海景海鮮酒家

營業中

休息中

坪洲其實有2間茶樓一間係賣菜內街入面，細間少少另一間係賣芝麻餅同一條街(落船行去郵局斜對面)近郵局呢間茶樓，係一間2層舊式既大茶樓開左超級耐，真係陪住街坊長大所以老闆都好老，就係負責企係賣點心果位茶樓朝朝5點幾就做生意，唔好以為咁早冇人飲就係5點幾已經有老街坊去飲早茶所以茶樓淨係做早市同午市，唔做晚市咁老闆都要休息，仲要半夜起身做點心呢我由細食到大，最鍾意食佢地盅頭飯$34其實佢地點心都好食但我鍾意佢地d蒸飯粒粒好分明，好爽口仲要keep到10幾20年都保持呢個水準出面市區店鋪用日本米都未必咁爽口r何況呢到茶樓唔會用日本米做盅頭飯呢

天氣熱辣辣，無所事事，同Friend 去坪洲行吓。上船後個Friend話肚餓，在永安街行了一個圈，都揀唔啱心水食肆，咁求其啦，離島係咁上下，於是去咗呢間所謂嘅海鮮酒家。店面大大隻字寫著必須搭檯。樓下滿客，亞姐領我們上樓上，問我哋食咩，但餐牌都無，只有點心(要自行去樓下攞)，及普通炒粉麵飯。於是求其叫咗個乾炒牛河，係好快到嘅，但味道及質素欠奉，超級肥膩，牛肉完全無味，好似雪咗一千年咁，價錢又唔係平，但差不多是獨市生意，唔憂無客。

今日心血來潮，行到坪洲意外發現一間獨有風味嘅茶樓。走近，煙味噌噌嘅點心籠吸引左我，咁凍嘅天氣下，有件熱辣辣嘅食物真係正喎 🍢！一入到茶樓，四周擺滿咗家庭式檯布，一片溫馨嘅氣氛。坐低未幾耐，侍應就嚟到，親切嘅招呼我哋，服務周到得嚟又唔使等好耐，即叫即有，心情愉快！首先，個雞扎真係出色，料多得滯，裏頭嘅芋頭同魚肚融合得咁完美，外層腐皮煙韌得嚟又有啖啖肉感，食落去香滑得嚟唔膩口。👍🏼 另外，個蒸餃子就真係好得意，皮薄餡足，豬肉同蝦嘅鮮甜緊緊包裹喺皮底下，蒸得啱啱好，一啖咬落去爽口得嚟佢嘅味道仲喺口腔裏面綿延不絕。老闆話，呢度啲蒸點心都係手工自家制，咁嘅真材實料，食客自然點贊不絕！總結，喺呢到食到真心實意嘅香港味道。雖然裝修方面可能簡單咗少少，但係家庭般溫暖嘅氣氛同美味點心，絕對值得你黎一試！最正嘅係，米其林都未必食得到嘅人情味，係呢度得到滿滿。🥹

近日秋高氣爽，最好郊遊，呼吸一下清新空氣。於是约咗幾位老同學到坪洲一遊。午飯時間揾咗一間中式酒樓食點心。由於正值午膳時段，樓下已滿座。問門外店員亞姐樓上有冇大枱，她冷淡回應：唔知㗎， 可能要搭枱㗎。態度不太好客，我們先派一人上樓上睇睇，見有一張8人空枱，於是齊齊到樓上，坐下不久亞姐又安排一對夫婦搭枱坐齊八人，但當時隔離大枱只有三位食客，如妥善安排一下大家可讓坐得舒適一些。店員話要自助樓下取點心，限時一小時。我們取了十多款點心，比起平常光顧即叫即蒸即炸的味道差得遠，春卷等油炸點心淋哂，飽點皮厚饀少，只有鳳爪排骨飯可以一讚。價錢唔平㗎，义燒包13元一個，排骨飯每盅24元。這間酒樓性債比低，食物質素及服務差，實在要大大改善，雖然島上食肆選擇少，酒樓唔憂無客，但要有好客之道才可令食客食得開心，相反是趕客，還令酒樓品牌受損。

So easy to go celebrate with friends, loved the dumplings here , good quality. Decoration is not the best in the world but it's quite affordable so not much expectations .But food it's so good i have to say.

用膳時間只限1小時，服務態度惡劣，雖然旁邊的枱仍是空著，卻不停要我們留空坐椅給其他客人搭枱，對著客人怒哮，叫客人不滿意可以即時離開，甚至歡迎客人在網上投訴，絕了！

襯平日放假去坪洲，後面嘅相喺想去好耐嘅牛皮廠同少日落🌄，呢間茶樓開05:30至14:30，記得早啲嚟食‼️海景海鮮酒家 ℍ𝕠𝕚 𝕂𝕚𝕟𝕘 𝕊𝕖𝕒𝕗𝕠𝕠𝕕 ℝ𝕖𝕤𝕥𝕒𝕦𝕣𝕒𝕟𝕥 📍坪洲永安橫街13-15號地下💫評分: 8/10💬環境好舊式酒樓feel，2個人坐樓上所以要搭枱，叫坐門口都幾有風味，茶樓幾有人情味，樓上可以直接叫食咩，我同朋友就落去睇吓有咩食，新鮮出爐，店員伯伯好好咁將點心幫我哋拎上去💬呢度限時食1個鐘，食完可以周圍行吓！💬下次多啲人嘅話想食想試佢啲飯，不過2個人驚食完就飽晒🤣，同埋馬拉糕都好吸引🫶🏻食咗傳統嘅鵪鶉蛋燒賣🤍 魚肚燒賣喺蒸蝦膠同魚肚💯，仲有滑雞扎(腐皮同芋頭都好正😋)，兩款都有魚肚‼️小點💰24中點💰26大點💰28茶位💰5/位❤️‍🔥再訪？🅈🄴🅂 #海景海鮮酒家 #坪洲美食 #坪洲美食推介 # #坪洲 #followforfollow #foodieblog #instadaily #foodporn #hkfoodblog #discoverhk #tagsforlike #hkfoodie #飲茶 #港式飲茶 #腸粉 #燒賣 #燒賣關注組 #點心 #點心推介 #香

喺屋企困得太耐，今個週末終於出嚟去行吓我哋入咗坪洲悠閒一日遊入到去第一件事就係食咗lunch先行過呢間茶樓，比佢地下一籠籠嘅點心吸引咗，呢度點心要自己攞，我就好鍾意呢種飲茶方式有時如果出面冇但係廚房有嘅話，佢哋係會即刻蒸俾你㗎！即蒸即食真係好正啊我哋今日叫咗有：<鵪鶉蛋燒賣><豬潤燒賣><魚肚燒賣><蝦餃><煎蘿蔔糕><雞扎><叉燒包><柴魚花生粥>飲茶嚟講燒賣同蝦餃我係一定要食，如果唔係就好似差啲野咁哈哈但我去攞點心嘅時候發現除咗平時食嗰種燒賣之外，仲有傳統、唔係成日見到嘅鵪鶉蛋燒賣同豬膶燒賣，咁梗係要試吓啦整體嚟講啲點心都好好食，唔會好鹹，用料好足，好傳統飲茶嘅風味，特別係個豬潤燒賣，豬潤好脆、唔會腥，鍾意食豬潤嘅人都應該會覺得好好食個魚肚燒賣係餐牌上冇嘅，係有店員攞住問食客要唔要，一場入到嚟就都試吓啦！不過老實講，蝦膠加魚肚，仲要啱啱蒸好出嚟，點會唔好食呀

假期入坪洲行吓食吓野，點幾鐘時間入去呢間飲茶，坐好拎埋點心，當叫廚房炒粉麵時，話無廚房炒野食，廚房淨做外賣。😳😳😳⋯⋯吓？唔做堂食？😡😡😡😡咁我叫外賣係堂食羅淨做外賣？😡😡😡😡坪洲好多人叫咩？全個坪洲都淨係叫你呢間外賣🤔🤔🤔做唔切咩😡😡😡有無搵錯呀，食飯時間無廚房炒野食，入去時又唔講，當要叫先話無😡😡😡😡問心點心真係一般，大點要$27，小點要$23下次唔會再去呢間食😡😡😡😡😡😡

呢間啲點心好好食（限食一個小時。雞球大包超正，勁多肉，個包皮軟軟地甜甜地好好食，個餡又正有啲菜，又唔會過鹹，正😋北菇雞飯都唔錯好食，個雞好滑，冬菇入曬味好好食，啲飯都蒸得唔錯，一粒粒。蝦餃正，都係啖啖肉加好薄嘅皮，煙煙韌韌。春蛋燒賣都好食，不過我淨係食咗粒鵪鶉蛋之後食唔落，其他唔係我消滅嘅。乾蒸燒賣食都冇食過，但據消滅嘅人講，燒賣唔油膩，爽爽地，蟹籽一粒粒，有嚼頭。個雞扎一流，裏面係包金華火腿，魚肚，芋頭，好多餡。茶位五蚊位可以接受，點心又唔會太貴，免加一，好似要自己揀完自己拎上去？我哋係噉樣，但應該其實係自己揀完有人幫你拎吧，我唔知。可惜去到已經冇腸粉賣，因為呢間淨係蒸一次，一次一大籠，賣曬就冇喇，不過應該都唔好叫腸粉，腸粉唔係即叫即整應該唔會好食到邊，要自己落去樓下睇點心（見啲阿姐好似想做咗幾台客，不過可以唔使理，慢慢食一個小時唔會有人鬧你。我大約三點幾再去望一望，發現已經賣曬，睇嚟都幾多人幫襯下，想食就要早啲喇，我係大約12點去食。

煩人的新冠肺炎! 比佢搞到冇啖好食, 希望他快啲死返上火星, 唔好再煩住地球人! 屈得太耐真係會屈出病來的,唯有山長水遠出坪洲搵食, 順便吸收下新鮮空氣啦, 今次來另一間在坪洲較大及有點明的酒樓飲茶.......海景海鮮酒家, 酒樓做街坊生意, 唔好期望豪裝靚裝, 平民茶樓一間, 星期六限時1.5小時且人流極旺! 對面個婆婆推介蝦餃,  佢話呢度啲蝦餃好食, 果然是不錯的, 粒粒脹卜卜, 皮薄餡靚, 蝦肉爽口彈牙, 仲幾好味添叉燒包 ~  叉燒包新鮮滾熱辣, 包皮鬆軟, 餡料用半肥瘦叉燒, 肥肉不多, 加埋啲香甜叉燒醬, 美味!牛肉 ~味道是可以的, 硬實, 口感差勁。鳳爪 ~ 淨係個汁唔會鹹死你已經很好了馬拉糕 ~  鬆軟冇鹼水味, 又唔太甜, 實食唔黐牙, YUMMY可能成三個星期冇出街食飯, 呢餐茶特別覺得好味! 2條友食左6碟野連茶價每人$73, 算合理吧.

今日放假入坪州行一行，鬆一鬆活動一下筋骨。 搭船去到差不多一點鐘，記得之前由碼頭向右，沿著就看見間細細酒家。 每次假期入嚟也見到酒家人山人海，今次也不例外，而且近乎爆滿。 最後被安排上樓上一樓，樓上有幾張大枱，大家也是一齊搭枱坐。 而且一上到去員工已即時提醒2:30收工，跟著帶點心咭到樓下門口自行選點心。 以小島來説其實點心選擇也算多，不過味道就一般，收費也不算平。 不過到來遊玩，一下船行幾步就到，地點又真的十分便利。

一大朋人去坪洲，冰室空間太細，冇辦法“痴痴呆呆，坐埋一枱”，唯有去飲茶。餐廳非常懷舊，菜單粘喺墻身，客人趕時間就要自行到樓下取點心。所以談唔上有咩環境或者服務。不過街坊可以有電話留位服務，呢點超正。我對飲茶一向冇乜興趣，所以點心只是少少地試咗幾味。叉燒包的麵發得幾勁，好有空氣感，叉燒餡料都幾足，唔錯。魚餅外层煎得脆脆地，不過個人感覺太油膩。坪洲飲茶選擇少，呢間冇加一，冇茶錢，算係一個抵食之選。

😀 9月9日禮拜六，小弟自行找節目！1130乘搭“港九小輪”入來坪洲，行過咗街市後，見呢間“海景海鮮酒家”有位，終於鼓起勇氣入場一試！聽說以前茶樓有做晚市，近年由於島內的工業已經式微，現在到1400左右便打烊收工！呢度飲茶頗為“明碼實價” - 茗茶：$4，大、中、小點亦分別只收$18至$22。可以接受！茶樓的“例菜” - 鳳爪排骨飯有水準！鮮竹卷的色澤、味道較清一D！後來叫咗一份：蓮蓉拼豆沙包，老實講皮似乎較厚，餡料則唔太多！日後入來坪洲玩，落船後可以選擇先去飲茶，然後行下手指山；就已經消磨咗半日的假期啦…… 😀😀😀！

舊式鄉郊酒家，自有它獨特的風味。我說的是坪洲的「海景海鮮酒家」。十多年未有踏足於這個與大嶼山近在咫尺，但每每被人忽略的小島的我，因著數星期前的一次機會，竟讓我再次登上這睽違多年的小島，欣賞它的風景，感受它的人情，還有，品嚐這間舊式鄉郊酒家的風味。說這間是舊式鄉郊酒家，一點也沒錯。它沒有華麗的裝修，沒有名貴的點心，有的只是簡樸的裝修和傳統的點心。一切是來得那麼的平實，平日裡來嘆一盅兩件的，也力是地道的居民鄉里，只在假日裡，才會有從市區四方八面擁至的遊人與這兒的街坊街里分一杯羹。這一天，我在識途老馬---- 一位在這兒居住的朋友的帶領下，來到這間酒家飲茶。雖然時候已經不早，已接近午飯時間，酒家裡面的客人並不太多，部分茶客寧願坐在酒家外的露天座位，一邊沐浴在陽光之中享受他們的早餐，一邊閒話家常，談天說地。而我與友人們，就選擇了待在冷氣開放的室內用餐。這兒的點心不算特別，都是蝦餃、燒賣、鳳爪、排骨、叉燒包、鴨腳扎、馬拉糕、腸粉那些，算不得特別的美味，可全部都做得工夫扎實，有板有眼，讓飢腸轆轆的我們吃得津津有味。而最特別的點心要算是傳說中的「雞球大包」。吃上一個，足可抵得上兩個叉燒包。大包的餡料