海南

營業中

休息中

堅尼地城站附近有一間不太起眼的食店，店內只有大概四張四人枱，但晚飯期間陸續有不少顧客光臨，大部分都是來買外賣。餐廳風格就如店名，非常樸實無華，主打海南雞。當日光顧時堂食有兩三枱客，walk-in外賣及外賣程式的外賣卻有十單八單，以至店員有點應接不暇，其他桌上的剩食放了很久也未有人整理。而且感覺店鋪衞生一般，有些昆蟲在縈繞。海南雞飯 ($61) ★★★★✰海南雞及一碗盛滿的油飯份量很足，還有一邊雞中翼，連冬瓜雞湯都是海南雞飯的典型配置。海南雞的三款蘸醬是馬/坡式正宗的薑蓉、黑醬油、辣椒醬，整體四平八穩。六十元一份晚餐確實是很抵食。

其實一路以嚟西營盤同山市街兩間海南店我都有幫襯的,兩間店都是不太起眼的,如果要作比較,西營盤店畀山市街店大一些,山市街店雖然比較細但坐得比較舒服.當晚我們一行四人大約七時到達,竟然得我哋一台,我哋叫咗兩份二人餐,主要都係食雞,等了大約十五至二十分鐘,食物到了,兩間店舖嘅雞其實都不分上下,但個飯同雞我偏向西營盤嗰間多一啲,個元蹄都好淋,期間也有三四人等外賣,當我們享用食物之際,當中發生一段小插曲,當我們進店點菜後不久,就見到有一位外賣員來取外賣,我估他等了大約15分鐘因為我哋的食物以上他仍然未等到外賣,期間我見外賣員向女侍應詢問數次,但一直都沒有理會他,因為店舖好細只得一個女侍應同埋一位較為年青看似負責人的男子,因為我見該男子經常會向女士應發出指令{可能係老細啩),成個過程我聽得好清楚,我都替外賣原有點不值,我聽到外賣完話我問咗四次你哋都冇人應過我有冇都應下我啊,之後當初為我們上菜疑似負責人的男子,突然從裏面走出來不由分說,說話態度十分囂張,其實人哋嚟攞外賣,問你係好正常,你誤應人哋仲要聲大夾惡橫蠻無理,如果嗰位系老細我就真係不敢恭維,希望佢自求多福啦,下次都係去返西營盤就算,

這家海南是我心目中的Top1了👍價格實惠 味道又好最鍾意的就是他們家的海南雞飯🍚啦，次次一大碗飯都是掃光 平時工作日店裡面都會有好多人，有些同我一樣都是吃過再吃，不少回頭客 海南雞飯 它的雞真的是鮮嫩多汁 肥瘦適中，吃落去不會肥膩它的套餐裡面還會有湯配，吃一口飯再喝一口湯真的是一流，湯的味道也比較清新用料也是足足的 （湯裡面還有元貝沒拍到）還有值得一提的就是他的油飯真的太好吃太好吃了😋！金燦燦的飯裡面再混合了一下炸蒜，仔細吃還能吃到雞的香味，一人一碗都怕不夠吃了哈哈哈平日裡點外賣或者外帶的人看著也不少，比較受大眾歡迎，用料認真留得著顧客哦！得閒來試試啦，日常為吃什麼而煩惱最適合來這裡啦

$148可以有雞同豬手，味道不錯而且份量相當足夠，依家市道算係好抵食。無飯一族唔想煮的話，點個外賣兩餸，自己加個青菜，3個人都够食。加$20可以其中一餸係選紅酒牛尾。姐姐態度都好好。希望呢啲街坊小店可以繼續做落去。

<<海南抵食溫馨小店🍴>>呢日做完gym之後，諗住醫下個肚。行下行見到間「海南」，有去骨海南雞飯，可以補充蛋白質，就咁啱試吓。.餐廳環境簡約乾淨企理。服務員都非常有禮貌。一個人食就剩係嗌咗份招牌海南雞飯，份量夠足，滿足的一餐😊.🟨🟨去骨海南雞🐔🟨⬜️帶點驚喜🥹首先海南雞柔嫩可口，雞皮滑而爽且不溜口，啖啖肉亦無骨，仲見到有啫喱🤤沾了甜稠的黑醬油，食慾大增，仲有姜蒽油同酸辣汁，正宗三色醬👍～～雞油飯就梗係走唔甩～黃金黃金，色澤吸引，個油分啱啱好，粒粒分明🥰個餐己經夠便仲送埋個例湯，竟然有瑤柱冬瓜，飲落去清清淡淡，唔係味精湯🤩🤩.⬛️⬛️總結整體黎講，味道中上，份量又足，性價比高服務冇得彈，下次絕對會再嚟多次🤑

Lunch time周圍搵野食見到店名叫海南 就行左入去我地一行4人 入到餐廳 諗都唔諗叫哂去骨海南雞飯啦【去骨海南雞飯 $57】呢個價錢黎計 超級抵我仲好好彩地有雞髀雞肉都幾滑嫩但反而最驚喜係個飯油飯味道非常濃郁另外加$13 有油菜一碟係唔錯嘅午餐之選

同朋友去完堅尼地城魯班廟下面條長樓梯影相，打卡。之後見到間「海南」，個餐廳名喺社交平台啲堅尼地城街坊群組見過，決定試吓。餐廳外圍擺放咗些花花草草，雖然係假花假草，但感覺又幾溫馨。餐廳內部面積不算大，主要以深色木系裝飾，舒適企理。諗左好耐都揀唔到食去骨海南雞定紅燒狀元蹄好，點知店員介紹$83可以雙拼，最後就點左個雙拼！到上菜一刻，見到原來除咗海南雞同元蹄外，仲有菜心，擺盤都算幾好，加上獨立一碗黃飯同冬瓜湯。至於醬汁方面，有一碟三色醬，入面分別裝有甜醬油，姜蒽油同酸辣汁。仲有一碟汁，問店員先知原來係元蹄汁，佢話個元蹄汁唔淋上元蹄係避免影響到海南雞個原味，呢一點好細心，值得一讚！海南雞嫩滑有雞味，雞皮嘅油脂亦晶凝通透，配埋個酸辣醬，更加開胃更加爽口。個黃飯色澤金黃，粒粒分明而且好香乾蔥同蒜蓉味。元跡肥瘦參半，食落夠淋而且好香藥材味。菜心就無特別，不過不失。最後個例湯應該唔係味精湯，清新冬瓜幽香加上淡淡元貝鮮甜，正！總結：性價比高，值得下次再試，店員特別親切。

去堅尼地城搵朋友嗰陣經過見到有間「海南」，喺網上見過有唔少人大讚呢間餐廳，咁啱仲未食飯，一於試吓🔥間餐廳離地鐵站好近，三分鐘左右就已經到咗。一入到間餐廳職員就已經好禮貌，親切熱情餐廳嘅環境就細細地，乾淨企理，裝修得幾居家，木系枱櫈同木架，感覺幾舒適；主要有四款菜式 ，包括去骨海南雞，四川麻辣雞，紅燒狀元蹄同紅酒燴牛尾。嗌咗份去骨海南雞57蚊包一碗例湯，雞髀肉可能小妹著校服，店員仲好好咁送多支野飲海南雞既份量好多，肉質非常嫩滑,入口雞味好香濃多汁,雞皮做到滑嘟嘟而且仲好爽口，配埋個酸辣汁,味道更加豐富另外仲有甜醬油，姜蔥油都幾好，不過冇嗰個酸辣汁咁岩我口味；個油飯食落粒粒分明，雞油味香，好彩唔會過分地油，乾身軟熟；個飯隔離配左個小沙律好清新，入面有蕃茄仔同菠蘿配合好得意又開胃。最後講講個例湯，入面有3片冬瓜，見到有小小瑤柱，飲落去清清地有冬瓜味鮮甜，唔似係味精湯，似媽媽煲湯總括嚟講，非常滿意，性價比好高下次一定回頭試吓其他嘢，值得推薦

呢日行完山，由山上行到落堅尼地城，諗住行去堅尼地城海旁打卡點影日落，但係要先醫一醫個肚。行到山市街，應該可以轉出去海邊，突然見到有間「海南」，原來佢哋喺呢度有一間分店，之前喺第一街食過，覺得好好。啱啱係下午茶時間，叫咗一個去骨海南雞飯，41蚊，份量一啲都唔少，平靚正。我轉左雞髀，真係好唔錯！雞皮好有光澤，雞肉食落好滑，皮同肉之間有層啫喱，正。三款跟餐嘅醬料一樣保持高水準，豉油唔會太甜，但係豆味好濃，辣醬係我的至愛，薑蓉都好味。湯係清雞湯，有冬瓜同元貝，應該冇落味精，味道鮮甜，油飯好香，都好出色。呢個價錢性價比好高，值得推介嘅小店。下次來就試吓佢哋嘅牛尾同元蹄。

自從＂栢檔海南雞＂執咗之後，再無較為好味嘅海南雞出現過，行過見有一間＂海南＂，又即管試下，不過水準同價錢都比下去，試過一次就算。🥢去骨海南雞飯 $88 ⭐️⭐️海南雞嫩滑但無乜味道，飯唔夠熱唔太油又係無乜味道，落單特別要求多薑蓉，可惜嚟到只得正常一個，三款醬都唔夠香，好彩叫咗一客share食。🥢紅酒燴牛尾(例牌2人份) $108 ⭐️⭐️⭐️牛尾入味食到有少少紅酒味，炆得夠腍夠軟熟，紅蘿蔔亦夠腍夠入味，唯一美中不足係牛尾件件都太細，無乜肉食咁！🥢蠔油時蔬 $24 ⭐️⭐️⭐️菜心翠嫩爽口，可惜成條無剪開唔方便食，蠔油只得蠔水無蠔醬油，莫講話特別要求多蠔油！二人共消費：$154

紅酒燴牛味，牛肉好入味，炆得夠林，讚👍🏼冬瓜湯有冬瓜，味道鮮甜😍元蹄偏肥⋯⋯海南雞尚算不錯，但雞飯卻欠雞油味、欠香味，有待改進。二人餐的菜心很老，實在浪費！整體而言，勝在價錢夠公道、份量夠大🤗