海東軒

營業中

休息中

晚上6:19pm門市外賣服務、已說明最少等半小時、明白都可接受、訂三餸白飯二盒、斷估都有數得計、最終經過問、吹、愛你不理態度、足足等一個鐘先出到菜、真係沒有話可言😡😡

呢間位於香港仔市中心嘅粵式中菜館 <海東軒>晚菜大碟抵食又好味 店舖分上下兩層、位置夠寬敞坐得都舒服⭐️孜然扇子骨價錢：$168香口惹味， d骨切得好簿 好入味又Juice 🍖⭐️白切清遠雞價錢：＄168/半隻呢隻雞有驚喜 雞肉厚肉得黎 又彈牙雖然只係叫左半隻，但好大隻 🐓⭐️蝦乾粉絲煲價錢：$108呢個粉絲煲係呢間餐廳 我最中意嘅一味好多蝦乾又香又惹味夠鑊氣得黎，唔會乾正 🍤🍜⭐️脆皮德國豬手價錢：168今次火候唔錯，皮脆肉嫩好大份 個骨仲可以打包番屋企煲湯😎 🍖⭐️咸魚蓉炒白菜仔價錢：$88成碟菜咸咸香香，白菜仔新鮮好開胃嘅一味 🥬⭐️濃湯魚肚浸勝瓜價錢：$118最後一味，緊係要叫番個有湯嘅餸濃郁清甜嘅魚湯，魚肚份量多飲埋個湯呢餐就完美☺️ 🥣今次叫左6樣菜，4個人完全食唔晒，因為份量好大碟用左兩張$400減$100coupon，埋單都係$699(連加一服務費)真係超級抵食又有質素 💰

只是吃個便飯，也幾經轉折。驚訝發現有些店已經倒閉、長年累月開舖營業的卻又突然放假…天亡我也，幸好有家小店-海東軒，收留了我們這幾個饑腸轆轆的漂泊的浪人。從未光顧，希望有個好的開始。小店有兩層，我們被帶到樓下，六張細枱的其中一張，坐下。沒有任何裝潢，陳設簡簡單單，明顯是做街坊生意的地方。服務員遞上餐譜，沒有太巧妙的東西，都是些尋常味道。＜生炒骨＞＄88排骨很大块，每件都帶肉，味道很好，如果可以更濃味、更甜甜酸酸一些就更好了! 可能是因為菠蘿不夠。 小菜份量慷慨，很快便被掃光。＜霸皇雞＞＄118雞有點過老，吃來覺得太乾，欠缺肉汁，蘸蔥油後有點太咸…此味較失色。＜蛋家海鮮煲＞芥菜湯很入味，很苦，不是人人接受得來，我倒很喜愛。廚師放了很多芥菜，都被我們吃光。值得一提的是此湯有8個大蜆殼，卻只有3個蜆肉，結帳時我們反映了情況，服務員說若早些提出問題，一定會給我們補上。+＜豉汁黃立鯧＞＄188鯧魚烹調時間恰當，魚肉剛剛離骨，又大條又多肉，份量足夠3人吃。鯧魚入口肉質鮮嫩結實，十分鮮美! 小店菜餚廚藝扎實，不花巧不賣萌，是街坊食肆中的超值之選! 希望彼等能渡過蕭瑟的寒冬，迎來百花盛放的春天!

我們叫咕嚕肉，變左生炒骨食龍蝦🦞伊面就幫你加料味道一般，價錢適中服務方面一點都唔人性化而且清潔方面都欠佳！同職員反映查詢時，職員回應：「下，咩事呢？有問題咩」再者上菜推碟倒瀉水係味應該要協助一下顧客而家上完菜就走人呢？」各位區友認真地諗諗！

同家人食飯，都會去呢間屬於我地半個飯堂既小菜館，因為佢既菜式多同最重要夠鑊氣！脆皮德國咸豬手：超大份量，豬手夠多肉，咸味夠，但唔算脆皮，有d失色，配有芥末醬！果皮蒸鮑魚：鮑魚蒸得岩岩好，容易離殻，果皮蒸得夠火喉，辟走泥味，令鮑魚更鮮，肉質更彈牙！沙姜雞腳：沙薑可以再多d，味道唔夠濃！雞腳質感唔夠林！啫啫雞煲：味道調較得好，汁亦較多，伴有小熱鍋上台！雞件肉質都幾滑！姜蔥炒蟹，西蘭花帶子，椒鹽鮮魷，菠蘿咕嚕肉，蒸魚～海鮮新鮮，魚蒸得岩岩好，唔會令魚既肉質太老，鮮魷夠脆，外脆內熱！咕嚕肉酸甜得宜！

週末與家人飯聚，在香港仔試了一間中菜館「海東軒」。從門外向內望，店子面積不大，及後才發現一樓內有乾坤，可間多間廳房。店內裝潢簡單，基本上沒有任何特別裝飾。「椒鹽九肚魚」食感酥化，水準大體合格。 「粟米龍躉斑塊」用上真龍躉泡製，內含約十件肉厚的斑塊，真心覺得物超所值。龍躉經炸煮處理，味道更香口，結構亦變得更穩實，再加上送飯良伴粟米汁，值得推介。 「薑蔥美國桶蠔」送上時熱氣騰騰，薑蔥香氣洋溢，味道搶香，蠔肉選料生鮮大隻，讚。「薑蔥霸皇雞」味道中規中矩，雞肉不夠豐盛。「魚湯浸時蔬」欠缺魚湯神韻，菜心大條但老身，甜度一般。整體而言，「海東軒」是一間街坊中菜館，菜餚擁有大碟實惠的特質。「粟米龍躉斑塊」及「薑蔥美國桶蠔」是小編的推介，值得試試。

今日同同事拉大隊去香港仔大街食晚飯，預先order海鮮套餐，踏正7時半開始開心食大餐!慢慢品嚐各款海鮮同小菜!各款餸菜都有驚喜，主廚好好人,熱情同我地介紹今晚菜式!細問之下，原來主廚來自私房菜出身，唔掛得整得咁好味啦!頭盤冰鎮鮑魚併海參!嘩!好好好鮮味呀!然後聖子大大隻，跟住有龍蝦伊麵，份量夠每人半隻!然後有鲜味雞煲翅!小菜有蝦乾煸粉絲煲，好有私房莱風味，特別香同好爽口!仲有推介的羊腩煲，肉質香軟，夠火喉!簡直回味無窮!埋單價錢大眾化但有星级享受!仲唔到喺香港仔揾到間咁好味的海鲜酒家!下次又再拉大隊encore encore允!今次真係大滿足喇!Like like like!推介:羊腩煲冰鎮飽魚

同牙爸牙媽去食海東軒本身因為隔離搵吾到位 但食完之後有驚喜諗住食好d 叫左個龍蝦伊麵龍蝦啖啖肉 新鮮 爽口配搭伊麵一向係人都知正一般小店往往比酒樓更加好食今次都吾例外 新鮮既龍蝦令人往往食吾停口仲叫左個波羅咕嚕肉大滿足 平時好怕炸粉多過豬肉 但今次吾會份量岩岩好 而且仲好脆 酸甜既比例適中以後又多一間香港仔可以食既店

一早訂左除夕夜7人前來食晚餐 原本打算食雞煲打邊爐，坐落望下餐牌見到小菜孖寶都唔錯 最後決定叫小菜第一個係龍蝦伊麵 大大舊又好多龍蝦件 好多伊麵好大碟 足夠6-7人每人小半碗食 個汁麵好好味 孖寶連個粉絲雜菜煲都係298 呢個孖寶係抵既 個雜菜煲一上 勁香 忍唔住食多左幾啖 呢個推介一下第二個係冰鎮咕嚕肉 一上既時間咕嚕肉唔夠凍 仲熱既 岩岩炸起 熱食夠脆 過左陣冰溶左 凍食夠特色 第四係小食炸雲吞，香口脆卜卜 點埋甜酸醬 好味！啖啖肉 都好多件第五係炸豬手 呢個好香好好味 切埋片上 皮係脆卜卜 點芥末醬食 唔係太咸都唔會硬 一定要試最後係水煮田雞 呢個就普通啦 田雞唔多 底有薯粉木耳青瓜做配菜 唔係好辣 總括來說味道唔錯 會再encore

整體來說食物弄得頗好，味道適中，不會太鹹或調味太重，另每碟份量也不少，四至六人相當合適。唯一扣分是宵夜菜牌上註明全日免茶芥及加一，但我卻發現帳單被加一，可能晚飯時間沒優惠吧，若是這樣將字眼改成"宵夜時段"會好一點！