流記香港仔艇仔粉

今日下午嚟到香港仔呢間老字號流記艇仔粉食午餐，店舖位於香港仔碼頭一隻船上面，都幾易揾。他們只供應三款粉麵，我就點了招牌艇仔粉，$65蚊。比完錢就到最尾隻艇等候碗粉隨後送上。配料都好足，有魚蛋，叉燒，燒鴨，切雞同埋菜，樣樣配料都好食，河粉爽滑有咬口，湯底感覺唔錯，飲酒，唔確喉。[米饭]口味：🥚🥚🥚🥚[薄荷]环境：🥚🥚🥚[服务铃]服务：🥚🥚🥚🥚[糖果]性价比：🥚🥚🥚…查看更多

去完蒲台島係香港仔碼頭落船，無意中揾到個隱世景點，香港仔漁人碼頭⛵️有香港絕無僅有嘅懷舊艇仔粉食🤣係艇仔上面食真係第一次🤣店員會先叫你穿過售賣處、紀念品店、去艇仔位置感受吓大唔大浪先落order🤪🛶艇仔粉($65包一款非酒精飲品)有3款燒味，包括雞、燒鴨同叉燒同埋魚蛋配河粉都幾豐富，湯底幾惹味，魚蛋絕對係MVP非常彈牙🤩成個體驗都幾特別可以試人水上人嘅生活，如果附近有船經過都會幾大浪⚠️漁人碼頭入面仲有紀念品店同埋垂釣區🎣去開南區可以去參觀一下☺️…查看更多

細細個就聽過艇仔粉，但因為細個住九龍，所以到大個先黎食🤤雖然唔係第一次幫襯🤭都想大家去支持下！！！今時今日咁足料既粉麵，都係賣60幾蚊碗🤤以前艇仔粉無得係船上食，依加只要加少少錢就可以感受下，係艇仔入面食艇仔粉既風味🤭未試過堂食既，建議點都要試下😆襯依加天氣仲未係好熱，又唔會好凍，不過想試既話，記得要早少少到，因為都多人排隊 同埋如果堂食既話，艇仔既座位好少，所以記得早啲到☺️最後想講店主同店員既人好好☺️…查看更多

流記艇仔粉已有40多年歷史，於上年由流動式小船轉為在靠岸的大船售賣，感覺更具規模，時間、地點固定，客人不用撲空。但好像失去了一點點原有的傳統味道⋯⋯食物有兩個價目表，分為外賣和在艇上吃，差價約$20。食物種類亦有所增加，除了艇仔粉，也有糯米飯、時蔬、氣炸雜丸。我們點了艇仔粉套餐，在艇上吃，較有風味🛶艇仔粉套餐（$65，包含1紙包/罐裝飲品）：湯頭濃郁有魚味，亦有白胡椒的味道，與日常吃到的粉面湯底大不同，挺特別✨ 至於食物，河粉幼滑及新鮮，與湯頭配撘。另外，有1粒潮州魚蛋，彈牙👍🏽但叉燒和雞肉瘦削（師傅可能給了鴨背的關係），稍為失色。而鴨肉加了$20要鴨髀，而雞肉轉雞髀加了$20，雞髀部分很滑，肉汁都比較多，個人認為$20是值得的！——味道：👍🏽👍🏽👍🏽.5環境：👍🏽👍🏽 👍🏽 👍🏽價錢：💡 💡 💡 💡服務：⭐️ ⭐️ ⭐️…查看更多

之前見socail media 有人介紹香港仔海濱嘅艇仔粉，感覺幾得意，咁啱行完山經過就試吓隻船都幾顯眼易認，船身畫得幾靚😬行到入去就可以叫外賣，叫左艇仔粉($45)同糯米飯($40) ，如果要去隻船度食就$65，不過有長者就唔可以過去艇仔粉係好足料同好食嘅，糯米飯就普普通通。咁啱經過醫肚或者附近居民想買外賣都係一個唔錯嘅選擇，不過個人就覺得唔需要專程特登過嚟食，尤其大熱天時冇冷氣食真係好熱！…查看更多

推介指數 Recommendation Level : 🔥🔥🔥🔥這間食肆可能未必能夠稱得上是一間餐廳，因為他本身是坐內於一隻船內。這間食肆擁有悠久的歷史，著名的菜式就是他們的艇仔粉，由於長期有捧場客，所以現在已搬到固定的位置經營，不過較可惜的事客人現在不能於船上用餐，只能叫外賣。This establishment may not fully qualify as a restaurant, as it is located inside a boat. With a long-standing history, its signature dish is the boat rice noodles (艇仔粉). Due to a loyal customer base, the restaurant has now relocated to a fixed position; however, it is unfortunate that customers can no longer dine on the boat itself and must order takeout instead.臘味糯米飯及招牌艇仔粉  ($40 & $45)Steamed Sticky Rice with Chinese Sausages & Signature Boat Noodles這個艇仔粉是這個食店的招牌菜，配料主要是燒臘，雞、鵝、魚蛋、叉燒，還有蔬菜，每款都十分美味，而且份量亦算多，瀨粉亦不會錄得太腍，也不會太碎，至於湯汁方面，亦十分鮮味，喝後不會太過口渴，所以吃得出是用鮮肉或魚淆製The boat rice noodles are the restaurant's signature dish, primarily featuring roasted meats such as chicken, goose, fish balls, and char siu, along with vegetables. Each component is delicious, and the portion sizes are generous. The rice noodles are perfectly cooked, neither too soft nor too broken, and the broth is very flavorful, leaving customers quenched rather than thirsty, indicating it is made from fresh meat or fish.臘味糯米飯臘味份量也算多，配以粒粒脆口的花生，再加上煙韌的糯米飯，口感層次非常豐富The savory sticky rice with cured meats is also well-portioned, complemented by crunchy peanuts, which add depth to the texture of the chewy rice, creating a rich tasting experience.😎 評價 - Epicurean Explorer's comments:   🍽️食物Food： 🔥🔥🔥🔥✅食物新鮮泡製，每款食物也非常美味，而且具有香港特色All food is freshly prepared, with each item tasting delightful and showcasing the unique flavors of Hong Kong.❌食物款式的選擇比較少，但也明白由於是艇店的關係，所以不能容納太多的食材，所以能夠接受While the selection of dishes is somewhat limited, this is understandable given the constraints of being a boat-based establishment, so this can be accepted.🏡環境Environment： 🔥🔥🔥✅在船上下單，感覺十分特別，可以感受到香港舊漁村的風味Ordering on the boat provides a unique experience, allowing patrons to feel the essence of Hong Kong's traditional fishing village culture.❌由於船隻不是太大，所以環境會比較狹窄As the boat is not large, the environment can be somewhat cramped.💁服務Service：🔥🔥🔥🔥✅店員非常親切有禮，亦會清楚向客人解釋等候的時間The staff is very friendly and courteous, clearly communicating the expected wait times to customers.❌無NIL💰價格Price：🔥🔥🔥🔥✅這個價錢及份量來說，算是非常超值Overall, considering the pricing and portion sizes, this place offers great value.❌無NIL…查看更多

幾年前已經睇過Youtuber介紹流記艇仔粉, 但一直未有機會來香港仔。 今日終於路過, 有幸食到, 但流記既食法已經唔同咗。 聽聞佢地因牌照問題搞到頭都大埋, 但經過一番努力後, 攞到食品製造廠牌照, 新船固定停泊係六號碼頭, 想食艇仔粉唔再需要大聲唉, 亦唔需要打電話, 行上船落order就好快有得食😋。 而家仲多咗一個選項, 就係可以坐係隔離隻船上面食, 只要你連埋飲品叫就可以啦。新Menu唔止有燒味粉麵, 仲有埋蠟味糯米飯, 同埋我好想試埋既雞粥。 我叫咗最標準既招牌艇仔粉, 根本就一個迷你燒味拼盤, 有燒鴨、切雞、叉燒, 再加魚蛋一粒同菜心兩條。 據聞流叔以前連燒味都DIY, 而家就由街市交貨俾佢地, 依然維持高水準, 好食過好多燒蠟店。 粉我揀咗最襯燒味既瀨粉, 佢地呢種瀨粉, 唔易碎、唔易斷, 睇落好似薯粉咁透明, 又唔跣筷子, 好食!😋👍 唔好怪我貪心, 如果粉量可以再多少少就perfect啦! 唔係食唔飽, 係餸多, 想有多D澱粉質去同步食。個湯底必定要講一講! 一般燒味飯店個湯底都係雞雞鴨鴨頭頭尾尾煲出嚟, 流記就係用梭羅魚、大地魚、再加埋雞雞鴨鴨頭頭尾尾煲出嚟。 魚同肉既鮮味撞埋一齊, 造出一種複雜得來又有火花既味道, 好有特色! 所以食之前先飲啖湯, 對整碗粉既評價高咗幾個grade! 湯量唔算多, 但邊食邊飲、啖啖有湯, 都叫做夠, 食完就梗係飲清D湯啦, 唔好嘥。4年前疫情初期, 睇到Youtuber介紹流記, 話價錢係$33蚊, 汽水5蚊罐。 而家收40蚊碗, 飲品10至15蚊, 如果想過隔離船坐低堂食, 就盛惠60蚊, 不過包飲品。 如果唔坐低食, 職員都唔會俾面色你睇, 因為大把人買完坐係公園食, 同以前一樣。 六號碼頭埋便就有廁所, 亦有汽水機, 不過幾貴, $9.50一罐。 外賣就比以前包裝得好, 而家會入好膠袋。個膠盒係好將湯同麵/餸隔開既雙層膠盒, 擺一陣都唔怕浸淋, 尤其是河粉。以40蚊外賣價計, 抵食過大家Happy下午茶餐, 全因份量夠, 仲質素高。等粉期間, 見到佢地朝早開11點, 但竟然夜晚收9點! 以前流叔one-man band個陣, 據聞下午三點賣晒就收檔。 而家時間長咗, 坐得舒服咗, 希望多D人可以享受到呢一份情懷啦。呢碗艇仔粉, 如果行入舖頭食, 就算間舖頭裝修到好似隻艇咁樣, 都只係一碗好食既燒味粉, 所以第一次食艇仔粉之前, 一定要睇睇艇仔粉既故事, 真係係隻艇上面煮出嚟架!😃 當未流行揸電單車送外賣之前, 流伯40+年來都係揸住隻艇, 船上、岸邊遠近送到。 如今有固定位置, 係方便咗, 但係昔日要call隻艇埋岸去買既特色, 已經成為歷史。 希望流記可以將艇仔粉既故事流傳下去, 保育香港仔呢個獨有既地道風味。可取之處: 抵食! 真材實料!進步空間: 希望反通漲價錢都得到保育(以下評分係外賣, 不是堂食)紙巾提供: 冇廁所狀況: *** (公園廁所)溫飽指數: ***回味指數: ****翻兜指數: ****備註: 除現金外, 收Visa/Master、Payme、ApplePay…查看更多

食艇仔粉，就係為咗風味。價錢分2種，在艇上有坐位，包非酒精類$60、外賣$40。抱住唔好食心情，其實又有D驚喜，都幾好味，湯抵係幾好味的😂我比較嘴刁，雞髀瀬要加多$20。但係呢度啲瀬粉完全唔係食開嗰種，其實係類似韓國比較粗嘅粉絲（透明那種）。有D失望！另外仲有糯米飯，出奇的好味👍🏻希望佢哋可以改用返傳統嘅瀬粉，咁就very good😂…查看更多