海東軒

一班老同學好耐無見，改期又改期，卒之約得成出嚟食飯，不過，只喺約出嚟飲餐茶而已，雖然，唔喺好叫齊腳，但每山次聚會都難能可貴。今次揀咗少少冷門大角咀區嘅「海東軒」，純粹因為有舊同學晌附近工作，覺得環境唔錯，食物又幾好，午市亦可以訂枱。整體格局同一般酒樓分別唔大，夠光猛，午市時段坐滿客人。我哋一行其實得7人，都預咗坐大廳，但估唔到安排咗個細房俾我哋，令我哋可以靜靜侷傾偈無騷擾。除咗指定嘅點心紙之外，介有一張午市自選優惠套餐，包小食、3客點心、小菜、炒粉麵，定價$328，食得過，再加幾籠點心就夠晒。順帶一提，茶錢收$12位，另收加一服務費。金磚豆腐 $48呢個算喺餐前小食，喺舊同學推薦，佢話同啲同事嚟食晏都不時會嗌。粒粒丁方大細，一口一粒，粒粒炸到金黃，入口外脆內軟，有豆香，沾點喼汁，平衡番啲熱氣感，好食到一粒接一粒。海東軒蝦餃皇 $48套餐無得揀蝦餃、燒賣，同學又想食，散點番兩籠過吓口癮。分享籠蝦餃皇先，外型都幾工整，摺紋清晰，而餃皮煙韌唔黏牙，鮮蝦餡滿清，仲非常鮮甜彈牙。蟹籽燒賣皇 $39個人嚟講，燒賣皇比蝦餃皇差啲啲，一來你見面頭啲蟹籽都喺放得好隨意，雖然唔影響食味，但做得靚啲食起嚟都會不其然開心啲。幸而啲豬肉餡唔太肥，又幾鬆化。蜜汁叉燒（午市套餐）雖然唔喺咩燒味專門店，但店家所做嘅叉燒又確喺唔錯，一來口感柔軟鬆化，二來有甜甜蜜香，又有少少燶邊位，8分瘦2分肥，啱我，唔肥得嚟有微微油脂香。香煎蓮藕餅（午市套餐）墊塊竹葉，觀感都好啲，塊塊睇到厚薄均一，而煎得甘香平均，咬落外層香脆，裡面蓮藕味突出，唔喺話勁溝粉嗰啲。醬皇蒸鳳爪（午市套餐）排骨呀、鳳爪呀又喺近乎必點嘅點心，不愧叫醬皇，個醬汁好香濃，所以，套餐嘅炒粉麵就嗌咗炒飯，撈埋啲醬汁就更好食。而鳳爪炆得透，軟腍易食。香茜牛肉腸（午市套餐）食點心又點可以無腸粉呢？套餐只有齋腸同呢一款牛肉腸揀，當然要後者啦！有別一般常見幾3條腸粉疊起，而喺切好分成6件，仲塞滿晒牛肉，非常足料，而加咗芫荽，更添一份清香感。豉味涼瓜牛肉（午市套餐）小菜類估唔到大家會揀咗涼瓜牛肉，事實上，既大碟，又炒得幾好，幾惹味，好濃濃嘅豉汁，涼瓜苦得嚟帶甘，而牛肉肉質軟腍，炒得夠鑊氣，真心唔錯。鹹魚雞粒炒飯（午市套餐）炒粉飯麵就由小弟揸主意嘅，因為，都好耐無食過呢款碟頭喇。飯粒炒得爽身，食到尾又無話一碟底都喺油，加上好多雞粒，鹹魚蓉隱身喺飯粒中，食到陣陣鹹魚嘅鹹香味，卻唔會咬到鹹魚肉而出現過鹹嘅狀況。紅豆沙（免費）酒樓為咗吸客，對附近大公司嘅上班族都有啲優惠，上文都講過，同行有位舊同學晌附「獅子」銀行做嘢，出示工作證就送糖水，益大家有碗既免費，又起晒沙嘅紅豆沙食，味道仲幾清甜添。老實講，今餐午飯志在一班老同學一聚，友情無價，食都喺其次，不過，當然啲點心、小菜、炒飯都好食，大家就更加稱心啦！但願呢啲聚會枕住有，證明大家行得、食得、瞓得。…查看更多

用餐環境幾新淨，裝修乾淨企理。目測大閘蟹大概3.5至4兩，雖然唔算好大隻，但勝在夠新鮮。全晚冇漏單，服務仲出奇地好，侍應不停換碟，仲提醒我哋要趁熱食，整體用餐體驗非常正 👍。大閘蟹任食有三款口味：清蒸、花雕蒸同油鹽焗，各有特色，不過花雕味唔算好突出。每次每人可以叫三隻，上蟹速度夠快，基本上可以無間斷咁食。公乸隨機分配，當晚主要係蟹公，隻隻都爆膏！食咗十幾隻只得一隻唔新鮮。🦆 片皮鴨：鴨皮唔夠脆 味道普通🍲 其他配菜（每位1份）：最鍾意黃炆佛跳牆 超鮮甜！鮑魚亦炆得入味，爽彈唔韌。其他菜式就普通啦。🍶 問過當晚免開瓶費，自己帶咗支花雕去，但原來現場有太雕賣（$88/支），早知就唔使特登帶啦。…查看更多

今日同朋友試左大閘任食，首先無限時已經要讚，我拆蟹慢，無限時可以慢慢食第二讚係服務，收碟超快，基本上食完一隻蟹就有人黎換碟，樓面好有禮貌跟住任食片皮鴨不停出，見姨姨不停片，鴨熱好食大閘蟹小籠包最好食，一咬全部湯汁重點大閘蟹，上枱快，最滿意係每次都熱辣辣，食過好多間酒樓任食，好幾間D蟹黎到係凍架！今餐全部蟹公多膏，唯一要彈架係3種味其實差唔多，分唔到邊款係清蒸，邊款係花雕/鹽焗總結係：我暫時食過任食最滿意的一間，連加一$500哩1位，絕對會再幫襯…查看更多

本身就唔係你呢間酒樓食晚飯，但係出咗啲意外另一間新開嘅餐館停電，所以就搵上呢一間酒樓食飯。其實之前同屋企人飲下午茶，同老闆食中午飯都覺得佢唔錯，就係未試過去夜晚啲餸菜如何？可能近商業區，夜晚人流唔算多成個場都係得唔夠十枱客，反而坐得舒舒服服食得清靜。叫咗個三寶，另外加咗小炒皇同埋乳豬。最鍾意叉燒厚切，咬落去有口感唔算肥肉質都幾好，起碼唔會硬柴柴。另外個蠔烙，唔似潮州檔嗰啲炸到過晒火又超熱氣嘅感覺，有少少濕潤食落去又唔會有腥味。條魚剛剛好，呢啲唔係太大條嘅魚喺出邊酒樓整好容易過火，但係呢度就冇咁嘅情況。另外個乳豬真係BB豬最有肉都係近頸嗰幾舊肉，跟住嗰啲就比較奀豬少少，但係個味係幾唔錯，啲肉都好嫩。另外個小炒王都幾有心，起碼爆香返啲腰果食落去係脆嘅，裏裡除咗蝦乾之外，仲有干貝相當鮮味。食完飯仲有綠豆沙，我老竇最愛！唔太甜，草青味都幾重。呢間酒樓夜晚都幾有水準，希望佢做得住啦。食飯唔想同人迫，真係可以考慮嚟呢度。…查看更多

海東軒 新九龍廣場今早睡醒時已是十時多 ，我們去新九龍廣場 1樓海東軒酒樓飲茶； 去到酒樓 ，已經坐滿了茶客， 由此可知，海東軒什受附近居民歡迎。我們叫了普洱茶，自己帶了菊花； 因為在香港酒樓 ，飲菊普茶另外要加錢， 不值得。首先，我们點了一份香茜牛肉腸，香氣四溢的牛肉腸外脆內嫩，搭配香茜的清香，讓人垂涎欲滴。接著，我们又品嚐了蠔豉排骨粥，粥底綿滑，搭配新鮮的蠔豉和嫩排骨，湯汁鮮美，十分暖心。最後，我们不能錯過蜜汁叉燒酥，香酥的外皮包裹著甜美的叉燒，咬上一口，令人心滿意足。這樣的早茶，讓我们在忙碌的生活中，感受到一絲悠閒與幸福。至於 酒樓服務 ，知客和侍應的服務 可以接受 。但想提一提哪位女收銀， 服務態度有待改善， 客人已經自己走埋去付錢 ，女收銀 收完錢後，目無表情 ，多謝都冇一聲，如能改善 ，客人一定會更加開心。…查看更多