流浮山窯燒雞

失望嘅用餐體驗。之前friend買過一次，我見真係幾香今日就都去買左隻雞脾。但估唔到一咬入面啲肉發紅，仲有生雞肉嘅彈牙感。雖然唔算好嚴重但都幾影響味道，於是就落去換左隻，點知第二隻仲生，明顯見到生雞肉質感，入面仲有血水。其實一間好食唔貴嘅燒雞專賣店都幾難得，老闆態度都幾好，唯望可以專注自己出品嘅質素（第一張係我想send比frd分享嘅相，第二啖即賴野。第二張見到血水旁邊明顯發紅，實在太核突就冇再細影）…查看更多

窯燒雞的午市套餐點了口水雞窯燒雞的午市套餐點了口水雞超值，加主食麵食蕎麥冷麵才38元，午餐這個價錢吃得飽飽的，不是很抵食嗎？首先雞肉煮得好，生熟度剛剛好，煮到僅僅熟，還有汁水，不乾不嚡不老不粗，雞有雞味，沒有雪氣味，果然是煮雞專家。而且口水汁很美味，有香味但不嗆候，不嗜辣都愛上這種惹味，而不是想用濃味蓋過雞不新鮮的美味。加了麵，將醬汁完全一滴都吃光不浪費，太搭了，而且麵條中和了口水雞的辣味，絕對要這樣配，這樣吃營養也更加均衡。…查看更多

很難handle但很好吃本身以為即叫即燒要等好耐先可以拎得，點知落完單過一陣已經可以拎，外賣燒雞會附送鉸剪。店員態度好好又窩心，會比膠袋我方便拎隻雞，另外加1蚊仲有手套同手工啤（唔知而家仲有無。窯燒雞一剪開就已經爆哂雞汁 好誇張，外皮香脆 肉質好嫩滑 仲有燒雞嘅香味同煙燻味，真係忍唔住一路剪一路食。隻雞都偏大隻同多肉，三個人share會好啲！…查看更多

「流浮山窯燒雞」主打古法窯燒方式烹調燒雞，之前在流浮山略有名氣最近因花姐的燒雞IG Story爆紅，燒雞正是這間「流浮山窯燒雞」新蒲崗分店！原來Mirror成員一直都幫襯開。事後好多人潮聖，高峰時段門外多過30人，日賣過百隻👍🏻👍🏻但今日完全唔使排隊，好快就有得拎🫶🏻職員服務態度好好，知我住得遠住將軍澳，特登俾個膠袋我拎得方便啲，外賣燒雞會附鉸剪送上，返屋企勁方便 有把鉸剪剪雞😂· 窯燒雞 $198選用三黃雞混羊山雞，以高溫250度窯燒40分鐘鎖住肉汁，最後猛火燒5分鐘，達至皮脆肉嫩效果。 皮脆、個皮好薄，爆雞汁，肉身嫩滑，入口有陣陣煙燻味，隻雞都幾大隻 好多肉，以依個份量大細我覺得$198完全唔貴～個人覺得整體正常，唔係難食，不過唔算話真係咁出色。去開新蒲崗經過咪試吓🤣…查看更多

呢間餐廳真係令我大開眼界！之前聽人講話好食但難搞，我仲特登買定保險，冇叫成隻雞，只係叫咗¼隻。點知，個雞油飯完全冇雞油味，仲要比白飯更差！簡直係浪費時間同金錢！至於嗰¼隻雞，真係慘不忍睹！一半連皮都冇，另一半就燶晒，仲要照比客。如果唔係外賣，我一定退返俾佢。最恐怖嘅係，我食到一半，竟然發現咗支竹籤黐晒喺肉度！好彩我冇食到，如果唔係真係會出事！簡直係食到炭屎味，我真係唔知佢哋嗰啲雞皮係咩味，可能係燒焦嘅味？總之，呢間餐廳真係令我失望透頂，絕對唔會再幫襯！大家睇相就明！…查看更多

今次係我第四次食啦！當你一試一定會好難忘，雞肉軟滑，外皮香脆，有香濃嘅香草味，鹹味適中，真係好值得推介。店舖都好窩心，會附上鉸剪一把，等你食得容易啲。店員服務態度都好好，燒好隻雞會俾你睇下，幾咁脹卜卜，當時真係好想立刻食架😂…查看更多

由於 Mirror 關係，近期大熱嘅流浮山燒雞。星期二嘅下晝五點左右打電話去訂，講7:00pm攞，接電話個姐姐十分之好，話冇問題，多謝晒。心諗近期大熱嘅店舖，竟然可以唔使俾錢先，可以預訂來取真係有一流嘅服務 👍🏻👍🏻⋯⋯ 點知⋯⋯晚上七點左右到，原來係俾咗錢先至繼續開始排隊等燒雞出爐。之後大約等咗一個鐘左右，先至攞到隻燒雞返屋企食。等候期間，不少顧客都會問店員幾時有，但店員都答不出，只係見到師傅不停手燒。 約略見到燒雞係先炸，後入燒爐至熟，所有一定要時間夠，雞才可以俾客，唯有成群客喺門口等。當晚見到等候客人頗多，女店員有喺雪櫃攞支裝水比客人解渴，都算係咁啦。好簡單外賣袋，加一個兜，上面有隻雞，之前又話有手套，鉸剪但今次乜都冇 🤷🏻‍♀️雞肉嫩滑 😋😋😋😋之前有介紹話雞嘅品種係家鄉邊度，邊度，不過我唔記得。味道 😋😋😋入味，雞內籠仲有一條香草。雞內籠嘅雞骨有點偏鹹，但整體都係好味嘅。$198一隻燒雞貴唔貴？見仁見智。你喺大酒樓，五星酒店食已經唔係呢個價錢啦。但可以諗深一層，佢有點兒似超市熟食外賣嘅燒雞。 超市嘅燒雞係用雪雞，肉質同佢係唔同，但做法味有相似，所以試一次就夠啦。 而且所有燒雞，最緊要係新鮮燒起，熱辣咁食，雞皮脆，咁就一定得啦。本人聲明今次係自己用錢去消費，並沒有接受任何邀請或試食，並且不是打手。…查看更多

🔺流浮山窯燒雞原隻燒雞涼拌貓耳朵最近大熱的人氣話題燒雞，一早到店門外已經聞到強烈的炭燒香氣，老闆正在努力地燒雞。雖然沒有太多排隊的人潮，但是大部份客人都用外賣平台甚至Lalamove取貨，而且每位客人可能不只叫一隻，相當誇張。所有燒雞即叫即製，一如老闆所說，一剪開雞肉立即流出大量肉汁，肉嫩皮脆，多汁鮮味，部份位置略嫌稍鹹。但的確是暫時食過比較出色的燒雞之一。涼拌木耳最適合炎炎夏日享用。終於明白為何店家會大排長龍。看到別人買了燒排骨也非常吸引，下次要試試。…查看更多

質素差到一個點！隻雞顯然翻熱再翻熱已經冇乜肉汁仲要嚡熠熠，所有邊位都係燶嘅，個膠盒就燒到溶晒，食完之後成個口都係一浸燶味。呢個價錢！呢個質素失望之極！！ 同元朗鋪爭好遠！以為一樣所以才去幫襯點知😤😤😤😤…查看更多

朋友生日，介紹佢地食新蒲崗名物（花姐話）之前已經食過一次，外賣番屋企都好食，皮仲脆既，鷄殼入面有串rosemary提味，仲有晒鉸剪、手套。見評論話就算提早一粒鐘都仲要等，當日响Openrice 落定單指定時間取，幸好去到都係等幾分鐘就有。叫了兩雞兩排骨埋單$712，預約左六點半取，見到佢張枱已經有好多單，有十幾人响度等緊，花姐效應果然犀利。臨走專登問佢入面係咪已經有鉸剪、手套，個鄉音女人好肯定話有，點知番到去打開得隻鷄同排骨。真心嬲，鉸剪都慳。朋友們試過後都覺得唔駛想食，無鷄味。二百蚊買隻冰鮮鷄有啲唔抵。…查看更多

中午叫咗個四人餐，原來店內基本上冇位置可以堂食，就算堂食都只有五至六個座位。但店內基本上十分焗熱，夏天仲要坐喺個爐旁邊。。。果斷轉外賣走。當時叫嘢食，佢哋並不繁忙，只係需要處理我哋呢一張單，但最後竟然都可以錯漏百出四人餐可以加錢轉小食種類。原本想將鮮魚皮加錢轉鹽焗雞腎，誰不知佢竟然照比鮮魚皮，但將車厘茄轉左鹽焗雞腎。。。冇咗最想食嘅車厘茄。。。然後四罐汽水亦問咗可以轉豆漿，點知佢最後照俾咗四罐汽水。。。完全冇人飲。。。*利申食過元朗西裕街分店，水平差天共地！該店每一樣，連小菜都係招牌水準！窯燒雞店舖係以此作為招牌菜，卻完全一啲都唔好食。首先，隻雞完全唔入味，只有喺香料掂到皮內肉質部份，先食到佢醃嘅味道。第二，燒雞塊皮完全唔脆，冇做到窯燒應該要有嘅賣點，吊得唔夠耐唔夠乾。我哋外賣攞走5分鐘內已經打返開個盒嚟食，所以應該排除外賣焗住，會整冧塊皮嘅因素。第三，隻雞肉質好嚡、老，完全唔嫩滑，燒雞最易中嘅問題中咗。爽脆鮮魚皮雖然比錯咗，但佢依然係好味嘅。魚皮爽口彈牙，泡椒唔算辣，幾惹味。幾喜歡佢有夾雜椰菜，fresh d。鹽焗鮮雞腎爽口、有鹹味，正常發揮。窯燒排骨BBQ醬汁醃得入味，燒得不錯，都係正常發揮。…查看更多

兩星期前第一次幫襯，覺得幾好食，下晝兩點幾叫定，跟住轉數快俾錢，跟住佢話叫車幫我車過嚟，車費我比，冇問題，嘢食幾好味，服務都幾好，跟住今日即係兩星期後，同樣係兩點幾叫，話咗俾佢聽6:30送到我目的地，一樣係佢幫我叫車，落好晒order，俾埋轉數快，跟住話冇晒乳鴿餐， OK冇問題，呢個餐轉左第二樣食物，我都接受，跟住六點幾見佢未有意識話俾我聽出車未，我就打電話追佢，冇人聽，跟住佢就WhatsApp我問我可唔可以自己叫車， OK，你唔幫我叫，我咪自己叫車囉，當時已經六點幾，跟住我叫架車去到佢舖頭，個司機話佢話要等45分鐘喎，咁個司機梗係唔等啦，淨係做我一單生意咩，跟住個司機就走咗，我就打電話俾佢哋，打咗好多次先有人聽，佢話就得，20分鐘得喎，咁到時我幫你叫車送俾你啦，咁我話好啦，跟住過咗成一個鐘，都仲未有聲氣，我梗係打電話追佢啦，跟住有一個講嘢唔正嘅女人同我講，我唔識叫車㗎，整好喇，你嚟攞啦，態度極之惡劣我話頭先你哋話應承我幫我叫車，跟住佢係咁話我哋唔識㗎，唔識㗎，你自己搵車嚟啦，當時已經係七點幾，我勁嬲囉，如果我唔係一早轉數快俾咗錢，我一定唔會要，跟住最後係我哋自己叫車去攞，仲要俾漏嘢，仲要返轉頭再攞返，先齊我張單，喂，你旺還旺，搞唔掂一早出聲，唔好接order，自己衰咗仲要態度咁惡劣，永遠永遠Blacklist！！！…查看更多

早幾個鐘頭前已經付款，說好幾點鐘嚟攞雞。終於要等45分鐘喺35度高溫下等極都仲係未有！非常之差態度！打電話去問，不停話要等幾分鐘，幾分鐘又幾分鐘，高溫下繼續等，只有等等等！打電話去鬧佢，佢不停話幾分鐘。已經係weekday. 非常恐怖。…查看更多

我係新蒲崗返工，次次經過呢間舖都聞到啲雞好鬼香，趁星期日去完荷李活拎嘢，老婆陪小朋友溫書，於是決定買燒雞當lunch，之後就試吓用openrice app叫燒雞加竹筒飯外賣，返到屋企(好近，黃大仙)一打開，隻雞仲係香噴噴，有埋鉸剪比你方便剪開食，燒雞香之外，肉質好juice，邊咬雞肉，啲雞油仲不斷咇出嚟，好耐冇試過食咁高質素嘅燒雞，真係好鬼死好味！隻雞要$198，貴唔貴見仁見智，但我就一定翻閹幫襯！…竹筒飯唔差，但唔係我愛食，下次睇吓可唔可以order油飯先……查看更多

啲燒雞新鮮熱辣 仲送埋鉸剪俾你即場自己剪刀 老闆好好人個人又nice 呢間嘢真係名不虛傳 聽咗好耐想試 難得佢開喺新蒲崗 值得大家嚟食同埋竹筒飯好有特色 食之餘，又可以玩吓自己篤個飯出嚟…查看更多