浮然

營業中

休息中

在街市入邊有間小店經營，廚師很後生，感受到很用心，店舖重新裝修空間，非常闊落，令人好好享受。食品真材實料，即叫即做做，份量大，味道非常好，南瓜湯夠濃郁，短時間已經第四次幫襯午餐和晚餐，希望繼續，支持。

熟食中心入面見到呢間舖頭個裝修幾靚，同埋好似幾好坐就入咗嚟。個意粉汁幾濃味我自己幾鐘意，雞肉都幾滑。$78響呢個場唔算平，但係響觀塘嚟講就差唔多，而且佢都包個南瓜湯。不過如果係包熱飲我覺得會更好。下次都會再嚟試自己嘢嘅。

今日行過熟食中心，望到哩間小店裝修都唔錯，企企理理，menu都唔錯，就入咗去食，點知中晒大伏！首先，我哋兩個人一入去坐低好快已經叫咗主食set（主食+南瓜湯）我哋點完餐，坐咗半個鐘，冇錯係半個鐘，餐具又冇比，餐湯都冇。已經叫咗侍應嚟同佢講要餐湯，講完佢又係企係收銀機度唔知做乜，冇郁過。好啦，等咗35-40分鐘，個意粉同餐湯終於到（冬蔭公忌廉虎蝦意粉）。但係叫佢比餐具就淨係比叉我，匙羹又要另外再叫佢拎比我。叫一次比一樣。其實如果係咁，你啲餐具可以放係枱度，自己自助拎……我差唔多食到完，我朋友份牛排仲未到。佢已經等到好唔耐煩，因為佢除咗餐湯之外係乜都冇。個廚師係廚房到問我哋，啲嘢食係咪未有？其實你都望到佢係乜到冇，個場咁細，得大約5-6張枱，一眼睇晒。但都可以漏單…？平心而論，我覺得我個意粉味道係唔錯，冬蔭公同忌廉係夾嘅，唔會話好辣，意粉嘅質地可以再好啲彈牙啲。但唔知點解個南瓜忌廉湯會有咖喱味，有少少奇怪。只可以講今次對我嚟講係唔好嘅經驗，lunch嚟講，價錢唔算平。我覺得同價格完全不成正比，希望可以改善吓。

第二次去呢個熟食中心，今次選擇試吓呢間叫做浮然嘅小店.小店只有兩人,一人負責廚房一人負責樓面.咁啱嗰日係樓面員工頭幾日返工，所以唔太熟悉.但佢都肯入去問清楚廚師先幫我哋落單.食物方面嗌咗一個主菜同埋兩個小食.其實每樣小食係有兩舊,但來嘅時候唔記得咗影相… 南瓜湯就係跟餐送嘅.南瓜湯10分足料,飲落其實似南瓜蓉多過南瓜湯 😅意粉不過不失,反而小食驚喜.個雞軟骨餃子好特別，有啲雞軟骨係入面咬落好爽脆.有機會可以支持吓小店.

最近光顧了觀塘區一家新開的西式小店，點了一客$78的紅蝦意粉。意粉的質地煮得很好，口感令人滿意，可惜醬汁的味道就比較普通，欠缺驚喜。更令人失望的是，份量偏少，只有三隻紅蝦，實在不夠滿足。單就意粉來說，性價比不高。另外，餐廳的飲品需要另外加錢點選，加$14可以享用一杯熱朱古力。熱朱古力的味道不錯，但甜度偏高，略嫌膩口。相對之下，餐前南瓜湯則表現出色，香濃的香茅味令人印象深刻，湯底幼滑creamy，是整頓飯中最令人滿意的部分。總括而言，這頓飯花費$92（包括熱朱古力），價格偏高。以這個價位來說，食物的份量和整體的驚喜度都未能令人感到滿意。三隻紅蝦的紅蝦意粉，雖然意粉質地不錯，但醬汁普通，份量不足。雖然南瓜湯很美味，但不足以彌補主菜的不足。如果以相同的價錢，我會選擇其他餐廳，尋找性價比更高的選擇。 觀塘區的食肆選擇眾多，競爭激烈，這家新店需要在食物質素、份量和價格方面作出調整，才能在市場上站穩腳跟。 或許在醬汁的調配上多下功夫，或增加紅蝦的數量，都能提升顧客的用餐體驗。

好少寫食評，估唔到一寫就係寫劣評，今日約兩點左右係觀塘搵野食，醒起琴日係IG睇到個reel, 介紹呢間餐廳，本著一試無妨就去試下啦環境係幾靚既，小店經營，見到得一個樓面，坐左入去，都真係等左一陣先俾QR Code 落單，都唔緊要，點左個紅蝦意粉，南瓜湯，Coffee Tonic, 咁落完後，無幾耐店員就話南瓜湯送晒？(大佬，你一碟意粉收成$78， 觀塘黎講絕對唔平，南瓜湯係送，定係個價包埋，兩回事黎架😓），好啦，諗住都落左單，唔通起身走咩，又膽粗粗問返個店員，其實無左南瓜湯，有無其他野可以compensate 返我架？無wo ，送完即止! 得，唔緊要，有啲野無下次😒平心而論，野食不過不失，係杯Coffee Tonic可以，不過如果service 做到咁，野食唔係特別出色，收呢個價，同對上個評論一樣，唔方做得長😤

同同事去食lunch，門口有個職員拉客，見餐牌正常又未試過，就入去試吓啦。午餐係餐湯+意粉+嘢飲，手機落單。店內得一個職員煮嘢食，冇人招呼我哋，明白嘅，唔係Peak hour人手可能比較少。等咗20分鐘（而我lunch break只有1個鐘），餐湯嘢飲一直冇送過嚟，終於等到第一個意粉送嚟，佢至講：「唔好意思冇餐湯，俾返個折你哋OK ？」喂大佬呀，拉我入嚟嗰陣你唔講？落完單你又唔講？等咗20分鐘個意粉送到嚟你至講冇湯？咁即係焗我食你個意粉啫！而我得返30分鐘食飯，想轉場都唔得啦！好啦，照食。三文魚意粉得幾粒三文魚碎，紅醬虎蝦意粉？就係茄膏撈意粉！冇調味，只有茄膏甜味，仲要乾爭爭，我開包即食意粉醬都好食過佢🙄期間拉客嗰個職員仲走入嚟不停講粗口，完全無視客人（因為舖入邊只有我哋兩個，可能佢覺得我哋係鍾意聽粗口卦）唯一可以讚嘅係，木瓜鮮奶係真木瓜鮮榨的，可惜有啲淡，而檸樂佢都有榨檸檬汁入去再加兩片檸檬。埋單即管睇吓你點收我哋錢啦，我哋估每人都應該減$10卦。哦～原來係9折，$10都冇，多謝晒。做生意做到咁唔老實，成個餐牌得意粉都可以煮得唔好食，啲職員又冇禮貌，冇人幫襯係有原因架囉。

在這裏進了一個午餐，南瓜忌廉湯好好飲，紅蝦意粉好好食，咖啡水準也很平實，餐廳像是兩兄弟小本經營，本土餐廳值得支持，加油。不知道是否純粹主打午餐，餐牌選項帶點簡約，希望日後多加菜式就好了。