海日式料理

營業中

休息中

呢個熱鍋烏冬都幾有誠意！🥰🥰成個份量可以話係非常非常大！😂😂仲要送兩舊壽司烏冬嘅份量多到嚇親女孩子係有機會食唔晒…🥲好彩分左啲比同事一齊食…配菜方面都幾豐富，又有天婦羅炸蝦🍤仲要真係炸得幾好食～然後又有一隻溫泉蛋豬軟骨嘅味道同埋口感都係唔錯嘅！見到lunch time時間好多學生幫襯🥹其實跟住嗰一區嘅學生食嘢就啱㗎啦😂😂通常都係實冇死！！之前唔係lunch time佢都見唔到咁多學生🤣🤣

餐廳並非位於馬鞍山市中心，顧客多是附近屋苑居民，近日才知道原來係長者友善餐廳，於是帶同家中長者去光顧。店員會安排坐近門位置，不用步行太多亦方便些，見店員們都有禮親切，亦會提醒長者小心步行。食物方面，午餐時段點了熟壽司盛及精選壽司盛，兩款均配烏冬及麵豉湯，賣相擺盤不俗，味道尚可，烏冬彈牙配上鰹魚湯底，好味！另再點了鹽燒三文魚扒定食及豚肉生薑燒定食～三文魚扒表面燒得香脆，肉質juicy，份量亦不少，Good！相對上豚肉生薑燒比較似一般家庭料理，或者叫了多汁所以掩蓋了香燒嘅味道。整體來說，以日式料理，價錢算相宜，味道不俗，餐廳環境寬闊店員態度有禮良好。為了支持有誠意又友善嘅餐廳，必會再次光顧！

最近喺一間位於馬鞍山嘅日式餐廳試咗火炙三文魚丼飯，真係好正！🤣🧡一碗上嚟就見到三文魚炙得微微金黃色，表面微微焦香，聞落去已經忍唔住想試。食落去，三文魚嘅肉質鮮嫩，炙烤後嘅香味更加突出，口感滑順，完全冇腥味，食完真係好滿足。底下嘅米飯都煮得恰到好處，粒粒分明，稍微有啲醋味，令整碗飯更加開胃。再加上啲海苔同埋白芝麻，味道層次感好強，咬一口就能感受到不同嘅口感，特別好味。仲有，配上少少芥末，真係令人驚喜，微辣嘅感覺令三文魚味道更突出。重點係其實都幾抵食..😂

重要嘅嘢講三次！大家小心小心小心呢個自選晚市1人前，個待應姐姐話叫呢個好抵$118任選三款，用二維碼自助下單，問佢揀完三樣之後揀其他款係咪都係$118，佢話係，點知原來係每3款就$118，可以重覆叫，但捉字蝨，原來每叫一次就收1次錢，次於是乎今次叫咗5次，再加一共$649，食物份量質素唔值呢個價錢！還有門口個短曲頭髮女子冇乜禮貌囉

上星期六落雨，餐廳人不多。第一次吃鹽燒三文魚扒，竟然有意想不到嘅驚喜：嫩滑多汁，剛剛熟！今次餐廳幾乎坐滿人，我再叫鹽燒三文魚扒，看看能否維持水準。我們一行五人，三人都叫這個定食。如果上次是100分，今次也有95分。雖然不是剛剛熟，但一點也不嚡，肉質很新鮮！另外1位叫了鹽燒鯖魚，大條厚肉而且juicy，燒得啱啱好！菲傭姐姐就次次都叫日式咖喱炸雞，在家她吃很少，但在這裏就全碟食晒！希望每星期入馬鞍山探奶奶，都能在這裏吃午飯！

唔係特別平，今日入去食點左個咖哩雞飯，勁咸，隔離台又係點咖哩，大家都唔係好𤏪到飯，雞得4件又小 ，跟餐有沙津同埋雪米糍，沙津唔新鮮啦，都唔敢食！另外點左個壽司set，唔係太新鮮，又多蚊，飛來飛去,搞到我食得勁趕,怕d蚊降落係食物到！帶位企門口長頭髮，少曲女人態度真心麻麻地，本身間野人流都唔算多，好心態度就好小小啦，真心趕客走，笑容都冇，可能本身個樣係甘啦下！最後急急腳食，見住d蚊子飛來飛去，隔離台又趕蚊，趕來我張台，唔知以為自己去左大排檔食野

老闆非常有禮地的食客意見和客人交流波經環境好 枱面及餐具清潔 食物新鮮尤其鰻魚飯及天婦羅有心做好日式料理 各侍應對食客要求亦盡量符合希望此店有新的菜式當然要合適的價錢

環境好 坐得舒服 食物及枱椅清潔 侍應禮貌好 食物出品質佳 新鮮美味有好吃的鰻魚飯套餐天婦羅 蝦炸得好老闆是個超友善的球痴會和食客閒聊愛隊 會聽客人對食後的意見一間有良心做食肆

今日機緣巧合下試左呢間日本料理餐廳, 同三個朋友叫左嗰炙燒特上刺身丼, 壽喜燒等幾個定食套餐, 啲刺身夠哂大件又幾新鮮,而且仲有四五款魚生食,性價比好高,啲丼飯仲好貼心咁加左啲野菌喺入面, 食既時候又幾有口感, 雖然嗰壽喜燒等得有啲耐, 但勝在夠哂足料, 甜度都啱啱好, 而且老闆同員工都好友善, keep 留意我哋顧客既需要, 座位都坐得好舒服，又keep 住幫我哋斟茶咁, 即使要等都唔會等到好唔耐煩,最後仲要送多左幾粒雪米糍比我哋，如果再經過恆安一定會再去食返呢間！

平日甚少到這商場搵食, 今日竟然被我們找到這家日式料理, 印象中這個半開放式的鋪位, 曾經易手多次, 但由始至終都是做日式的食店。1. 鹽燒鯖魚定食食品多樣化, 非常豐富的定食, 甚有驚喜! 包餐食物包括沙律, 鯖魚, 面豉湯, 白飯及甜品雪米糍一粒, 價錢只是$85, 跟去茶記食個晚餐差不多。沙律菜份量不多, 配上日式胡麻醬, 開胃醒神!鯖魚的邊位燒得有點焦脆, 榨上隨附的小片檸檬汁, 令人食指大動!一粒小小的雪米糍雖然唔多夠喉, 不消一分鐘已經食完, 但作為稍稍滿足嗜甜慾望的健康之選, 為一餐劃上完美句號。2. 三文魚海膽刺身丼海膽鮮甜, 三文魚刺身顏色具光澤, 尚算新鮮OK, 以這個質素價錢只是$105, 朋友表示好抵食。此外, 閨密傾偈不知時間, 坐左好耐, 侍應不單沒有趕客, 且頻密地為我們加水, 讚!

奶奶有吞咽困難，每次來這餐廳都會叫鹽燒三文魚頭，因為魚肉效滑，拆肉後連埋飯加水打爛給她吃。但是手動攪拌機效果不太好，奶奶都唔係好食到。昨天問問老闆可否讓我們使用他們的插蘇，用自己帶來的電動手提攪拌機，老闆微笑地叫我們隨便用。終於奶奶食得好好！非常感謝這間長者友善餐廳！我奶奶就算在家沒有精神，來到這裏胃口也會比較好！

今日中午去到馬鞍山海濱公園散步，之後肚餓去左WEGOMALL商場揾食，入到商場見到有間日式料理，同埋餐廳好少客人，兼且座得相當舒服，呢度定食set都好多選擇今次叫左三文魚生海膽飯定食$82,個set包個主食，一份沙律，一碗籮白湯同一個小甜品，三文魚味道幾好，份量都有七片，切得都好均匀，整體都唔錯

📍馬鞍山 海今日誤打誤撞嚟咗呢間位於馬鞍山嘅商場WeGoMall。本身打算入嚟行吓，點知比我搵到呢間叫做海嘅日式餐廳，見到佢嘅環境都唔錯，而且地方都好大，於是就諗住試一試。入到去店員會比一張QR code你，咁你落單同埋俾錢都可以喺呢個QR code進行。٩(˃̶͈̀௰˂̶͈́)و• 三文魚海膽刺身飯定食 $82呢一個係午市套餐，除咗主食之外，仲有沙律、麵豉湯同糯米糍，非常豐富。佢既三文魚好肥，而且廚師勁厚切，食落真係啖啖肉，好正！而海膽就正常發揮，唔算好鮮甜，但都唔會好唔新鮮。整體上成個set我都好滿意，喺馬鞍山呢個沙漠入面，都有一間好味既日本餐廳😂🩵٩(˃̶͈̀௰˂̶͈́)و味道：🐱🐱🐱🐱環境：🐱🐱🐱🐱服務：🐱🐱🐱🐱CP值：🐱🐱🐱🐱٩(˃̶͈̀௰˂̶͈́)و

位於「死場」We Go Mall, weekday午巿一定有位😬今次冇點定食，散叫咗刺身、串燒同卷物，都好食，尤其推介燒牛脷、軟殼蟹牛油果卷…牛脷厚切、夠淋、又香口，我可以一個人食3串😂美中不足係飲品選擇好少，得罐裝飲品…

平時冷清的商場，今日人山人海，中午竟然要取票輪候，餐廳座無虛席。在一片花海下，我們坐在舒適的卡位，服務員很快便送上每人一杯熱茶。或者因為樓底低，客人傾談的聲音令環境比較嘈吵，但整體感覺舒適，在一片花海下，感覺平和。食物方面，款式多，冷盤、小食、熱食等也齊全，價錢合理。😋三文魚子拖羅魚蓉刺身丼定食三文魚子十分新鮮，拖羅魚蓉蛋汁一起拌飯，味道特別，口感軟熟。零食還有一客糯米糍，整體感覺豐富。😋牛肉到庭湯烏冬烏冬口感亂畫，湯底味道濃郁，還配上一客加州卷， 60多元，令我吃得飽飽的，簡直十分抵食。👍🏼尤其值得一讚，服務員態度良好10分有禮，經常加添熱茶和清理桌面，感覺賓至如歸。😊