海月宴會廳

今晚家庭飯聚選擇合心意的中菜。松露蝦多士~經典的蝦多士結合香氣濃郁的黑松露醬，經典創意。陳醋海蜇花~陳醋拌海蜇花，口感清新、清爽，而且還具有清熱潤腸作用。宮延濃雞湯煲仔翅~濃雞湯味道鮮香濃郁，鮮味無比，加上魚翅入口腍滑，含有豐富骨膠原成分，滋補養顏。 鮮果拔絲咕嚕~咬落薄薄的脆醬，瞬間發出清晰聲響，美味鮮嫩的豚肉掛起一絲絲的糖醬，形成拉絲的美麗畫面，視覺、聽視與口福齊收。脆香金沙魷魚鬚~從昔日酥炸鮮魷到金沙魷魚鬚，沾裹上滿滿的金沙醬，讓人齒頰留香，廚師的心思功不可抹。銀芽肉絲煎脆麵~很高興煎麵不油膩，麵條香脆中仍保留麵質柔軟口感，很喜歡多款菇菌代替韭黃，因為我不喜歡吃韭黃，肉絲腍滑，湯芡濃稠度也剛好。 桂花杞子糕~（免費奉客）這道甜點帶有桂花的香氣，及杞子的清甜…查看更多

今日同屋企人澳門落船回港，係咗中港城海月宴會廳食晚飯飲茶，呢度係煌府婚宴集團旗下，裝修夠晒氣派，樓底高空間大，坐得舒服，個場明顯Setup係for擺酒飲宴。叫咗幾款小菜，整體水準唔錯。鮑魚北菇滑雞煲，一上枱已經聞到好香，個汁濃郁得嚟唔會太鹹，好岩配飯，仲有兩大隻鮑魚切粒，咬落去彈牙入味，雞既分量亦都算多。燒鵝例牌，我地好好彩，俾咗下脾位我哋。皮脆肉嫩，肥瘦適中，點埋酸梅醬真係無得頂。最後仲叫咗個銀芽肉絲煎脆麵，上枱時仲吱吱聲，個麵底煎得金黃香脆，配料有銀芽、紅蘿蔔絲、芹菜、肉絲同冬菇絲，撈勻嚟食口感豐富，屋企人都話正。呢度環境舒服，食物有水準，價錢合理，可以一試！…查看更多

週日午飯時間經過見大把位入來食飯，第一次嚟呢間餐廳，裝修都OK地方幾闊落。點咗6樣點心，一份叉燒腸粉，一份午市套餐：一條紅石斑魚 & 一份叉燒 & 附送一份上湯雙菇白菜仔，點心還OK不過不失，蝦餃和蘿蔔銀絲卷好食，但清蒸紅石斑魚唔知為什麼完全冇魚味，又蒸到過晒火，最主要附送嘅份上湯雙菇白菜仔，湯底好似係豬肉湯底，有一陣反胃嘅臊味，份叉燒腸粉啲肉又係同樣有陣臊味，唔知係唔新鮮定係隔夜嘅。本身從來唔寫負評，但呢間餐廳真係有太多地方需要改進…查看更多

因為3歲小朋友行街太餓所以五點半行入去餐廳詢問可唔可以咁早食 (因為成班員工團爐緊)佢地就叫我地坐低先啦緊係(全體繼續圍爐，但係其實都無答我問題)之後我就點菜，上菜都算快。其中一味粟米羹。上完菜後有一女店員係廚房好開心拎住粟米羹分俾其他同事食或者真係煮多左啦。反正3個人都食唔哂成個粟米羹就無深究當晚只有3 張台食飯，有一班人因為人數多所以坐開左。突然有位女聲劃破成場沉靜，"老鼠呀"，而呢一刻我又真係見到米奇個影行過佢地張台。好彩....我就已經7成飽，正想加速走人之際點知另一小二又拎左碟前菜上黎，咁我當然唔要啦，因為都已經差唔多走人仲前乜鬼菜。到埋單，個寸寸哄收銀又話我地唔俾碟小菜個小二又要扣糧，又話係公司policy 夾住我地要俾。一來我無食，二來你公司要咩人找數其實與我無關。今時今日咁嘅POLICY 真係老土兼核突啦…查看更多

我一向好鍾意飲茶，食港式點心，依間係中港城嘅酒樓會係我推介之一。點心好精美，而且好多都好有特色好靚，出邊酒樓都少有見到☺️今日同朋友嚟食lunch, order左8個點心同甜品:⭐千島汁脆皮蘿蔔糕⭐️蒜蓉蝦雪茄春卷(3條)⭐️金箔鮮味蝦餃(4隻)⭐️櫻花蝦銀蘿脆皮腸⭐️銀杏胡椒豬肚⭐️兔仔鮮奶凍⭐️楊枝甘露⭐️杏片奶皇千層糕全部都好足料，而且賣相精美又好味，最鐘意食嘅千島汁脆皮羅蔔糕、蒜蓉蝦雪茄春卷同兔仔鮮奶凍😋而且呢度環境好舒適，店員服務態度又好，喺唔錯嘅飲茶熱點👍…查看更多