活一鮮

營業中

休息中

仲要試伏幾多間良心黃店☹️聽講活一鮮價廉物美，之前專登去北角分店食lunch，可惜個日唔食得生冷野，冇得試勁多人推薦既魚生丼。後尾叫左燒牛肉豆腐定食🐮牛肉份量足夠，白滑既豆腐灑左少少七味粉，令佢唔會太清淡。牛肉汁撈飯好食。如果住附近既話，不失為飯堂好去處。至於跨區專登去食就唔洗啦。今晚訂座去了大角咀分店。終於可以一試壽司set啦❤️滿心期待，點知小食已經好失望😭本身好鍾意食清酒煮蜆，我仲會飲埋個湯，甜甜地有酒味好正架。不過呢個清酒煮蜆連我唔飲酒都覺得冇酒味，好似滾水煮熟咁。最慘係有沙😭朋友食左一啖成口沙，即刻覺得好掃興😢埋單時店員問用餐感受，我直接話蜆好多沙。佢話我地早d出聲既話可以換😔😔原來食物唔好食可以換😭大家下次記得出聲反映呀~燒芝士年糕都好難整得唔好食😂 紫菜脆既話就好啦牛肉壽喜燒$128俾d cheap牛肉，幾塊豆腐，少少菜咁。食材太少1個女仔食完都唔夠飽。活壽司$148咩都有d，同壽司郎質素差唔多。食左一個鐘未叫埋單已經有店員叫我俾錢🤔可能有限時冇同我講。由成口沙開始已經冇心情，後來既食物未高質到挽回我對佢既印象分

👉大角嘴不嬲都係美食匯聚嘅地方，而呢間日本居酒屋都唔錯👍👉最推薦係刺身，全部都係非常厚切同新鮮，三文魚腩入口即溶，帶子味道鮮甜美味😍👉 壽司味道正常，醋飯緊實，較值一提嘅係火炙三文魚腩，三文魚炙燒得剛剛好，有炙燒嘅味道同時入口即溶。天婦羅海鰻就唔推薦大家試，食落去有一種四川嗰種麻嘅味道，覺得同天婦羅唔係好夾🫠👉 牛脷都幾厚幾有燒烤味，至於蜆，就只係食到酒嘅苦味，蜆嘅味道被種苦味掩蓋左🤪

食過西環分店的活一鮮，估唔到行過大角咀原來都有間分店，於是再回味多次。兩個人嗌咗應該有十樣野有多，5塊吞拿魚刺身，尼個刺身厚切的，味道鮮甜，顏色非常鮮紅。壽司嗌咗三文魚腩，赤海蝦，劍魚腩，鱆紅魚，柚子胡椒油甘魚，龍蝦羔軍艦同海膽軍艦。三文魚腩壽司塊三文魚腩味道好濃，味道會殘留係口腔一段時間，有啲驚喜，其他壽司水準都算很好，海膽軍艦食落口，個口感好潺，我自己就覺得好奇怪，不過就唔腥好甜。卷物嗌咗兩款，分別係天婦羅蝦卷同埋蔥吞拿魚腩卷，吞拿魚腩整成蓉再配搭蔥極成既飯卷真係一流。天婦羅蝦卷就普普通通。今次仲嗌咗個燒物，限量的厚切燒牛脷，尼個真係一百分，肉質淋且爽口，燒到啱啱好，唔會太熟，重點係非常厚身，食落口感非常好，食完一件又一件，高質之選。

聽朋友講大角嘴嘅活一鮮好食 就去試下lunch~ 午市menu選擇好多 有熱食都有刺身飯/ 壽司set 今次試左一個三色丼 一個鮮壽司set 三色丼叫左海膽、帶子、三文魚腩😚 三款刺身都勁新鮮！ 三文魚腩勁厚！ 相對鮮壽司set一共12件，價錢比三色丼貴60蚊左右，三色丼係性價比之選~ 不過鮮壽司set都好新鮮嘅~~🍣

最近埃華街開咗一間日本料理。好開心即刻走去幫襯，雖然幫襯幾次都係外賣，每次都冇令我失望。首先講吓海鮮丼飯，魚生豐富亦新鮮，海膽份量亦好多。價錢亦合理。順帶一提有時買外賣最怕佢唔夠日本醬油，服務員主動比多兩包，讚！而手卷亦值得一讚，將飯同埋紫菜分開。所以當食用嘅時候，自己用紫菜包好，重點係紫菜都係脆卜卜。我嘅姨甥仔仲爭住包，佢話好玩又好味！服務員下單後主動提醒我，如果魚生會快啲，炸物及熟食嘅食物要等候耐少少，約15分鐘。食物質素好態度又好一定會再嚟😀下次試吓堂食先。

埃華街出名多嘢食，不過隔左一段時間再嚟已經有好多餐廳改頭換面，呢間日本菜都係係朋友介紹之下初嘗試🍣🍣🍣食物種類算係幾多：一本厚Menu+刺身/壽司套餐+牆上一塊大板寫咗料理長推介食物🍣🍱🥃而好多食物都係好特別，忍唔住都嗌黎試吓佢🤪🤪🤪🍽🍽🍽🍽🍽🍽🍽最私心推介係🥭🥭芒果三文魚天婦羅卷🌯🌯中式點心有炸兩，日式就必定係呢個天婦羅卷，口感同平時食開嘅壽司卷好唔同，外層炸皮脆卜卜，咬落入面係好香嘅芒果同埋壽司飯，成個口感好豐富，所有嘢都好夾ahhhhhh😍🤤😍🤤⬇️另外一樣好特別嘅係🧀🧀忌廉芝士梅水晶🧊🧊其實佢係鯊魚骨，咬落去眼眼地幾爽口，的確係送酒一流，值得一試👍🏻👍🏻👍🏻

噚晚同fd去食，其實一直都有食开，CP高food ok, 其他服務人員都有禮，唯獨是個收銀男好似有强迫症+燥底，因為座位比較狭窄，我fd只是帮我拉开張枱小小等我可坐下，因我的椅後是牆不能拉椅，此時收銀男大聲呼喝我朋友，甚為難堪，我坐下後已推回枱，香港人甘既態度？

食物係無太大問題，價錢亦算抵食、喺呢區來講本來都係個好選擇、只係海膽質素非常飄忽、今年中試過好甜、同一大班同事去食、大家食到舔舔脷(如果keep到其實會不停幫襯)、前兩個月去食、海膽接近變臭邊緣、心諗可能來貨有參差係意外嘛？尋晚再去食多次、幾碗都完全唔新鮮、好苦好乾唔知發生咩事。另外尋晚幫襯時，收銀店員收錢時因為同其他店員溝通有問題，直接向我呼喝(我只係企喺度等緊佢收錢)，極度離譜唔會再幫襯！希望你地自己檢討吓！！

適逢每個月嘅紀念日要食好啲💐，專程去之前Bookmark左想食嘅「活一鮮」~晚市無Book位😛，等咗兩張枱就有得入座。特別要留意二人檯好細，上菜又會一口氣上晒，完全唔夠位放食物😵‍💫，甚至放住喺廚房先食完再上，變到食得有啲急促，建議建議建議大家要分開叫⚠️！可以叫咗小食/前菜先，再叫壽司或主食。放開肚皮同銀包盡情落單👛，兩個人計埋加一$640埋單。望住好colourful嘅壽司，視覺同味覺上都得到滿足~ ————————————————👅鮮壽司（$158/12款）前面甜蛋嗰碟係呢個set，以下壽司每款一件：🔸三文魚腩：正常水準🔸黑松露油甘魚：食咗冇咩特別亮點🔸京蔥醬鱆紅魚：只有淡淡魚甜味，飯醋味重👍🏻珍寶甜蝦：甜蝦有手指尾咁粗，漿口口感後甜味徐徐而止🔸紫蘇墨魚：重酸梅醬同紫蘇味，墨魚只有口感🔸蔥吞拿魚腩：同下面單點一樣🔸蟹膏：蟹膏味有啲太重，比平時濃郁三倍🔸海膽：同下面單點一樣👍🏻三文魚籽：一家大細都食晒，好殘酷但好味，鮮味中帶點酒香🔸帆立貝：正常水準👍🏻醬燒三文魚：辛辣蛋黃醬同蔥辣味作主調炙燒後迫晒魚油出嚟，值得一試🔸玉子小食：有啲湯汁唔鞋，煎到一層層又似蛋糕質感👅三文魚壽司（$16/

香港食飯一啲都唔平，尤其日本菜、西餐，不過按性價比來講，活一鮮可以話係同類餐廳top 10，無論係味道、服務、款式定係環境，都好高分。每次嚟到都會叫嘅清酒煮蜆，正常居酒屋都叫價八九十，呢度先係$65左右，蜆肉新鮮，不過有少少沙，湯底有清酒香甜味。天婦羅炸得乾身，粉漿唔厚，南瓜同蕃薯都好甜！呢度嘅壽司、軍艦都係二十蚊起跳，抵食過X氣又新鮮過佢，款式多，海膽$38/2件，過下口癮都抵。壽司拼盤就多啲款，每樣可以試少少，全部都好足料，冇嘢係多餘嘅已經食過好幾次，一定再encore

活一鮮 💛大角咀一帶有好多美食依間壽司舖就係新開知道佢係港島區有兩間分店今日嚟到試佢嘅午餐活壽司 13款壽司😋😋😋最正係海膽壽司海膽鮮甜 而且份量超多 帶子都相當鮮甜 好味但其他壽司就一般 蟹柳 蟹籽 八爪魚都係平價小小嘅款式 而且每一件飯細細粒 重點可以放喺刺身上面 唔係一大啖飯嘅感覺特上活一鮮丼 😋😋😋😋呢個丼飯好豐富 有蟹肉 吞拿魚茸 大大隻嘅蝦醋飯酸味適中 set lunch 已包湯 沙律 凍豆腐溫馨提示 下午三點落場

點樣食推介✨💛良心抵食壽司💛💛大角嘴黃店💛活一鮮 地址：大角咀埃華街91號大衞樓地下2A號舖🍖鮮壽司 $158 (8/10) 🌟好抵食🌟依個set係有10件壽司咁多！有三文魚腩、黑松露油甘魚、珍寶甜蝦、紫蘇墨魚、蔥吞拿魚腩、蟹膏、海膽、三文魚籽、帆立貝、醬燒三文魚，仲有兩舊仔玉子燒添！一個人食完全夠曬飽，同埋睇圖咁靚仔都知d壽司新鮮喇🤣！味道方面整體d壽司都正正常常，有幾件覺得唔錯，火炙過嘅醬燒三文魚嘅魚油味好香，紫蘇墨魚個墨魚肉質漿口仲幾甜，帆立貝雖然細粒但都鮮甜，三文魚腩夠曬厚切有口感，成個set都冇咩好投訴，冇一件係難食👍🏻，黎活一鮮唔想諗食咩建議嗌依個set👻🍖甜蝦他他牛油果卷 $60 (8/10)身為甜蝦他他控難得見到有甜蝦他他嘅產品即刻狗衝！依個係活一鮮新產品黎，之前食都見唔到🤣，店家係卷物面堆砌出滿滿一督嘅甜蝦他他，你放入口就會比甜蝦嘅鮮甜味漿滿你成個口腔🤤，再配埋一樣柔軟嘅牛油果，成個combo令人好滿足，美中不足係d紫菜韌左dd，但整體都好食❤️❤️🍖清酒煮蜆 $50 (7.5/10)每次見到清酒煮蜆都係忍唔住會嗌🤣，活一鮮嘅湯底偏清，但d蜆夠曬漲卜卜有肉地，再加埋片檸檬

5: 30pm 打電話去問幾點可以落 order 叫外賣，話6點先開, 叫我自己睇鋪頭門口個牌，我打電話問，請問點見到你鋪頭門口個牌！6點落去，入坐得一成，我話我想坐一坐落單，直接一句「唔得，你企喺度填！」態度呀！乜料呀！好！企！我一路睇，佢一路問「你幾多人食，喂，你睇餐牌，」點呀，阻住你？can you be more annoyed when I try to think what to order ? 點十樣有3、4様冇，又話單上嘅380 海瞻冇要400 幾先有，吓，海鮮價？and again , attitude!!! 埋單比咭，又話唔夠$250， 唔收咭！點呀，係你乜春都冇！and again and again ! Attitude! Don’t sound like I own you man ! All he did like trying to tell us not to go back anymore ! Fine no more next time !

今日小編要介紹是位於大角咀的活一鮮，一間日本菜餐廳。不論西環，北角和大角咀的分店常常有人排隊。刺身和魚生不錯，燒物都非常吸引，丼的CP值好高。整體來說，這是CP值高的食店，客人多，不同侍應的服務有不同的水準，整體服務好。

#活一鮮 #sorriso_油尖旺 #sorriso_東區 #sorriso_中西區-小妹係一個好鍾意食三文魚嘅人，第一次試活一鮮，揀左大角咀店，佢嘅午市有前菜、黑醋沙津同埋麵豉湯，前菜係胡麻豆腐🍣海膽挪威三文魚飯 $86海膽數量偏多，食落唔腥、鮮甜，三文魚有6大件，切到超厚，食落好飽又大份，食到底都仲有好多魚生剩🍣三色丼 $106揀左三文魚腩、三文魚子同蔥吞拿魚腩，三文魚腩有三塊，三文魚子比得好多，整體食落好鮮甜，差啲食唔哂☺️，好少見呢個價錢好食之餘仲要大份，魚生比得一啲都唔孤寒#sorriso_北角 #sorriso_西環 #sorriso_港島#sorriso_大角咀 #sorriso_九龍-📍 活一鮮 (8.5/10)大角咀埃華街91號大衞樓地下2A號舖西環石塘咀皇后大道西503號地下北角錦屏街21號東發大廈A座地下🕑Tue to Sun 12:00~15:00; 18:00~22:00