同埋豬潤。雞件入味程度就中等啦，但肉嘅部分就比較少，都係骨居多。而豬潤則係食落有一陣淡淡嘅苦味，所以唔係太理想。下一味餸就係椒鹽鮮魷啦。皮係脆嘅，但問題係個皮好厚，食落去好似食緊好多熟嘅炸漿咁樣。最好食係炒豬頸肉，食落去好有鑊氣，微辣亦令佢博分惹味。而入面嘅蔬菜食落爽脆多汁，更是驚喜。…查看更多

我們到深水埗食晚餐，見這間新開冰室好大又滿滿客人，加上深水埗食野一向有質素，食物的選擇都幾豐富，咁我們就入去試試。客人滿滿，光猛的環境又大大的感覺，可惜服務就麻麻，入到去侍應姐姐態度差，點完野上左菜又唔記得送上白飯。食物款式多選擇，價錢都唔平；我們點了廚師推介鹽香雞飯，我們仲加錢轉雞脾，可惜賣相唔靚，雞都嫩滑但無乜雞味，有正常的雞蓉配上，搭配菜芯但味道有點怪，白飯唔熱，真的麻麻地！另外點了粟米龍脷柳，炸魚柳是凍的也有點香脆，粟米汁足夠也正常；白飯遲上但夠熱！有老火湯送上，是冬瓜豬骨湯，這個不錯！唔會太咸也無話太多味精，清熱又有湯料飲品：凍檸茶熱奶茶（凍飲加$3），熱奶茶正常也香滑，但是凍檸茶男友話麻麻地。地方唔算好乾淨，枱上是濕也有污垢。唔會再來食！…查看更多

二人去食早餐一個牛麵+炒蛋餐一個雙併牛麵餐朋友的炒蛋餐包到了先食然後隔一陣我的雙併麵也到食食下女侍應送來一份腸仔蛋跟她說了不是我們的一臉不相信還說了好幾次才拿走其實我地有單在枱面的，但唔見佢有check過我吃光了麵，明明都是牛麵，但朋友還未到看看時間，已經過了4、5個字找個侍應姐姐追追，一貫得得得，黎緊架啦過了半响，終於見到捧著牛麵出來，送去的卻是對面枱的一班大叔我們覺得很奇怪，但聽到大叔們已說得很清楚他們沒有點牛麵我們只好向疑心很重的女侍應說，我地個麵等左半個鐘，係咪呢度架佢唔信，話要問廚房另一個侍應姐姐想捧過來，佢話唔好，要問廚房喎真係火都黎，佢話就算落錯單要攪清楚先得好好笑係咪要問責邊個落錯最後佢都係面燶燶劈低左碗麵比我地，哇，唔該哂喎仲一路行一路抱怨今日冧檔，好忙好亂呀咁 冧檔時候更加要識變通啦下話我都係去返九x冰室算，食咁多次未錯過未遲過…查看更多

第三次幫襯,,一次比一次差念住比多次機會,,但完全無改善,,仲要一直下降從未試過食腐乳炒通菜, 一條葉都無,,d菜又老,,真心唔抵食,,例湯偏咸唔講,,服務都係一般,,下次都唔會再幫襯…查看更多

見佢呢間舖開咗唔係好耐(大約一年左右啦), 都冇試過, 就試下啦, 結果嚴重中伏!首先, 價錢係一般深水埗現在嘅價錢貴四十幾蚊一個午餐左右, 一心諗住佢應該好味嘅。首先講就係呢個"大大豬扒飯跟蒜蓉汁", 完全違反商品說明條例: 又唔大塊, 又唔完整, 賣相極差。 而味道: 普通得一般以下。 所謂嘅"秘製蒜蓉汁", 係直頭可以話係唔好味嘅。另外, 叫咗嗰個常餐B"芫茜皮蛋鮮豬潤肉片湯米線配蔥花炒蛋", 我真係估唔到原來佢個份量係咁細, 正常成年人冇辦法食得飽。寫就寫得好聽、好吸引係「鮮豬潤」, 但乾噌噌、薄切切。 米線嘅質感太林。 湯底又一陣腥味。唉... 勁失望!餐飲好細杯, 熱奶茶唔夠熱。得個"例湯"見得下人。冇下次!…查看更多

已經是第二次光顧這間餐廳了，下午茶時段人流不絕，我們等了大概數分鐘便有位了，這裡大部份都是卡位的座位，餐廳內有個户外的小中庭位置也擺放了些餐椅，還設置了洗手間方便客人借用朋友點了份常餐，當中有沙嗲牛肉麵、火腿奄列及脆脆牛油豬仔包，我就點了乾炒牛河，朋友的常餐先來，香味四溢，色澤鮮明，令人睇到都急不及待想食了，朋友還點了杯即磨咖啡，說味道唔錯，大概過多五分鐘左右，我的乾炒牛河也來了，色澤剛好，唔會太偏黑色，食落仲好有鑊氣味，唔會太甜或太咸，只是食到底時，見碟內還剩很多油，如果可以減少些油就好了。…查看更多