影片
🔥牛雜——七寶俱全，鮮味大爆發】牛雜係呢碗粉嘅另一精髓，佢哋堅持每日新鮮入貨，絕唔用雪藏貨，而且部位齊全，包括： 1. 牛肚（金錢肚）：炆到軟淋又帶咬口，吸盡湯汁精華。 2. 牛膀（牛胰臟）：粉糯綿密，獨特甘香。 3. 牛沙瓜（蜂巢胃）：口感似鮑魚，爽滑彈牙。 4. 牛腸：清洗得極乾淨，保留適量脂肪，入口油香四溢。 5. 牛心椗（血管）：爽脆有嚼勁，牛味濃郁。 6. 牛肺：處理得宜，完全無異味，質感柔軟。 -牛腩牛雜米粉 $62：牛腩有5大件，牛雜齊7款部位，份量十足，男仔食完都夠飽。 相比連鎖店$60一碗得3件薄切牛腩同兩款牛雜，絕對係「大件夾抵食」！
繼續閱讀
👏🏻餐廳有好多唔同嘅分店，今日就食到喺東涌嘅呢一間分店，佢一位置喺街市嘅角落頭位，我諗如果喺地鐵站行過去都大概最少要10分鐘，不過我覺得都可以接受嘅距離唔算太遠，今日就叫咗牛腩牛雜米粉，佢嘅湯底係用牛骨湯熬製，所以絕對冇加任何味精，我都覺得OK，呢個價錢係$55，我覺得份量都可以接受！牛腩連埋少少肥膏，不過都幾好食，我最鍾意食佢嘅牛雜非常香！佢每一件牛雜都會俾兩件，鍾意食牛腸，咬落去非常香，再加埋本身嘅米粉食非常配搭！
繼續閱讀
今日去東涌朋友屋企打邊爐，就去咗呢一個樓下嘅商場買餸，呢一個商場喺地鐵站對面，地鐵站出口直接可以通過，非常方便，而且真係好多嘢買🙈🙈 行到去盡頭嘅時候就見到有呢一間粉面🙈🙈 反正仲有幾個鐘先食飯，就決定叫一碗食吓🙈🙈 仲可以買餐廳嘅魚皮🙈🙈 我就叫咗牛雜米粉，另外再加一份牛腩大概用咗5分鐘就到，上菜嘅時間到適中，唔會話太慢，而且我個人嚟講鍾意食佢牛雜入邊嘅牛腸，我覺得洗得好乾淨，而且絕對唔會好肥，因為出邊有啲牛雜舖會做得好肥，所以入口成口都係脂肪，呢一間做到入口比較好食，而且佢牛肚都做得非常入味，我覺得好好食🙈🙈 米粉份量好多，我都食唔晒🙈🙈 最後埋單$49
繼續閱讀
🌟呢一間餐廳嘅牛腩味道非常好食，而且絕對唔手軟，每一碗麵都比好多唔同嘅餸，我今日就叫咗牛腩再加牛雜，米粉嘅份量都幾多，啱晒大食嘅朋友，牛腩嚟講都唔算太肥，而且我覺得份量都正常，味道入口唔錯！米粉嘅軟硬度亦都適中，我個人嚟講我鍾意食佢嘅牛肚，牛肚非常入味，而且入口嘅口感唔會太硬，我覺得好食過出邊坊間好多唔同餐廳嘅牛雜，而且呢一個價錢嚟講真係冇得輸，兩個餸都係49，喺出邊好多餐廳都未必做到呢一個價錢，CP值非常高！鍾意食辣嘅朋友，仲可以加餐廳自家製嘅辣椒油，我覺得味道都非常好食！
繼續閱讀
呢一間喺東涌街市嘅牛雜麵幾好食，質素相當高，而且我覺得價錢嚟講真心平！🌟牛腩牛雜米！牛腩嘅份量都俾得幾多，而且味道都非常香濃，係傳統嘅牛腩味道，餐廳嘅牛雜亦都清潔得非常乾淨，絕對唔會有任何腥味或者異味，個人嚟講幾鍾意食佢嘅牛腸，牛腸咬落去有濃厚嘅牛油味道，再加埋餐廳自家製嘅辣椒油，簡直令到成個味道更加突出，鍾意食牛雜嘅朋友都可以試一試呢一間餐廳，價錢同性價比，我覺得都係非常值得推介，我臨走仲買咗一包魚皮，脆卜卜餐廳自家製，非常好味。
繼續閱讀