海東軒

營業中

休息中

本身就唔係你呢間酒樓食晚飯，但係出咗啲意外另一間新開嘅餐館停電，所以就搵上呢一間酒樓食飯。其實之前同屋企人飲下午茶，同老闆食中午飯都覺得佢唔錯，就係未試過去夜晚啲餸菜如何？可能近商業區，夜晚人流唔算多成個場都係得唔夠十枱客，反而坐得舒舒服服食得清靜。叫咗個三寶，另外加咗小炒皇同埋乳豬。最鍾意叉燒厚切，咬落去有口感唔算肥肉質都幾好，起碼唔會硬柴柴。另外個蠔烙，唔似潮州檔嗰啲炸到過晒火又超熱氣嘅感覺，有少少濕潤食落去又唔會有腥味。條魚剛剛好，呢啲唔係太大條嘅魚喺出邊酒樓整好容易過火，但係呢度就冇咁嘅情況。另外個乳豬真係BB豬最有肉都係近頸嗰幾舊肉，跟住嗰啲就比較奀豬少少，但係個味係幾唔錯，啲肉都好嫩。另外個小炒王都幾有心，起碼爆香返啲腰果食落去係脆嘅，裏裡除咗蝦乾之外，仲有干貝相當鮮味。食完飯仲有綠豆沙，我老竇最愛！唔太甜，草青味都幾重。呢間酒樓夜晚都幾有水準，希望佢做得住啦。食飯唔想同人迫，真係可以考慮嚟呢度。

海東軒 新九龍廣場今早睡醒時已是十時多 ，我們去新九龍廣場 1樓海東軒酒樓飲茶； 去到酒樓 ，已經坐滿了茶客， 由此可知，海東軒什受附近居民歡迎。我們叫了普洱茶，自己帶了菊花； 因為在香港酒樓 ，飲菊普茶另外要加錢， 不值得。首先，我们點了一份香茜牛肉腸，香氣四溢的牛肉腸外脆內嫩，搭配香茜的清香，讓人垂涎欲滴。接著，我们又品嚐了蠔豉排骨粥，粥底綿滑，搭配新鮮的蠔豉和嫩排骨，湯汁鮮美，十分暖心。最後，我们不能錯過蜜汁叉燒酥，香酥的外皮包裹著甜美的叉燒，咬上一口，令人心滿意足。這樣的早茶，讓我们在忙碌的生活中，感受到一絲悠閒與幸福。至於 酒樓服務 ，知客和侍應的服務 可以接受 。但想提一提哪位女收銀， 服務態度有待改善， 客人已經自己走埋去付錢 ，女收銀 收完錢後，目無表情 ，多謝都冇一聲，如能改善 ，客人一定會更加開心。

老闆話約食午飯，我哋唔想次次都食日本嘢，醒起之前同屋企人未飲過下午茶唔錯。咁就揀咗呢一間。四個人嗌咗個午市套餐，另外加咗兩個點心，五百蚊埋單性價比都OK。春卷皮幾薄，裏便啲蝦肉包得滿滿的。個套餐最正係有叉燒同埋小菜。個叉燒呢度都處理得唔錯肥瘦適中又夠厚身。老細怕骨唔食魚，但係個班頭腩真係幾香濃，就算食到尾凍咗都唔腥。蝦餃同腸粉個皮做得幾薄，其實平時飲茶好唔係好嗌腸粉就係驚佢太厚皮打爆咗。另外加嗰個棉花雞就弱雞咗少少，雞肉份量唔係好多，當中還有兩件雞頸，係雞頸OMG！好彩個飯都炒得相當乾身，食埋個糖水超滿足。

新開酒樓同屋企人嚟試吓下午茶，中式酒樓嚟講啲茶杯透明幾特別，有隔熱層唔怕焫親手。同埋呢度啲茶葉幾好飲落去都幾順口。講返嘢食先，啲點心總體嚟講都唔算濃厚，可能新開張都需要有啲適應期。帶咗個叉燒配生麵，唔好諗住下午茶Hea，佢啲叉燒件數都幾足，同埋唔會硬柴柴。腸粉都順滑但厚左少少，不過值得讚係佢個白花釀尖椒，用物魚滑鹽唔係用鯪魚肉食落去雖然係淡啲，但係就幾彈牙。野菌餃同蝦餃個皮都夠薄。另外個斑斕椰汁糕青青地幾好食個椰汁糕中間仲有椰子肉碎有啲咬口。係個魚皮就孤寒咗少少太碎冇乜口感。好彩魷魚鬚係我鍾意嗰種薄粉漿嘅口感。乾炒牛河都好有鑊氣，不過就係好似唔記得咗落鹽咁。不過整體嚟講呢餐下午茶都相當滿意。

海東軒茶樓位於大角咀的新九龍廣場，是一家值得一試的早茶餐廳。此次品嚐了他們的幾款點心，整體感覺非常不錯。首先，咖哩魷魚的味道非常濃郁，咖哩香氣十足，魷魚煮得爽口適中，入口即化，令人齒頰留香。擺放在傳統的竹蒸籠中，更增添了一份古早風味。另外，炸鮮奶同樣令人滿意，皮酥且不油膩，內餡奶香，口感層次分明，是一道讓人回味的佳品。雪山叉燒包表面雪山奶香，好酥脆，包體夠曬鬆軟，叉燒內餡料夠多，叉燒粒粒分明，充滿蜜汁，回味無窮整體來說，海東軒茶樓無論是食物質素還是服務水準都值得稱讚。如果你喜歡嘆早茶，這裡絕對是一個不錯的選擇。門店環境舒適，服務人員禮貌親切，是一個適合與家人朋友聚餐的好地方。

下午茶呢個location $30 一個點心: 叉燒包，燒賣，菜餃呢D , 完全貴過去MOKO翠園，完全中伏推介。酒樓EE 態度十級惡劣，無下次。坐低三分鐘，埋嚟兩次催你寫好嘢食未，第三次我未應佢，居然出手搶單。杯碗碟仲有不乾淨食物，係咪佢哋留番俾自己食!點心拼盤🤬寫明10粒點心，一上枱個大籠入面俾8粒。個姐姐仲扮傻話唔知我哋講咩，要我哋拎番紙同佢講欠蝦餃兩粒。。。正常蒸好都會擺低俾人食住先，佢拎番入去，玩咗十分鐘又番出嚟🤔自己諗吓去唔去，無服務又收咁嘅價位。。。