海月宴會廳

週日午飯時間經過見大把位入來食飯，第一次嚟呢間餐廳，裝修都OK地方幾闊落。點咗6樣點心，一份叉燒腸粉，一份午市套餐：一條紅石斑魚 & 一份叉燒 & 附送一份上湯雙菇白菜仔，點心還OK不過不失，蝦餃和蘿蔔銀絲卷好食，但清蒸紅石斑魚唔知為什麼完全冇魚味，又蒸到過晒火，最主要附送嘅份上湯雙菇白菜仔，湯底好似係豬肉湯底，有一陣反胃嘅臊味，份叉燒腸粉啲肉又係同樣有陣臊味，唔知係唔新鮮定係隔夜嘅。本身從來唔寫負評，但呢間餐廳真係有太多地方需要改進…查看更多

因為3歲小朋友行街太餓所以五點半行入去餐廳詢問可唔可以咁早食 (因為成班員工團爐緊)佢地就叫我地坐低先啦緊係(全體繼續圍爐，但係其實都無答我問題)之後我就點菜，上菜都算快。其中一味粟米羹。上完菜後有一女店員係廚房好開心拎住粟米羹分俾其他同事食或者真係煮多左啦。反正3個人都食唔哂成個粟米羹就無深究當晚只有3 張台食飯，有一班人因為人數多所以坐開左。突然有位女聲劃破成場沉靜，"老鼠呀"，而呢一刻我又真係見到米奇個影行過佢地張台。好彩....我就已經7成飽，正想加速走人之際點知另一小二又拎左碟前菜上黎，咁我當然唔要啦，因為都已經差唔多走人仲前乜鬼菜。到埋單，個寸寸哄收銀又話我地唔俾碟小菜個小二又要扣糧，又話係公司policy 夾住我地要俾。一來我無食，二來你公司要咩人找數其實與我無關。今時今日咁嘅POLICY 真係老土兼核突啦…查看更多

我一向好鍾意飲茶，食港式點心，依間係中港城嘅酒樓會係我推介之一。點心好精美，而且好多都好有特色好靚，出邊酒樓都少有見到☺️今日同朋友嚟食lunch, order左8個點心同甜品:⭐千島汁脆皮蘿蔔糕⭐️蒜蓉蝦雪茄春卷(3條)⭐️金箔鮮味蝦餃(4隻)⭐️櫻花蝦銀蘿脆皮腸⭐️銀杏胡椒豬肚⭐️兔仔鮮奶凍⭐️楊枝甘露⭐️杏片奶皇千層糕全部都好足料，而且賣相精美又好味，最鐘意食嘅千島汁脆皮羅蔔糕、蒜蓉蝦雪茄春卷同兔仔鮮奶凍😋而且呢度環境好舒適，店員服務態度又好，喺唔錯嘅飲茶熱點👍…查看更多

媽媽生日，同佢去位於尖沙咀嘅海月宴會廳食飯慶祝🥳每份$218 就可以食到宮廷濃雞湯煲仔翅 同蠔皇四頭南非湯鮑！一人一份最開心宮廷濃雞湯煲仔翅好足料，湯汁金黃濃郁，充滿了雞肉的鮮味，還有翅的彈牙口感。每一口都讓人陶醉其中蠔皇四頭南非湯鮑鮑魚的肉質鮮嫩彈牙，蠔皇的味道提升了整個菜品的層次感，讓人回味無窮。 濃湯海味雜菜煲$128有蝦，魷魚🦑，重點係有好多帶子‼️帶子鮮甜軟嫩，海鮮的鮮味和蔬菜的甜味相互融合，正！ 脆皮燒腩仔$128
腩肉的半肥瘦搭配上脆皮，讓味覺體驗到了平衡和層次感，媽媽勁鐘意，係咁話好食🤣…查看更多

海月宴會廳 (尖沙咀)尖沙咀廣東道33號中港城1樓6A號舖 電話：35201888金沙海皇豆腐煲驚喜！豆腐煲裡面有鮮美嘅海鮮，加上金黃色嘅金沙鹹蛋黃醬，味道鮮香又帶點香脆。每一口都能夠感受到豆腐嘅滑嫩同海鮮嘅鮮甜，真係令人回味無窮。係一碗讓人心情愉快嘅美食，絕對值得一試。銀芽肉絲煎脆麵有個性，煎脆麵係酥脆香口，肉絲嘅味道鮮美多汁，加上銀芽嘅爽脆口感，每一口都帶嚟一種層次豐富嘅風味。呢碗煎脆麵絕對係一個獨特嘅體驗，適合追求新奇嘅味蕾。明爐脆皮燒鵝夠正宗，鵝皮燒至金黃酥脆，肉質鮮嫩多汁。每一口都能夠感受到鵝皮嘅香脆同燒鵝肉嘅濃郁味道，結合得剛剛好。明爐燒鵝係串燒店嘅經典之選，絕對值得一試。…查看更多

我每星期都飲茶幾次，今日在尖沙咀入了間星期一至日都有下午茶的傳統酒樓。這間酒樓以做婚宴為主，所以裝修佈置華麗，入內要經過大門一條燈光明亮的走廊進內，感覺比較優雅貴氣。適逢今日有婚宴包場，所以飲茶地方間了另一空間。這裡的點心很多款式，除了傳統的，有些更加了一些新穎創意元素，很有新鮮感。我點了：-宮廷濃雞湯煲仔翅用了瓦煲碗上，湯料有魚翅和雞，湯底都幾濃郁。-金箔鮮味蝦餃-2粒一籠有2粒，蝦餃面上點了金箔，加添名貴感。-鮮蝦菜苗餃菜苗和鮮蝦配搭適中。-雪山焗叉燒包底部有煎脆了然後焗香，質感不會淋軟。-櫻花蝦銀羅脆趣腸用了櫻花蝦在腸粉面上，很特別。-薑汁糕薑汁味香濃。-芝麻煎堆仔即叫即炸出來，表面很香脆和多芝麻，內裡是黑芝麻蓉。…查看更多

環境好，服務員姨姨都有心有力，但點心真系好唔掂，想像唔到點可以差成咁，真想繼續支持只能等佢換過個供應商啦。浪費晒咁好的地點同環境。腸粉一pe咁姜汁糕完全唔彈牙叉燒好硬炒年糕無炒軟…查看更多

之前疫情一直去開，貪佢無乜人。通關之後變左團餐飯堂，將啲街客塞埋一邊逼逼GIP。而且職員態度極差，尤其高高地戴眼鏡果個爆牙經理，串串共，唔知邊個先係客。重咩咩有位你就坐啦唔好係度揀位。我有大有細，想揀個唔係路口位，問多一句，都比人疾。食物方面正正常常，點心黎到都係熱既，好過稻X。不過佢專做團餐之後就唔會再黎了，因為真係好擾民，一大班人出出入入，好影響用餐體驗。而且啲職員咁既態度，比人買難受，不了。…查看更多

原本諗住新一年應吓節就去飲茶，大年初五飲午茶。事前已經book咗位。入到黎門口冇接待員，直入見到有位金毛短髮女樓面職員，咁就同佢講訂咗枱兩位，點知佢求其比出門口枱我哋。我哋同佢講想坐另外果幾張枱，但佢話嗰幾張枱係四人用嘅，全部都book咗枱，所以冇得揀。態度好惡劣。因為太肚餓，唔想再去第二度。咁都算啦，「新正頭」唔好嘈交，都照坐低。我哋坐低咗叫嘢食，之後見到嗰幾張我哋原本話想坐而佢又堅持唔俾我哋坐嘅枱，全部都係俾兩位坐咗，何來有四位？咁究竟係佢睇到啲乜？好奇怪講番啲嘢食先，入到黎先知原來佢係煌府旗下嘅。叫咗六樣嘢，啲嘢食呢係好食嘅。蘿蔔糕，預左同出面一樣，都係少蘿蔔粉多，但係佢煎得好金黃。灌湯餃個湯好飲，不太鹹。花膠好黏口。小籠包好多汁不過個皮比較厚。其他嘢都係正常嘅。只係職員好冇禮貌扣晒分。…查看更多

食物質素有驚喜，酒店質素都未必比佢好食，環境都舒服，有結婚感覺，比較寧靜優雅。不過美中不足，服務態度奇差。 叫個經理幫我地影相📸️，第一句話🈚️時間。到佢整完嘢，再叫佢幫手，因為其他人服務員都好遠好少，佢係咁催我地快啲。完全🈚️禮貌。相信係個別人士。好在食物質素好+家人慶祝生日🎂開心事，不同個別態度差🈚️耐性人士一般見識。…查看更多

呢間酒樓成日換廚房，有年幾啲嘢唔食得，午餐都係得幾檯，食飯盒好過飲茶，但唔知幾時大換班，客人好現實咁回頭，咁我又俾多一次機會佢，樓面服務員都係熟口熟面個幾個，睇吓點心有冇改進先原隻鮮蝦燒賣皇(2隻)：燒賣&蝦都大大隻好靚，蝦仲好爽口，而且唔只面嗰隻，餡都仲有半隻、真係好足料XO醬蒸排骨：無雪味，但又無XO醬味，不過無話唔好食喎芝麻煎堆仔：剛炸出來熱辣辣，又香又脆，好👍🏻香煎芋絲糕：芋絲煎到燶燶地，通透又夠香鼓油皇銀芽炒麵：呢個炒得出色，炒麵夠乾身，韭黃夠香口瑤柱蛋白海皇炒飯：炒飯粒粒分明，蝦又夠多，瑤柱比預期多不過唔夠香，但大大碟好抵食廚房功力大改進，值得當飯堂👍🏻…查看更多

原來喺尖沙咀中港城，有間好大， 佈置華麗優雅嘅宴會廳，除咗舉辦婚宴外，亦提供好多優惠嘅中餐。 環境真係好正，入到去已經不停打卡，由門口到廳都各有特色上湯龍蝦🦞伊麵龍蝦有好多件，而且件件多肉，肉質爽甜彈牙多汁🤤，仲有兩隻大蟹鉗，廚房已經幫我哋破開，唔駛用任何工具就食到入面厚厚嘅龍蝦肉。 伊麵吸收哂龍蝦嘅鮮味，煙韌香口。潮蓮燒鵝 燒鵝皮色澤光亮，油香滿滿，入口香脆，鵝肉厚而多汁，肉嫩飽滿，一啲都無腥味，再配上酸梅醬食更好陳醋高山木耳黑木耳營養價值高，陳醋令木耳更爽口開胃，仲解油膩…查看更多

最近香港的疫情不斷好轉，但是通關無奇，在尖沙咀中港城，也變得冷冷清清，並沒有一如以往的旅客，但是吃東西一定要尋寶，經朋友介紹之下來到了這間大中小點同價的酒樓，嘗試一下，一個休閒的下午茶.酒樓環境佈置十分之明亮，座位舒適，枱之間的距離也十分之充足，符合現時疫情之下保持一個，合適的社交距離.這個雪山叉燒包十分之香脆水準十足.叉燒腸粉十分之香滑，腸粉皮充滿了米香味.蝦餃新鮮好味道.燒腩仔皮脆肥瘦分明，送飯之選.叉燒密味充足，也是小朋友的最愛.咖喱魷魚十分之爽口咖喱味十足.…查看更多

收工經過尖沙咀廣東道的中港城，由於最近比較少食中菜，便和同事去到位於中港城2樓的海月宴會廳用餐。可能中港碼頭冇開，所以令到中港城的人流都比較少，而我們不用多等便可以入坐餐廳。首先我們點了一道小食金沙鮮魷脆魚皮，這道菜將兩款我們喜愛菜式合併為一，金沙鮮魷方面味道並不會太濃，金沙的脆皮包裹着新鮮爽口的魷魚肉，而脆炸魚皮方面，食得出並不是直接採用外間買回來的炸魚皮，而是餐廳新鮮炮製，那股油香滲透在炸魚皮之中，使我們識過後都大贊一絕。另一款小食便是蜜餞欖角骨，這款菜式選用了豬扒骨，所以吃起來肉的部份會比較多，應該是走過油的關係，做出外脆內軟的口感，外邊還淋上大量物質，令人吃起來非常開胃，而欖角亦充分發揮作用，獨特的味道亦能為豬肉解膩。我們還點了一款蔥爆砂薑滑雞煲，果然是傳統中菜餐廳，砂薑滑雞煲的火侯非常足，一開煲蓋大陣蔥香味撲鼻而來，而採用的雞件亦是骨小肉多，經過蔥蒜爆出來的雞件配白飯絕對一流。同場加映還有紅燒乳鴿一隻，$58 一隻的乳鴿亦是相當抵食。…查看更多

我與家人午茶在中港城新張的「海月宴會廳」，大堂環境寬敞雅致，服務良好，上菜快捷，我們飽餐後到樓下乘小巴到M+藝術館參觀，十分方便。我們選擇午市優惠二人套餐：燒味三拼：脆皮燒腩~燒腩皮卜卜脆，祇嫌燒肉略肥。蜜餞叉燒~肉質夠腍滑，蜜餞味道很美味。陳醋高山木耳~爽脆醒胃。 點心拼盤：水晶蝦餃皇~純蝦肉、味道很鮮爽。黑松露野菌餃~豐富的野菌，很飽滿的外型。特色榴槤包~很輕微的榴槤味道，不愛吃榴槤也能接受。 豉油王炒麵~豉油味道很好，麵也炒得很香。還加點選：椒鹽脆豆腐~外脆內軟滑，冇失望。…查看更多