流口水重慶麵館 (圍方)

營業中

休息中

係附近見工想食個lunch，點咗一碗豬骨湯牛肉蝦滑小麵$58，雖然唔貴但都唔值。牛肉得幾片，蝦滑超級粉，好泥，唔知食緊咩，個湯底只係用咗煮米線嘅湯加鹽，得個鹹字好難飲，雖然我知呢間食辣湯應該冇咁差，但其他食物都唔應該咁嘅質素👎🏻

無話一定關呢間鋪野食既事, 但晚飯後, 都無食其他野, 一直唔舒服, 到朝早又屙又嘔, 我只係客觀紀錄發生晌我身上既事, 希望open rice 唔好為廣告收入而block 食評晚飯時間唔使等位, 帶位向店內大叫兩位, 但無人安排, 自己搵左吉位坐低, 叫左木瓜金湯(小辣) 12個餸乜都有啲, 加左菜, 同鳳爪友人就只食水晶粉甜品如圖所見 張出菜紙 仲貼住 , 店員就咁擺低就走平時都食辣, 佢呢個辣度可接受, 但所有野(除咗甜品)都太鹹, 太重味食完就覺得唔舒服🤦🏻‍♂️筷子水杯放公眾區自取, 好後悔無自己消毒清楚就用

喺出面餐牌見到呢個價錢都喺商場入面都算比較平價，就入咗去叫咗佢所謂嘅重慶招牌米線再另外加多個小食。點知一上菜見到個先小食好似係包裝袋倒出嚟咁樣、都知中伏、碗米線嗌咗豬骨湯底，完全冇豬骨味仲衰過清湯另外嗌咗杯豆漿都係粉沖出嚟。又難食又難飲、俾錢買難受。建議各位真係唔好入去幫襯。之後即刻入返OpenRice睇、原來唔淨止我一個都覺得呢間嘢係好難食。真係俾錢請我過去食都唔會再入去食呢間、平時都好少食剩嘢，但呢一間真係搞唔掂。

由重慶起家殺到來香港，就知幾有料，一場來到大圍圍方又點可以錯過。由一句你的小麵從這裡開始，出發在重慶麵館，見到酸酸辣辣的重慶麵就流哂口水了。熱豆漿豆漿豆味香濃，入口順滑。雙椒皮蛋香氣十足，辣椒涼拌，口感微辣開胃。$48自選麵（已包括芽菜, 木耳,腐皮,時菜.）自選麵可先選上自選的豬骨濃湯湯底，再選你愛吃的配料，今回就選了軟腍的紅燒牛肉，香菇的貢丸，齒頰留香的牛筋丸及掛湯的油墨菜，多款配料，非常飽肚。麻辣火鍋湯系列 - 全家福火鍋麵這款全家福火鍋麵已是一款麻辣火鍋湯，當中已有精選冬菇，鴨血、紅燒牛肉、大腸、午餐肉、炸酥肉、芽菜、木耳、腐皮、時菜等…口感微微麻辣，真是麻辣帶勁卻不嗆喉，尾韻酥麻又不躁熱，絕對是一食令人回味的全家福火鍋麵。相思冰豆花豆花加入綿綿紅豆及香味黃豆粉，細緻嫩滑，甜美十足，為這頓香辣過江龍畫上句號。

大圍的「圍方商場」交通方便，商場人流興旺，今晚我和家人選擇在「流口水重慶麵館」享用晚餐。雖然招牌是主打重慶小麵，但也提供多款重慶蓋飯及川味菜餚。雙椒皮蛋~微辣椒香的川味醬料風味，能促進食慾。皮蛋不但是美味，而且還有其營養及價值。在多款重慶地道風味麻辣火鍋湯系列中，我們還是點選兩款不辣湯底：豬骨濃湯和養生菌湯，味道濃郁，很配合麵條掛湯品嘗。兩份流口水招牌米線和一份自選~餸重慶小麵，配料已經很豐富，我們還添加了食材：極品毛肚、紅燒牛肉 、鹵水蛋、魚腐、魚蛋、魚皮餃、牛筋丸、響鈴、鮮牛肉、有川味也有港式，美味、味覺與視覺都是大豐收。兩款小食：重慶甜品，每次吃川菜，我一定不會錯過水晶冰粉，冰粉口感冰爽凉快，每間川菜館子配材各異，眼前的水晶冰粉，伴料多達五款，例如提子、黑芝麻........好吃又富營養！紅糖涼糕&熱豆漿~涼糕口感軟糯綿滑，也是不錯的川味甜品。外賣小品：方便式酸菜米線價錢相宜。

一間沒有服務，但收加一的店，因太辣問職員攞杯水，無，隔離枱個妹妹問佢攞隻碗，店員沒有工作的，但竟然叫客人自己出去攞，枱搖搖的，要自己用腳踩住一邊！食物跟本不是重慶味道，只是一般比譚仔還要差，總之伏一次就夠！如果一間餐廳沒有水提供，沒有服務，自己落單！咁點樣收客人加一服務費！員工不是忙的！好休閒，當時17:30，隔離枱個女仔辣到喊問職員攞杯水話無，想問佢攞隻碗筆起辣油叫她自己出去攞！聽到我都嬲！好想駡個職員無野做都唔幫人！埋單見到加一更嬲！別去！真的！

今日到沙田大圍 #圍方 行街街適逢午餐時間，無意中睇到 #流口水重慶麵館 一於入去食返碗麵先😃這麵館地方算不錯，卡座為主，除座位上擺設的餐具，亦可到自助區取餐具、開水..。店員介紹可通過 QR Code / 人手落單，各款麵食都可以因個人喜好選擇大中小辣 👍🏻我想一次過吃到唔同口味食材，最後挑選了餐廳的招牌菜 😋全家福火鍋麵包括精選冬菇，鴨血，紅燒牛肉，大腸，午餐肉，炸酥肉，芽菜，木耳，腐皮，時菜想像中好味，重慶辣味、香味確實令人一試回味，而且份量十足🤭，下次應該可以挑戰中辣😋😋朋友亦揀來不可缺少的#香菇鹵肉飯（可加辣）香菇、鹵肉、時菜、更加入咗自家製鹵肉醬汁，淡淡芳香惹味，加上我喜歡吃辣的，我說是完美配搭👍🏻👍🏻🙏🏻#雙椒皮蛋這個小凉拌，味道非常美味，并且搭配丰富维生素的辣椒，皮蛋特有的香味和辣椒配食，簡單說「絕配」😘#紅糖涼糕中式布丁清涼消暑紅糖涼糕，綿軟滑嫩又降火，最好在吃辣後甜一甜😍最後買單更要打包一個即食麵包酸菜米線 $28這個食後再同大家分享一下😁

今晚我同朋友去大圍行街至圍方商場"流口水重慶麵館"吃招牌米線，因我俩不太能吃辣故我叫酸辣木瓜金湯有12種食材: 鵪鶉蛋,滷冬菇,炸酥肉,炸平菇,蝦滑(又滑有蝦味),午餐肉+腐皮(浸湯後入味),豬肝,鲜魚片(很鲜滑),芽菜,木耳(很爽),油墨菜。再加配多碟油菜+鴨血+鮮魚片+牛肉+毛肚（爽脆）+凍酸梅湯+水晶冰粉(冰粉冰冰涼涼似水晶啫喱樣配上花生、红豆、黑芝麻、綠色萄葡幹等等菓子很有口感)。我朋友叫香菇鹵肉飯(濃郁辣香菇鹵肉味)配滷水蛋+爽脆蘿白(甜辣蘿白很開胃)+紅糖涼糕(涼糕涼滑煙韌配上红糖糖漿有另一番口感)。今晚食得很滿足！

之前外賣叫過一次覺得麻麻， 今次比多次機會佢轉堂食，估唔到有驚喜酸辣木瓜金湯細麵好好食！ 酸辣味岩岩好！越食越開胃！ 酸辣粉都唔錯但木瓜湯正D！ 醪槽酸梅湯有驚喜，加左醪糟有d 深度最後整多個紅糖涼榚！ 本身食完辣野岩岩好.可惜個服務員亂黎， 就咁放個涼榚係我食完既小食碟上面，我即刻O咀….其實你唔應該係先收左碟先再上菜咩小食：香辣蘿蔔（呢個最好食）泡椒無骨鳳爪送滷水鴨腳（送漏左一份）雙椒皮蛋咁既服務態度唔怪得個個都北上搵食…Btw 外賣一定唔好叫細麵…

之前食過尖沙咀分店，覺得都算幾抵食，性價比幾高，但今次食圍方這分店真係覺得各方面也差好遠. 首先一開始入店前，明明𥚃面大把位都唔俾入去，趕啲客出返去門口，要企係門口等，唔知係咪想營造生意好，好多人排隊嘅效果🤷🏼‍♂️.　有個中年男職員（似主管)在收銀位，不停粗聲粗氣叫人出面排隊，又話要跟條線定乜去排，唔知做乜咁，之後職員帶入位，自助落order，職員一聲不響送餐嚟，連托盤放低就走人…. 要客人自己在托盤上拎食物，叫咗蕃茄湯新鮮牛肉小麵、豬骨湯新鮮牛肉蝦滑小麵，睇相同睇字都以為真係鮮牛肉，但點知原來係肥牛…. 有部份麵仲要黐埋一舊….味道仲要唔多得…. 老老實實真係唔會再幫襯. 香港食肆生意唔好唔係無原因….. 服務質素真係要搞搞佢..

重要的事情講三遍千萬不要試千萬不要試千萬不要試工業味精+料理包掛羊頭賣狗肉太難食 真的太難食重慶人見到要砸店的那種難吃保證你在重慶找不到這種麵不值得，隔壁M記都好過！記住，千萬不要試

港人假日北上風氣盛行，自問興趣不大，繼續留港消費，想食麻辣米線麵類，週末去了圍方的流口水重慶辣館。招牌毛肚火鍋麵 - 本身已有毛肚、鴨血、大腸、冬菇、鵪鶉蛋、午餐肉、芽菜、木耳、腐皮及菜，非常豐富，再追加蝦滑，選少辣已很夠麻辣，啱哂愛辣人士。重慶炸醬酸辣粉 - 炸醬香口，比麻辣火鍋麵多了份酸辣，更開胃，薯粉煙韌，配上芫茜、芽菜、炸豆更香。辣得過癮，追加了些小食，有半價便點了數款。有爽口的紅油豬耳、酥脆的炸平菇、酸辣蘿蔔、麻辣杏鮑菇及油麥菜，配酸辣粉一流。點返杯凍手打檸檬茶，解解辣。足料份量多，偶爾想食辣又有好選擇。

見佢入面有吉位，諗住試下。點知喺門口企咗半個鐘都冇人招呼。排我前面嗰對夫婦問佢點解有位唔畀人入 ，企收銀個光頭佬仲勁冇禮貌叫對夫婦出返去排隊。白痴！！！！未食已經唔想幫襯。 香港啲食肆等收皮唔係冇原因

圍方近期超hit商場，方便夠大夠新，今次同好友食左間價錢合理米線麻辣火鍋湯系列（小辣）-重慶風味，麻辣味不錯，入面好多材料，毛肚，冬菇，腐皮，豬大腸，甲血，芽菜，鵪鶉蛋仔，木耳，午餐肉，真係似所有打邊爐材料融入。我再加份響鈴吸入麻辣香氣，想起都回味再半價加了泡椒無骨鳳爪-開胃小食，皮爽肉香，酸辣無比爽脆羅白-小辣，似醃製咗嘅蘿蔔，一樣係食唔停流口水招牌米線-（豬骨湯）香濃豬骨湯加上12款美食，特別欣賞豬潤，魚片、前者恰到好處，魚片夠滑，仲有木耳夠爽，招牌麵果然無錯，料多又好食🤤加罐可樂，雪碧係食米線好配搭整體不錯，店員服務有禮，食物不錯🥰

今晚約了朋友行大圍這個大型商場，到達後，大家行找間餐廳吃晚餐先，行到見餐廳名特別麵店，價錢同口味啱大家，就入了去，選了卡位座寬倘，看了一會餐牌叫了自選一餸粉麵  每碗都有配料油麥菜，豆卜，本菇，木耳，芽菜，每款好鮮鮮菜味，爽脆，選了酸辣金湯底，湯底有特色，用木瓜溶製成，特濃木瓜清香味同平均酸辣香味，餸料墨魚丸，丸身彈牙嫩滑，好香墨魚味，粉底米線，幼身爽滑時令油菜-油墨菜  好新鮮鮮菜鮮味，菜身爽脆，唰唰聲水晶冰粉  少見，造成晶瑩透徹啫哩裝，上面舖滿不同甜脆菓子，冰冰凉凉滑口感，有層次味道，甜度適中自選一餸粉麵  每碗都有配料油麥菜，豆卜，本菇，木耳，選了鮮番茄湯底，濃郁鮮甜蕃茄香味，餸料魚皮餃，餃身彈爽脆口，好鮮香魚餃鮮味，麵底重慶小麵，麵身軟軟硬硬，好有咬口感港式檸茶  檸檬味好甜香，甜度剛好港式奶茶  奶滑，好香茶奶味，適中甜度紅糖凉糕  咬一口柔軟煙彈，濃甜紅糖糖香味，口感特别，甜味適中相思冰豆花  少有，豆花上面舖上滿滿紅豆同塗上糠粉圓子，紅豆同豆花特别滑身，好香紅豆同糠粉味，圓子煙韌彈口，一啖一起吃，更上一層清甜冰凉口味重慶蓋飯-重慶扣肉飯  肉身平均分配肥瘦，軟霖嫩滑，濃