海日式料理

營業中

休息中

嚟到有「美食沙漠」之稱嘅馬鞍山，今次同朋友嚟到wego mall 呢邊就發現到一間唔錯嘅日本餐廳，睇嚟可以為呢區一去污名！我同朋友分叫咗一個魚生飯同壽司+三文魚扒+烏冬嘅晚飯套餐，兩個套餐加埋連埋加一都係二百零蚊，個人認為價錢合理。再講講食物質素，啲魚生都算新鮮，以呢個價錢有海膽食，而且套餐仲配有湯同雪米糍，真係可以話係比足貨！不過呢度嘅冷氣真係好大，本身果日已經夠凍，入到餐廳好似同係街外無分別🥲總括嚟講呢個餐廳再有嚟馬鞍山都可以再次幫襯，不過呢個商場都較為隔涉，希望日後有更多好味嘅餐廳進駐商場嚟吸引人流啦！

第一次去吃(晚餐)，整體服務好，食物質素比預期超越👍，有驚喜，價錢合理。燒雞軟骨~不會乾，有口感和juice 燒魷魚~好味道😋😋焦糖玉子旦~口感特別，焦糖又夠脆🤩定食有沙律菜，甜品(雪糕糯米滋)，建議甜品後上，因為雪糕會好快溶，欠缺口感🙄最後，埋單超方便，可以透過手機(用payme ,支付寶)埋單。

馬鞍山好吃的餐廳不多 最近we go mall的商場有一間日式料理餐廳原址改名再開 一於試下佢先佢哋都係qr code order 的不過員工也勤加水 招呼有禮的和牛粒定食 有跟埋miso soup,salad，雪米糍加埋蛋汁同吃令和牛嫩滑無渣 yummy沙律菜新鮮爽脆 Miso soup有心思放白蘿蔔同紅蘿蔔 吉列咖哩豬扒飯定食 咖哩汁係香甜不辣的 豬扒炸得外脆內軟肉質炸得剛好不柴而且juicy整體來講餐廳不錯 下次再來再試其他食物

經過好多次好想入去試一試，今日終於有位試假日人山人海，今日試咗特別的魚叫立鱗燒，原來要喺日本居酒屋試到嘅魚終於都可以一試，而且價錢$98😍😍可以食到日本居酒屋嘅風味😉好開心🙂真係好飽，我見到隔籬枱仲有好新鮮嘅刺身船，下次真係好想試吓❤❤好味到唔記得影相😭😭

見早排新開咪去試下啦第一次去食所有野都比預期中好太多食材好新鮮，魚生每一款都好好食海膽係鮮味嘅蜆肉隻隻大大隻，好鮮，調味又好好雞翼釀左大蔥燒，食落唔油膩，又好香食咗燒鱔，唔記得影，肉好滑好香牛舌好嫩，好香另外服務好好，店員有推介下咩新鮮好食，而介紹啲野又真係好好食真係食得好開心價錢方面又合理正到真係唔寫下食評唔得！

去開附近就試吓呢間新開嘅日本菜🤪🍛 日式咖喱豬排定食 $65個咖喱好香濃，唔會一味得甜味，送飯啱晒～ 而個吉列豬排厚薄都啱啱好，個炸皮唔會太厚，食多幾舊都唔漏！呢個定食仲會送粒雪米糍當飯後甜品😋🍣 精選壽司烏冬一人盛 $98呢個餐好豐富！有八舊壽司再加一碗烏冬，啱晒想食壽司嘅人😋 當中我最鍾意三文魚同海膽壽司，夠晒新鮮！呢個餐都有送雪米糍嘅～整體來講，價錢都算幾抵。而且服務都好好，睇得出老闆好有心做。雖然就未特別到要專登去，但如果去開附近都會再去🤣-味道: 7.5/10服務: 8.5/10環境: 7.5/10回頭率: 7.5/10總評: 8/10💰人均消費: $70