津苑粉麵茶餐廳

營業中

休息中

係昨天下午十二點幾，阿姨去呢間嘢叫碗牛脯米粉，點知碗粉啲牛脯六舊又四舊係肥糕，叫人點食？！ 想叫佢換過碗，即黑面兼態惡劣，又話係咁㗎喇……又話你碗粉挑過哂點換呀！……阿姨食到一肚氣，真係無下次！

知道屋企附近有一間粉面檔屋企人成日去食但我一直都冇咩興趣今日無聊就同家姐去試下講真 個環境就真係麻麻地 真係比較dirty但依d鋪頭係甘嫁啦 預左佢d野食都幾平 一碗面只係要26蚊我個人唔太鐘意食牛 就是但嗌左碗雪吞河碗面黎到 陣味好香個湯好濃 有好香既腩汁味河粉就冇咩特別重點係d雲吞 大大粒 真係大粒到你唔信 仲要有5粒咬落去啖啖蝦 好足料食完5粒都仲係唔夠 因為太足料太新鮮啦

中學時常常來食午餐，因為20零蚊就有個餐，而家大左諗唔到食咩都會外賣個雲吞麵，因為花都附近都冇咩好選擇，呢個啲雲吞算係咁，不過啲對蝦一直都有迷思就係究竟係咪蝦米發大既呢？ 幾年前見到店外曬左啲蝦米，但其實店賣既食物係冇蝦米，不會算啦照食。面係有簡水味的。牛腩米，湯好淡，牛肥左啲，都係出面啲清湯牛腩好食啲。粉嶺真係冇咩野食。

有時不一定食晚飯，可以一家人吃早餐，亦是個令人感到溫暖的一刻；津苑早餐一向為人所詬病，但勝在搵位容易，就算星期天都問題不大。早餐都不外乎港式，自己點了五香肉丁麵，麵身淥得夠透，但肉丁只得少許，將貨就價沒辦法。火腿蛋配方包只是求求其其，火腿就連煎一下都久奉，雞蛋外形得啖笑。檸茶根本不是那一回事，深黝的色澤，苦澀久茶香，唔掂，在下終於明白了。

一個人叫了雲吞河，加凍奶茶。雲吞大粒就係大粒，但係唔好食，仲有少少"叔叔"地味，河粉唔滑。 食到一半己經唔想食。講到奶茶，個杯又污穢，明明話左走甜，仲要黎杯多甜。想點?環境:裝修前和裝修後，改變不大，但明顯改動了的是價錢牌，加價了。但是在現在物價高漲的環境下，$23/碗是不算太貴。地面長期污穢，近洗碗門口，地面長期濕滑。食物:不過不失，粉份量算多，食量小的人會吃不了。服務:女侍應落單，心不在焉，要講好多次，先知你要咩。收銀員長期黑面。最大優點，就是地點方便吧。

這是我叔叔的經歷：我叔叔本身有痛風，不可以吃牛肉有關的食物，所以每次佢吃魚蛋粉的時候，都要走牛脯汁，但每次我叔叔叫完佢地不要落牛脯汁，但最後佢地都要落！我真係想知道這間店的所有侍應及老板的耳朵都底去了哪裡？

非常同意另一食家 stopstop 所言,此店衛生情況是一日差過一日,下午茶餐一味縮短時間,等一般人食唔到,至於雲吞麵的鹼水味奇重,完全無落功夫處理,根本是獨市生意下的惡果,以前放工太夜都會買宵夜,但水準日降之後都沒再食雲吞麵類了.反而早餐偶爾仲會光顧,不過已經係超過半年前的事,今日清食評再講講.沙爹牛肉麵 : 明顯地大光麵都未淥得透,硬心的公仔麵上面放了一”pat”色澤深沉的牛肉,已經醃得失去神彩又無味,唉反而火腿蛋多士仲似樣,話晒都正正常常吖!多士仲熱喎!凍檸檬茶似糖水清潔阿姐拖地真係濕到無話可說.所以大半年無去係正常既.

這家餐廳一向不乏客源, 原因不是她特別好吃, 只因她是花都廣場的獨市生意, 只有她售賣雲吞河、牛腩河, 這些粉麵類食物,粉麵類食物雖然普通, 但很多香港人對他情有獨鍾, 所以她吸引了許多貪方便、不想走到老遠找食店的食客。這家餐廳出品味道中乘, 雖然沒有特色, 但偶然用來充饑也不算難食,可惜, 她的衛生情況每況愈下, 拖地後, 沒有等地乾就開舖, 導致地面濕滑, 且有一個個黑色的水印, 既不衛生, 亦易生危險,洗碗的地方非常接近食客, 而且很髒, 導致店內有 蒼蠅 出沒, 盛筷子的筒亦充滿積水。說回食物, 我這次點了雲吞河餐, 我媽媽點了一片多士,我不知廚子是不是很久沒有洗廚具, 碗中不乏黑色一點點類似獲焦的物體。太子女為我們寫單, 合共: $30, 我們認為是 $29, 便跟其中一名待應反映, 因為當時太子女小姐正在講電話, 一碗雲吞河 $18, 一個雲吞河餐(包一杯飲品) $21一片多士 $8, 一個多士餐 (包一杯飲品) $12當她的員工跟她陳述事件時, 她即時發難大叫: 改 law, 我無 d 人計得咁盡, 差 $1 都同我計, 明顯, 今次不是我們的錯是餐牌設計的問題, 不同的

呢間嘢喺屋企樓下, 間唔中都會食吓佢啲牛腩一般, 水準唔穏定, 一時好食, 有時又會un到飛起今日三個人去咗食, 要咗一個淨雲吞, 一個雲吞麵, 一個芥蘭, 一個牛肚河同一個細o既淨牛腩雲吞依舊好足料, 好大粒, 跟麵就5粒, 淨食有7粒, 兩樣同價$18, 好抵食有啲人話食雲吞細細粒先好食, 我就覺得大大粒有口感是夜啲牛腩好好味, 完全唔痴牙, 正

成幾個月無食.個日UNCH 一個人去食. 牛什河.湯好濃.味道無咩點變, 都仲係好好食.....不過食完係7仔買左支大烏龍茶, 唔洗20分鐘飲晒.....點解?? 因為小弟一食左重味精既野....就會口渴都死.....一支烏龍茶, 咁你話佢地有幾多味精.

一坐底待應就擺左兩杯茶黎, 佢d手指插晒入杯水度, 點飲啊見到廚房裏面都幾污穢下, 個地下好多垃圾又多水叫左碗魚旦麵同牛腩粉魚旦不太彈牙但出奇地有魚味麵就有好重鹼水味同好諗加左腩汁但都好似清湯底咁, 仲飲得出有味精d牛腩我唔識分係清湯腩定候柱牛腩d牛腩個樣似候柱牛腩咁既紅紅地色, 但個湯又好清, 牛腩食落又無乜候柱味不過口感都似食緊牛腩, 因為夠un d河粉一夾即散, 似河漿

我幾鍾意黎呢間小店食粉面唔通太細冇乜人知?我覺得佢d粉面做得好出色丫牛什係必食好夠味, 又夠腍而且service好好, 老細勁好人~收好夜架, 成日食宵夜, haa