泰Cow

營業中

休息中

想搵一間性價比高，環境OK的泰式餐廳並唔容易。今次係第一次試呢一間餐廳，屋企人都覺得意外地有驚喜，回頭率高。我地係中午12點打去book即日的，同事回覆只有6點坐外面，並需要8點前交枱。呢間餐廳比較適合揸車嘅人士去，跟住Google Map，都唔算太難搵。嘢食方面，以這個價錢的話，份量很足夠很大份，雞肉串燒一條等於其他餐廳兩條咁滯蝦餅每一件都好大舊。我地仲食咗咖喱炒蟹、馬拉盞炒通菜、金磚蒜蓉包、海南雞、燒盲槽魚、泰式炒金邊粉，咖喱炒蟹都好大份，蟹肉新鮮。比較遜色的係海南雞同盲槽魚，魚肉燒得唔夠透唔夠入味，海南雞就一般般環境方面，坐入邊會比較嘈同逼，坐出面就有少少去咗旅行嘅感覺，如果唔太熱嘅話都舒服。員工都有禮貌有熱誠。總括來講，環境同質素都有驚喜，性價比高，下次會再來吃

今日放假特登揸車入去呢間食泰國菜睇其他食評見到環境都幾靚室外環境比想像中細今次我地就選擇左坐室内 我地係有預先book位 當晚都叫滿坐既我地叫左好多野食 芒果沙冰同柚子沙冰都唔係一般嘅用生果整既沙冰感覺只係用果汁整既冬陰功湯正常唔夠濃郁味道偏酸咖喱磚推薦 個包口感幾好但係啲咖喱一般焗烏頭正常 醬汁都OK馬拉盞炒椰菜苗 唔知點解我哋全部都食到有陣牛屎味😅 不推薦生菜包嘅豬肉偏鹹同埋一啲都唔辣比較適合港人口味黃咖喱豬肉味道OK 呢款咖喱同麵包磚嘅咖喱係唔同 呢款係好食啲即泰式海鮮粉絲沙律 一般 小食拼盤 OK推薦 菠蘿炒飯味道OK整體來說覺得呢間泰國菜都係比較適合港人口味

位於元朗逢吉鄉嘅呢間餐廳比較偏僻，冇公共交通工具去到，只可以的士/UBER/自己揸車入去。如果揸車都係泊係門出口出面馬路兩旁，冇特定泊車位置，如果假日繁忙時間，揸車可能需要早小小搵位。呢間餐廳有提供室外室內用餐，想帶埋寵物黎都冇問題，坐出面既話眼見有埋蚊香點，唔洗怕好多蚊。因為臨時決定食呢間，所以都係即日下午打電話BOOK當日晚飯時間(閒日)，如果假日一定要預先訂座，因為都算多人食，試過BOOK左都要等一陣位，加上出面等位位置冇冷氣同多蚊。🌴金磚蒜蓉包拼雙色咖哩 (4件) $68評分：★★★★☆金磚可以話係全場每枱必點之一菜式，四件正正方方嘅磚，蒜蓉味十足，又熱又脆，如果再重小小牛油味會更正！但點埋黃、青咖哩兩隻醬都好正，外面酥脆內裹軟熟，好惹味，值得點。------------------------------🌴泰式生蝦刺身(6件) $118評分：★★★★★生蝦大大隻，望落晶瑩肉厚，食落啖啖肉得黎又爽口！配埋薄荷酸辣醬汁，好惹味！3個人每人分得2隻真係唔夠喉。但十分值得Order!!!------------------------------🌴青木瓜鮮蝦沙律 $88評分：★★☆☆

完全冇想過咁偏僻嘅地方會有食店，如果冇咗Google都唔知點嚟。一去到見到，原來隔離就係個camping 地方，環境好舒服好靚，而且地方好大，可以帶狗狗去嘅好地邊。叫左兩個set lunch 咖喱豬扒飯，肉碎炒河,再加蒜蓉包咖喱豬扒飯，咖哩好香，豬扒比較硬肉碎炒河真係好一般蒜蓉包有驚喜，有黃綠咖哩汁，好好味加10蚊有芒果沙冰，都實講好鬼甜。總結：食物一般，價錢比較貴，店員服務態度其實真係幾差，應該冇下次。

太耐冇去泰國旅行真係好想食泰菜今次揀咗泰Cow雖然地點唔係太方便揸車🚗會有免費泊車去到好有驚喜感到好泰feel環境舒服放鬆見到餐牌流晒口水樣樣想食老闆娘推介食蒜蓉包金磚同紅咖喱大頭🦐最後我哋兩公婆點佐五個菜（1）蒜蓉包金磚（2）紅咖喱大頭蝦🦐（3）生蝦刺身（4）炭燒🐷頸肉（5）辣椒羔炒聖子兩個人咁多嘢食全部食晒正宗泰國菜原來廚房班底係以前黃金海岸香辣屋泰國廚師👨‍🍳老闆娘知道我生日仲送佐份甜品比我❤️好彩我哋下午去唔太多人如果星期六、日就要book位老公話會再去幫襯因為正宗好味泰菜唔易搵到

三年前初初做屯門牛，會周圍搵下附近有咩特別既餐廳食下飯，上網搵到呢間泰cow，好似幾特別，就同屋企人去試吓。呢間餐廳係好入下，冇公共車到，只能call的或駕車，沿途會經過冇街燈既村路…餐廳外泊車位置不多，到達時已泊滿，須花時間尋找泊車位，亦要小心不要泊在私家地方及人地屋企門口… 花了20分鐘才順利泊好… 建議駕車人士早啲來… 餐廳地方很大、寛闊，可選擇室內或室外位置，我哋選左坐室內。服務很好，食物質素亦ok，但不算十分突出。總括用餐經驗良好～

母親節當晚同家母、姨媽同表姐加兩隻狗狗一齊去食飯 因為呢間餐廳有戶外座位 方便帶狗我地book左6:00 準時去到 但入席時無人叫我地填紙仔或檢查我地有冇用安心出行更加係無人幫食客量體溫 就帶左我地入座叫晒野食 食左兩味餸既時候 出面突然之間好多警察 啲職員就突然之間好緊張咁叫啲食客快啲做番安心出行 可能佢地係驚啲警察入嚟check 佢地有冇做足防疫措施我一直都無用安心出行 所以出去餐廳食野我都係用填紙仔方法 我就叫職員（男）俾張紙仔我填 佢就話佢地冇紙仔 65歲以上先填得 我當刻聽到都唔太理解 我再問另一位職員（女/短髮）問佢有冇紙仔俾我填 佢都話無 我問點解會冇？我話我無用開安心出行可以點算？呢位女職員就話佢地係實行緊plan c既餐廳（即員工至少打一針及食客要強制使用安心出行）佢再加多句：而家香港人唔會無人用安心出行 我聽完呢句就發晒火 我話我點知你間餐廳係plan c?訂位既時候或者帶位既時候都無人講過 我話呢個根本唔係食客既責任 更何況帶入席既時候完全冇人理過啲客有冇用安心出行呢位女職員由頭到尾都非常理直氣壯 坐我地後面果枱客可能想做和事佬 講左句：唔好嗌啦 好少事姐！呢位女

今日入咗元朗嘆泰菜😂😂呢度環境好Chill，又可以幻想自己喺泰國啦😂😂首先都係叫個小食拼盤開吓個胃先😂😂都幾大碟吓🤩🤤入面有串燒、蝦餅、魚餅、春卷、雞翼！種類都算多！最好食我覺得係蝦餅同雞翼😍😍其他都ok😋之後就例牌會叫嘅燒豬頸肉🤤好食，唔嚡，點埋個醬汁！Very Good😋之後海南雞都好滑呀🤤🤤啖啖肉👍🏻唔錯！另外個辣椒膏炒蜆，好香🤩我唔太食得辣都接受到！好惹味🤤正！之後個蒜蓉包都好香！不過我覺得唔夠脆😆但都算好食😋👍🏻最後個生蝦同大蝦煲壓軸😆😆生蝦好爽口呀！加埋蒜頭點少少醬汁，真係又開多次個胃😂大蝦煲超多粉絲😍😍😍索晒味！D蝦算多！食晒呢個真係勁飽👍🏻👍🏻-泰Cow小食拼盤 $168-炭燒豬頸肉 $68-泰式海南雞 $188-泰式辣椒膏炒蜆 $88-金粒蒜蓉包 $68-生蝦刺身 $138-泰式粉絲大蝦煲 $228

地方偏遠,坐位舒适,清潔度還可以。食物質數沒想像中好, 我見好多人叫蒜蓉多士,我又叫黎食下。看到OPENRICE食評熱門係蒜蓉多士,說不上好食!普通一杯芒果沙冰,比我屋企樓下屋企間泰国菜館還要差。WAITER只有落單高高瘦瘦既男人有礼貌,會主動SELL下佢地既食物。其他員工好似食左火葯咁,勁躁!可以用無礼貌黎形容。埋單只收現金。感覺很差,不會再幫襯!

食物：可以接受 燒豬頸肉和燒鱔值得一賺 其餘食物屬普通 可以接受環境：坐戶外較有風味 難得有微風 黃昏時不算熱 亦有錦鯉池等玩意上餐時間：極度遺憾 每枱客都係催單催單再催單 唔知以為食緊fine dinning 最後我有三樣菜取消不要了 實在不能再等 服務：個別侍應態度極差 人手不足不是客人責任 侍應根本不能應付食客所需 有職員更與客人展開駡戰 母親節去了真的後悔 討厭餐廳應付不了客人流量但又強行接待 雙輸 看了其他人的正食評實在莫名其妙 可能是倒霉吧 總括而言 我不會再去

餐廳位於元朗逢吉村, 唔係朋友揸車真係唔識黎呢度. 因為入左村, 環境非常寧靜, 坐OUTDOOR 真係好似去左泰國咁.野食份量都夠大, 上菜速度極為快手 (呢樣野好似好多泰國菜館都係咁)冬蔭功湯: 夠哂濃味, 又夠酸味. 只係微微辣, 食唔到辣既人都可以叫呢個生蝦: 蝦肉好爽口, 新鮮燒豬頸肉: 燒得岩岩好, 仲好有肉汁. 好味到無點個醬黎食都得生菜包: 香料味唔係好夠, 有少少失色呢海鮮波蘿炒飯: 足料炒隻, 好野味金磚蒜蓉包: 呢個真係強烈推薦, 好味到不得了. 焗到外脆內軟, 蒜味又夠香. 配上黃咖哩, 青咖哩, 各有特色. 芒果糯米飯: 有糯米+紫糯米. 好大份, 夠哂4個人一齊食.

適逢新年期間朋友仔搬咗入元朗都未探過佢佢本身話帶我哋去食一間好出名嘅泰國餐廳喺佢屋企附近點知我哋去到嘅時候完全見到冇人手嗱嗱聲即時轉太去咗呢間唔係講笑好彩朋友仔有車望住佢揸車入嚟呢度唔知去咗邊個荒山野嶺唔知以為賣豬仔仲諗緊呢間餐廳唔會好多人因為都真係幾長途跋涉點知入嚟嘅時候幾乎爆曬不過話實佢啲嘢又確係幾好食我嗌左個香蔥豬扒雞翼飯我本身個人就好鍾意食蔥所以佢有咁多蔥真係覺得好正而且啲豬扒同啲雞翼都好惹味仲有個杯龍眼冰消暑解渴不過老公嘅炒金邊粉我就覺得淡咗啲不過份量來講就贏咗😆

對我黎講呢間泰cow係隱世泰國美食位於元朗新潭路逢吉鄉入面丘生唔車我入去食我都唔知呢度有間咁好食既泰國菜食去前丘生話有個蒜蓉包好好食大頭蝦好大隻我聽完之後已經第一個order就係-金磚蒜蓉包（拼雙色咖哩）-炭燒越南大頭蝦-泰式炒河（豬/牛/雞/海鮮）我地叫左呢3道菜式真心好好食金磚蒜蓉包好出色，好好食大頭蝦一分二，好多膏，味道勁正泰式炒河，我地揀返牛，因為我對豬同雞都麻麻地原本仲想加埋炭燒豬頸肉但我地驚食唔落，留返下次先order黎食

有屋企人提議入元朗遊下車河，遊完之後緊係要搵野食醫飽個肚，已經好耐無在街食晚飯，屋企人就提議揸車入黎食泰國野！地方雖然好偏僻，但環境好有泰國風味，由於是即興決定，所以無訂位😔點知真係無得walk in，但老細好好，當晚係6:15就同我地講，你地一係在出邊等一陣，如果客人仲未黎，就安排我地入座，點知好好彩！等左10幾分鐘之後，就安排我地入座！要超級感恩食到一餐好好味的晚餐，所有食物都熱辣辣😋第1️⃣樣上枱食物是豬頸肉，夠熱，個醬汁好正！第2️⃣樣係炒飯🍚同生菜包，生菜包除左顏色略欠吸引之外，味道很好！炒飯就較為普通第3️⃣樣鹽焗烏頭🐟，而個真係要講！好好味！！！魚質好滑，又無青草味，唯一要扣分的係，中間有少少唔熟，但都離骨，不過見到有少少血！但都好好味！最後上菜的竟然係蒜蓉包🤣🤣🍞，蒜蓉包外脆內軟，配埋個黃咖喱醬同青咖喱醬，超級好食！

呢間隱世泰國餐廳幾高質，免費泊車位多，環境靚，有大大條錦鯉、得意兔仔睇，夜晚著燈幾有feel～ 除左薄餅之外，其他嘢食賣相幾好，味道都唔錯，咖哩會偏甜，鳳爪同冬陰功湯偏辣，小食拼盤大份。三個人嗌咗勁多嘢😂 因為新年假期，所以要加二，價錢就比較貴。初八或之後就回復返加一，咁就抵食啲啦。有下次吖😋