洪慶大飯店

開左幾十年嘅老年，嫲嫲果代食到已經，水準保持倒，嘢食豐富，早餐、午餐、下午茶、宵夜……任君選擇！食得最多鵪鶉燒賣，已經買少見少，彈牙燒賣配鵪鶉蛋加獨有醬汁，正👍仲有多款出色小炒！…查看更多

今日呢間位於李鄭屋邨既洪慶海鮮燒臘飯店，係我心水食店之一，我十分欣賞佢地個炒鑊厨師，食物炒得好味又好食，佢地個什會飯係我差唔多必食既碟頭飯，而家賣相冇之前咁好，但味道不變，都係咁好味。什會飯跟合掌瓜例湯，好飲。成碟飯比好多菜遠，軟硬適中，豬什夠份量，大大碗飯，清哂。非常滿意的一餐。[米饭]口味：🥚🥚🥚🥚[薄荷]环境：🥚🥚🥚[服务铃]服务：🥚🥚🥚🥚[糖果]性价比：🥚🥚🥚…查看更多

開會的時候，肚子早已咕咕作響。會議完畢，旋即與同事找地方醫肚。先來一碟燒腩仔，攝一攝牙縫。每一件燒腩仔皆是肥瘦均勻相間，肉味豐濃，皮是脆卜卜的，蘸些芥末醬更可昇華，不俗。接著是下飯佳品豉汁蒸白鱔。肥美的鱔肉油脂豐沛濃郁，順口嫩喉，配合蒜頭豆豉汁，是無敵的組合，襯白飯十分之和味。菜蔬方面我們要了蝦籽柚皮，一客兩件，厚厚的柚皮爽腍恰宜，況且吸滿汁液，很是滿足，就連旁邊的灼菜也甚為鮮甜。餓魔絕對被趕走了。…查看更多

今次去洪慶海鮮燒臘飯店飲夜茶，真係有種返到細個同屋企人飲早茶嘅感覺！😆 一坐低就忍唔住點咗幾款經典點心，全部都好有驚喜。首先講蝦餃，皮夠薄透，唔會一夾就爛，入面啲蝦肉爽口彈牙，咬落去啖啖鮮味，完全唔會有雪味，食到停唔到口。燒賣都好正，黃澄澄嘅外皮包住豬肉同蝦肉，肉餡夠實淨，唔會鬆散，面頭仲有啲蟹籽點綴，咬落去有層次感，鹹香味濃。鳳爪都係必食之選，炆得夠腍，醬汁鹹香帶微辣，入口即溶，骨都可以輕鬆咬甩，仲有淡淡豆豉香，超級送飯。至於魚香茄子炆米，茄子吸晒醬汁精華，豆瓣醬味突出，鹹香微辣又有蒜香，配埋炆米一齊食，真係惹味到爆，食完好滿足。整體嚟講，洪慶啲點心同小菜都好有水準，價錢親民，份量又夠，啱晒一家大細或者同朋友聚餐。下次想飲茶或者簡單食個飯，呢度絕對係好選擇！🥢 …查看更多

#洪慶海鮮燒臘飯店 最近多咗食燒味，想試下唔同地方嘅叉燒，始終叉燒係最能夠代表香港嘅食物。有網友介紹李鄭屋邨嘅呢一間燒臘飯店，正好一試。中午食飯時間要搭枱，雙拼燒味飯$46，網友推薦油雞，所以專登叫肥叉油雞飯走翼。話咁快店員就送上一碗湯，都夠熱，尾套還可以。師傅竟然畀咗個油雞髀，一般離港多數係畀雞胸，好運少少會係雞背，雞髀真係唔多見。肉質比較實淨唔似一般冰鮮雞淋淋滑滑，豉油嘅香味足夠唔需要再點蔥油。叉燒雖然叫咗肥叉，但嚟到嘅時候唔算好肥，而且係薄切，不過都見到有窿邊，算係唔錯。飯就比較乾身有少少硬，我主要加咗啲蔥油落去撈飯食。今次冇食到嘅燒肉佢都好快賣曬，似乎燒肉都係一個幾受歡迎嘅食物，我覺得呢間餐廳性價比幾高。最欣賞就係枱面嘅熱茶無限量供應，茶香味濃，我都飲咗好幾杯。洪慶海鮮燒臘飯店長沙灣發祥街10號李鄭屋商場地下114號舖…查看更多

今日下晝，諗住去哩間燒味店斬料加餸，去到叫個斬料師傅幫忙揀一條半肥瘦叉燒，個師傅揀咗兩條只有肥又冇肉嘅叉燒俾我，我見到梗係唔要啦，我就話我自己再揀，嚟到梗係想問吓你地意見…點知個師傅突然發老脾，話「揀俾你又唔要，你唔好問我啦，你唔好再問我吖，我咩都唔會講…（下刪數十句）」，跟住個收銀阿姐又加埋把口，兩個人都態度極差……我嚟買嘢啫，洗唔洗俾你地一人一句咁呀，仲要受氣……可能間店唔憂做啦，冇一個客啫，仲有千千萬萬個客幫襯….…查看更多

農曆新年前後，又是團拜的時間。我們一行30人有識食之人發板，訂了這家位於長沙灣的地道飯店慶祝。先來每圍一隻燒鵝，看到未來得及影相大家已經消滅了一半，就知道這道燒鵝多麼的受歡迎。燒鵝溫度略為不夠熱，但皮脆肉香，大大件非常鮮味。接著的是女士恩物：川弓白芷魚頭湯。靚湯新鮮兼足料，新鮮大魚頭熬燉，喝下去十分暖和，很能驅走寒意。豉椒炒蟶子：真的沒得彈！蟶子起了殼，大隻入味彈牙兼啖啖肉，也是很快就被清碟。當紅炸子雞：和大部分的炸子雞一樣香口，勝在雞胸肉炸好也不算太dry。香爆蝦碌：超惹味，鑊氣十足，蝦肉質感佳。雖然本人很不愛剝蝦殼，但也食了幾隻。清蒸大東星斑：標準新鮮彈牙。比較適合小朋友吃。魚腸蒸蛋：考功夫的家鄉菜，滑溜兼無鯹味👍🏻瑤柱豆苗：也很香滑，同樣適合小朋友送飯。魚肚粉絲煲：雖然沒有花膠名貴，但做出來的效果無論的色香味，均不輸花膠煲。正當大家以為最後的炒飯沒什麼特別之際，這個脆米飯絕對令人刮目相看。豬腩肉配脆米飯，為這餐地道的饗宴畫上完美句號。…查看更多

這間食店名叫洪慶，位於李鄭屋邨，已有47年歷史，以燒臘和粵式小菜有名，也有粵式點心供應。店舖面積寬敞，牆上掛了幾張已褪色的圖畫，每枱座位距離寬闊，即使一邊食一邊傾談也不會影響對方。我們先試了生炒骨，份量十足，生炒骨炸得適中，皮脆肉滑，配以酸甜汁，十分醒胃。接著便試侍應推介的豬肺湯，湯呈奶白色，入口滋潤，豬肺也好吃。之後叫了薑葱田雞煲，上枱時已聞到濃濃的薑蔥味，配上熱度十足的煲，聽到滋滋作響，田雞略嫌過熟，所以肉質不夠滑，但味道調較恰當。這一餐我們吃清了每一道菜，下次可以再試不同的菜色。…查看更多

自從搬新鋪後, 未入過來。 賣嘅野無變過。 叫咗個义燒燒鴨雙併飯$37 特別聲明要"肥义"咁就會有正常义燒食嘞。在這裡彷彿"肥义"就是一個暗號, 燒鴨並沒有太特別。反而這裡有八珍雜會炒麵$55 呢個係好多飯館都唔做架啦。所有料頭(豬潤/ 肉片/ 魷魚/ 菜心都齊晒。 豬潤亦落得不少。獻汁調味適中。這天試住咁多 下次有機會會來試飲茶。…查看更多

姨媽介紹喺李鄭屋村附近有間洪慶飯店地道小炒開咗好多年係老字號今日即管去試試🤨餐牌好多選擇好多嘢想叫好多嘢想食😬試功夫必叫🍍咕嚕肉啦真係整得好有水準熱辣辣入味外脆肉嫩😍跟住叫咗個海鮮小炒皇同樣好鑊氣要配🍻啤啤先得😎另外叫咗個西蘭花雙蚌但賣晒轉咗西蘭花蝦球花枝片🦐球新鮮爽口彈牙花枝片大大片有咬口點蝦醬真一流🤤最後叫咗個頭抽豉油王焗🐽扒同樣令你有驚喜😋豉油味啱啱好軟林林嘅豬扒垂涎欲滴食到停唔到口😚姨媽真係冇介紹錯碟碟大碟又好味🙌🏻價錢又合理鍾意食小炒嘅朋友一定要去試下😬…查看更多

📍洪慶海鮮燒臘飯店長沙灣保安道李鄭屋商場114號舖👆🏻呢個係新店地址，不要去咗舊舗呀～*早幾日見到朋友係ig分享呢度嘅盆菜，好吸引！攪到我又即時打電話去訂購咗一個6人份，第二日外賣自取回家，同屋企人做團年飯食😄*盆菜 (HK$988/6人份，HK$1288/12人份)．餐牌上面寫有18種食材，好多料呀🙀．店員會另外俾一支醬汁，加熱慢慢食時，發現唔夠汁可以再加啲👍🏻．每一款食材都好入味，爸媽都好滿意呢個盆菜👏🏻👏🏻👏🏻．4個大食人食呢個6人份都食剩一半，真係好大盆呀！只好留返下一餐繼續食😋*18種食材，我覺得最好食嘅排名：1️⃣ 原隻鮑魚 (好軟腍)、蠔豉大利 (大隻)、蠔皇冬菇(好軟腍)2️⃣ 蠔皇炆支竹(爽口入味)、爽滑豬皮 (爽、腍)、香滑荔芋 (好粉)、清甜蓮藕 (爽脆)3️⃣ 發財豬手 (好軟好腍)、上湯蘿白(清甜無楂)4️⃣ 紅炆腩肉 (太肥，有毛)、古法鯪魚球 (彈牙但不太夠味，返煮入味啲) 、香妃雞 (香滑但味道比較清淡)、游水大蝦 (可以再新鮮啲)5️⃣ 鮑汁花膠、紅燒海參、蠔皇鵝掌、明爐燒鵝、宗谷元貝 - 呢幾款，件數不多，不明顯，可能要鋪高啲係面頭先會見到😅…查看更多

建議： 雖然舊舖已經清折重建 (好可惜)，不過新舖一啲都唔難搵，只係隔左幾個街頭，搬左去李鄭屋商場👍如果之前有留意開長沙灣要清折 弧型轉角唐樓 (1930 年代的戰前唐樓)既新聞，就應該會知道長沙灣老字號 — 洪慶一間專賣燒味、飲夜茶既餐廳，充滿舊香港既味道❤️ 雖然新舖唔打卡able，不過要食老字號就已經令#試伏專員 好想試🤤因為晚市限聚令，所以多左好多餐廳各出奇招，大部份都出左盆菜。今次屋企人落Order話 雖然做冬個排已經食過幾次盆菜，不過想新年前既周末再食埋依間老字號出既盆菜，所以上星期即刻打去訂😋今次試左：12人 HK$1288 (仲有6人量選擇 HK$988) 其實甘多間盆菜，價錢同質量真係成正比，所以重點要考慮既係：用料、份量、新鮮度、地區等等提前左兩日打電話去訂，老闆話每盆即日下午先砌盆，保證盆盆新鮮，提早訂係方便佢地備料👍准時去到舖頭拎，真係「嘩！」有好多盆放左係度等緊人黎自取 番到屋企，大家已經急不及待執好枱，准備開爐食😌 一打開張錫紙好香，超餓😍 ▫️鮑魚、瑤柱、蠔豉、花膠 同 蝦都算幾大隻，仲要係好新鮮，口感唔會嚡▪️份量好足，仲有額外既汁提供，方便一路淥下淥下▫️底層既配料超吸味，蓮藕勁爽！蘿蔔 同 芋頭勁入味。仲有枝竹吸哂啲味▪️唔可以唔提下豬皮🐽，大家都話好有以前食開既味道▫️如果大家想自己加料，可以考慮加蜂巢豆腐12人大盆真係食到個個都好飽，最後雖然食剩好多，不過都無浪費😌 用黎帶飯既就即刻埋pack lunchbox，相信之後幾日一定仲有排食🤣 (姐係好似中秋，日日食月餅🥮 新年過後，日日食糕甘🧧)如果有人想last minute 訂盆菜，可以一試洪慶(年三十至初二都訂得)👍另外，舖頭仲有手製點心，下次再去試下先🤭🙆🏻‍♀️🙆🏻‍♂️大家開心食飯記得都要小心，要使用公筷。多人同住而聚餐既大家庭要更加注意衛生💪…查看更多

衛生同食物質量都要再提升本來今日同父母去食茶餐廳，但最後老豆改去洪慶，吾使咁悶又食同樣野食。以前舊鋪真係太老啦！感覺比較吾乾淨，新鋪光猛好多。始終系老夥計，好多都無戴口罩，老闆應該留意改善吾想食套餐咁悶，叫了兩個老餅小菜，等左排大概15分鐘1。 讓鯪魚 （$128）2分 -哩個菜系老夥計介紹，佢話一定無骨，所以至會叫比老人家食，但其實幾多骨，大家要小心。 講番味道都幾好，有鮮魚味，但吾夠實同煎香。2。 魚腸焗雞蛋 （$78）2分 - 魚腸實在太少，好似食緊蒸雞蛋，無焗香味。…查看更多

這間餐廳好厲害。這個疫症時期多數食店都唔開的時候，但它還在開業。還開24小時。好多餐廳過了12點都已經開始少客的淡市。但佢偏偏夜晚都很旺。當然客多數都是男人。但職員就大部份都是女人。點都好可以在疫症期有一個地方嘆下茶其實已經好開心。這間食店雖然說是新開業。但其實已經歷史悠久。因為佢只是搬舖。舊舖嘅食評唔多講，有興趣自己搜尋。我記得臨搬舖時我都有作一個臨別支持。但其實那時都係第一次去。因為我本人返早班多。很小有飲夜茶機會。講返食物，今次點選了以下幾款：這個我地點了兩個。因為太好食。味道很濃、份量十足。人多一籠真係唔夠😅這個點選的目的。因為睇名字應該係招牌菜。所以點都要試一試。最後當然無失望啦排骨都可以保留到水準。份量都算多。老實說我沒有試這個。因為太飽的關係。但朋友形容都話可以。就應該唔會太差。這個我試過都幾入味。唔算好彈牙。但都可以接受。可能因為放太久。朋友此中覺得無棵菜好像有點唔夠。最後就點了這個菜心作結。價錢就唔太清楚。應該唔會太貴。這裡其實有小菜點選的。但這時間其實很多人都只想飲口茶。一個人的就想安靜一下。一班人就想吹下水。有個地方又唔會嘈到街邊人。又可以食東西都係好事。這裡其實還有很多點心。但因為太夜食東西。所以都唔點太多。以前在舊店最出名的即拉腸粉。今次都無點選了。因為上次都只係覺得不外如是⋯這裡的裝修唔係豪華都唔算懷舊。作為一個街坊食店都算合格。衛生情況比舊店改善了很多。但當然都有進步空間。…查看更多

今日去舊居附近拜年，想順道帶阿仔去試下老字号，特登行一段路去洪慶，點知真是大失所望，阿仔超級鍾意食燒肉，叫碟燒肉飯，阿仔見到直情想喊，完全似隔夜燒肉，賣相唔得，亦全無味道，冇下次。…查看更多