海底撈火鍋・宴聚 (加連威老道)

海底撈果然從來唔會令人失望！今次同班friend去咗尖沙咀分店，呢度相比其他分店不同，遠離熱鬧圈，除了打邊爐，仲係更高層次的服務和舒服。叫咗個鴛鴦湯底，三鮮湯底同蕃茄湯底，真心正！三鮮湯底清甜得嚟唔會搶走食材原味，而蕃茄湯底濃郁開胃，未涮料已經加肉碎飲咗兩碗！手切雪花肥牛係必點！擺盆已經精緻，油脂分布靚到好似藝術品，淥8秒就食得，入口即化，牛味濃郁，兩種湯底都夾到爆。另外叫咗芝士牛丸同牛肉丸芝士牛丸一咬落去芝士爆漿，小心燙嘴！牛筋丸彈牙有嚼勁，真材實料，中意食牛丸一定要叫～8秒脆肉鯇果然名不虛傳，真係8秒就食得，薄薄一片魚肉鮮甜爽脆，一啲魚腥味都冇，唔食魚都食到，點少少豉油已經好夠味。雙拼千層肚有驚喜！黑柏葉爽脆，牛柏葉軟嫩，口感層次豐富，都係十秒就食得～鍾意食內臟嘅朋友一定要試。蔬菜方面叫田園時蔬拼盤、青荀、山藥同牛奶甜粟，新鮮清甜，牛奶粟米超香甜，青荀口感外脆內軟，山藥涮完之後粉糯帶清甜脆口，吸收晒湯底精華。最後必點人手拉麵，師傅即場拉麵，口感煙韌，索盡蕃茄湯精華，簡直係完美收官！再加個炸饅頭，外脆內軟，點煉奶食，邪惡但滿足！整體嚟講，食材新鮮有質素，服務一如既往咁周到，仲送果盆，環境舒服，雖然價錢中上，但絕對物有所值。已經約定朋友次嚟個生日encore！…查看更多

約咗朋友去食晚餐～想打邊爐又唔想食任食朋友介紹咗海底撈打邊爐～呢間位於尖沙咀加連威老道嘅海底撈火鍋・宴聚有別於其他幾間香港嘅海底撈分店好似去咗酒吧咁嘅感覺～好高調啊～店員按排咗舒適又高顏值嘅坐位比我哋～坐低咗之後我哋就瘋狂點嘢食～首先就揀咗湯底先～我哋決定唔好揀太多格，揀咗兩格～番茄鍋：好濃郁嘅番茄湯底，一開頭仲可以放啲番茄湯落啲牛肉末度～變咗牛肉番茄湯～好好味啊～仲可以頂住肚餓添～豬骨鍋：奶白色湯底，一開頭有淡淡嘅藥膳味，時間耐咗～先發現佢淥咩都令到食物嘅味道更加之出味～手切雪花牛肉：肉質軟嫩，油脂分布均勻，仲教埋你淥8秒就食得，牛味香濃（店員哥仔仲幫我哋手淥埋比我哋🫢）雙拼千層肚：打邊爐邊小得牛柏葉呀～雖然薄薄哋，但要切到咁都好考功夫，同埋切到咁薄都係有原因嘅，就係快啲淥完快啲食到，唔會淥到過晒龍，唔會好韌～👍🏻可以話係一淥就食得咁8秒脆鯇魚片：真係8秒就食得！魚片薄切，口感鮮滑，值得一試～呢個列入咗我嘅必叫名單芝士牛肉丸：一咬開流出濃濃芝士，店員話淥5分鐘就食得，我哋怕唔熟再淥耐啲🤣淥走晒啲芝士🤣之後嗰啲就淥返5分鐘～真係粒粒爆芝⚠️⚠️小心小心🤣Q彈勁道牛肉丸：呢個都係我嘅必叫名單之一，牛丸爽口彈牙，有牛味，好食到要叫兩碟先夠，唔洗講咁多，大家試過就知咩料～田園時蔬拼盤：款式多樣，啱晒啲鐘意食菜嘅人，每樣都有啲～山藥：健康之選，最緊要係無論放咩湯底都係同嗰個湯底夾到絕～牛奶甜玉米：清甜多汁，近排啲黃色粟米真係唔係舊舊甜，但呢個牛奶粟米，我寫包單！一定好很甜～炸饅頭：呢個真係好難唔好食嘅～外脆內軟，點埋啲煉奶～WOW無得彈啦～最後仲encore多一碟呀～今次4個人食，人均大概$378，雖然價錢中上，但食材質素高，服務細心，環境舒適，加上海底撈一貫嘅貼心服務，絕對物超所值！…查看更多

聽過大名多次，今晚才首次品嚐，據說以服務周到為賣點，果然名不虛傳！我們由一位兼職研究生貼心招待，雖然忙碌，她經常在左近，察看我們的需要，倒湯加水，清理嘌呤，細心解說點菜的問題，送上自助區的免費小吃，態度殷勤是重點，抱歉的說，在香港非常難得！海底鍋集團訓練有素，題外話，怪不得股票也受歡迎！到埗後，服務員領位到獨立間隔卡位，所有客人皆有私隱，送上平板電腦點菜。首先，點選火鍋湯底，然後可以慢慢揀其他食物。免費小吃在自助調味料區有四款小食，魚皮、螺片、西瓜及棗，不過無需動手，服務員替我們各取一些，自動送上。除此以外，還有糖水一碗，估計是杞子桃膠，微甜，清涼可口。調味料豐富多元，各種調味料齊備，每人收費$18，但亦可以選擇唔需要，費用可免。這方面我覺得很窩心，因為一般我都唔需要，只要食物新鮮，我更喜歡清淡原味，而且湯底已經有香濃的味道。胡椒豬肚雞湯及菌湯火鍋 $158說時遲那時快，還在點菜期間已經送上火鍋湯底，我們選了雙拼，因為價錢更實惠，應該因為單拼湯底材料更有份量的原因。胡椒豬肚雞湯，奶黃色澤，濃郁味香，個人口味如果胡椒重些更好，豬肚及雞件份量不少，細細粒的雞件，方便進食。服務員送上一碗碎牛肉，然後替我們倒下胡椒雞湯，先來一碗濃郁牛肉湯，打開味蕾。菌湯清香，內有不少菇菌，記得先吃。內蒙草原羔羊肉 $148懂得吃羊肉的人會知道，內蒙及新疆的吃草的羊，羊肉其實是沒有羶味的，肥瘦適中，切得薄，份量十足。小青龍 $298店名海底撈，新鮮海鮮同樣是賣點，小青龍送上來鬚腳還在動！已經預先設成五件，肉厚結實，二人分享正好淺嚐，我覺得配豬肚濃湯合拍。要求之下服務員替我們把龍蝦頭再剪細。撈派黑豆花 $48黑豆花更健康，而且比較少吃，最開心配一碗辣醬，味道相當好，更加令我覺得不點調味料的決定正確。如一般豆腐的質感，蘸些辣醬非常合拍。蓮藕 $36菠菜 $36蔬菜方面就點了蓮藕及菠菜，清洗乾淨，非常新鮮。尚有一招牌，手工拉麵是在面前表演的，幸運地，旁桌客人點選了，我們可以欣賞，今晚吃飽了，下次來絕不放過。最後還有雪糕糯米糍及薄荷糖。整體滿意，價錢公道，值得重訪。 #海底撈火鍋宴聚 #尖沙咀 #川菜 #四川 #火鍋…查看更多

雖然海底撈好出名，但係一直以來都未食過。最近同朋友行街見海底撈係尖沙咀開咗新店，就去咗試下。胡椒豬肚雞湯底湯底濃郁充滿胡椒味，豬肚軟腍同雞肉都好鮮嫩，飲落好暖胃舒服。蕃茄火鍋湯底湯底酸酸甜甜，特別開胃！湯底有好多鮮蕃茄，味道清爽。撈派撈麵有店員即場表演拉麵幾精彩，不幾將麵條越拉越長，又一邊拉麵一邊轉圈。麵條煙韌彈牙，好吸湯汁又掛湯！手打檸檬茶手打檸檬茶清新爽口，消暑解渴。入面有好多檸檬肉，味道酸甜適中，份量超多，一樽夠晒兩個人share!手切雪花牛肉攞盤好靚將牛肉砌成圓碟狀，牛肉切得又薄又均勻，肉質好新鮮色澤好靚，食起尼牛味濃郁。撈派滑牛肉牛肉色澤鮮紅，口感滑嫩，肉質新鮮牛味濃郁，味道微辣。芝士牛肉丸牛肉丸口感彈牙，入面有唔少融左既芝士，令牛丸帶有濃郁芝士香味。全豆是福各種豆製品既拼盤，有豆腐、響鈴、腐竹同豆腐皮。豆腐嫩滑，響鈴脆口又吸湯汁，腐竹同豆腐皮都充滿豆香味，味道清新健康。田園時蔬拼盤拼盤有好幾種蔬菜，每樣都好新鮮！打邊爐最鐘意就就係娃娃菜，味道好清甜。…查看更多

依加香港都可以食海底撈啦，人均$400都唔洗，都幾抵食🤤。日本甄選和牛西冷🥩——和牛西冷嘅口感極為細膩，肉質柔軟，油花分佈均勻，味道唔錯🤤。芝士牛肉丸🍡&蔬菜🥬——牛肉丸外脆內軟，口感彈牙，咬落去嘅時候，有濃郁嘅芝士瞬間流出黎，另外嗌左娃娃菜一齊食🥬。拉麵🍜——店員即場表演拉麵，麵條彈牙，有啲似刀削麵嘅口感。手打檸檬茶🍋——檸檬茶味道清新，有酸酸甜甜嘅口感，而且一壺嘅價錢都便宜👍🏻。海底撈火鍋·宴聚📍：香港尖沙咀加連威老道29A號地舖至2樓…查看更多

好耐冇出尖沙咀食飯，今次就同朋友黎到位於加連威老道嘅呢間海底撈，火鍋店共有兩層，共中一層仲係VIP房，岩哂一大班人黎玩呀！湯底我地揀左冬陰公湯底及三鮮湯底，冬陰公湯底味道酸酸辣辣，內裡有蝦又有菇！而三鮮湯底其有三款菇係入面，湯底清甜！手切雪花牛肉，牛肉切得夠薄，牛肉口感鬆軟，牛肉味都幾濃！內蒙草原羔羊肉，羊肉味道羶，配上冬陰公湯食，味道唔錯！Q彈勁道牛肉丸，牛丸份量都幾多，口感彈牙，味道濃郁！甜粟米，粟米清甜，粒粒脹卜卜！土豆片，土豆軟腍，味道鮮甜！蓮藕，蓮藕爽脆，放冬陰公湯或者三鮮湯都好好食！竹筍，竹筍爽口，加入三鮮湯味道鮮甜！菠菜，菠菜翠綠嫩口，放三鮮湯非常美味！…查看更多

海底撈再尖沙咀開得宴聚很適合人多人聚會和幫朋友慶祝生日！！點員還會幫手佈置。打卡滿分儀式感滿滿。我們選擇了鴛鴦鍋，麻辣和番茄湯，番茄鍋濃郁酸甜是用新鮮的番茄熬製而成。麻辣鍋辣得過癮！我們叫了清油麻辣，入口一點也不油膩！越吃越上頭。豚肉片脂肪分布如大理石紋，輕涮10秒，肉片瞬間蜷縮，吸飽了湯汁的精華。豚肉甘甜與軟嫩，無需過多蘸料！非常新鮮。手打鮮蝦丸：蝦丸呈現自然的淡粉色，能清晰地看到蝦肉的纖維。蝦丸非常彈牙，每一口都是紮實的鮮蝦甜味，真材實料。另外海底撈的服務一如既往地好，外邊更有自助調區！可以調校自己喜愛的醬料。…查看更多

❤️❤️尖沙咀開左海底撈·宴聚啦！香港第一次食，好期待😊。環境幾靚，坐得舒服又寬敞。有啲座位更加有生日佈置📸。自助區有多款醬料及前菜、水果🍉，食火鍋前後更添美味。雙併鍋底可以食到兩款湯底，而且唔係貴單鍋好多，都抵食。蕃茄鍋底（必點、明星鍋底）及菌湯鍋底❤️❤️兩款都香濃惹味。🦀精選大閘蟹：今個月當造，雖然唔大隻但係都多膏。個人喜歡清蒸口味更正宗。花螺、小蟶子：份量大大碟，而且爽口彈牙。手切雪花牛肉圓形企盤賣相精緻，而且雪花分布均勻肉質嫩滑。健康蔬菜：8秒海帶苗、田園時蔬拼盤：火鍋中段加入菜，索曬精華更加好味。…查看更多

今晚肥妹仔去咗尖沙咀呢一間海底撈度食宵夜。湯底叫咗胡椒雞豬肚湯，湯底超級濃郁，好多豬肚。我哋叫咗一個嫩滑雪花肥牛，同埋一碟雪花牛小排，肥妹仔真係要講佢嘅牛肉係超級高水準！牛肉食落去好重牛肉味，而牛小排食落去就非常之軟腍，油脂豐富，入口即溶。另外仲叫咗一碟鮮蝦，好誇張，上枱有成14隻，隻隻都活潑生猛。咬落去爽口彈牙，一食就係新鮮貨，非常之高水準。另外仲叫咗一個豆腐拼盤同埋寬粉，為呢個完美嘅晚餐畫上句號…查看更多

原來呢間店係高級版兩層寬敞空間，其中一層更設專屬VIP房，無論是商務宴請還是好友聚會都夠體面～最驚喜是提前預約生日慶祝，不但有專屬佈置，熱情職員更會載歌載舞為你慶生，氣氛絕對up up！🎂🍅【必點湯底】蕃茄濃湯 蕃茄鍋真材實料，還可以額外添加蕃茄肉，湯底濃郁鮮甜！追求原汁原味的話，推薦經典清水鍋，更能突顯食材鮮味～媽咪好多飯🥩【鎮店之寶】手切雪花牛肉油花分佈均勻如大理石紋，輕涮8-10秒即熟，入口嫩滑牛味濃郁！擺盤精緻，質素拍得住高級火鍋店另外西班牙豚肉都唔錯！次次都會點 開海底撈招牌拉麵都幾有氣氛 麵都煙靭好食😋🍽️【無限自助區】前菜甜品任君選擇► 藤椒魚皮：爽脆微辣，藤椒香麻開胃► 涼拌菇片：清爽鮮嫩，口感滑順► 時令水果：西瓜清甜多汁► 滋潤糖水：雪耳杞子紅棗糖水，養顏又健康► 調味料區：數十款醬料自由配搭…查看更多

幾年前, 身邊朋友就同我大推海底撈, 話試過實會愛上~今年趁國慶賀中秋, 我地就黎咗高階版海底撈! 嗯嗯, 好鍾意貼心得黎低調, 更鍾意佢 私隱度高 服務更到位, 宴客聚會都好啱呢!一個愛鮮 一個愛辣, 簡咗拼鍋: 蕃茄火鍋（明星鍋底）. 經典麻辣火鍋 $154闊落卡位 坐得舒服自在精美果盤 迎接我哋,好好啊, 食住點菜 開心心~前菜、水果、糖水 同埋調料, 都企企理理啊~店員們都親切友善, 默默留意客人需要 及時幫忙/補給, 呢種柔暖 好好啊!特別係呢位暖男店哥 超周到, 親切高EQ, 連麵都識拉添!呢個涼拌魚皮 意想唔到咁好味喎, 乾身唔滴汁 辣得好過癮的!手切雪花牛肉 $158特別鍾意呢個手切牛肉, 質量好 擺盤靚~性價比超高 黎到嘅話記得一定要叫!全豆是福 $58出色嘅豆品, 樣樣試啲; 豆味濃 有口感, 好得意喎!特別鍾意黑豆花!雙拼千層肚 $138企理 份量足, 佢食得勁開心, 猛讚呀~fyi, 當晚 我地仲叫咗: 撈派滑牛肉 $88Q彈勁道牛肉丸 $78雞毛菜 $38烏冬麵 $34自選飲品 $15/位甜甜水果自由, 想食就食 真心爽!呢度嘅服務實在係太貼心我哋都好鍾意…查看更多

人在尖沙咀，想打邊爐… 朋友未試過食「海底撈火鍋」，於是我們便選擇去體驗體驗下～ 「海底撈火鍋」出名服務周到，果然名不虛傳。店員第一時間為我們送上一盤靚靚新鮮爽甜的生果，讓我們一邊食生果～ 醒醒胃，一邊選擇火鍋湯底、配料等… 眾多火鍋配料之中，要數［手切雪花牛肉］、［撈派撈麵］必食！另外，每份配料份量十足，性價比高！自助區除了火鍋醬料，還有麻辣魚皮、菇片、生果任食。....φ φ.… 𝓦𝓮 𝓸𝓻𝓭𝓮𝓻𝓮𝓭 ....φ φ.…菌湯火鍋 $118真材實料的菌菇湯底，鮮香氣味四溢。撈派撈麵 $18/份必須提早分享這麵。這麵煙韌滑溜，而且而且掛湯好味！還有「海底撈火鍋」經典拉麵表演可供欣賞😆 所以記得要留肚食多一兩份🤣手切雪花牛肉 $158Wow 一盤手切雪花牛肉豎立在我們面前，肉質鮮嫩，以鮮菌湯底滾燙後，牛肉味更鮮香！8秒脆皖魚片 $118Wow wow 不一樣的冰鎮視覺效果～ 以冰磚掛起十幾塊脆肉鯇魚片，為確保新鮮。魚片很薄，8秒即熟，非常脆口。可能因太薄的關係，鯇魚味道不突出，要一口吃多塊才嚐到魚肉本味。大滿足午餐肉 $58超抵食！價低量多，愛吃午餐肉的yo好滿足！芝士牛肉丸 $108牛肉丸結實彈牙，內含芝香又多汁。炸魚皮 $46大大碗炸魚皮，魚皮偏厚身，而且十分脆口。田園時蔬拼盤 $88有3款菜及金菇，而且都很翠綠新鮮。……………..……………..……………………查看更多

平時返大陸食海底撈就多，香港就真係第一次！感覺係坐得好舒服😌，唔知係唔係因為係高級啲嘅宴聚呢～佢個卡位好好坐，仲有生日裝飾俾我打卡，唔知生日係唔係真係有跳舞呢？等我下次試下先🤣🍲野菌湯&大骨湯 $118：朋友咳，阻我發揮，唯有叫啲清清地嘅湯，不過好好飲，好似飲緊老火湯～🥩滑牛 $88 ：好嫩，無論淥幾耐都唔老，仲好大量，我覺得三個人食都得🐮牛丸 $78：彈牙，大粒，我覺得鐘意食牛嘅都唔好錯過🥗蔬菜拼盤 $88：岩哂食菜嘅人，食肉獸唔洗叫～🥯炸饅頭 $38：好耐無食過，完全係細路仔之選🤣🤣🥤茅根水 $48：1紮原來好多，飲唔晒～好處係唔太甜，負罪感😣減少…查看更多

尖沙咀海底撈一直以貼心服務和多元化菜式聞名，又係開心嘅一餐選擇了清水火鍋和蕃茄火鍋作為湯底，清水火鍋湯底清澈淡雅，適合突顯食材原味；而蕃茄火鍋則酸甜濃郁，番茄香氣撲鼻，湯底煮久後更添層次，令人一試難忘。肉類方面，內蒙草原羔羊肉質地細嫩，毫無羶味，入口鮮香撈派滑牛肉則如其名，滑嫩無比，吸收湯底精華後更添滋味手切雪花牛肉油花分佈均勻，涮煮後肉香四溢，口感豐富，令人回味海鮮方面，縊蟶新鮮爽口，肉質飽滿，在清水火鍋中涮煮後更能突顯其鮮甜。撈派撈麵則彈牙有勁，吸附湯汁後風味十足，最重要係有英俊嘅服務員在點咗撈麵之後，會過嚟餐枱面前即場拉麵條，純屬嘅手藝，實在係充滿誠意的服務和娛樂！小食方面，炸饅頭外脆內軟，配上煉奶更是甜而不膩，是海底撈的招牌甜品之一，還有浸蕃茄湯後好好味嘅凍豆腐飲品方面，茅根竹蔗馬蹄水清甜解膩，在火鍋熱氣騰騰之際，一口下去清涼舒爽，完美平衡整體味覺體驗。服務亦一如既往地周到貼心。從入座到離開，店員細心照料，無論是加湯、換碟或提供小食，都讓人感受到賓至如歸。這次用餐不僅滿足味蕾，更是一場愉快的美食之旅。…查看更多

海底撈火鍋宴聚第一次來吃，因朋友話這裡海鮮質素好好而且仲可以包房慢慢坐，我們一行4人來吃火鍋，首先來生果已十分靚而且好甜好味道。雙併鍋菌湯和清油麻辣鍋，菌味濃郁保持到味道，麻辣好惹味慢慢出辣香好堅。雪花肥牛手切十分漂亮，肉質高質而且口感軟熟。羊排卷羊味濃但又唔會好鞋身剛剛好。全豆是褔每款都有少少岩2人食，沒想到有個有黑豆腐好特別，每款豆味都幾濃。蔬菜就要了油麥菜和蓮藕都好新鮮十分爽口。海鮮類叫了2款，墨魚仔和蟶子，因現整清潔需時，來到份量這價錢十分抵食，每隻都肥嘟嘟又鮮甜和乾淨，真心推介。…查看更多